【清明．培墓】
清明到矣，較早聽序大講「培墓」（puē-bōng），攏想講彼字是「跋桮」（pua̍h-pue）彼字「桮」，而且「培墓」有時可能會跋桮，所以才會講「培墓」。後來大漢才知影是完全無仝意思、而且嘛無仝聲調。
「培墓」是指整理墓、土地、清潔等等个意思，而且閣會傳牲醴。
tsit-má有字典通好看，閣較好理解，這字「培墓」（puē-bōng）、聲調閣有寫法，實在真利便。
清明培墓，咱會使好好用咱爸母語言，用真心好好和先人傳達咱心內个話。
＝＝＝＝
清明節到了，以前聽長輩說掃墓的台語「培」，都想說那字跟「跋桮」的「桮」同意思，而且掃墓有時可能會跋桮，所以才會講「培墓」。後來長大才知道是完全不同意思，而且也不同聲調。
「培墓」是指整理墓、土地、清潔等意思，而且還會傳牲禮。
現在有字典可以看，更好理解，這個字「培墓」（puē-bōng）、聲調還有寫法，實在很方便。
清明節掃墓，我們可以好好用我們的父母話，用真心好好和先人傳達我們心裡的話。

看世事講台語"單元所有影片及文字，是公共電視及李江却台語文教基金會合作製作。歡迎大家 link 做非營利教學使用。

新聞標題：
台中陳家後壁古厝 百年庄頭強欲拆
拄好佇14期重劃區 地方向望保留古厝

諺語：田螺痛尾溜(Tshân-lê thiànn bué-liu)
佮『後悔莫及』仝意思；tsit-má一時歡喜，到路尾後悔都袂赴。

內文：

小朋友來到陳家後壁老厝
Sió-pîng-iú lâi-kàu Tân--ka āu-piah lāu-tshù
迎接in的是百年的老榕樹
gîng-tsiap--in-ê sī pah-nî ê lāu tsîng-tshiū
佮一个對唐山揹過來的石頭公
kap tsi̍t-ê tuì Tn̂g-suaⁿ phāinn--kuè-lâi ê tsio̍h-thâu-kong
聽講有兩百外年的歷史
thiaⁿ-kóng ū nn̄g-pah-guā nî ê li̍k-sú
小朋友攏感覺誠好奇
sió-pîng-iú lóng kám-kak tsiâⁿ hòⁿ-kî

老厝的塗埆是用田內底的塗一塊一塊做的
Lāu-tshù ê thô͘-kak sī īng tshân lāi-té ê thô͘ tsi̍t-tè tsi̍t-tè tsò--ê
抹壁的物件猶閣會當看著米糠的成分
buah-piah ê mi̍h-kiāⁿ iáu-koh ē-tàng khuàⁿ-tio̍h bí-khng ê sîng-hun
地動 風颱
tē-tāng hong-thai
百年來陪老厝的居民渡過每一工
pah-nî lâi puê lāu-tshù ê ki-bîn tō͘-kuè muí-tsi̍t-kang
老人講起囡仔時的記持
lāu-lâng kóng-khí gín-á-sî ê kì-tî
目睭攏光起來
ba̍k-tsiu lóng kng--khí-lâi

(陳家後壁厝居民陳成賢)
He塗埆創好濫濫咧
He thô͘-kak tshòng hó lām-lām--leh
用牛落去lok
īng gû lo̍h-khì lok
像這欲做古蹟留嘛無要緊啦
tshiūⁿ tse beh tsò kó͘-tsik mā bô-iàu-kín--lah
會使留
ē-sái lâu

(記者：你感覺伊的價值佇佗位? )
Lí kám-kak i ê kè-ta̍t tī tó-uī?
這馬無這號塗埆ah
Tsit-má bô tsit hō thô͘-kak--ah

佇台中市北屯的陳家後壁厝
Tī Tâi-tiong-tshī Pak-tùn ê Tân--ka āu-piah lāu-tshù
完整的部落群
uân-tsíng ê pō͘-lo̍k-kûn
原本是上百人的大庄頭
guân-pún sī tsiūⁿ-pah lâng ê tuā tsng-thâu
這馬嘛猶閣有三十外戶蹛佇內底
tsit-má mā iáu-koh ū saⁿ-tsa̍p-guā hō͘ tuà tī lāi-té
茅草蓋厝瓦、磚仔厝
hm̂-tsháu khàm tshù-hiā, tsng-á-tshù
每一个角落攏記錄著歷史的變遷
muí-tsi̍t-ē kak-lo̍h lóng kì-lo̍k tio̍h li̍k-sú ê piàn-tshian
猶閣有農村經濟的發展
iáu-koh ū lông-tshun king-tsè ê huat-tián
攏佇遮看著完整的縮影
lóng tī tsia khuàⁿ-tio̍h uân-tsíng ê sok-iánn

(台中市社區規畫師呂明聰)
這塗埆大概攏欲倚百年ah
Tse thô͘-kak tāi-khài lóng uá pah-nî--ah
以前猶無瓦鉼的時
í-tsîng iáu bô hiā-phiáⁿ ê sî
就是用茅草蓋厝頂
tsiū-sī īng hm̂-tsháu khàm tshù-tíng
你會當看著世代交替的跤跡
lí ē-tàng khuàⁿ-tio̍h sè-tāi kau-thè ê kha-jiah
就像一齣活的歷史
tō tshiūⁿ tsi̍t tshut ua̍h ê li̍k-sú
佇這个庄頭內底
tī tsit-ê tsng-thâu lāi-té

這一片佔地兩公頃的陳家後壁厝
Tsit tsi̍t-phiàn tsiàm-tē nn̄g kong-khíng ê Tân--ka āu-piah tshù
就佇台中市北屯的十四期重劃區內底
tō tī Tâi-tiong-tshī Pak-tùn ê tsa̍p-sì kî tîng-uē-khu lāi-té
寸塗寸金的市中心
tshùn-thô͘-tshùn-kim ê tshī-tiong-sim
綴重劃區欲動工
tuè tîng-uē-khu beh tāng-kang
面臨消失的命運
biān-lîm siau-sit ê miā-ūn
地方人士向望
tē-hng jîn-sū ǹg-bāng
至少會用得部份保留
tsì-tsió ē-īng-tit pō͘-hūn pó-liû

(國民黨台中市議員陳成添)
這巷仔 這馬保存一个
Tse hāng-á tsit-má pó-tsûn tsi̍t-ê
三合院情景的古厝
saⁿ-ha̍p-īⁿ tsîng-kíng ê kó͘-tshù
(台中市)這馬已經真少ah
(Tâi-tiong-tshī)tsit-má í-king tsin tsió--ah
kā伊編做公園預定地了後
kā i pian tsò kong-hn̂g ī-tīng-tē liáu-āu
予政府來做一个修護
hō͘ tsìng-hú lâi tsò tsi̍t-ê siu-hō͘
保存伊原來的面貌
pó-tsûn i guân-lâi ê bīn-māu

百年老厝的庄頭
Pah-nî lāu-tshù ê tsng-thâu
比袂過都市的開發
pí bē kuè to͘-tshī ê khai-huat
干焦會當透過政府的力量來介入
kan-ta ē-tàng thàu-kuè tsìng-hú ê li̍k-liōng kài-ji̍p
地方人士向望講
tē-hng jîn-sū ǹg-bāng kóng
予老厝變做公園
hō͘ lāu-tshù piàn-tsò kong-hn̂g
原地來保留
guân-tē lâi pó-liû
予伊成做一个活的百年庄頭
hō͘ i tsiâⁿ-tsò tsi̍t-ê ua̍h ê pah-nî tsng-thâu
毋通予一棟一棟的懸樓取代
m̄-thang hō͘ tsi̍t-tòng tsi̍t-tòng ê kuân-lâu tshú-tāi

看世事講台語"單元所有影片及文字
是公共電視及李江却台語文教基金會合作製作
歡迎大家 link 做非營利教學使用

新聞標題：
看板預告世界末日 祀(tshāi)佇街頭引人注意
日本地動予人搭嚇 過路人看甲心驚驚

諺語：
時到時當，無米才煮蕃薯湯
Sî kàu sî tng, bô bí tsiah tsú han-tsî-thng.
「當」是擔當的意思，「蕃薯湯」是過去散赤人的主食。這句諺語佮華語的『船到橋頭自然直』仝意思；就是講，就算境遇無好，代誌到路尾總會有法度處理，無需要操煩siunn 濟。聖經嘛有一句類似的話：「一日的艱苦，一日夠額」。

內文：
大大大的看板
Tuā-tuā-tuā ê khaɾng-páng
審判日對尾仔算來進入第66 工
Sím-phuànn-jt uì bué-á sng--lâi tsìn-jp tē lk-tsp-lk kang
徛佇咧人潮來來去去
khiā tī-leh jîn-tiâu lâi-lâi-khì-khì
高雄有名的景點「城市光廊」
Ko-hiông ū-miâ ê kíng-tiám Siânn-tshī-kng-lông
因為日本地動真嚴重
in-uī Jt-pún tē-tāng tsin giâm-tiōng
民眾看來感覺像咧預告世界末日到looh
bîn-tsiòng khuànn--lâi kám-kak tshiūnn leh ū-kò sè-kài but-jt kàu--looh
（高雄市民）
就是驚講會死翹翹
Tō-sī kiann kóng ē sí-khiàu-khiàu
(記者問：看著敢會煩惱？)
Khuànn--ti/h kám ē huân-ló
加減啦
Ke-kiám--lah
有人愈看愈驚
Ū lâng jú khuànn jú kiann
嘛有人無受影響
mā ū lâng bô siū íng-hióng
（高雄市民）
無遮嚴重啦
Bô tsiah giâm-tiōng--lah
Henn 啦
Henn--lah
逐家莫驚惶啦
Tk-ke mài kiann-hiânn--lah
因為日本的震災
In-uī Jt-pún ê tsìn-tsai
媒體連紲幾日報導驚--人的災情畫面
muî-thé liân-suà kuí-jt pò-tō kiann--lâng ê tsai-tsîng uē-bīn
相關的末日言論較會引發民眾聯想
siong-kuan ê but-jt giân-lūn khah ē ín-huat bîn-tsiòng liân-sióng
精神科醫師嘛表示
Tsing-sîn-kho i-su mā piáu-sī
人面對災難佮驚惶
lâng bīn-tuì tsai-lān kap kiann-hiânn
難免會有焦慒
lân-bián ē ū tsiau-tso
家己應該愛調適壓力
ka-kī ing-kai ài tiâu-sik ap-lk
（台灣精神醫學會陳正宗理事長）
民眾會有(焦慒) 會使莫看
Bîn-tsiòng ē ū（tsiau-tso） ē-sái mài khuànn
抑是伊看著伊需要的訊息
iah-sī i khuànn-ti/h i su-iàu ê sìn-sit
一般伊猶是愛倒轉來(正常生活)
it-puann i iáu-sī ài tò-tńg-lâi（tsìng-siông senn-uh）
遐的一定會有影響
hia--ê it-tīng ē ū íng-hióng
焦慒症頭會出來
tsiau-tso tsìng-thâu ē tshut--lâi
看著遮爾濟(災難)
khuànn-ti/h tsiah-nī tsē（tsai-lān）
拄著這个時機
tú-ti/h tsit ê sî-ki
不過咱知影人就是需要處理壓力
m-koh lán tsai-iánn lâng tō-sī su-iàu tshú-lí ap-lk
醫師表示
I-sing piáu-sī
只要透過充足的睏眠
tsí-iàu thàu-kuè tshiong-tsiok ê khùn-bîn
平均的啉食、運動
pîng-kun ê lim-tsih, ūn-tōng
安排娛樂佮解壓
an-pâi gôo-l/k kap kái-ap
這五項準則來消敨心內的壓力
tsit gōo hāng tsún-tsik lâi siau-tháu sim-lāi ê ap-lk
猶是會當正面樂觀面對每一工
iáu-sī ē-tàng tsiànn-bīn l/k-kuan bīn-tuì muí tst kang

PNN 台語新聞「看世事，講台語」是 PNN 佮公視台語新聞，以及李江却基金會佇網路頂­懸合作的一個新單­­元。主播許雅文，每­禮拜招逐家來看幾條­仔新聞，看新聞來學台語­文字是誠利便。而且雅­文­閣會佇每­­­一­擺新聞播煞的時陣，講一句台灣俗諺，抑是典雅，­趣味的台語文字。請­逐家­做夥­來­，用台語講看覓喔！阮若是有寫毋對，抑是用毋對的­所在，嘛請大家無棄嫌，­多­多­­來 kā ­阮指教討論～