雖然這篇仙岩路租屋鄉民發文沒有被收入到精華區:在仙岩路租屋這個話題中,我們另外找到其它相關的精選爆讚文章
在 仙岩路租屋產品中有2篇Facebook貼文,粉絲數超過2萬的網紅君子馬蘭頭 - Ivan Li 李聲揚,也在其Facebook貼文中提到, [係又SPAC,唔係又SPAC!]真係夠膽死叫 Just Another 的。果然係又SPAC,唔係又SPAC。令我諗起《點解咁好笑》嘅「公司篇」(如圖),呢位係「係又經理」,呢位「唔係又經理」。居然畀我搵到片(https://ytube.io/3F0s)!但去到嗰個位咁啱停咗!邪門到呢!(&)但信...
仙岩路租屋 在 君子馬蘭頭 - Ivan Li 李聲揚 Facebook 的最讚貼文
[係又SPAC,唔係又SPAC!]真係夠膽死叫 Just Another 的。果然係又SPAC,唔係又SPAC。令我諗起《點解咁好笑》嘅「公司篇」(如圖),呢位係「係又經理」,呢位「唔係又經理」。居然畀我搵到片(https://ytube.io/3F0s)!但去到嗰個位咁啱停咗!邪門到呢!(&)但信我,你眼力好見到係寫住「係又經理」「唔係又經理」。(*)
============================
告個急先:Ivan已被炒,3月開始失業。未訂嘅記得訂Patreon,積小成多呀。訂咗嘅可以考慮加碼(https://bityl.co/4Y0h)。 一星期至少出返六篇文.月頭訂最抵!月費80
==============================
1. For some reason(主要係忙,懶,掛住同讀者飯,仲有睇戲),牛年居然都未寫過一篇長文(大師冇點你 讀者請食飯嗰啲唔計啦)。都同大家拜個遲年(不如中秋先丫?),恭喜發財,最緊要發財。咁牛年當然畀好文大家,雖然未必幫你即時發財。
2. 係喎,「又一間」SPAC申請上市。真係股災先兆(災咗啦)。點解?因為間嘢真係叫「又一間」SPAC!好有《精裝追女仔》住宿「一流」大酒店嘅 feel
3. 真係玩無可玩了,一個月前已經有人入紙整間SPAC,叫做LMFAO。真係叫 LMF Acquisition Opportunities.
4. 今次呢間?名都費事改。「是但啦」。好似你去仙踪林(#)叫杯「隨便」咁,聽講呀茶師傅會睇你個氣色調杯嘢畀你。我估師傅見到我應該整杯鉛筆碎搞勻溝水畀我飲,因為我嘅人生我嘅口面就咁上下。仲要搵個爛杯嚟裝,唏,我地邊個有誰嘅人生唔係千瘡百孔千刀萬剮呢?(所以我從來都唔會叫「隨便」)
5. 關於SPAC,實在冇乜好講。因為真係半年前已經寫得好詳細(https://bityl.co/5i2L)冇呃你。咁香港特色梗係咁,冇嗰樣整嗰樣。美國佬多SPAC然後坡佬又話要引入然後就有人屌香港做乜唔引入,食老本只靠北水(3000億成交喎,新加坡幾多億?)。到引入咗呢,就會領嘢,又出嚟講做乜要人有我有,人地乜乜乜冇可比性。的確,美國有集體訴訟喎,香港冇。當年亦係用呢個原因反對同股不同權(利申:我由頭到尾都反對)。咁而家講SPAC又唔提呢樣嘢?又唔係冇可比性?
6. 至於坡國啦喎,一路都出各式招數搶香港生意,做得好大膽做得好爛添。由N年前嘅Zero Strike Warrant去「複製」你啲中資股,到率先又搞同股不同權(再講一次,混帳之極嘅東西),而家又係SPAC行頭。粗俗啲講句,你就假假地都大場,係咪要同啲企街一樣咁爛?人地畀人唔用套中出你又比?
7. 當然SPAC並非十分爛(冇同股不同權咁爛),問題係,屌,你估新發明?上個月意大利到港無敵新名牌子?SPAC有咗至少廿年(好多人真係世界由自己開始)。點解之前冇人提?因為搞唔起!點解搞唔起!因為成日輸錢!
8. 咁當然,呢啲以前嘅事啦。最近一兩年啲SPAC,好多都賺錢嘅。點解?「因為根本呢一兩年好多股票都賺錢!」。再講白啲,就係錢多人傻,乜公司都搞一輪
9. 至於SPAC有乜好處,舊文已經有講,寫咗四五千字,訂Patreon自己慢慢睇。但肯定嘅係,SPAC並唔係「跳過投行」—而家啲人真係好撚好笑,投行業績強勁,正係因為SPAC袋咗唔少。
10. SPAC最大好處當然係快!唔使咩審批IPO,集咗資先。吾友高天佑都有寫(https://bityl.co/5i2p),用買衫做比喻。我就再粗鄙啲,即係錢你就畀咗10蚊先先,女你就唔知整件乜畀你,神秘禮物。太夜call唔到女就回返水畀你。咁你信雞頭唔會跣你搵你笨咪得,唔會明明冇好嘢都夾硬整件嘢費事回水。
11. 留意呢個同雞頭嘅能力冇乜關係,可以無能但老實,或者精甩邊但昆你兼昆埋條女。咁呼之欲出了,道德是甚麼?不外乎就係 track record,重覆交易。咁我唯一(應該係誰一?)一次推過隻SPAC,正係李澤棍同Peter Thiel。
12. 咁但其他嗰啲LMFAO 或者 Just Another SPAC,就真係Club House 神秘房了。隨你。但美國有集體訴訟,香港冇。你諗你。新加坡?新加坡連ThisAV都禁呀!(我當年出trip的確禁咗),你唔學?新加坡香口膠都唔畀食添呀。
13. 拿,牛年第一篇文,應該冇令大家失望吧?「有失望就睇埋啲(*)」。都係嗰句,表演完我就拎個兜出嚟問大家拎錢啦。半個月後就失業。實不相瞞搵工都冇乜回音,證明公司待我不薄。
==============
14. 2021比別人知得多。subscribe now。Ivan Patreon,港美市場評點,專題號外,每日一圖,好文推介。每星期6篇,月費80,半年已1300人訂!(https://bityl.co/4Y0h)。 年費仲有85折
(*)睇到了,當然係諷刺大公司叠床架屋,結構臃腫,一大班中層經理冇嘢做,真係預言書。段片最初嘅小故事亦係講同一樣嘢。果然一早睇到(**)。然後而家卒之因為科技同各樣嘢,就開始去中層化去中介化,詳情可睇吾友高天佑嘅《中產必須死》。唔詳情?咪睇我嘅《被炒記2.0》,3月中刊登。由被炒記1.0寫到被炒記2.0,都係7年光景啫。唏,狂舞派都由1拍到3啦!仲cap咗唔少水(我講我,唔係黃修平)
(**)唔止,你發現入面仲諷刺好多嘢,例如員工在公司做自己嘢呀,老細搞秘書呀咁!最正係,三十幾十年嘅笑料,你發現而家都識笑!因為而家嘅辦公室都係一樣!
實在唔止《點解咁好笑》係咁。你睇《週日床上的顧西蒙》(居然係1998年嘅書,但留意原文係1979-1984年,早過點解咁好笑嘅1988年),都發現入面有啲嘢咁多年都冇乜變!公司annual dinner呀,搵個識英文嘅出去和番呀,老海鮮譚爺呀,韋小寶Micheal呀,會計佬黃金來呀,梗有一個在左近!
所以好老廢一句:有啲嘢會變,但又有啲嘢係不變的。唔止職場,你睇《點解咁好笑》嘅主題曲,「交通困塞有車都失意義」「租屋似慘過登天不太易,山頂卻通處空屋空置住」,今日依然係咁!正如「炒金炒股炒紙」「影星愛戀阿嬸天天注視」亦話你知英殖年代香港人嘅核心價值係乜。仲唔信嘅,聽多次《話知你97》,或者《我至叻》。呢啲就時代曲 ZeitGeist啦!阿叻在紅館開7場演唱會添呀!知唔知嗰個年代在紅館開演唱會係件大事?同年在紅館開演唱會嘅,係羅文周華健Beyond陳慧嫻張國榮劉華黎明張學友彭羚許志安鄭秀文。
再同樣地,遲《點解咁好笑》幾年(感覺好似爭好多年!)嘅《笑星救地球》,睇下歌詞:「大氣頂穿左個窿 醫生也得傷風 炎寒熱到慒 暑季偏偏刮北風」,係咪發現而家都係咁呢!一早知道 climate change啦!但有冇做嘢?冇!(我有!唔生仔!)。所以人類都係冚球鏟的了,唔使諗。當然仲有「淑女想收腰 早餐晚餐都要小 難為在遠方 飢荒吔蕉當豆苗」。貧富不均呀,過去三十幾年有冇改善到?你話呢?
(&)呢度仲想講多個故事。我同學,真係我同學。話說佢有年去圖書館,見到某本書,唔知睇目錄定內文,見到話書尾奉送一個表定圖嘅拉頁,佢覺得十分正。想撕落嚟。結果佢揭到去嗰頁?發現一早畀人撕走咗!故事教訓?當年未做金融嘅我,就同佢講佛經,呢啲就係「鬼上身」,「惡」就係由此起。而家做金融嘅我,一個字:Efficient Market.
(#)留意唔係仙跡岩!雖然三十歲以下應該仙跡岩都唔識!不知有漢 無論魏晉。
仙岩路租屋 在 龔成 Facebook 的最讚貼文
【龔成問答信箱】(Q16161-Q16180)
Q16161:
龔老師你好,我今年29歲,剛買樓,俾完首期後儲蓄只剩下2萬,之後扣取家用及供樓等必要開支,每月應可儲5500,請問我可以點樣理財令自己財富增值?謝謝!
龔成老師:
如果現金不多,會建議$2萬留現金,唔好動用。
而每月就每月$3000股票,保持財富增值。
你29歲這年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先。
你可以考慮盈富(2800)$2000。
另外再加1隻(每隻$1000):銀娛(0027)、恆基(0012)、中銀(2388)、港鐵(0066)、煤氣(0003)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
如果你不懂股,就集中供盈富$3000。
現時大市波動,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16162:
老師,我想上你的堂,但沒錢報讀,點算?
龔成老師:
我有一個3年前的學員,佢當時19歲,讀緊書,無錢,之後為左讀我的班,去馬會做兼職,利用自己的力量賺到學費,之後投資算是有少少賺,總之,所有錢都是佢自己努力得來,而家22歲,好有前途。
你都加油。暫時無資金,但唔好因此而停止進步,你唔一定要報我的班,但就一定要想方法突破!唔好一世都停留原地!
------------------------------------------------
Q16163:
如果有150萬本金,點投資賺錢好?
股市定樓市?
龔成老師:
如果你本身無物業,可以等機會投資物業,香港經濟將會向下,樓市1、2年好大機會會向下,但相信不會大跌,長遠計,樓市仍會向上。
所以如果你有資金,而未有物業,可留意下。
但如果你本身已有物業,就可以投資股票,建立平衡的組合。加上股市這刻有投資值博率,只要分注投資,同時留現金,就得。
------------------------------------------------
Q16164:
龔老師,你好,我同老公月入約4萬。
依家租屋住$7500/月。
支出約$5000/月。
即可以儲蓄或投資約$25,000/月。
請問我應該作怎樣的投資呢?
盈富基金會否太保守呢?但因為我唔太識股票,最近先開始學習相關資料。謝謝。
龔成老師:
如果你未有投資知識,投資較穩健的項目,是較好的,之後等你有知識先增加其他項目的投資。
你可以做月供股票,又或自行分注投資。好處是將買入價分散,減少一次過高位買入的風險。
你可以將年每月的$10000,用作投資股票,同時增加下投資知識,約半年後先開始加大金額。
你可以考慮盈富(2800)$6000。
另外再加2隻(每隻$2000):銀娛(0027)、恆基(0012)、中銀(2388)、港鐵(0066)、煤氣(0003)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
如果你不懂股,就集中供盈富$10000。
現時大市波動,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16165:
龔成老師你好,本人今年25歲月入$35000,每年大約加薪$2000。扣除開支家用等每月可存$17000。
現在月供
2800 ($3000),
3 ($3000),
66 ($2500),
1928 ($2000)
餘下的就存作現金,現持有以上股票總共23萬,現金15萬
打算把15萬分成三注,每注大約5萬,約恆指每下跌千五點,我就從上述4隻股票當中每隻入一手,不知道策略是否正確。
另外,因最近(3)煤氣的業績不太理想,考慮停止月供,正留意 (12),(823)和(1211),不知道那一隻比較適合我現時的投資組合,還是我應該繼續供煤氣?
因工作穩定,所以不用留太多的現金,希望利用價值投資,把握今次跌市的機會,謝謝老師。
龔成老師:
先講你現時的持股,其實不差的,煤氣(0003)香港業務不強,但中國部分不差,中短期雖然較一般,但見佢的長遠發展力仍在,但就要耐心點。
我睇翻佢近年在中國的投資,仍是保持進行的,每年都有幾十億,這些投資不會好快就見到收成,但這企業就仍是發展中的。我對佢長遠發展仍是正面,只是增長力的問題。
你可以保留原有貨,之後減金額。如果真的想轉其他,都可以。如果你25歲,可以考慮比亞迪(1211)。
至於入市策略,通常我地分注,都會每隔10%一注,你可以考慮2000點為一注。
------------------------------------------------
Q16166:
龔成老師,你好,一年前開始看你的書,和對讀者問題的回答,獲益良多
小弟今年43歲,在公司服務了廿幾年,現在月薪17000元,扣除大灣區的樓貸、保險和日常開支
現在有一手1177和一手1211,每月可儲蓄3000元,我想在5年內儲蓄+投資有100萬元,怎樣才能做到?
多謝老師抽空解答
龔成老師:
現時的股票,可以持有,但你應該同時要有一定的現金。
如果你每月可以儲$3000,1年$36000,5年$18萬,要累積到$100萬,要有好高的投資回報先得。
如果為了有過高的回報,而背後面對太高的風險,就唔值得。
因此,建議你加大儲蓄,同時增加知識去提高回報,不過都唔能夠太進取。
你可以月供$2000去盈富(2800),餘下資金就儲現金。
建議你多增加投資知識,在選股、企業估值、投資時機上落功夫,對你長遠財富有好大影響。
現時大市波動,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16167:
龔sir , 吾知有冇記錯,你之前好似有提過如果買樓投資吾建議新樓及唐樓。但係西環果邊唐樓可以考慮,是嗎?
因為凖備用父母現契樓加按再加自己名借以家庭單位,共借到540-560萬,壓力測試下應該不太可能再借到其他大額按竭。
本人35歲月每月大概可儲1.7-1.9萬,現金不多,只有13萬,有一些坐艇的股,打算留6萬等之後股市低殘時入手sir 介紹的股長渣,之後再想有沒有能力再月供。
所以想請問應full pay買西環西營盤唐樓/50年以上近地鐵站翻新舊樓還是其他地方如九龍城舊樓或其他地區比較隱陣?謝謝您
龔成老師:
我在《大富翁致富藍圖》有講述過,這是考慮供應與地點的情況,這是其中一個可考慮的地區。
不過,太舊的樓,如50年,在維修的成本會較高,你要注意,同時當你持有一段時間後,要賣出,就已經更舊,下一手買家會壓價,因此資產長期升值的作用不大。
至於按揭方面,我會建議你點都借少少,等你可以有一些現金剩,唔好令自己完金無現金,咁樣可以有助你財富增值。
------------------------------------------------
Q16168:
龔成老師你好,看了你fb有好一段時間,好欣賞你的見解。之前工作太忙夾不到你上堂時間,這兩天買了你兩本書《股票勝經》和《50優質潛力股》。希望短時間內有機會同時夾得到你上堂時間。
近排股市下跌,希望藉此時間買多點優質股。但有少少迷惘如何入手,希望得到老師的意見。
現在29歲,月薪5萬,總資金大約有130萬。分佈如下:
10萬 基金
28萬 年金(一次過俾5年,有需要餘額可隨時取回)
40萬 現有股票
50萬 現金
現有股票 (主要2019-20買入):
2800 @5,000股 (平均$24.98) 平穩
939@2,000 ($6.1) 收息
2388@1,500 ($31.27) 平穩
2318@500 ($40) 平穩
405@3,000 ($3.72) 收息
778@2000 ($10.36) 收息
823@400 ($63.5) 平穩
1928@1,600 ($31.9) 平穩
3@2,000 ($16.9) 平穩
1038@500 ($35.6) 平穩
66@500 (47.3) 平穩
1211@1,500 ($40.85) 潛力
按現價分佈大約(如果沒有分錯):
平穩 77% 收息 9% 潛力 14%
未來六個月打算再入市,留有$15萬現金,剩餘50萬分4次入市(包括未來半年人工)。但老師我發現我的問題可能是不太懂得選股,之前入市的股票是老師曾經有提過的優質股,但可能自己不太懂從中選擇,所以買得比較散。
除了加注在現有股票未來還想再入多些股票,之前有留意老師fb和書本曾經推荐,以下股票有興趣入手但好像自己選擇得太多會令組合更加散,想問老師如何從中選股,不知老師可否給予意見:
打算組合大概比例為:
平穩 70% 收息 10% 潛力 20%
平穩
3140, 11, 14, 12, 1972, 27, 9988, 388
收息
2, 2638
潛力
1448, 1177
老師不好意思問得比較長,希望老師能夠幫忙解答給點意見。非常多謝你!
龔成老師:
你現時持有的股票,質素不差,基本上都可以保持有,比例上,平穩增長型佔大部分,適合你的,你之後仍可以繼續這方向。
不過,你持股有少少散,你應該小心研究每一隻股票才投資。
現金方面適中,而年金,這是防守性產品,你這刻是增長年齡,其實不用太多防守產品。
你將組合設定為:
「平穩 70% 收息 10% 潛力 20%」
可以。
當你上完堂後,會有更好的配置,暫時就以這為方向先,無問題。
暫時會建議你考慮:盈富(2800)、領航標普五百(3140)、恆基(0012)、太古地產(1972)、港交所(0388)、比亞迪(1211)、中生製(1177)、福壽園(1448)、阿里(9988)。
你暫時可以照你上述的投資策略進行,但唔好太急,最好最好等你上左堂先動用較大部分的現金。等你有選股、配置、把握時機、投資策略方面的能力,對你財富會較好。
------------------------------------------------
Q16169:
老師你好,本人45歲,仲有10年退休,一年前每月各供$1000 823 (領展)和012(恒地)
現想下月開始供多$1000 。唔知開始供盈富基金定繼續供番本身二隻其中一隻?謝解答
龔成老師:
原有的兩股,都是有質素的,可以保持月供。
如果想加多$1000,會建議你加盈富(2800),對組合平衡有較大的作用。
------------------------------------------------
Q16170:
Hello, 我之前入左144 (跌左)想問建吾建議再入?
然後仲有5萬現金, 有冇建議邊支股值得入? 還是月供好?因為自己並吾係好識得點揀邊D股好。 thx
龔成老師:
招商局港口(0144),本身都算是有質素,不過,近年有關貿易的行業,賺錢能力低左,同埋風險大左。
先講佢的基本面,佢係中國最大,世界領先的港口開發、投資和營運商,係中國沿海主要樞紐港建立了完善的港口網,並成功布局南亞、非洲、歐洲及地中海等地區。
佢有龐大的港口業務,於中國處領先地位,絕對有其優勢。不過,貿易因素受全球及中國經濟情況影響,將令業務出現略波動情況。
另外,股本回報率低,加上中國進入經濟增長較一般的年代,都令這企業的賺錢能力較一般,整體質素而言,算是中等。
過往股價一般般,長遠來說將平穩,股息可以,但增長有限,現價有投資價值,但貿易問題對佢股價有波動,如果持貨不過多,守住先。但不太建議加注(除非你打算建立一個收息組合)。
你可以考慮月供盈富(2800),長遠財富增長會更好。
------------------------------------------------
Q16171:
龔成老師 你好,小弟21歲,大約有50-60萬cash 和20萬資產在手,但是收入不穩定
有時候可以一個月賺10-20萬糧,有時候可能2-3個月都冇糧出,本人打算現在開始每月供(2800盈富)$2000 (0066港鐵)$2000 (6823 香港電訊 )$1000 (2638 港燈)$1000
請問老師你認為小弟應該選擇月供還是直接買入一手?目標在25歲前上車。
龔成老師:
如果收入不穩,你要預留一定的現金在手,最重要先計算自己每月的基本開支,例如$10000,就要預3-6個月的支出金額,作為最後防線。
餘下的資金,就可以進攻。我相信,你留$10萬作現金備用,已經足夠。
餘下的資金,可以在這幾年內盡力增值,投資以及等待投資之用。
當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
盈富(2800)是平穩增長股,另外兩隻則只是收息股,未必適合你。
其實你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先。做月供股票,每月$10000
。
你可以考慮盈富(2800)$4000。
另外再加3隻(每隻$2000):銀娛(0027)、恆基(0012)、中銀(2388)、港鐵(0066)、煤氣(0003)、粵海(0270)、領展(0823)、港交所(0388)等,你可以了解下這些股票,然後從中選股。
如果你不懂股,就集中供盈富$10000。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16172:
龔成老師,你好,想問問0390中國中鐵,我之前係5.72買入,因為環境同經濟影響,現在只有3.87
想問問未來能否追番上去
另外, 現在環境未明,股市大落,想問問如果而家入市是好或壞
不知道來緊指數繼續跌或是會升
感謝你
龔成老師:
至於中國中鐵(0390),本質不算差的,但唔好預佢的增長力好強。睇翻佢的業務同財務數據,生意同盈利都處於穩定狀態,但增長力唔算強。
所以長線睇,佢有投資價值,但增長只是平穩。佢過往股價曾在2015年大升大跌,這只是炒一帶一路,但之後回復原狀,因為這因素只能為佢帶來平穩增長,而不是高速增長。如果你持貨不過量,這股都可以持有的,要耐心點先有機會上得翻。
至於大市方面,相信會波動,唔好特別股,但如果是長線投資,都是一個不差的時機,可以尋找一些優質股,又或基金。如盈富(2800),分注投資,慢慢入,記住,要留有一定的現金慢慢用。
------------------------------------------------
Q16173:
龔成老師 想問下你對樓市點睇?
因為我岩岩落左訂買樓,並唔係自住,係打算租出去。但供起上黎係用左我成份糧
但近排社會事件 加上美國近排做既野都好似會影響到香港既國際地位 我怕樓市股市會因此大跌
想問下老師我應唔應該撻訂?同埋對樓市前景點睇?謝謝老師
龔成老師:
現時的確有不確定性,但有可能只是中短期不利情況,我會建議你「不要撻訂」
香港經濟會轉弱,但長遠的樓市,仍是處於供不應求的格局,因此,長遠香港樓仍不會太差。唔好太著重中短期,要睇長期。
不過,你要考慮自己的供款能力,我相信「供得起」是最重要的。
如果你將物業放租,應該能支付大部分的供款。
------------------------------------------------
Q16174:
老師又有問題,幫朋友問, 今年28歲,每月大約儲$10,000 -$15,000
朋友唔熟股票,有少量月供,除咗月供股票之外有沒有其他儲錢計劃可以另佢五年內多錢過放銀行呢? 謝謝
龔成老師:
佢可以考慮銀行或保險公司一些「產品」,可以叫佢自己問問。
這些產品會得到比存款較高的回報,但風險會低過股票。不過,我覺得28歲,應該「增值」多少少。
當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
如果佢未有選潛力股的能力,未有掌握投資時機的能力,就可以簡單地投資盈富基金(2800)。
如果唔想月供,就自己分注,例如每隔2、3個月買一手,都是一個方法。只要唔用盡現金投資就得。
------------------------------------------------
Q16175:
龔成老師,我一直都係比較鍾意花錢,但因為計劃下年結婚,所以開始儲錢。加上最近Facebook 聽到你講野,我開始覺得增值迫切過購物。
今年36,儲蓄現金480k,
700股渣打$48入,
中人壽1000股$17.2入
2000股中國鐵塔$1.6入
200股華泰證券(抽)$24.8
一直以來人叫我買咩 我就買咩,以上都係可信既人叫我買我就買。
我仲有d變左仙股既野,其中算無咁衰既彩星 $4買入既有萬幾股,由4-5萬跌到依家得返2,3千蚊。其他得1,200蚊價值個D就唔提了。
有邊d股應該放左去?
睇左你本書,我決定要增值,唔再做羊太。咩~~~
等緊你股票班羅
每月可儲20k-30k(因從來無計算過,唔知實質可儲幾多錢)
我想試下月供股票,請問應如何分布,供d咩?供幾錢左右(本身心態覺得平先買, 睇左你D片,決定試下月供) 亦打算樓市下跌市時置業,應如果部署?
一直以來生活都傾向吃喝玩樂,感覺自己比人遲了很多,身邊既人都上左車,幸好係Facebook 同YouTube 睇到你既野, 暫時改變了花錢既習慣,希望今年可滾儲到90-100萬,謝謝你啊,祝你愈來愈多學生,愈來愈多like 。
龔成老師:
我地繼續持有一隻股票與否,是基於這企業的質素、前景,如果質素不好,就要賣出,但如果只是股價跌,就不用賣。
你現時持有的股票,質素算是一般,但不算強,因此不應持有太多,長遠應該建立一個更有質素,更有增長力的組合。而彩星玩具(0869)最好還是賣出。
你要設計一個組合,我地投資是一個配置的過程,你要設定,多少比例在某類股,多少比例在那行業,這行業那些股最有質素,如果你不懂分析,投資盈富(2800)是最好的選擇。之後就要長線投資。
你亦可考慮:銀娛(0027)、恆基(0012)、中銀(2388)、港鐵(0066)、煤氣(0003)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
你可以月供做月供,$18000,保持進行。
另外,建議你多增加投資知識,在選股、企業估值、投資時機上落功夫,對你長遠財富有好大影響。
現時大市波動,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16176:
龔老師,我阿媽今年55歲,佢想攞一筆15萬嘅現金投資一下,最近股價見到有回落,想請教一下以下股票值唔值得入手:
1. 日清食品(01475)
2. 粵海投資(00270)
3. 維達(03331)
4. 長實集團(01113)
5. 港鐵(00066)
6. 港燈(02638)
以依家市場不穩定嘅情況之下,適唔適合入市or係呢筆錢中攞部分作月供股票,部分錢稍後係股票較低價入手呢???
Or 襯依家其他貨幣貶值時買入一啲貨幣係手呢,例如:澳元、英鎊???謝謝
龔成老師:
以佢的年齡情況,會比較適合投資粵海投資(0270)、港鐵(0066)、港燈(2638)。
利用月供是較好的做法,因為大市好波動,要成功捕捉不易,反而用平均模式,月供去入,風險會較低。
但要留意,唔好太快用盡現金,要慢慢用。
------------------------------------------------
Q16177:
老師你好,我有個問題想請教下你!
我印象中之前領展系 500股一手 ,現時改做100股一手
點解要咁樣做呢?
請問咁樣做對領展係好事定係壞事?
如果轉成100股一手
代表着市民可以更輕易入市
咁係咪就代表佢集資會多咗呢?
一隻股票如果有呢方面嘅更改
請問係我哋選擇買入嘅時候有需唔需要考慮呢個因素?
Thanks 老師 .
龔成老師:
其實,這同佢集資無關的。
由於佢最初上市時$10,多年來升左好多,散戶的入場費因此而大增。所以佢想一般人,都能以一個唔太高的金額入場買到佢的股票,所以佢調低左手數,無乜特別的。
目的只是方便散戶,以及增加流通量,對企業價值無影響。
------------------------------------------------
Q16178:
龔成你好,疫情之下終於有時間睇書增值,一口氣睇左兩本你的書「80後百萬富翁」「大富翁致富藍圖」獲益良多,謝謝你分享你的寶貴經驗。
我是一個70後,這年紀先學人投資股票,雖然有點遲,但學海無涯,我還是想請教一下老師。
其實之前我有買舜宇光學(02382)持有1500股,因呢隻股有做手機鏡頭同汽車用鏡頭,所以我覺得潛力應該不差。
但拜讀你的書籍後,發現它的市盈率非常高(25) 於是想請教一下老師呢隻股票值唔值得長線投資?還是減持等待其他機會?謝謝你的寶貴意見
龔成老師:
有心唔怕遲,保持進步就得!
舜宇光學科技(2382)有一定的質素,不過之前股價處貴水平,上年手機市場疲弱,佢都回至合理水平。
過往由於手機市場高增長,令佢鏡頭業務受惠不少,但近年手機增速開始減慢,增長力會變得較平穏。
我的《50優質潛力股》(2020年版)都加入了股。
中短期,佢會平穩,但長期,無論是手機,還是鏡頭相關的發展,都會帶動佢增長的。20倍以上的市盈率,不能算平,但現價算是合理,只要分注投資無問題。如果你貨不過多,長線持有就得。
------------------------------------------------
Q16179:
你好 龔成老師
假如$5000月供盈富基金 大約何時到達50萬?
龔成老師:
你預大約6、7年,要預視市況而定。
盈富(2800)最好的方法當然是長期月供,保持是最好的。如果市況出現先大跌,後大升的情況,你就可以以較短時期能累積到$50萬。
------------------------------------------------
Q16180:
Hi 龔成,已家月入萬四,月供緊$1000(2800) $1000(0066) $500(1211),呢個組合會唔會太分散
另外有兩手金沙,但賭業前景好似不太看好?另外想問下美團(03690)個質素,Thanks成哥
龔成老師:
上述所供的,都是有質素的股票,基本上可以保持進行,當然唔會太散啦。如果日後有更多資金,可以加大盈富的金額。
金沙(1928)中短期當然會弱,但長遠仍是正面的,你持有就得。
至於美團點評(3690)我唔敢睇少佢的業務,因為真的業務巨大,同時增長快,不過,佢仍是有危有機的股票。業務較新興,估值難,這一定會令股價好波動,這類企業不是不可投資,而是不能大注。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。