《灣仔食乜好》 ⤑ 仙后餐廳早幾年已經聽過，之前喺張敬軒主理到依家已經退股，可能咁食物同服務質素網上評論都喺麻麻地🤔，所以肥仔都有晒中伏心理準備😌 後期有段不開心插曲要睇到最後🥺不過最吸引我依然喺內裡華麗嘅裝修💖對於情侶慶祝紀念日/生日換上小洋裝👗去影相打卡都喺一個唔錯嘅選擇🥰！ ⇛ ◾️午市每位$208 【湯+主菜+餐飲】 *額外+68加配頭盤或甜品 *星期一至五 Lunch menu喺平啲㗎！ ⇛ ▪️南瓜湯 好快就送上餐包同餐湯，麵包新鮮烘過夠軟熟🥯搽牛油食唔錯的，南瓜湯加上忌廉入口香滑夠creamy但其實飲唔出南瓜味😂，相反同👧🏻都覺勁濃芝士味～ ⇛ ▪️四式芝士意大利雲吞配松露牛油汁·牛肝菌·香脆蒜粒 上枱已經聞到勁香濃松露味，每口意大利雲吞都喺一口Size，加上芝士醬汁其實食四五舊已經非常膩，同埋對於重口味嘅肥仔嚟講真喺好鹹😵要狂飲水，味道方面其實喺唔錯如果可以淡少少應該會幾出色～ ⇛ ▪️紅酒燴和牛面頰肉配烤根類蔬菜及薯蓉 面頰肉煮得非常腍身，肉味都幾香濃🐮，底部薯蓉亦夠幼滑～ ⇛ ▪️熱帶果帕夫洛娃蛋白餅 當日甜品都有三款最後揀咗蛋白餅，賣相幾精緻面頭放上士多啤梨同柚子肉，再加上熱情果醬汁配上脆身蛋白餅，整體唔錯💓但好重點要講就喺食到最後我先發覺我要求寫的生日名竟然寫錯兩隻英文字😩， 當初打電話訂位店員仲復述一次比我聽確實，最後有失望到呢🤦🏻‍♂️⋯⋯ ⇛ 其實仲有一段不快小插曲就喺安排座位方面有啲不明白☹️，當時按時出席去到被安排坐喺一個較暗嘅角落位，附近都係影唔到周邊嘅環境，所以就問店員可唔可以坐出面當眼位置，當時全店喺未Full而且都有好多吉枱所以我先提出要求，點知就話其他枱都已經訂咗位🤔，但我心諗我都好早訂位同埋其他人當時都未到，當時都相當多位置點解不能轉枱呢，好彩再問較高級嘅店員就幫我轉枱😍！其實到我走餐廳都喺未坐滿人....所以真喺令我好費解🤨，加上寫錯名一事已經對餐廳失望，去一次已經未必會再去😅～ 〰️〰️〰️〰️〰️〰️〰️〰️〰️〰️〰️〰️〰️〰️ #肥仔吃灣仔 ========================= 仙后餐廳 (灣仔) 📍灣仔皇后大道東213號胡忠大廈2樓 ☎️2808 0882 ⏰12:15～15:00 / 18:30～22:00 ========================= #香港美食#香港#灣仔美食#香港好去處#香港打卡#食好西#仙后餐廳 #法國菜#慶祝生日 #紀念日#西餐#打卡景點 #生日#情侶好去處 #情侶#foodiehk#hkfood #hkfoodie#foodblog#foodie#yummy#foodgram#hkcafe#foodpics#hkeats#instafood#hkig#hkiger#hkigfood