今日頭版 #tomorrowspaperstoday 美驅逐艦西沙繼續挑機 解放軍表示已「驅逐」當真？ 以色列率先允許 輝瑞為免疫衰退者補針 保加利亞年內第二次選舉 組閣出路依然未明朗 英國首相表示 解封後依然要在家工作 戴口罩 南韓最大反對黨黨魁：契丹對港施行暴政

練成絕世武功後（下） . 「無可能㗎，我哋苦練武功十年，又飲靈泉長大……」 我無法接受：「如果連班有槍嘅黑社會都打唔過，我哋點樣封侯拜相？」 . 細佬沉默咗一陣：「或者，我哋真係做唔到。」 . 我唔可以辜負伯伯嘅期望，更唔想辜負自己十年嚟嘅努力。 . 我決定閉關修練，將武功練到極致，只要達到天人合一之境，應該可以抵擋槍炮，無敵於天下。 . ， 閉關幾日，細佬就話好悶。 . 我唔明：「你練咗十年都係咁啦，依加幾日就覺得悶？」 . 「哎呀，出到嚟先發現，個世界咁大，咁多嘢玩，無必折磨自己嘛。」細佬嘻嘻哈哈。 . 我提醒佢：「我哋要創一番事業，要封侯拜相㗎。」 . 「呢個重任就交畀你啦。」細佬聳聳肩。 . ， 細佬唔想閉關修練，所以走咗。 . 望住佢遠去嘅背影，有一剎那我都想跟佢走，但我苦練十年，都係為咗學以致用，點可以就咁放棄？ . 細佬離開後，我揀咗一個深山，入山修練。 . 練武最緊要靜心，花花世界誘惑太多，所以先出唔到絕世高手。 . ， 一轉眼就四十年，中途我有嘗試過返桃花源，但已經搵唔到。 . 不過，我日夜苦練，武功大有進展，相信已經遠超伯伯當年嘅水平。 . 以我對自身內力嘅估計，我嘅肉身應該可以抵擋子彈，至於更強力嘅槍炮，我嘅輕功應該足以閃避。 . 但四十年過去，我武功大進，外面嘅武器會唔會都進步咗？ . ， 我離開深山，行入城市中嘅一間大酒樓，想打探吓消息。 . 隔離有個阿叔睇緊報紙，我隨口問：「先生，我想問……」’ . 我話未問出口，阿叔望向我，驚訝大叫：「總統先生都嚟飲茶？」 . 佢咁樣一叫，所有人都望向我，有人圍埋嚟問嘢，有人影相，有人攞簽名。 . ， 我努力辯解：「你哋認錯人啦。」 . 「點會呢？我成日喺電視見到你。」阿叔舉起手上嘅報紙：「今日頭版仲有你哩。」 . 我望一望，報紙上真係有我……唔係，係同我一模一樣嘅人，係細佬！ . 細佬竟然做咗總統？真係封侯拜相？ . ， 我好不容易先擺脫人羣，但「有個人生得同總統一樣」嘅消息已經傳咗出去。 . 無幾耐，細佬就搵到我。 . 我哋訴說呢四十年嘅遭遇，我喺深山練功，武功大進。 . 至於細佬就憑過人嘅體能，做咗運動員，拎咗唔少獎牌，退役後加入政壇，憑住過人嘅智謀，成為總統，仲深受人民歡迎。 . ， 「估唔到，你會咁有出色，真係做到伯伯嘅期望。」 我感慨：「我仲以為，一定要練武功練到極致，先有機會封侯拜相。」 . 細佬諗一諗：「初時我都咁諗。後來我發現，既然個世界變咗，點解我唔可以跟住變呢？」 . 我嘆氣：「話變就變咩，話晒我哋喺桃花源，苦練武功十年。」 . 「有武功係優勢，優勢令我哋生活得更好，而唔係用嚟局限自己，令自己只可以用武功啊。」細佬咁樣講。 . ， 我不禁回想，四十年前，我發現武功唔可以令我封侯拜相，點解我仲要閉關修練呢？ . 因為我已經練咗十年武功，如果我放棄，就代表過往十年徒勞無功。 . 所以我繼續練武，希望將武功練得更好，件事就會有唔同。 . 於是，我浪費嘅時間，由十年變成五十年，我仲係未達到目標。 . ， 有時候，我哋付出咗好多，先發現自己行嘅路，好似唔係通往自己嘅目的地。 . 有人轉身就走，果斷放棄Sunk cost； . 有人繼續向前行，希望行多幾步，個世界會有唔同。 . 無論你揀邊條路，都唔好畀自己擁有嘅優勢，成為局限自己嘅理由。 . －完－ . #短故 #短篇 #小說 #陳美濤 #廣東話 #粵語 #tomatochan #練成絕世武功後

明報今日頭版： 停止黑🐶恐怖！放下狗狗，回歸理性，救救孩子。 🤔🤔邊個將A12內頁張相放係封面呢。。。🙄🙄 #止警暴 #制黑亂 #救救孩子 #獨立調查委員會 #拒絕被沉默的香港市民