【龔成問答信箱】（Q14501-Q14520）

Q14501：

Hello 你好呀，一直都有看開你寫嘅嘢，自問都好自律唔會亂洗錢，生活簡單，工作本身同小朋友有關，但近期香港咁樣，工作停哂，雖然都係短期

但唔知會幾耐，無收入令我個人好緊張好depressed ,唔敢洗錢，我相信好多人都有我呢個感覺

銀行户口唔係無錢，認真係夠幾年嘅，但無收入個感覺真係好無力，個人勁易躁底，但係我唔知可以點，pls help!

龔成老師：

你這個感覺，是正常的，但我地都要理性處理。

你過往有儲蓄，就是希望生活有保障，在好景時累積，就是希望在不景時有得用，這些好多人都有不景期，但都要有基本的支出，因此，理性運用儲蓄是合理的。

你唔好比這刻的感覺，令到你有負面的情況。

我唔少財富都少靠投資累積，但我好明白投資市場總有起跌，不過只要我方法正確，長遠總是向上的。當我見到財富不將縮水時，我反而會更積極增值自己，不斷學知識、分析股票，因為我知將來好景時，我的財富會變到更多。

因此，你這刻更加要自己保持積極心態，外在環境我地無法改變，但內在的想法，我地自身可以做的，則是我地掌握。多在家做運動、睇書增值自己，為之後的事準備，平常心面對不景就得。

------------------------------------------------

Q14502：

龔成老師你好：朋支推介你比我，之後開始留意你既fb，好認同你講既野，你講既知識都令我好易明白，剛剛睇完你既80後百萬富翁3

我本身係一個月光族，31歲，月新3萬，黎緊都希望定一個草錢計劃！每個月起碼草一萬！盡快草到我人生第一個一百萬！

現時我有10萬流動資金，想投資落優質股，五至十年後可以翻倍，中銀香港（2388）同東亞銀行(0023)兩隻揀一隻買哂10萬你覺得可行買？本身覺得呢兩隻股票都唔錯

派息亦唔差，但過去一年股價一直都係向下，銀行業而家又咁難做，仲值唔值得投資呢？而家個價位算係便宜區定係低處未算低呢？

請指教，十分感激！

龔成老師：

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。

首先，你要做到「每月儲$10000」，增加你的本金，目標是5、6年左右累積到第一個$100萬。

另外，要善用資金投資，你可以投資優質、平穩增長股，中銀香港（2388）可以。

同時間，你唔好只投資一隻股，要建立一個組合，否則風險會過度集中。加上銀行的賺錢能力，的確比過往年代弱左，所以只能作為組合中，其中一部分。

你應該建立一個組合，同時投資其他優質股，長線持有你可以考慮：盈富（2800）、金沙（1928）、長建（1038）、港鐵（0066）、恆基（0012）、港交所（0388）等。

------------------------------------------------

Q14503：

老師我本身有月供股票既習慣，大約持續左一年半。近排武漢肺炎關係令股票回落左好多。

咁你會唔會建議我地停止月供增加現金儲蓄以等待購買更便宜又優質既股票？

龔成老師：

唔需要停！

如果你有睇開我平時文及書，都知我強調長線投資，我地買股票就是買企業，只要企業的核心價值無變，就唔需要改變投資策略。

肺炎只是中短期不利因素，你可以分析翻「3年後的情況如何？」以這個作為基礎，去分析翻該企業是否優質。

無人知之後大市會點，我地只能分析這刻的平貴，以控制投資力度，但無人知會點走。

大市24000是平，但能否見到？無人知的，所以，保持之前定下的策略，保持進行就得。

------------------------------------------------

Q14504：

老師你好，本人都30有2了，台灣讀完大學24歲開始工作，工作都有8年了，最近經朋友介紹我才慢慢有理財既觀念，我本身月比緊$2600供醫療危疾，供25年（已供2年）。

而最近開始留意股票，月供$3500恆地（12）都供了5個月

最近有留意到六福（590），而老師也常介紹這股，我自己個人分析最近香港社會運動影響股價，本估計20年零售業都會是不景氣，香港政治問題依舊冇解決到！

我諗我應增加月供恆地到$5000還是 月供多一隻六福$1500好呢？多謝老師解答

龔成老師：

你可以加$1500去月供六福（0590）。

因為你太過集中供一隻恆基（0012），會有集中風險，分散到不同的優質股會比較好，加上六福的質素不差，現價有投資價值，同時長遠仍能有平穩增長，因此，你加這股可以。

當然，如果你日後再有資金，建議你加上盈富（2800），組合會更為平衡。

------------------------------------------------

Q14505：

3333恆大現時是否在合理區?此股質素是否不錯?

龔成老師：

中國恆大（3333）來說，佢係中國從事房地產開發、物業投資、物業管理、酒店運營，另外，佢亦有你金融業務、互聯網業務及健康業務。

近年發展不錯，業務有理想增長，同時有相當的規模，這都是佢的優勢。佢一年共有約600個項目，完全或部分竣工，分布於中國各地，根據佢公布的資料，合共有計7225萬平方米。這反映佢業務龐大。

生意不差，企業有賺錢能力，但負債情況不理想，處於極高水平，令這企業存有風險。這是最大扣分的地方。

整體來說，這股都有質素，但就有風險，因此若投資只能小注。

------------------------------------------------

Q14506：

龔成老師你好
一直都有睇你教
我每月儲蓄不多的
可以考慮月供股票

由於我每月本金不多
得 2500 元
所以我都不打算漁翁撒網
暫時針對 1、2 隻股票先

除了盈富（02800）、領展（00823）
我在考慮港鐵（00066）或滙豐（00005）
或港交所（00388）

以而家市況來說
是否應該選港交所較好？

龔成老師：

盈富（2800）一定是核心，因為這是一個組合，就算資金不多，都能夠有效金散，因此是最好之選。

如果你加一隻，視乎你想增值，還是收息。匯豐（0005）增長力不強，但派息不差，是理想的收息股。

但如果你年齡，應該提高增長力，就不應供匯豐，你可以考慮港鐵（0066）或港交所（0388），都是優質，同時有平穩增長力的企業。

------------------------------------------------

Q14507：

你好我係一個大學生，我適合開始投資嗎？

龔成老師：

適合，我自己都是18歲，中六的時候開始買股票，理財，一定是愈早開始愈好。

當然，你本金未必多，因此未能預期將資金滾到好大，但這都是財富累積的開始，同時可以令你有更多的投資經驗，這點對你長遠財富，影響好大。

你可以由優質、穩健的股票入手，慢慢累積經驗。投資，一定要經歷過，你先會得到經驗，想象與真正投入資金，是不同的兩回事！

同時，你這年齡，另一重要的，就是知識的提升，你要盡你的能力去吸收知識，我自己都是18-23歲，是狂睇投資書的年齡，大幅增加知識，這是一個黃金年齡，要好好把握。

當你有知識，到你日後出來社會，有較多收入時，就可以更有效運用這些財富！

------------------------------------------------

Q14508：

龔先生，你好，本人是已退休人士，現有二百萬元不動現金，請問可否提供收息股選擇，謝謝你!

龔成老師：

其實，我會建議你將$200萬財富，分成5部分，以建立更平衡的組合，當然，收息股部分可以較多。

第一部分投資收息股，你可以建立一個收息股組合，你可考慮港燈（2638）、香港電訊（6823）、匯豐（0005）、工行（1398）、置富（0778）、陽光（0435）、深高速（0548）等，大多有5%股息

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、必瘦站（1830）、互太紡織（1382）等（記住，股價略波動，不能太過大注）。

（你可睇下《50穩健收息股》當中仲有好多）。

你平衡的投資這些股，除了可以得到穩健的收息收，同時可有效的分散風險。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你們的產品，零風險，可以有穩定回報。

第四，你亦可投資銀行低風險類的產品，你可自行到銀行了解下，總之是「低風險，持續現金流」的。

第五，持有現金，除了可做定期外，現金亦可以為你的後盾，以備不時之選。同時，若投資市場大跌，你可以在這時買到更多的收息股，股息率會進一步上升。

你可以將$200萬資金，平衡地分配在上述的項目上，對你來說是最好平衡風險，同時有穩定的現金流。

------------------------------------------------

Q14509：

hello 龔成老師

想了解一下

你說初學者建議 其一可先睇80後百萬富翁
但有1，2，3 我而家先買左本3黎睇
因看不見有1同2 買

一黎就睇3 會不會太複雜
未睇過1.2會唔明

本人未接觸過投資
完全是白紙一名 但現想由淺入深
多多學習
感謝解答問題

龔成老師：

其實《80後百萬富翁》1、2、3，你就算完全獨立睇，都可以。這3本書都是講理財知識，都是入門知識，都適合初學者，所以，就是你跳去睇都無所謂，全部可以獨立睇。

3本都是講理財致富，只是表達的方法不同，第一本較為理論，第二本則以故事模式，以我自己的故事去講述理財，第三本則以問答模式去表述。

------------------------------------------------

Q14510：

你好老師，想問問，我之前買了21.8 買了6189 ，現時跌到3.06

應該點做好？

龔成老師：

坦白講，好難搞。因為之前根本是炒作，與價值面脫離。

我從業務本質去講，愛得威建設集團（6189）主要於中國提供建築裝飾服務，我簡單將佢業務分做4大類別。

建築裝飾工程、機電安裝工程、樓宇幕牆工程、消防安全工程。

佢主要以分包商身分承接建築裝飾工程項目，項目涵蓋多類物業，包括商業樓宇、辦公樓、工業樓宇、住宅樓宇、公共樓宇、基建及酒店。

呢類工程類企業，唔好預佢的賺錢能力好強，因為始終係包商身分承接項目角色。見佢業務穩定，但增長力不強。財務比率中等。

之前股價升左好多，這點其實好古怪，我未知當時上升的原因，但如果以一類的工程企業去分析，佢之前的估值，明顯貴。

最近期的回落，有點恐慌性，當中有人為因素，你可以等佢有少少反彈（不要預期去到你買入價），就要分注賣出。

------------------------------------------------

Q14511：

你好！本人是21歲大學生，就讀專科，如無意外畢業起薪點$30000左右，尚餘一年多畢業。

我重視金錢，亦期望工作能帶來滿足感 (這個很奢侈)。有感多個月來實習沉悶且發現對其毫無興趣，不想做足一世。一開始入左呢科雖然頭戴光環，但而家現實和期望有落差，不打算視其為終身職業。

不過放棄穩定職業不容易，家人一定反對，而且具體跳船計劃未有。

大學期間發現自己喜歡補習，有滿足感，而且做出一些成績，有些傾向想畢業後繼續和學生補習，但放棄可能是穩定收入。時間所限，正職兼職亦難兼顧。

幾年來靠補習積蓄約1x萬，部分已投資藍籌股，現金$60000左右。

由於未有滿意嘅方案，最大機會係入返本科做住先。仲有一年幾畢業，財政同職業生涯部署方面可否俾啲意見?
謝謝!

龔成老師：

如果仲有一年多就畢業，而你未有具體的生意模式，我會建議你先完成學位，之後再一步步行。

如果你這刻已經建立了一盤不錯的生意，同時發展比畢業後打工更好，我會建議你唔好讀，跳出去。但你現時的情況，每讀好書是比較好。

有時，我地要做平衡，讀書打工，未必是我地最想做的野，但始果這可以幫到我地「加快做到之後更想做的野」，我地都要視這一步為踏腳石。

因此，我會建議你並行去做，首先，讀好書，同時就你的學科去打工，做幾年，可能你有不同的體會，每項事情都有好與唔好的一面，視乎你的角度。

但同時間，你可以繼續做你喜歡做的事，例如幫學生補習，這段時間會比較忙，但你會累積到好多本金及工作經驗。

同時，你要想想「補習如何變成事業」，例如開補習社，做更有知名度、時薪更高的補習導師，這可以是你的方向，你要在幾年內，向這目標出發。你可以要資金，那麼，利用打工去累積本金，就是重要。

簡單來說，你要有長遠目標，同時想方法一步步向這目標行，你這刻讀書，將來打工，都可以是向目標行。

------------------------------------------------

Q14512：

你好，龔成。本人現今34歲，是一名普通文員，月入14000，老公月入16000，2人都不是什麼專業人士，亦沒什麼大志，只想老了有一筆錢作退休生活，且並沒有意念生小朋友。

我倆現金有90萬，並沒有物業，月租套房5500元，請問如何作分配以達到退休有一筆錢過活呢?

龔成老師：

希望你地能每月儲到10%-20%資金，我假設你地可以儲到$5000一個月，然後做月供股票，如果無股票知識，可以簡單月供盈富（2800）。

假設你地每月供$5000，30年，如果每年回報為10%（你要將收到的股息，再投資）。30年後預期會滾存到$980萬，相信都能對你地的退休生活，有一定的幫助。

如果用較保守的8%作預期回報率，30年後，都能夠滾存到$678萬，基本上都唔錯。

------------------------------------------------

Q14513：

你好成哥，請問7200係咪取代左盈富2800? 如果相信大市長線係升，應該買邊隻?

龔成老師：

ＦＬ二南方恒指（7200）的投資目標，係追踪恒生指數每日表現兩倍（２ｘ）的投資業績。

雖然長遠來說，恆指會向上，7200都會有不錯的回報，但這基金的原理，是利用了槓杆，這會出現兩個問題。

第一，當中短期下跌，你面對的風險會大左，你要明白這點。第二，佢用槓杆等投資策略，當中不是無成本的，例如當恆指升10%，理論上佢應該升20%，但最終可能只升18%，這就是潛在的成本。

這基金不是不可投資，但你要明白上述的問題。

------------------------------------------------

Q14514：

龔成老師你好，我係10月既時候終於買左樓，每個月月供16000。

扣除哂所有開支有10000可儲，當中想動用3000作為月供股票！呢半年市況咁反覆我應投資邊一隻股票作保本投資。

龔成老師：

我相信盈富（2800）會比較適合你，雖然比起純收息股，佢一定會有少少波動，但只要你長線投資，其實，你完全唔需要擔心中短期市況波動的問題，我地最重要是長線。

加上，你每月可以儲$10000，月供$3000只佔一部分，其實在風險上已經得到平衡。只要你保持月供，長線投資，就得。

如果你想投資股價至穩陣的股票，可考慮置富（0778）、港燈（2638）。

------------------------------------------------

Q14515：

老師，想請問下你對（人造肉）概念股有什麽睇法？我見美股Beyond Meat升得好厲害

龔成老師：

我自己年正式研究，但我相信，這是有潛力的，因為這能夠解決好多食品、環境等問題，我相信這是2020年代，其實一個有潛力的行業。

------------------------------------------------

Q14516：

想問下，作儲蓄之用。每年(定時)買一粒金粒(定量), 可行嗎？

龔成老師：

可以。因為我地要進行的，其實是「財富配置」，當你財富不斷增加，你慢慢按比例增加翻貴金屬是可以的。

貴金屬，黃金白銀，我地會稱為終極貨幣，在財富配置中，有一定的作用，同時可以對沖大型黑天鵝的風險。不過，由於沒有現金流，所以唔應該放太多，佔財富組合少少已夠。

------------------------------------------------

Q14517：

龔成老師，你好。早一兩年開始留意你的專欄，fabecook同出版書。

小妹結了婚1年，眼見身邊的朋友們都置業了，自己妹妹更希望細屋換大屋，實行樓換樓。

但自己仲住緊公屋。幸好家庭都唔需要我太大負擔，雖然月薪只有16k，但我都仲可以每月儲到幾千蚊，有大約12萬既股票，17k現金; 丈夫大約有20萬，月薪20k, 自己感覺不過不失。

本人所持的股票如下:
0005匯豐800股@$60，$58
0011恒生100股@$172.3
2800盈富500股@$28.25
0066港鐵500股@$44
2388中銀1000股@$30.7

有時候，我會諗，其實我係咪冇機會置業呢，因為我老公唔想置業，覺得如果老人家年老，有了小朋友就負擔好重。

不過，我覺得如果而家都唔置業，將來會更難，咁是否一路投資股票係最好呢.....但我感覺股票有賺有蝕，有少少唔安全。加上將來如果爆入息審查標準，就住唔到公屋了....

龔成老師：

置唔置業，真的無絕對答案，要睇你地的財政情況，將來打算，自己的意願等。

無論置業與否，都要就房屋支付每月費用，即是買樓要每月供，租樓要不斷比租。

如果你供得起，而又收入穩定，買樓在長遠始終較好，因為你可以視為，物業都是財富累積的一部分，每月供樓如同不斷儲錢。

不過，所有野都要堅守一個好重要的原則，就是「供得起」，樓價現時平貴，之後樓市走勢，都不是最重點，你能夠「供得起」才是重點。

所以，你要睇翻你地的情況，那些樓會適合，是否負擔到，如果無法負擔，就暫時租樓，並且用其他方法異積財富時。

你這刻可以先集中股票的累積，利用月供，或分注投資優質股，已經是一個方法。

另外，雖然你上述的股票，都算有質素，但銀行股類別太集中，要注意翻。

------------------------------------------------

Q14518：

龔sir 唔該想請教現價恒地(12 $37.xxx)可入嗎? 呢隻算唔算係潛力股？因佢手持大量農地
37.xxx屬合理區嗎？

龔成老師：

恆基（0012）有一定的質素，旗下的煤氣（0003）為這企業提供一定的利潤，反映恆基有一定的質素。另外，恆基本身有平穩增值的能力，而最大的潛力位，是農地。

因為佢係全港持有農地最多的發展商，相信當中的價值會慢慢釋放，因此在長遠的增長力（你可以視為穩中求勝的類別，有增長，但不是爆升類）。

現價合理，可分注投資月供儲貨都得。

------------------------------------------------

Q14519：

老師，想請教下你對中國水務(855)看法仍正面嗎?我於$5.95買入，打算跌一兩成再溝貨。

中國水務（855）主要進行供水經營和接駁業務，亦有經營環保業務（污水處理、排水）。

受惠國策（城鄉一體化、鼓勵政府和社會資本合作），中國水務近年積極拼購地方政府供水業務（目前覆蓋60個縣市）。

值得注意地方：

（1）過往經常發售配股權予主要股東及董事 - 股本由2007年3月的11.89股，擴大至2019年12月的16.04億股（+35%）。現時公司沒有待行駛購股權。

（2）於2019年以每股2元收購康達環保（6136），總價12億。雖然現在康達環保股價只有約0.8元，但市盈只有4.7，每股淨資產約2.3元。

康達環保創立於1992年，在市政、工業污水及再生水有豐富經驗、技術和人才，覆蓋全國68個城市，可助中國水務進入未曾覆蓋的市場（安徽、溫洲、沈陽），最終做到排水一體化。收購長遠應是有利的。

（3）高負債

公司總債項/股東權益高至187%，但這比例在水務行業不算特別高（北控水務：220%），公司亦需資金進行收購。流動比率高於1，短期資金流動無問題。水務行業現金流穩定，借錢成本不算高，可接受。集團每年亦變賣資產，提升流動性。

(4) 盈利增長

2019-20上半年盈利同比增長36%，但有2億左右是收購康達超出淨資產的一次性收入，明顯是帳面數。惟經營現金流有實質增長(+50%)。

請不惜賜教，謝！

已買左老師四本書

龔成老師：

大致你都講出了重點。中國水務（0855）本質不差，但負債較高是問題。

1）這會對每股的權益與盈利有影響，因此，我地在分析時，除左要睇每股盈利，仲分析埋損益表中，每股攤薄盈利的情況。

2）康達環保（6136）整體的業務只算一般，生意有少少不穩，增長力不強，唔能夠有太大的期望。

3）佢的負債是扣分的地方，現時處略高水平，不過，佢現金流強勁，這類企業可以承受可少少的負債。

勉強算可以接受，但就要扣分。

4）我地分析時，最重要是睇長期的盈利情況你將特殊數目拆走是正確的做法，這企業長期的盈利，仍是正面的。整體企業不差，但負債是風險，因此注碼不能大。

------------------------------------------------

Q14520：

你好龔成老師，今次我想問下關於26 中華氣車 喺咪一隻優質嘅收息股。

龔成老師：

中華汽車（0026）雖然上年度的股息好多，不過，當中有好多都是特別股息，如果用翻之前幾年的數據翻，佢每年的股息，每股約$3，因此，從股息率計，並不是很高息。

業務以地產為主，可以話屬不過不失。投資價值中等。

----------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

豬瘟沒豬可吃？我們偉大的祖國現正推出人造的肉-餡-餅喔，跟真肉的味道一模一樣喔，快啲嚟試下啦。

//今年5月初，人造肉第一股BeyondMeat（NASDAQ：BYND）在納斯達克成功上市，受其影響，不少國內的人造肉概念股也受到了市場追捧。

雙塔食品也在5月份出現了持續性漲停。公司是一家生產銷售粉絲、豆類蛋白、食用菌的龍頭企業，豌豆蛋白是其主要產品之一。

值得註意的是，雙塔食品也試圖搭上BeyondMeat的順風車造勢，其曾在6月11日於互動平台上對投資者表示：「公司與客戶通過多方的溝通落實，得知公司的蛋白原料有通過經銷商供給BeyondMeat。」//

賣肉是假，賣股才是真的。

豬價問題背後，藏着大陸肉企千絲萬縷的利益關係。分析師預測，明年豬價會再升四成，香港的豬肉隨時上到$200一斤。

《中時》你的新聞配相……

作者

豬瘟沒豬可吃？我們偉大的祖國現正推出人造的肉-餡-餅喔，跟真肉的味道一模一樣喔，快啲嚟試下啦。

//今年5月初，人造肉第一股BeyondMeat（NASDAQ：BYND）在納斯達克成功上市，受其影響，不少國內的人造肉概念股也受到了市場追捧。

雙塔食品也在5月份出現了持續性漲停。公司是一家生產銷售粉絲、豆類蛋白、食用菌的龍頭企業，豌豆蛋白是其主要產品之一。...
See More

未來肉來到愛撥最不想面對的下集
昆蟲蛋白跟試管肉真的會席捲2050年嗎
讓我們看下去（慘叫）

☞未來肉上下集+來道紹興醉雞壓壓驚懶人包：
https://tw.osparks.com/player/245/6605

☞其他愛撥營養小知識
Beyond Meat 肉非肉？那是什麼？(未來肉上集)
https://tw.osparks.com/player/245/6481

高溫烹調炸煎烤究竟會產生什麼致癌物？一一破解！
https://tw.osparks.com/player/245/5988

✍參考文獻：
[1] 蟲的蛋白質豐富 永續蛋白質
https://www.sciencedirect.com/science/article/pii/B9780081007228000115
[2] 全球第一餐廳Noma 丹麥神廚René Redzepi 延伸閱讀
https://nommagazine.com/%E6%98%86%E8%9F%B2%E3%80%81%E8%A1%80%E5%92%8C%E7%B3%9E%E4%BE%BF%EF%BC%9A%E5%8C%97%E6%AD%90%E6%96%99%E7%90%86%E5%AF%A6%E9%A9%97%E5%AE%A4%E6%83%B3%E5%91%8A%E8%A8%B4%E4%BD%A0%E7%9A%84%E4%BA%8B/
[4] 曼谷高級蟲餐廳
https://nommagazine.com/為什麼要吃蟲？走進曼谷高級餐廳一探究竟/
[5] 食態 推薦的蟲蟲公司在這！！
https://www.facebook.com/foodtypecoltd/
[6] 試管肉 延伸閱讀
http://sa.ylib.com/MagArticle.aspx?Unit=featurearticles&id=1800

#愛撥營養師DietitianAibo #食物科學 #未來肉