【盤房來料】阿里健康追回京東健康升幅創新高

放大圖片
美股隔晚先低後高，雖然美國疫情繼續爆到九彩，但民眾好快有疫苗接種，加上市場憧憬國會好快就刺激經濟方案達成共識，美股三大指數創新高，納指跟標指仲創埋收市新高。喺美股帶動下港股今早反彈，再加上人民幣離岸價持續向上，兌美元挑戰6.5關口，港股連跌兩日後止跌反彈。

恒指高開205點，開市後升幅曾收窄至154點，見26459點半日低位，之後發力，先後收復20日線(約26517)及10日線(約26613)，最多升362點，見26666點半日高位。恒指中午報收26636點，升331點；國指則升130點，報10540點；恒科指半日報收8189點，升109點。

藍籌重磅股做好，友邦(01299)升2.2%；平保(02318)升2.3%；大笨象(00005)升1.6%，不過嚟到42元又有啲阻力，其實大笨象由低位28元彈上嚟，累計反彈升幅已經唔少，現價再追入值博率已唔高，呢幾日大笨象曾升至44元水平，可惜未能完全回補4月1日所遺下嘅下跌裂口，45元返而有極大阻力，有貨反而好好考慮要唔要趁機會鬆綁走人。至於母公司被列入黑名單嘅中海油(00883)，已連跌四個交易日，半日再跌2.3%。阿Man已提水咗好多日，咪見中海油跌咗咁多貪平入場博反彈，唔聽話手多去接飛刀，當然係中晒招兼接到一手血。

科技股今日做好，京東健康(06618)上市第二日一度再升多一成，但未能進一步突破噚日高位，半日升5.5%，睇嚟京東健康短線升得七七八八，都要時間整固一下抖抖氣，依家再追無謂，反而等回吐有100元邊先再諗上唔上車。反而同業阿里健康(00241)今日表現唔錯，成功升穿前高位破頂。阿Man喺另一個平台嘅收費聊天室噚日叫上車，短線目標26元已接近，輕輕鬆鬆又贏超過7%，連埋上星期叫趁配股震盪，低位撈嘅小米(01810)今日亦接近28元短線目標，單係呢兩隻又夠晒數買聖誕禮物。

科技股普遍做好，今日多隻由騰訊(00700)持有股份嘅騰訊契仔股見資金追捧，微盟(02013)半日升一成；同程藝龍(00780)升2.2%；華誼騰訊娛樂(00419)升6.1%，剛加入港股通嘅祖龍娛樂(09990)亦喺北水積極掃貨下連日上升，終於重上24元。仍持有祖龍嘅投資者，上次祖龍跌穿22元即如江河日下，今次同樣要留意返22元，唔穿的話好猶豫要止蝕。

阿Man過內需股係目前最能夠避開美國制裁嘅板塊，潤啤(00291)和呷哺呷哺(00520)創新高，半日分別升2.9%和6.5%；反而阿Man噚日提過嘅海底撈(06862)有啲唔爭氣，不過現價仍然守喺多條移動平均線之上，仍然可以收集，只要升穿之前幾個阻力58元，海底撈再創新高指日可待。

麥狄文
#300likes30shares #麥狄文 #盤房來料 #信報網
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。

依家我嘅聊天室已經停止免費試用, 直接課金入來聊天室啦：https://bit.ly/2BmeAhZ
立即下載秒投：https://link.stockviva.com/L9J41qUp01
對聊天室有任何疑問，可以直接聯絡秒投小編：電郵 cs@stockviva.com
注意：本人僅在 "秒投App" 及其網站內開設聊天室，本人並沒有與其他網站，或以外的平台，開設過任何通訊群組，亦沒有任何所謂的「私人whatsapp 群組」「Telegram 群組」等等，為保障大家利益，切勿加入任何類似群組。

《誰主白宮？》
唔好意思先下，因為家下你老子我幾乎日日做尖，剛剛食飽飯已經累到訓左，搞到依家半夜紮醒至即刻出po。好多人見到我呢個有關人民幣離岸價（CNH）既圖，心唸我肯定又打算講人民幣咁強，對中港股市利好乜乜乜。但其實係錯，今日既重點唔係咁，應該話唔單止係咁，我想講既係：一個圖已經可以話俾你聽，「到底誰主白宮，中國會更加捉蟲？」

圖中見到既，係近日人民幣既匯價隨住美國大選既選情而波動，其中既波幅高達1772個點子（強到6.5970，弱到6.7742）。到底點解，人民幣會响一日之間跳動得咁犀利？如果你併合埋呢個月，尤其係近呢兩日特朗普同拜登互有領先既選情黎睇，就更加一清二楚喇：眾所週知，人民幣由10月中開始keep住突破一年半新高，同一時間，美匯就keep住破底。

呢個時間，正正就係拜登既民望超越特朗普超過10個百分點。到左尋日，大選正式點票喇，特朗普既呼聲一度變得好高，場外博彩網站顯示，特朗普勝出既賠率只有1.x既同時，人民幣就一下子急跌左超過1000個點子（圖表顯示向上衝）。但正如大家今日都有眼見：拜登取得幾條搖擺賓周既選票之後，已經幾乎可以肯定當選，人民幣又即時成千點咁升喇！

到底咁反映左乜？反映左市場一致認為特朗普連任既話，會對中國不利，貿易戰會繼續打，壓制住中國既經濟同匯率；而如果係拜登當選既話，貿易戰就會停，中國就會重新掘起，經濟同匯率就會起飛！明唔明呀？仲差少少？好，咁我再講白點，即係話特朗普勝出，美匯就會見底，扭轉過去半年一直price in拜登當選既弱勢；拜登勝出，美匯就會成舖散晒！

你可能會問：咁我知黎做乜？反正呢兩日無論係邊個領先都好，個市都係喪升架啦！拿拿拿，其實以一、兩日黎講，你係岩既；但如果以成個局黎講，你就要有個全面觀喇。最起碼要知道，如果係拜登贏既話，美匯一弱，risk就會on，金價就會狂飆；相反，如果係特朗普贏既話，美匯就唔止彈，係會見底，risk就會off，金價就會散，甚至連個市都會影響埋。

最後講講港股丫：恆指一如我既預期，响248既9至10月頭肩底型頸線企穩，便迅速挑戰250天線即係255。而基於目前裡裡外外都氣勢如虹，尋日港股爆升仲配合埋大成交，因此，我會將恆指既目標調升至7月時候既265。而最重要既係：如果往後以星期計（唔一定要係今個星期）能夠收穩260既話，真正既大牛市就會展開，係可以郁老強果隻級數啊！

😈

#美國大選 #特朗普 #拜登 #貿易戰 #人民幣 #牛市

人民幣離岸價 狂漲逾300個基點
https://www.chinatimes.com/newspapers/20201022000969-260203

人民幣中間價連七降！離岸價四天回落千點！人民幣貶的合理嗎？另外, 銅價一度跌破6000美元大關！"銅博士"怎麼了？

金錢爆完整版付費機制即將出爐，敬請期待。
完整版亦可透過購買學習終端機(機頂盒)與在微信【掌握財金】公眾號付費觀看。
機頂盒相關訊息請洽仟和亿官方
http://qhy.cp59.ott.cibntv.net/
請訂閱『金錢爆』官方YouTube。
每晚九點，楊世光的『金錢爆』在Youtube準時上架。 ​​​​

每晚八點，楊世光的『股軒金錢爆』在愛股軒準時上架。 ​​​​
http://www.iguxuan.com/index.php/teacher/index/id/39.html
敬请訂閱關注。謝謝。