完晒實習嘅遲大到分享（下）#staycutewardsharing 根據香港社會服務聯會喺2018年6月嘅一項「年長護老者身心狀況及服務需要研究」，受訪護老者嘅平均年齡為70歲，75歲以上嘅佔35%，而58%的受訪者每星期提供嘅照顧時數超過40小時，相當於一個全職員工嘅每周工時（但其實我睇到好多係接近24小時全天候照顧）。呢班年長照顧者多數係被照顧者嘅配偶或者仔女，而當歸納有關佢地情緒健康狀況嘅結果，發現有超過63%受訪者面對「沉重照顧壓力」，55%甚至有「抑鬱徵狀」。另外佢地都面對一啲好實質嘅身體問題，例如有44%受訪嘅年長護老者都反映自己睡眠質素差，呢個亦係今次探訪嘅伯伯所面對嘅其中一個身心問題。 呢項研究已經係三年前嘅事，呢一年幾加上疫情，好多照顧者正面對更嚴峻嘅情況，例如年長照顧者因為擔心感染病毒而減少外出，社交生活受到影響，生活彷彿只係留喺屋企照顧患病嘅家人，可想而知佢地身心有幾疲乏。面對一單又一單因為照顧者壓力爆煲而發生嘅倫常慘劇，現實就係呢個社會對照顧者嘅支援一直都好缺乏。就算我喺呢方面冇好深嘅認識，但稍微做咗啲資料搜集，都只係揾到一啲名額好有限嘅社區服務，供應可以話同社區極龐大嘅需要完全唔成正比。中學有兩年幾時間都有定期上門探訪一啲獨居/兩公婆住嘅長者，聽過啲長者講到佢地排隊輪候緊院舍宿位，可以係排咗成四五年都未有。好記得有個伯伯話：「排到我嘅時候，可能我都冇命入去住。」而睇返社署今年三月有關輪候資助長者住宿照顧服務嘅報告，截至今年三月三十一日，總共有36789人喺長期護理服務中央輪候冊內登記輪候各類型的資助長者住宿照顧服務，當中津助院舍及合約院舍嘅宿位（資助宿位）平均都要等42個月。好多照顧者，特別係年長嘅，就算去到一個地步自己已經負擔唔到照顧者嘅角色，想為家人安排資助嘅院舍住宿，又或者只係一啲日間康復/暫託宿位，紓緩一下自己嘅壓力，但好多時都因為等唔到呢啲服務而唯有繼續頂硬上。有錢嘅咪可以揾啲私營服務，唔駛排三幾年；但現實係更多人係活喺貧窮線以下，過住捉襟見肘嘅生活。就好似實習探訪一對以前做老師嘅公公婆婆，佢地活到晚年其實都已經用盡積蓄，連屋企電話壞咗要換個新嘅，婆婆都細細聲問伯伯：「傻佬，我地有冇錢買電話呀⋯」 至於針對照顧者而設嘅情緒健康支援，我見社署網頁都有一啲有關壓力管理嘅資訊嘅，同埋都有講到有啲輔導/臨床心理服務，不過好多時都要經社工轉介，而且呢啲情緒支援服務唔係專門為照顧者而設，而係general俾有需要嘅大眾（又係供應與需求嘅問題）。但可能對於照顧者心理方面嘅準備，係可以提供資源及早去訓練同準備；又或者係做一啲screening揾到一啲高危照顧者，就為佢地提供個案管理服務，而唔係期望佢地到壓力爆煲再去揾有咩資源支援到佢地。仲有其他常見嘅提案包括為照顧者提供訓練同恒常交通津貼、專門為照顧者建立一個全面同易於獲取嘅資訊平台、提升外傭協助護老嘅角色、重新審視院舍暫託服務/宿位嘅名額，同時確保低收入家庭都可以負擔呢啲服務等等。 其實2019年9月，勞工及福利局局長羅致光曾經喺網誌講過會進行一啲探討照顧者需要嘅研究，為制定相關政策而預備；但去到今日都未有動靜。面對人口勁老化嘅現象，面對社區年長同其他照顧者對支援服務龐大嘅需求，政府撥落呢方面嘅資源繼續好有限。相反，我地見到嘅係政府可以扔成半億落去社區裡面嘅小白象工程，做啲表面功夫美化殘破不堪、充滿民怨嘅社區，而唔係做實事，真正了解、回應市民生活上嘅需要。就算執到個外殼幾華麗，包裝得幾精緻都好，如果裡面係破爛不堪嘅，都只係虛有其表。 政府做唔到野，作為市民緊係要繼續發聲、表達訴求，但就算喺政府幫唔到手嘅時候，都唔好睇小自己嘅力量呀。如果身邊有識得嘅照顧者，可能係親人，可能係鄰居，可能係住同一棟三唔識七嘅，可以送上一句問候、一句關心、一句「辛苦你喇」。可以做更多嘅話，不妨幫多少少，積少成多，為對方帶來嘅安慰同鼓勵可能比你想像中大好多好多⋯

一般香港人都對搬屋很有經驗，卻不一定明白「遷村」是怎樣一回事。 大浪灣村的出現，源自 1957-63年間，政府要在大嶼山石壁谷興建一個當時香港最大型的水庫(石壁水塘），為香港島供應食水。為此，世代原居於當地四條村落（石壁圍、崗背、墳背和坑仔村）、二百多名務農的村民大多接受了政府安排，分別在當時的新市鎮荃灣及大嶼山梅窩碼頭附近重建家園。 因為起水塘而搬村，石壁並不是首個案例。早在二十世紀初，英治政府便開闢水塘去解決本地食水不足問題。1920年代興建城門水塘，以至戰後1957年落成的大欖涌水塘，都曾將原來位於城門谷及大欖涌谷的村民搬到別處。座落於荃灣新村街的大屋圍，便是由政府興建，在當時用以安置因興建大欖涌水塘而受影響的村民。 但遷村有別於搬屋，並不只是收拾家當換一個地方繼續生活那樣簡單，更是與原居土地和農耕生活方式的告別。世代以石壁為根的墳背村村民，即使要離開家園，因為不想斬斷與土地及農耕的連結，因而接受了當時政府在毗鄰石壁的大浪灣為他們重建家園的安排。即使失去祖屋，傳統卻無法斷裂。新居所名為大浪灣村，於是1959年正式落成，不但建起兩排齊整的房屋，村民還獲分配農田、豬舍、果園，以至放牛畜牧的地方，繼續農耕作業。 雖然隨著人口老化，新一代外遷，這條七十年歷史的偏僻村落，傳統農業早已消失，然而八十後的Max To（杜學知，母親為墳背村村民），即使父母親在他小一時已舉家搬出港島西環村，在公共屋邨長大的他卻一直沒有真正離開過大浪灣，甚至在八年前暫離攝影師的工作，回來開設「片藍造」藍染工房 @lantaublue ，大浪灣村也成為他安身立命的地方， 開展的除了事業，也讓他發揮對生活，對大自然，對社區，對歷史的另一種想像和實踐。 用今日的講法，搬到大浪灣有點像「原區安置」，在規劃上讓村民延續了從前的社區網絡和傳統文化。杜學知形容，「搬出去的人最終不及留在這裡的幸福——一旦無了祖屋，成頭家也會散，有屋才能讓老人家及小朋友有接觸點。」 春季號《就係香港》以大嶼山為主題，當中重溫了石壁圍墳背村民當年遷村至大浪灣的一段歷史，也從八十後的視覺，了解鄉郊村落傳統對新生代的意義和價值。 歡迎訂閱 #linkinbio #2021就係香港春季號 #大嶼山 #石壁水塘 #墳背村 #大浪灣村 #本地鄉郊

《當呀婆失驚無神摸你》 香港的公立醫院入面最常見的就是平民百姓 隨著人口老化問題嚴重，我地最多的客仔都係公公婆婆，更specific 的是基層老人家 一路做公立醫院都是因為我鐘意照顧基層的公公婆婆 佢地成日都會為工作中帶來一點甜 相對之下 佢地會比較倚賴醫生護士 佢地會成日都因為你為佢地做一些小事而感動 小事係可以小到 出院幫佢地book左架非緊急救護車 佢地都會捉住你隻手係咁講多謝 彷彿好似我親自車佢返屋企咁 最近試過呀婆話想飲淡熱茶 偷偷入去pantry用自己的紅茶包 幫呀婆沖左包熱茶 溝小小凍水 俾左杯熱熱地的茶佢飲 佢開心到想摸我塊面 讚我好乖 當下我呆左 因為我實在無見過呀婆落床 更加唔好講洗手 然後...就沒有然後...... #細思極恐 #要用betadine洗面 #虎紋姑娘 #公立醫院 #hknurse