剛剛直播完關島vs香港嘅亞洲盃男籃資格賽，關島最後以103-83擊敗香港。

香港隊嘅表現一啲都無失禮，面對平均高度高五吋嘅關島，防守拼勁相當十足。外圍嘅進攻不俗，亦時有把握到快攻機會，陣地組織亦冇太大甩漏，全場只得11個失誤。除咗首節頭六分鐘表現欠理想之外，其餘時間都奮力作戰，最終港隊一共有五名球員得分達到雙位數字，當中以首次代表港隊上陣嘅蘇志樂，攻入全隊最高18分。

四節比數：
Q1 關島 35-19 香港
Q2 關島 57-40香港 (22-21)
Q3 關島 81-60 香港 (24-20)
Q4 關島 103-83 香港 (22-23)

香港隊三分波命中率 35.5%(16/45)、籃板球輸31-47、助攻有24次；今場絕對有交代！

關島簡評：防守力度一般，中鋒腳步慢，但勝在有身型，易於籃底取分。進攻以低位做發動點，引來夾擊打in-side-out 戰術。上半場啲三分波都頗利害(9/18)，但下半場無以為繼。陣中憑著老將、兩屆NBL MVP #42 Tai Wesley交出「準大三元」表現，射入全場最高25分、10個籃板、9次助攻，與及擁有菲律賓血統嘅 #39 Jericho Cruz 攻入24分，三分波8射5中，帶領球隊取得首勝。

6月15日下午四時，再對多次關島！

#支持香港籃球
#感恩再有機會評述港隊
Photos credit to FIBA Asia Cup

終於開到波嘅2021亞洲盃男籃資格賽🏀，香港隊星期日晚九點硬撼關島，有線體育602台衞星直播📡📡

兩隊簡評：📝

🇭🇰 香港 (世界排名：114)
由於今趟旅程接近要花一個月時間，故此香港隊今次只能派出全新陣容、比較年輕的球員參戰，這點都要替他們鼓勵，願意冒著出行的風險代表香港出賽。陣容上主要以幾位有甲一經驗球員：楊文綱、蘇志樂、黃律堯、趙鍵鋒、楊子豐等帶領，當中都具有參加海外大賽經驗；其餘球員均來自於甲二組、乙組球員，而且有好幾位以往在學界比賽已經鋒芒畢露，包括兩位前男拔主力陳怡富和陳仲儒。

要說的話，港隊內線實力比較薄弱，沒有中鋒球員，平均高度只得六呎，最高兩位楊文綱、蔡駿賢只得六呎三，國際賽極其量都只是打三號位；面對平均六呎五寸高度的關島，可見港隊內線會面臨龐大壓力；進攻方面將會以外線為主要策略。

🇬🇺 關島 (世界排名：85)
據了解，球隊保留多位上年二月對新西蘭的主力陣容出戰，實力不容忽視。加上關島屬於美國海外領地，屬地關係大部份都是以往在關島成長的美國球員，他們有豐富海外比賽經驗，加上平均高度和身型佔優、機動性的打法，勢必令對手吃盡苦頭。

為了應付今次比賽，球隊前排更專程飛抵洛杉磯，找來湖人隊助教Phil Handy及其團隊協助他們特訓，更跟隨NCAA D1 的加州州立大學長灘分校操練，充分展示躋身亞洲盃正賽的決心。

*值得注意的地方，同組的澳洲及新西蘭，已表明不會派隊參戰第三窗口期比賽，將會面臨FIBA 的懲罰；既然兩隊無法完成賽事，相信香港及關島會因此而直接出線，參與八月於印尼舉行的亞洲盃決賽周。

港隊加油💪🏻 ，賽後再給大家比賽報告。

第二場將會在六月十五日下午四時進行。

#支持香港籃球
#有線體育
#這場我講
有線電視 愛·體育 CABLE+

Photos credit to FIBA

香港男籃喺FIBA亞洲盃資格賽兩支對手澳洲vs新西蘭，陣間4:30pm照開波！有線體育衛星直播📡📡

但由於準備時間僅得10日，加上兩地防疫措施嘅限制、NBL球季又進行中，故此兩隊只能搵嚟一班年輕球員出戰。不過唔好睇少佢哋，尤其係澳洲，全部都係青訓中嘅精英，部分大有機會挑戰NBA舞台，好可能係下一個Ben Simmons ,Patty Mills 等澳洲球星。

新西蘭38歲老將Mika Vukona，更會率領一班年輕新隊友迎戰。

期待。
#這場我講
#FIBA