啊~哈~~~~~~~
今日仲係Lolo盧冠廷嘅生日呀!
祝Lolo生日快樂!😆🎂🎉
相信大家都有聽過好多佢嘅首本名曲,例如《天籟》、《快樂老實人》同埋作比陳百強嘅《長伴千世紀》。最近佢就出左隻新嘅唱片叫做,佢同團隊搬左成個錄音室去佢屋企,成隻唱片都係喺佢自己屋企錄!封面甚至有d MV都係喺自己屋...
啊~哈~~~~~~~
今日仲係Lolo盧冠廷嘅生日呀!
祝Lolo生日快樂!😆🎂🎉
相信大家都有聽過好多佢嘅首本名曲,例如《天籟》、《快樂老實人》同埋作比陳百強嘅《長伴千世紀》。最近佢就出左隻新嘅唱片叫做,佢同團隊搬左成個錄音室去佢屋企,成隻唱片都係喺佢自己屋企錄!封面甚至有d MV都係喺自己屋企影同錄!!名副其實Homework。😆
喺屋企錄音其實非常唔簡單,隔音器材同錄音室差好遠而且錄音嘅咪非常靈敏,所以天氣一唔好就分分鐘連d風聲雨聲錄埋落去,一開始錄嘅時候全世界都一定唔可以出聲。Lolo話儘量希望可以一take過搞掂一首歌,不過喺屋企錄就舒服好多:「錄得唔好食個橙先,再錄~」
呢隻專輯重新演繹左十首Lolo自己嘅首本名曲,當中例如《快樂老實人》就將原版嘅二胡伴奏/獨奏改成左蒙古傳統樂器馬頭琴。Lolo話80年代果陣佢都曾經想搵馬頭琴伴奏,可惜果陣香港無人拉馬頭琴。佢自己非常鍾意呢個新版本,佢覺得馬頭琴拉嘅感覺好唔一樣。我自己覺得兩個版本真係各有各好,不過我就比較鍾意二胡版本,事關二胡版本係我非常鍾意嘅一個二胡演奏家黃安源拉架!每次聽都毛管棟,正到痴線。
Lolo隔左咁多年都仲有idea超越自己,真係非常唔簡單。大家如果有興趣了解更多可以上環球嘅youtube睇下d making of 嘅片!
盧冠廷
HOMEWORK
2020