@belleesseclinic 當然不是因為失心瘋，大還要更大，才去做第二次手術； 也不是因為第一次手術失敗，或者有後遺症，才去做第二次手術； 全然因為我就是鐵了心要把植入物換成Motiva（魔滴），所以盤算這件事情一陣子了。今年二月去實現這件事。 \ 第一次隆乳四年前吧～原因始於產後哺乳也沒多久，竟然還可以退奶後坍塌變形再也回不去小巧立體感；加上從小親姐竟然擁有天然E奶而我沒有過，就很憧憬豐滿身形，於是去動了手術。 我從大Ｂ小C做到D，是絨毛果凍矽膠；當時為了恢復速度快，就選擇放在胸大肌上筋膜內，即使醫生有說：「你又選圓盤的這樣會碗公奶很假喔～」，但我以為植入物不走到肌肉內就可以恢復快一點，所以毅然選擇圓盤絨毛果凍放在肌肉上的手術。 後續就是恢復期傷口痛爆。 因為我怕腋下疤痕明顯所以傷口走乳房下緣，結果跟剖腹差不多痛，轉身起床都好痛～～當然痛個一週也是可以忍的，但後來因為常常比賽，體脂很低的結果就是，植入物摺痕明顯的要命！很多比賽留下的照片，都可以看到我ㄋㄟ ㄋㄟ 上半球的摺痕真的有夠尷尬！ 加上後來我傷口一癒合就拼命伸展，結果下緣疤痕組織增生看起來醜爆～ 醫生其實完全沒有問題～會導致這樣的結果完全是我個人不聽醫生建議導致；總之超不自然，加上做了沒多久魔滴就給我上市了～～魔滴強調做出來的胸型自然，且植入物安全，完全不會導致乳癌這點真的好重要～ 這幾年一邊買保險一邊越來越怕死（因為要養兩個寶），曾想說乾脆拿掉假體好了反正維多莉雅貝克漢也是這樣~~但認真喜歡自己胸型豐滿的樣子，搭配上辛苦練出來的翹臀，這樣的模樣看了就很開心（這很重要！ ＃女為己悅而容）；這麼疼愛自己的我，決心要替換成魔滴。 \ 今年 @賦真妍 開幕了，原本在裡面做非侵入式的醫美，之前分享過院長陳建名醫師的巧手，讓我和我娘親大回春，技術和品質都很棒；當時看到他們手術室規格很高，是無塵室（進去手術間要在一個閘門全身被大風吹的機關），於是我決定要在這邊重新做胸部植入手術。 我替換成Motiva魔滴，內容物360cc；魔滴的特色就是躺下胸部會自然坍下、俯身時胸部會自然下垂、跑步跳躍時會晃動得爆自然（我有對比～我姐是渾然天成的E）、站著時是美麗的水滴狀、抓握起來非常柔軟就跟天然的一樣～～是毫無破綻的假體！！ 以前完全不知道做了胸部後跳躍的晃動感～現在終於有了！而且體脂低時也不會出現胸部摺痕，好想帶著新ㄋㄟ ㄋㄟ 帥氣比一場健美賽哈！ 我過年假期做的手術，如果不講應該沒人發現因為我貌似沒有中斷過運動與教學；這次的手術體驗真的太愉快了～～ 手術當天醒來後，的確很痛只能彎著腰走路移動，但是不是手術傷口的痛（醫生就順著原本胸下緣重置假體），只是覺得胸很悶（因為魔滴的特質，替換後有比我原本的假體大一點點，或者是有部分放在肌肉下），是胸口的悶痛。 驚訝的是後續幾天，從第二天開始悶痛感減少，竟然翻身起身活動都不太痛啊～才差四年醫學手術進步這麼多？我以為剖開的傷口又會讓我痛到東倒西歪，結果！！沒有！！醫生還把我的傷口修整很漂亮，手術過程中也把過去四年稍微增生的莢膜給移除了！ 隔一週就可以出門走走，十天後甚至恢復教學（但是我只有示範下半身運動，上半身就讓學生自己做），上半身運動一個月後才開始。 這次醫生給我的術後照顧叮囑為：『不要太早開始做伸展，還是等個四、五週以後；也不需要按摩，記得不要側睡趴睡就好。』就這麼簡單捏！！！我術後沒有按摩過，胸型超軟超自然超美的；術後一個多月每晚睡覺都穿著專用束胸去固定位置，這是診所包套在手術內的服務，會在手術前就量好身形去事先定制，手術當天就是穿著束胸回家了。 \ #謝謝Motiva讓我體會了毫無破綻的美好 #selfconfidence #motivataiwan #波力媚隆乳 #AskForMotiva #兼顧美麗與安全

今次唔係分享病房經歷，而係上門探訪嘅經歷。#staycutewardsharing 話說最後呢兩個禮拜係出社康護理部（CNS），主要係有啲病人出院之後可能有啲問題需要繼續跟進，但佢地又可能唔方便出門/行動不便，就會refer CNS護士上門跟進呢啲case，例如係上門做傷口護理呀，睇下病人嘅糖尿病控制成點呀，幫啲病人分藥⋯到病人慢慢處理到啲問題，或者解決咗個問題（例如洗到個傷口好返喇），就會close file。出CNS好輕鬆，唔駛返shift唔駛喺病房，而係每日返八點放五點，上晝去啲病人屋企，下晝就喺centre做paperwork。返咗短短三日（琴日interview放假），我真心好鍾意呢個實習，唔單止睇咗好多野，仲比病房嘅感受深刻。 話說我實習嗰區主要係去啲舊式屋邨，當中好多都係好似幻愛嗰種「井型公屋」。平時間唔中都會去呢區，每次經過見到呢種屋邨，都覺得由下面望上去，由個「口」字望天空好靚，好有舊式香港嘅味道。望住一道道鐵閘、一個個單位，都會想像隔住木門裡面嘅空間住咗點樣嘅人呢？佢地過住點樣嘅生活呢？（sor，我成日都好想知其他人嘅生活係點🤣）短短呢三日，踏入一個又一個單位，同唔同嘅人共處一個狹小嘅空間，發現原來呢個城市裡面住咗各種各樣嘅人，每個故事都有好多辛酸，又有好多複雜嘅情感。 就好似我畫嘅呢幅畫入面嘅婆婆，佢嘅左邊面有個fungating wound（蕈狀併潰爛嘅癌症傷口，簡單啲咁講就係想像一個cancer腫瘤爆咗出皮膚生咗一大舊爛肉腫瘤，有少少似異型穿破人類身體出來嗰啲樣）。好似講到好恐怖，但你可以去google下，睇完啲相你就會發現事實上啲傷口真係咁恐怖。聽個姑娘講，半年前都只係一粒花生嘅size，半年後已經係我個拳頭咁大，仲要喺塊面度，真係難以想像婆婆嘅痛苦。所以佢都冇出過屋企門口，每日只係喺床上面用住尿片大小便，乖乖地等姑娘每日上來幫佢洗個傷口。洗呢啲傷口要好小心，因為佢成舊瘤都係爛肉，所以唔可以好似平時洗傷口咁用紗布抹/捽。姑娘會痴個膠袋喺下巴，再用針筒沖啲生理鹽水落個傷口咁樣洗，之後仲要好輕力咁印乾，因為如果一個唔小心大力少少，個傷口就好易會瘋狂流血。 望住呢個婆婆日復日地等姑娘拆開紗布，沖洗個大傷口，再蓋返紗布，再重複⋯⋯一個星期都難頂，仲要成半年都每日如是，就咁想像都痛苦。呢個婆婆大概已經冇咗生活，每日只係帶住個軀殼生存緊，加埋佢同個同住嘅阿仔關係好惡劣，有時佢會好激動用我聽唔明嘅鄉下話鬧佢個仔，鬧到好大聲個人都震晒咁⋯⋯ 我喺度諗，婆婆每日咁樣生存究竟有咩感覺呢？ 其實上門洗呢啲cancer傷口真係好普遍，有另一個婆婆係乳癌，但年紀太大所以都唔揀做手術，個腫瘤自然不停生呀生，左邊嘅乳房爆咗一大舊cancer組織出來，仲大舊過上面講嗰個婆婆塊面嗰舊，仲要再惡劣啲，散發住一種好強烈嘅異味。姑娘都話呢啲case都只係一直洗到個病人過身，因為已經冇野可以做，洗傷口只係希望令個傷口唔好發炎，但個腫瘤只會繼續爆出來，唔會因為洗傷口而好返。 木門嘅另一邊除咗住咗好多呢啲帶住極痛苦嘅傷口生存嘅病人，仲有雙目失明嘅獨居伯伯，每次上佢屋企移動過嘅枱枱凳凳凳都要搬返好，因為少少改動都會為伯伯帶來危險；有三十幾歲嘅夫婦同一個婆婆（個丈夫嘅媽媽）逼喺一個冇間房嘅單位裡面，呢對夫婦婚姻生活連一個房間、一啲私人空間都冇，仲要背負照顧記性好差好差嘅媽媽嘅重擔⋯⋯ 當然，都有一啲令我冇咁心酸嘅情景。 好深刻第一日上到一對老夫老妻屋企，主要係睇個婆婆糖尿病嘅情況，睇下佢飲食有冇節制，食藥有冇跟足。一路問婆婆有冇偷偷地食野，個婆婆都話冇，直到姑娘發現枱底地下有幾個大支裝葡萄適嘅吉樽，再追問之下，伯伯先至篤爆婆婆，話婆婆會半夜起身偷飲葡萄適。婆婆細細聲咁拍伯伯，話：「邊有日日飲！」伯伯又繼續爆：「佢呀日日都會去食西多士，食埋咁多糖精，又會食馬仔呀，每日都食架，話佢都唔聽，成日偷偷地食。我就來用籐條打佢pat pat架喇！」婆婆不停叫伯伯唔好再講，伯伯就愈篤愈興起。望住佢地咁樣，我反而覺得好甜蜜。相處咗咁多年，雖然婆婆唔聽人勸咁唔節制，但伯伯一開始都冇爆婆婆啲衰野，直至姑娘自己發現先篤爆佢；篤爆佢嗰陣都唔係鬧婆婆，而係好似湊細路咁樣話要打婆婆patpat。好感受到佢地對話裡面散發出來嘅默契同愛意，都感受到伯伯對婆婆嘅寵愛。 仲有另一對公公婆婆，個伯伯啱啱裝咗心臟起搏器，所以姑娘上門跟進下佢心臟有冇咩唔舒服，同埋教佢初期要注意咩，飲食又要點樣調整。個婆婆坐喺隔離好少出聲，但佢會主動幫伯伯披件外套；姑娘教伯伯飲食習慣要點樣調整，婆婆都特別專注，又會問下問題。之後姑娘叫伯伯出走廊行俾佢睇，行完之後姑娘叫伯伯要行慢啲，伯伯講起佢每日都會同婆婆去散步：「我成日同佢散步，我都行喺前面，佢就mememormor，有時真係等到好忟！」但佢話就話忟，卻係帶住笑意。雖然一個行得好快，一個就鍾意慢慢行，但重要嘅係佢地願意遷就對方，唔會扔低對方。伯伯就算會忟，都會等婆婆；婆婆就算跟唔上伯伯，都會喺後面繼續追住伯伯。我諗喺好多令人心酸嘅人同事裡面，呢啲充滿愛嘅畫面都為我帶來好多温暖。 好啦，純粹想分享我呢幾日睇到嘅故事。希望大家都照顧好自己，重視自己嘅健康，唔好趁年輕就太任性🥺🥺雖然病痛呢啲野唔係我地控制，但做到就做啦！❤️

今日想分享一個乳癌病人嘅故事。 話說我地畢業之前都要考個試，要揀個case去做nursing care，然後再present返個care plan同結果俾個老師聽。我心裡面諗好想揾個mastectomy（全乳房切除手術）嘅 case，因為覺得簡單啲；但呢啲都係睇緣份，如果個病房喺考試日期前真係撞唔到有呢啲case，我都係要揀其他。點知喺我考試前幾日（上個月尾），真係俾我遇到有個MRM case（唔寫全寫喇，總之都係切除成個乳房組織嘅手術，不過唔會切除胸部肌肉）+axillary dissection（切除腋下淋巴）+breast reconstruction（乳房重建）。佢做乳房重建嘅方法係做咗個LD flap（背闊肌肌皮瓣），簡單啲來講即係將一忽背脊嘅皮膚、肌肉、血管同脂肪嘅組織穿過腋窩撥去前面心口位置整返個乳房嘅形狀，用返自己嘅組織去重建乳房就會自然啲。因為我咁啱上個sem先讀完乳癌嗰課，可以親眼睇下塊flap係點樣嘅、手術後要點樣護理，都係好寶貴嘅機會，於是我就去馬。 佢係一個43歲嘅女人，因為手術前打咗成幾個月化療，所以頭髮都甩晒。我同佢講我想揀佢呢個case考試，佢好nice咁話：「冇問題呀！幫到妳學野就緊係好啦！妳有咩想問隨時問我！」嗰下覺得佢真係好好人、好温柔。而我每次做完自己啲野行去佢張床，佢就即刻好主動咁話：「係咪有野想問我🤣」同佢溝通好開心好開心，大家有講有笑。佢仲話我好搞笑，哈。 不過有講有笑嘅背後，喺同佢傾計、問返佢內心感受嘅時候，都感受到好多嘅不安同擔憂。原來佢上年五月確診乳癌嗰陣，都只係乳房同腋下淋巴有癌細胞，如果做全乳房切除+腋下淋巴切除係應該可以徹底清除晒啲癌細胞。於是呢個姨姨就開始化療，目的係縮細佢個腫瘤先做手術。點知喺打晒化療之後，佢再做咗個PET Scan就睇到原來有擴散咗去bone L1（脊骨嘅其中一節），變相做手術都唔可以根治佢嘅病。呢個姨姨兩個小朋友都仲好細個（一個k1，一個小一），好深刻佢話：「我最驚嘅係唔知自己仲有幾多年命。」當兩個小朋友都仲係喺幼苗啱啱開始成長嘅階段，有好多野都未一齊經歷嘅時候，呢個都仲好年輕嘅媽媽就已經要面對可能好快就會失去佢地嘅擔憂，其實真係好令人心痛。加上佢做完手術仲要再做電療同開始荷爾蒙同標靶藥療程，標靶藥一個月都要二萬幾。佢做完手術嗰邊手臂嘅活動能力都有好大限制同需要特別嘅護理，令佢好多家務都唔係好做到。龐大嘅財政開支加上唔可以盡好做一個家庭主婦嘅責任，都令佢覺得好內疚，覺得自己成為咗屋企，特別係老公嘅負累。 除咗治療費用同復康嘅問題，佢仲面對每個乳癌病人都會面對嘅難處，就係身體外觀嘅轉變。呢個姨姨話：「醫生俾咗好多選擇我，例如做唔做重建，做嘅話又有得揀加唔加啲野入去⋯⋯我都係想做，雖然我本身都冇咩胸，但切咗就真係完全冇，做重建起碼有返少少自信心。」作為波平如鏡團體嘅一份子，我有時都會葡萄啲女仔身材好正🤣我諗就算有啲女人會冇咁在意有冇身材呢啲野，但女性特徵某程度上對一個女人來講都係好重要，係一種女性身份嘅象徵，亦可以好影響一個女人嘅自信。喺面對癌症嘅時候，當然健康係最重要，如果切咗個乳房就可以醫到個病，我諗每個病人都會咁做；但做呢個決定背後，好多病人同時面對住身體外觀嘅變化帶來嘅自卑感。慶幸醫療嘅進步真係為病人帶來好多幫助，就好似乳房重建手術咁，雖然重建嘅乳房一定唔會好似原本咁自然，但對本來冇呢個選擇嘅病人來講已經係好大嘅安慰。 我問到個姨姨屋企方面嘅support點嘅時候，佢話：「我老公都好錫我，佢有話如果做重建要搞咁多野，又要背脊多個傷口，移植過來嗰塊皮又有可能會壞死，就寧願我唔好做，最緊要係我健康喔～」我諗每個男人都一定唔會希望另一半冇咗可以突顯女性美嘅身體特徵，除咗影響觀感，仲可以影響雙方嘅性關係；但呢個姨姨嘅老公只係希望自己老婆平安做完手術，最少痛楚地康復，有胸定冇胸都唔係咁重要，我聽到都覺得好有愛。 其實乳癌喺香港都真係好普遍，上年我有個朋友嘅媽咪都發現咗有乳癌，喺治療嘅過程仲因為副作用太勁產生咗一啲情緒問題☹️所以喺抗癌嘅過程中，屋企人同另一半嘅支持真係超級重要（每種cancer都係啦）。今日情人節，我突然諗起呢個病人，唔知佢今日同老公點樣過情人節呢？所以我畫咗呢幅畫—— 佢個傷口包住紗布，個圓圈位就係嗰塊皮瓣（要間唔中check下嗰塊皮有冇血到），仲有一堆花喺佢心口位。雖然外面睇佢個樣唔係好似年輕健康時咁靚，但佢嘅內心係好善良好温暖，呢顆真誠嘅心先係最靚嘅，就好似花一樣燦爛。加咗啲蝴蝶係因為⋯我鍾意🤣同埋我好希望做完手術嘅佢可以有新嘅開始，蛻變成更堅強嘅自己。祝佢可以回復健康，可以睇住一對仔女成長，可以繼續以温柔善良嘅真心待人。 講真，喺呢個世代癌症已經愈來愈普遍，人類食嘅野多咗加工少咗天然，環境又多咗污染物呀致癌物，生活習慣又唔健康（有時都係生活所逼），情緒又好壓抑⋯⋯擁有健康都唔係必然，有千萬金錢都買唔到。但呢個姨姨特別提我：「我平時食野都好健康好清淡，所有野我都覺得冇乜特別唔健康，唯獨係運動，我覺得我真係缺乏嘅。雖然唔知關唔關事，但妳趁後生都要做多啲運動呀！」就算係運動健將都可以患癌，但做運動對身體一定係百利而無一害。所以順便鼓勵大家都一齊做下運動啦～最後，補返句情人節快樂，祝大家都揾到真心愛你嘅人。