一，其實，中文，英文都有「官樣文章」呢個問題；其他文，我唔識，所以唔識評論。

二，「語」同「文」其實係兩個相關但又唔完全相同嘅範疇，邊個係主，邊個係次呢？

三，話說，語言嘅演進，其實可以好快，文字就相對保守。依家睇返半世紀前嘅電影，你會發覺啲人說話嘅音調節奏等，同時下嘅人好唔一樣。

四，文字，就有人會堅持舊派作風，要依傳統。

五，冇話係邊個啱，邊個唔啱。只不過，近年我漸漸相信，日常使用，文字只不過係語言嘅載體，甚至乎越來越多人，直接繞過文字，拍片錄音。語言嘅傳播同變異，亦都越來越快。

六，咁係咪意味未來嘅世界，會好似禪宗話齋，係「不留文字」？咁我又唔係咁睇喎。

七，正因為語言變得快，文字變得慢，思想先可以透過文字留傳後世。我覺得，文字嘅跨度，大概亦不過一百幾十年。一百幾十年後，又要當時嘅人，將思想用當時嘅文字，又或者其他方式，承傳落去。

八，只不過，值得留傳嘅文字，我相信一定要好精，好簡。「咁你 Facebook 又寫咁長？」係喎，點解釋呢？

九，其實，我都唔當自己寫緊文字。過去我都試過寫書面語，都冇人睇。我用口語去寫，老土啲咁講，真係我手寫我心，點知反而好多人話睇得明。

十，更重要係，我覺得 Facebook 嘅 Post ，本身有時限性，亦唔係咩傳世之作，只要大家睇完，思考過，內化嘅就內化，忘記嘅就忘記，咁個 post 就功德完滿。

十一，講返官樣文章嘅現象，要我好簡單歸納，原因之一係「文字凌駕語言」嘅惡果。大家有冇發覺，香港填鴨式教育嘅官員，大多數都唔識演講？當年佢哋入職政府做 AO ，係因為叻讀書考試，考試係靠寫字，而寫字嘅考試又以書面語為標準。結果，管治嘅權力結構入面，就出現咗一個以文字為主嘅文化。

十二，文字為主，都只係問題嘅一半，另一半就係官僚嘅操作，重點係「冇人要為執行而需要個人問責」。語言裡面，有種句式叫「被動式」，英語嘅被動式，好易睇得出，亦一聽都聽到，係唔順耳嘅。中文呢，其實都係好易睇得出，但如果用口語講，就更加會聽得出唔順耳。將官樣文章讀出聲，就知道係幾咁乞人憎，所以填鴨式教育嘅官員，永遠都讀唔好一篇演辭。

十三，語言同文字，都係反映思想，官樣文章反映官僚心態。官樣文章泛濫，係因為官僚心態泛濫。好多大機構大公司，其實都係官僚操作，佢哋對外嘅文字溝通，就難免係被動地兜風。

十四，學利君雅話齋，講返人話啦，返工唔講得，放工上 Facebook 講囉。

被投票權

近日香港舉行區議會選舉，常聽人說市民有投票權，也有被選權。我奇怪為何不用參選權，偏要對「被」字情有獨鍾。然則何不用「被投票權」呢？新聞報導有人到投票站時，發覺記錄上他已投了票。當這種事經常發生，「被投票」大概也說得通。

《射鵰英雄傳》中，歐陽峰一掌「正打在洪七公背心正中」。現代筆法會寫為「成功地打在洪七公背心正中」，其實正中二字也是多餘的，除非當時的語境是要表達得相當準確。而日後大概會有「色狼人士成功地將女生強姦」的說法。從百層樓向下望，「多少有點恐懼」，現代筆法會寫成「有一定程度的恐懼性」。

中文可用：使我，令我，等我，待我，由我等等寫法。現代中文一律用「讓我」。香港的政府公文，在九七年前已廢了文言，臺灣尚保存一點，大陸的文言當然連根拔起了，而用「我司」「尊敬的」。我有時想寫得莊重點，有禮點，帶敬意的，用上從小學來的，香港人都看得明的，帶點文言的寫法。在國內長大的人就說我這種文字是「無人看得明的」「人家不懂的」。實在寃枉。而「實在寃枉」，現代話可寫成「這是我的文字不被認同」或「我的文字得不到肯定」或「我的文字受到否定性」。

「你如何找到我的？答：我是問你同學的」，「用望遠鏡看到……」，「以起重機……」。以上句子中的「問，用，以」今人大概已很少懂得用，只會用「透過」「通過」。宋教仁起草了《中華民國臨時政府組織法》，今人只會說宋教仁打造了《中華民國臨時政府組織法》。從前說專長，擅長，現在說強項。不說貶低，而說矮化。香港天文臺已不說暴雨，豪雨，滂沱大雨了，都跟大陸說強降雨，因為英文的說法是a strong fall of rain。