「去Ikea做足準備，買得開心至醒得你。」不解釋。

IKEA九龍灣分店喺聽晚，6月26號23:00至星期六6月27號02:00會舉行「瘋狂特賣夜」，部份貨品低至一折（其實有幾多？）包括座椅、貯物傢具、燈呀咁，門市嘅即時提取家飾用品、自助貨倉貨品，同埋全線瑞典美食廊食品會有85折優惠。

潮友記得今晚上官網睇定想買嘅野係咪售罄，因為今次促銷有成千種貨品俾潮友揀。而且，聽日不設傢俬訂購服務，實行「手快有手慢無」。想買櫈，今晚就量好尺寸，夾好聽日同朋友一手拎兩張，搶購時間得3個鐘，記得call齊馬去cashier排定隊～

路姆西？今次唔知有無？記得著定t shirt牛仔褲做輕便戰衣，帶定mega size環保袋，同埋早啲去排隊！因為宜家facebook有提醒大家佢地聽晚會安排20:30前入場嘅顧客離場，23:00重新開放正門入口。帶定小食同水，你會用到的。

聽晚crazy sale不設送貨、安裝同代存服務，實帶「有手就有貨」，而宜家都有喺Facebook講過會有GoGoVan準備為顧客服務，實際收費就以call van時資料為準。而星期五夜晚消費滿$300或以上就會有3小時免費泊車優惠。

宜家facebook就表示，九龍灣宜家家居餐廳會開至01:00，無熱狗賣，但顧客仍可享受同平時唔同嘅宵夜美食，明白啦，我會執生架喇！

鳴謝潮友 J 溫馨推介

星期五晚GoGoGo!!!
< 11 pm - 2am >
飯後睇埋埸戲剛剛好!(^O^)／
.
「深宵瘋狂購物夜」注意事項：
.
1. 大量精選絕版貨品包括座椅、貯物傢具、燈飾等低至1折發售！
2. 門市即時提取家飾用品 + 自助貨倉貨品 + 全線瑞典美食廊食品，均有85折！
3. 餐廳嗰晚會營業到凌晨1:00
3. 購物優惠唔包括陳列貨品
4. 不設送貨、安裝及代存服務
5. 冇傢俬訂購、退貨同更換服務
.
交通安排:
.
「來往九龍灣MegaBox同德福廣場嘅免費專車將延長服務至6月27日凌晨1時。同時特別加開由MegaBox前往觀塘裕民坊路線，服務時間為6月27日凌晨1時至2時30分，約15至20分鐘一班。
.
而GoGoVan客貨車服務將於當晚特別預留車隊於九龍灣區為顧客提供服務。
.
如果你想泊車嘅話，MegaBox免費泊車優惠仍適用於該時段，條款及細則可以向MegaBox查詢。已購買貨品嘅顧客可於凌晨2時30分前直接到宜家家居九龍灣分店L3提貨區上貨，一般車輛同客貨車可於提貨區免費停留半小時，以方便顧客上落貨品。
.
另外，九龍灣MegaBox附近亦有前往旺角先達廣場嘅紅色小巴提供夜間服務。」
.
.
更多官方資料: https://www.facebook.com/ikeahongkong