【公開地圖+名單】全港8803項歷史建築名單　現正原汁解封!

自隱藏20年的全港歷史建築調查順利入手後，研究社花了一個月時間，動員多位研究員及20多位義工努力，製作出《#香港8803座隱藏歷史建築地圖》，將長達179頁的歷史建築清單人手做好地址位置定位 (geo-referencing)，就更容易公眾搜尋各區歷史建築 (這本來是誰的責任呢? 🤨)。

🌏《香港8803座隱藏歷史建築地圖》
連結：https://bit.ly/3vPilnt

早前古蹟辦向研究社公開這份具歷史參考價值的調查報告，曾已「政府版權」為由限制我們進一步分析及公開，但經過一番公眾要求及傳媒壓力下，我們收到古蹟辦主動回覆，說覆檢後可給我們隨意使用 ("you may make public the contents of the reports if you so wish".)，因此研究社現將所得名單及報告向大家全文公開，幫手備存。

🏛 全港8803項歷史建築名單 (共179頁)：
http://bit.ly/2PbppKn

📖各區古蹟調查簡報：
1. 中西區、灣仔、東區、南區、油尖旺、深水埗、九龍城、南丫島及外島
http://bit.ly/3lxKH0Y
2. 西貢及東九龍(黃大仙、觀塘)
http://bit.ly/3cX6QSv
3.沙田、大埔、荃灣、葵青及離島
http://bit.ly/3sbZKQy
4. 元朗、屯門、北區
http://bit.ly/3tHqclj

整理過程中相當艱巨，原因是20年前的歷史建築清單上，有過半地址紀錄並不完整，有些只得村名，或者昔日的地址已經被清拆重建，不少亦已經未評級已消失，故此人手上及技術上花了很大的力氣去克服，務求做到便利查閱的位置。(再次感謝研究義工的無私奉獻，我們亦會持續更新)

是次研究社透過《公開資料守則》成功取得重要調查，我們更明白城市保育工作並不能獨力推動，必須要靠社區力量更強剖析8803項歷史建築的具體狀況，期望我們打開了這批公開資料只是第一步，再有更多民間高手接力。

【直播預告】特別留意明晚星期一8:30pm，我們將會有調查解說直播會，會由仔細鑽研過整份名單的幾位研究員淺入深出說明發現，希望與大家一起奪回這批被隱沒忽略的本土建築，歡迎在以下連結預定參與!

💁‍♂️ 參與直播活動：https://fb.me/e/21ZQgj5QA

--
月捐支持民間研究工作
https://liber-research.com/support-us/
FPS ID：5390547

相關報導

HK01: 本港8800幢歷史建築曝光　九龍城近百年歷史戰前唐樓群不獲評級
http://bit.ly/3cWkFAD

蘋果日報：團體批古蹟辦漏招進度慢致歷史建築欠保護 李小龍故居、南角道3號唐樓等未獲審視或被清拆 http://bit.ly/38YwSUk

🙂Follow Us: https://linktr.ee/liberresearch

若借來的終須歸還。無論一個家、一片地、一個生活的權利，失去了現實的載體，幸而仍能寄居到這些熱愛社區的創作人小誌裡，以另一種方式留存，這些曾在空間發生的點滴。

隔著一條土瓜灣道，從上方美善同道，至下方榮光街一帶的重建項目，意外讓有關土瓜灣舊區的書寫與創作不斷。兩本記錄土瓜灣的刊物－林建才 @lamkinchoi 與劉清華 @jejesslau 創作的《地圖上沒有的美善同村》、九十後女孩Monica @hkunderstairs.shop 《香港樓梯舖//土瓜灣篇》，同樣以各自視覺，分別將美善同道流傳幾代人的物品、街道生活情狀，或是瑟縮一角的樓梯小店又畫又寫，讓那些滿載情味與智慧的生活得以被看見。

如曾棲身九龍城道橋底的「安樂承裝水電工程」，店舖空間轉變與時代扣連，尚營業時，區內名氣不比早前結業的「財記百貨」遜色。店舖始於60年代，受惠於土瓜灣輕工業區的需求，發展出水電生意，後來隨著工業北移，本地製造業式微，英叔的店舖在千禧年轉型成「安樂士多」，售賣汽水香煙；而土瓜灣另一方，幽靜的散步路線美善同道，同樣佈滿了建於60－70年代的公務員合作社，盛載了好幾代人的生活起居－伴隨第一天入伙的吊燈、嫁女用的樟木櫳，或是門前那棵見證四代人交替的白蘭樹。

重建下也許只見一座樓宇的消失，但內裡細碎的生活物品、殘破褪色的招牌，都是昔日艱苦歲月的拚搏痕跡，或是落戶之初的生活願景。兩本小誌，如畫出地圖上沒告訴你的土瓜灣。

#地圖上沒有的美善同村 #香港樓梯舖 #土瓜灣小誌

【睇展】土瓜灣的街坊對美善同道和靠背壟道的「公務員樓」一定不會陌生，原來這些漂亮的樓房，是由公務員建屋合作社（Civil Servants’ Cooperative Building Societies，下稱合作社）所興建，由於樓房的建築設計都是由社員共同商議，再找則師畫則和興建，因此比起私人發展商的樓宇更加實用和人性化，樓宇大多都是方方正正，有個大露台，沒有「奇則」，實用面積動輒過千呎，設計細節上各有特色。

最近的「九龍城公務員合作社文獻展」展出由街坊提供的舊時圖則，團隊又從不同來源找來文獻，讓公眾了鮮更多公務員樓的故事。當中藝術家林建才和劉清華到訪兩條街近百次，收集街坊故事，再以地圖、照片、插畫和拓印等方式呈現。

全文：https://bit.ly/3oiticH
－－－
《明周文化》推介：
首位華人奪國際年度風景攝影師冠軍 Kelvin Yuen：「攝影給我活着的感覺」
https://bit.ly/3fU45m4
周耀輝：填詞三十年，依然意難平
https://youtu.be/SBOxXMqs4u4
－ － －
◢ 緊貼明周文化 ◣
IG：bit.ly/2TORYuE
YouTube：bit.ly/2klNzmB
TG：t.me/mpwchanneldepthreport

#公務員樓 #公務員合作社 #美善同道 #靠背壟道 #土瓜灣重建 #土瓜灣 #展覽 #我就是我 Wong Ky 九龍城公務員合作社文獻展 Kowloon City Civil Servants' Cooperative Building Societies Exhibition

【時光倒流一個掣】
早喺2014年，Google Maps地圖嘅街景服務Street View推出時光機功能，可以俾大家睇返舊嘅街景圖相片。近日有網民再Loop呢一項「#時光倒流」功能，重溫十幾年前18區嘅社區風貌，見證住自己社區嘅變遷。

00:00 Intro
00:17 中西區
中山紀念公園 Sun Yat Sen Memorial Park
般咸道 Bonham Road
香港摩天輪 Hong Kong Observation Wheel
英華女學校 Ying Wa Girls' School
00:40 東區
油街實現 Oil Street Art Space
太古城中心 Cityplaza
小西灣廣場 Siu Sai Wan Plaza
00:53 南區
One Island South
海洋公園道 Ocean Park Road
01:03 灣仔區
希慎廣場 Hysan Place
利東街 Lee Tung Street
夏慤道 Harcourt Road
01:16 九龍城區
啟德郵輪碼頭 Kai Tak Cruise Terminal
忠孝街 Chung Hau Street
香港嘉里酒店 Kerry Hotel Hong Kong
01:29 觀塘區
裕民坊 Yue Man Square
牛頭角下邨 Lower Ngau Tau Kok Estate
藍田綜合大樓 Lam Tin Complex
聖言中學 Sing Yin Secondary School
大本型 Domain
01:54 深水埗區
D2 Place ONE
長沙灣道 Cheung Sha Wan Road
02:04 黃大仙區
黃大仙中心 Temple Mall
樂富廣場 Lok Fu Place
Mikiki
02:14 油尖旺區
K11 MUSEA
旺角大球場 Mong Kok Stadium
洗衣街 Sai Yee Street
廟街 Temple Street
02:31 葵青區
青衣城二期 Maritime Square 2
02:36 北區
聯和墟 Luen Wo Hui
02:41 西貢區
PopCorn 2
香港單車館 Hong Kong Velodrome
西貢公路 Hiram's Highway
02:53 沙田區
創新路 Chong San Road
02:58 大埔區
太和邨 Tai Wo Estate
寶鄉邨 Po Heung Estate
03:06 荃灣區
海之戀商場 OP Mall
荃灣千色匯 KOLOUR
荃灣工業中心 Tsuen Wan Industrial Centre
03:20 屯門區
V city
屯門公路轉車站 Tuen Mun Road Interchange
凱都戲院 Hyland Theatre
03:33 元朗區
天秀路Tin Sau Road
形點 YOHO MALL
03:41 離島區
北大嶼山醫院 North Lantau Hospital

Reference:
用 #Google街景 睇返以前嘅社區好正
- 分享自 LIHKG 討論區
https://lih.kg/2440533

Music used:
♪ #時光倒流一句話 (Piano Cover) by @Noodles Music
https://youtu.be/2IL1dQzvFfU
♪ [Instrumental] Dua Lipa - Homesick by @HUIYA Instrumental
https://youtu.be/wr8L720j9PI

Google Map向來有提供街景功能，用家瀏覽地圖之餘亦可看見商戶建築，感覺有如身歷其境。有網民於連登討論區以「用Google街景睇返以前嘅社區好正」為題發文，指可以用Google Map翻看最早12年前、即2009年的香港街道景色，緬懷過去之餘亦感嘆10年來香港變化甚大，獲不少網民和議。

不少網民立即以Google街景翻閱10年香港景色。有人認為當年街道上人車數量不如現在多，街邊違泊情況亦較輕，直言「條路好暢順」。亦有人特別注意街邊商戶及建築，認為當年彌敦道兩旁金舖較少，商戶種類較豐富，而近期需要重建的觀塘裕民坊，於2009年尚未落成巴士總站，附近皆為商場食肆，早前結業的麥當勞仍「健在」。

除商戶外，不少網民亦關心10年前物價。有人發現有食肆每碗淨雲吞僅售$10，直言以今時今日物價實在難以想像。有人就表示最關心當年樓價，指翻查當年地產代理店面，可見康怡2房單位僅售200餘萬，亦有人帖圖指屯門大興花園500呎單位僅售168萬，稱可惜自己當年仍在求學時期，否則已一早「上車」做業主。
https://skypost.ulifestyle.com.hk/article/2898243/%E6%98%94%E6%97%A5%E9%A6%99%E6%B8%AF%EF%BD%9C%E7%94%A8Google%E8%A1%97%E6%99%AF%E3%80%8C%E6%99%82%E5%85%89%E5%80%92%E6%B5%81%E3%80%8D10%E5%B9%B4%20%E7%B6%B2%E6%B0%91%E6%87%B7%E5%BF%B5%E6%A8%93%E5%83%B9%E3%80%8C%E5%BA%B7%E6%80%A12%E6%88%BF2%E7%99%BE%E5%B9%BE%E8%90%AC%E3%80%8D

網民「大政奉還」在連登討論區上以「用Google街景睇返以前嘅社區好正」為題發文，分享使用Google Maps的Google街景功能可以透過調整時間線，看到特定位置在不同時間時的樣貌，從而看得出一個社區的變化。

樓主Cap圖舉例，指Google街景可以看到餐廳改由酒樓接手、已經結業的明將壽司、當年正在上映的電影、十幾年前的樓價、2009年每碗雲吞麵只需10元等。他指看Google街景「好似用時光機返去過去咁，個感覺好正，見證住自己社區嘅變遷，如果有埋VR模式就好」，「見返已經執咗笠嘅舖頭好滾動（感動）」。

不少網民知道Google街景設有調節時間功能之後都大叫「長知識了」，又說「原來有呢個功能，多謝分享，懷念下先」，並分享自己找到的截圖。
https://www.hk01.com/%E7%86%B1%E7%88%86%E8%A9%B1%E9%A1%8C/597712/google%E8%A1%97%E6%99%AF%E6%9C%89-%E6%99%82%E5%85%89%E6%A9%9F-%E5%8A%9F%E8%83%BD-%E7%B6%B2%E6%B0%91%E7%8B%82loop%E6%98%94%E6%97%A5%E7%A4%BE%E5%8D%80%E9%A2%A8%E8%B2%8C-%E9%99%84%E6%95%99%E5%AD%B8

網上懷念10個已消失嘅靚景 Google Maps回到過去新功能

昔日嘅時光永遠係最美好，有唔少人都希望回到，甚至停留喺嗰一刻，但時間依然係會繼續過去，不過大家就可以透過Google Maps去重溫返懷念返一啲已經消失嘅靚景，幾個步驟就可以帶大家回到過去，咁神奇？一齊嚟試下啦！

你有冇諗過未來嘅香港會變成點？對於我嚟講未來嘅想像空間非常之大，如果有得揀，我會選擇喺香港興建科幻式嘅建築，然後重建九龍城寨嘅建築奇觀，等大家可以重返九龍城寨。

未來香港地圖Steam Workshop: http://hyperurl.co/hkocbmap

再建香港計劃所用模組Steam Workshop(Cyberpunk): http://hyperurl.co/hkocbsteamworkshop

再建香港計劃Spotify Playlist: https://spoti.fi/2UUQTC1

Facebook: https://www.facebook.com/kingsanff
Instagram: https://www.instagram.com/kingsanff

《十大重建消失的舖》
今次走勻全港十區同你介紹「十大重建而消失的商舖」。不是按規模大小，而是十大特別有意義的項目。 因為重建，有幾多間舖消失了? 香港人均零售樓面又有幾多呢? 對未來有什麼啟示?

Answer in video: 

全文: 
...................

東涌，青衣，將軍澳，馬鞍山，西九，啟德除咗都係新發展嘅地區同埋有個共通點，無舖賣。 舖同樓唔同。 樓會越來越多，但舖(我講緊街舖， 尤其是市區嗰啲 )則只會越嚟越少。 可以買賣的更加少。 點解? Now I tell you why! 

第10: 我後面原本係著名嘅灣仔喜帖街，即係利東街。 由於市建局2003啟動重建，利東街/麥加力歌街一帶佔地八萬九千平方呎， 2010年2月起利東街永遠封閉。 150間街舖從此消失， 變成咗我後面呢個囍滙商住混合項目嘅項目。 而家信置同埋合和揸住曬，咁仲有冇鋪賣，zero!  

第9: 經皇后大道東走向金鐘方向幾步，近PP3嘅保華大廈、安頓街、蘭杜街一帶嘅舊樓， 佔地一萬二千八百平方呎，太古於2017年底就以20.55億強拍買入，其中一間400呎嘅舖之前仲升咗2393倍，先以1.41億被收購。可惜呢度30間街舖亦將會消失。可能變成另一個PP4, 一個發展商揸住曬，無舖賣! 

第8:  最近好hit嘅topic， 梗係新世界喺北角英皇道嘅皇都戲院項目啦。 皇都戲院係1952年落成， 佔地三萬五千平方呎，當年為戲院、商場同埋住宅嘅大型綜合建築項目。 戲院係1997年結業， 而家部分改為桌球會。 新世界收下收下收下， 收到八九成業權啦，就係2018年10月正式向土地審裁處申請強拍。 之前我都逐一逐一報道過， 唔少舖都高於市值5至8成賣咗， 擺到明就係被收購。 強拍重建落實後，80間舖從此消失。 又係一個發展商揸住曬，唔賣! 

第7: 又係太古， 不過今次拍埋恒基。 喺太古王國旁邊，鰂魚涌呢道嘅濱海街16至94號連同英皇道983至987A號， 連埋瑞士樓呢一列嘅十多幢舊樓， 成條街長300米，佔地四萬四千呎， 2018年11月啱啱申請強拍， 估值26.6億。 重建後，太古梗係唔會賣啲鋪啦，40間舖從此又唔見晒。

第6: 返番中環半山卑利街/嘉咸街一帶， 由中環中心行上嚟些小， 佔地約五萬六千呎，而家工程進行得如火如荼。 市建局把地盤分成ABC三個，先後分別同信置(A)，長實(B)，永泰同資本策略(C)合作發展， 2007年啟動，預期2022年全部落成， 到時呢道有冇舖賣? 唔知，但係可能都係零。近100間舖可能又從此消失。

第5: 今次梗係要過下海啦， 因為大部分重建都喺九龍區。 淨係睇市建局啟動過嘅75個重建項目， 57個都係九龍。 新界(除咗荃灣嗰兩個楊屋道及萬景峯嘅項目以外)基本上係無重建嘅。 

先嚟旺角買返對波鞋先， 波鞋就越嚟越多 , 不過可以賣買嘅舖又少咗38間。 點解? 因為市建局2007年開始，就收咗波鞋街呢度一楂嘅舖， 佔地三萬六千平方呎，同新世界起成咗呢K28嘅商住項目， 同K11一樣，啲舖梗係唔賣啦， 大家又要行商場啦。

第4: 男士們，以前多唔多嚟尖沙咀金巴利道嘅香檳大廈呢? 我都係聽人講㗎咋， 呢度曾經係一樓一鳳，色情事業嘅聚集地。 佔地二萬六千呎，香檳大廈於1957年落成， 雖然只得八層高，曾經係半島酒店之後，當時九龍最高嘅建築物。 亦曾經係香港著名相機同攝影器材嘅集中地， 80年起開始沒落， 90年代多個單位被劏成為一樓一鳳， 曾經盛極一時叫做香港「性」地。 

由於樓齡過咗50年，近年不斷傳出財團收購嘅消息。 好似2018年1月時， 恆基就向霍英東家族買咗地下同LG層合共十個舖位，作價1.15億。 之後上個月(2018年10月)恒基再用多1.25億買入多十間舖，我之前都有報導過(第998-999成交)。 雖然依家應該仲未收齊八成業權門檻申請強拍， 相信收下收下距離收齊唔遠。 重建之後， 啲舖肯定好似對恒基自己對面美麗華廣場咁唔會再賣散，到時尖沙咀又無咗90間可以買賣嘅舖啦。

第3: 嫌香檳同波鞋個項目細? 整個大啲畀你睇睇。 我而家企咗喺土瓜灣， 庇利街/榮光街/啟明街/鴻福街/銀漢街一帶， 可能你呢世仔都未來過， 但再唔嚟, 呢度嘅大約二百間舖就好快冇晒啦。 呢度每間舖市建局收緊大約千二至千八萬。

土瓜灣真係好多重建，淨係呢幾條街，市區重建局就落實咗七個重建項目， 睇住我地圖框住呢七個， 合共佔地二十三萬九千平方呎。 預計呢七個項目喺未來十年相繼落成，到時有冇舖賣? 我唔知。我只知道肯定唔少變成商場， 大發展商自己揸住曬。 即使有商場內嘅細舖劏出來，大家記住千祈唔好貪平買。 地舖頂多輸一兩成，劏舖分分輸剩你一兩成。 

第2: 未來嘅消費，我相信唔止係南向北移，而且係東向西走。 因為港珠澳大橋，高鐵通車同埋西隧減價都係西邊，東邊反而只係本土消費多啲。 講重建消失嘅舖，梗係要講下九龍西啦。 

呢度係大角咀，好吖。 重建一流呀， 如果唔係市建局都唔會喺度落實咗十個重建項目。 未計已經落成嘅洋松街新鴻基形品▪星寓，必發街華人置業嘅 i-Home, 櫻桃街南豐嘅海桃灣， 埃華街信置嘅 Park Ivy， 其他仲起緊嘅六個地盤就係呢度，六個地盤合共佔地六萬四千平方呎，重建後又有約70間地舖將會唔見啦。 

呢楂舖唔夠多? 最勁嘅應該係恒基係大角咀道以西，近奧海城嗰邊嘅利得街、福澤街、 嘉善街、角祥街一帶嘅利奧坊重建項目，分為五期發展，合共約佔地超過11萬平方呎。 

未起前有大約80間地舖係利奧坊呢道，起好後? 又變成好似係我後面呢個商場咁啦，一個發展商揸住曬，無舖賣。 連同之前市建局起緊嗰六個地盤嘅七十間舖， 大角咀又將會對一百五十間舖講拜拜啦。

第1: 梗係要講我由細浦到大嘅觀塘裕民坊啦。 呢個係市建局同埋香港有史以來最大型嘅市區重建項目。 主地盤及月華街地盤合共佔地57萬平方呎， 係我上面講嗰九個地盤嘅總和， 牽涉超過1600個業權，三千個居民，同520間舖。 

呢個項目早於1998年已經由前土地發展公司公佈 ， 2007年市建局起正式啟動， 分五期落成， 當中會有住宅，office, shopping mall, 酒店, 政府辦公室，社區中心，公園， 交通交匯處等綜合設施 。預期2026年完工。 前後預期要搞近30年。頭三期係由信置同埋華人置業發展緊。 咁大個項目，起好之後肯定好似APM咁，又係冇舖賣。 嗰五百幾間舖從此又消失。

根據政府統計處及差餉物業估價署數字，香港依家大約有280萬個住宅單位。 零售方面，總面積有1.2億平方呎， 除以740萬個香港人，即每個香港人有16呎嘅零售空間。每年新落成就大約有120萬平方呎嘅新零售樓面。 但記住喎，呢啲絕大部分都係商場、樓上舖及銀座式商廈。 喺條街嘅地舖係無新供應之餘，仲不斷地減少緊。 我重複，係無新供應之餘，不斷地減少。

粗略估計香港大約有十萬間街舖， 由於收購重建，可以買賣嘅街舖不斷地減少緊，淨係上面嗰十大個案就已經冇咗千四間舖。 市建局只佔市區重建少數，我估計佢哋咁多年嚟就收咗大約二千間舖。私人發展商仲多，大約萬幾間啦。 

買鋪無非等收租，等加租，等升值，博重建。經濟理論101教我， 如果一樣商品只會減少，沒有新供應，而永遠有基本需求的話，唔怕買，長遠必升。 除非啲人開始識飛天，我就怕。因此我咁多年嚟都鐘情於街舖， 去證監會攞正牌成立埋香港首間商舖基金，2009年至今買賣接近一百間單舖， 算有些少成績。你.... 又會唔會想買呢? 

第10: 灣仔喜帖街(利東街) - 150舖
第9: 皇后大道東保華大廈、安頓街、蘭杜街 - 30舖
第8:  北角英皇道皇都戲院項目 - 80舖
第7: 鰂魚涌濱海街/英皇道瑞士樓 - 40舖
第6: 中環卑利街/嘉咸街 - 100舖
第5: 旺角波鞋街 - 38舖
第4: 尖沙咀金巴利道嘅香檳大廈 - 90舖
第3: 土瓜灣庇利/榮光/啟明/鴻福/銀漢街 - 200舖
第2: 大角咀市建局及恒基利奧坊 - 150舖
第1: 觀塘裕民坊及月華街 - 520舖

合共消失1398舖