【有陌生人用wechat約你見面，千祈唔好去…】（12） . .當我跟阿細從遊戲裡逃出來後，就有幾個喊著「齒輪萬歲！」懷疑被洗腦的齒輪信徒出現，為首的是一個骨架很大的女人，一頭披頭散髮遮著臉容，卻無阻彷彿隨時都會癲狂發作的瞳孔。 . .身後是兩個滿身贅肉，只穿著泛黃內褲的男人。我端詳著這個只有AV才會出現的組合。那女人突然問我… . .「頂層，你哋遇到咩？」 .「唔…」怎麼答得出來啊！大概不是斷手斷腳，就是挖內臟吧？！ . .女人掃視一下被我綁在地上昏迷的信徒，湊前來跟我說：「快啲答我！」 . .「我…就係…上頭派我嚟…」我支吾。 .「上頭？！」女人皺眉。而她身後的兩個男人，在那女人耳邊說：「女皇，千祈唔好信叛徒嘅說話啊！」 .「就係上頭派我嚟捉你哋班叛徒嘅！」我挺起胸膛一副自信滿滿的樣子。 . .「無可能！我喺度幫咗上頭咁多，無可能係叛徒！你亂講！」那女人受了很大挫折般狂抓頭髮，背後那兩個男人卻在享受著被頭髮掠過臉。 . .果然我猜得沒錯，她們就是負責將被齒輪送進來的人進行催眠，再幫我們戴上裝備進入遊戲的管理員了。 . .也就是…雜碎一堆！ . .「無可能？妳知唔知上頭係邊個？答我！」我指著女人的鼻尖。 .「呃…呃…」 .「妳梗係唔知啦，妳只係一個盲目信奉嘅叛徒，妳唔知齒輪嘅理念！妳根本乜都唔知！」我打蛇隨棒上。 . 「啊啊啊啊！收聲！我係上頭最忠誠嘅僕人啊！」女人開始歇斯底里地大叫。 . .來吧來吧來吧～將妳知道的秘密全都告訴我！ . .「無錯，妳的確係幫上頭帶人入去遊戲，但妳又知唔知，將啲人帶入去嘅目的係咩嘢！答我！」 . .「洗腦！成為自殺式武器！」女人吼叫。 .「妳又知唔知上頭係點樣選擇洗腦人選？妳夠膽質問我？懷疑我係叛徒？妳有咩資格幫上頭去篩選啊？」我一腳踹向女人的肚子，兩個男人想向我衝來，卻被女人阻止住。 . .「我知…咳咳咳，自殺式武器要分佈全港九各區…等待指示…咳咳咳！我只係怕，齒輪入面有劣質嘅人，影響齒輪運作…」女人不停嘔吐。 . .嘩啦啦啦，這次真是資訊大豐收～ . .「今次我就畀次機會妳，下次唔好再私自做決定啦同你講！」說畢，我牽著阿細推開兩個男人離開。 .「咪住！」女人把我叫住。 .「點啊？」 .「個女人唔走得…！」女人衝著前抓住阿細。 .「佢係我嘅人，上頭要見佢。」我亂吹牛。 . .女人湊前去阿細面前，以兇神惡剎地盯著她的雙眼。 .「我明白喇…你哋走啦，呢度啲手機我會收拾。」女人露出參差不齊的牙齒笑。 . .跟阿細離開這棟鬼大廈後，我先帶她回阿穎的家，我還要些時間消化那女人提供的資訊。 . .「呢度係你住㗎？」阿細環視，踮起腳尖避過滿地報紙垃圾，還有吃剩的飯盒。 . .「係。」 .「一個人？」 .「唔係…同一個養大我嘅人…」阿穎不在家，她本來就經常出外，有時晚上回來一睡就好幾天，有時候幾天也不回家。 . .「唔～咁亂嘅，無人幫你執屋咩？」阿細彎下腰，幫我把散亂一地的報紙雜誌疊在梳化前的小桌子上。 .「無啊，有個地方避雨，又餓唔死咪夠囉…」 .「咁點得㗎～我可唔可以飲杯水？」 .「我屋企得汽水同啤酒。」 .「汽水吖唔該。」 .「等等。」我走進廚房打開雪櫃，不巧裡面空空如也。 . .「有冇濕毛巾啊，我幫你抹乾淨佢！」阿細在廳外叫喊。 .「有、有…妳等等！」我隨便拾起地布，丟進洗手盤內用水洗乾淨。 .「有冇濕毛巾啊，我幫你抹乾淨佢！」 .「等等啊，我濕緊畀妳啊。」 .「有冇濕毛巾啊，我幫你抹乾淨佢！」 .「？」 .「有冇濕毛巾啊，我幫你抹乾淨佢！」 . .阿細好像有點不對勁，我步出大廳看過究竟… .她竟然將所有家裡的雜物堆疊成一座小山，再站上去，指著天花板的古老式旋轉風扇。 .「有冇濕毛巾啊，我幫你抹乾淨佢！」她看著我。 . .『嚓嚓嚓嚓嚓』風扇掠過阿細的頭髮，發出令人寒毛直豎的聲響。 . .「喂妳小心啊！閂咗個風扇先啦！」我走過去大門旁邊，風扇的開關。 . .『嚓！』背後傳來一聲很大的巨響。 . .『咚、咚、咚…』我感覺到有東西碰到我的腳根。 . 我回頭一看… 是阿細的人頭！