真實惡魔（下）

上集：http://bit.do/e4jnX
　　
我腦裡只剩低一個念頭：唔想被電擊。

點樣先可以唔被電擊？其實有辦法。

松叔設定咗好多限制畀爸爸，每日唔可以瞓多過三個鐘，超時就要受半個鐘電擊，每日只准去三次廁所，一餐只准食一碗細飯......

我負責看管爸爸，如果我放任爸爸違反規定，我會被純姨電擊。

但爸爸偷偷違反規定，我主動舉報佢，只有爸爸被電擊，我就可以有一日免電擊嘅權利！
　　

爸爸愈嚟愈瘦，骨頭都清晰可見，大小便失禁，開始胡言亂語。

見到爸爸失禁，我有心痛，但有時候，我會忍唔住舉報佢「亂去廁所」，令自己獲得一日嘅平安。

直到有一次，爸爸被純姨電擊完，暈咗。

松叔淡淡然咁話：「係唔係扮死？電吓佢。」
　

爸爸再次被通電，身體隨住電流而顫抖，但唔再發出慘叫。

「藍藍，你害死你爸爸。」
松叔嘆氣：「如果唔係你成日舉報佢，佢就唔駛受電擊。」

我無反駁，因為反駁只會迎來電擊。

松叔吩咐我同純姨處理好爸爸，鋸開、煮熟、棄置、打掃，用咗一個月時間。
　　

值得一提嘅係，純姨呢個時候已經十月懷胎，中間仲去咗醫院生仔。

一生一死，一個嬰兒呱呱落地，我爸爸變成肉泥。

之前爸爸借得太多錢，親友避之則吉，加上所有人以為，佢為咗避債遠走高飛，居然無人搵佢。

呢段時間，我已經放完暑假，為免惹人懷疑，松叔命令我繼續返學。
　　

但係，喺學校同咩同學講過嘢，路上遇到咩人，都要詳細匯報。

我曾經喺路上見到警察，心中忐忑，唔知點同警察講，佢哋先會信我，我當然無將呢件事話畀松叔知。

但返到屋企，迎接我嘅係嚴厲嘅電擊，原來松叔派純姨跟蹤我，事無鉅細，如果我無匯報，就要受到懲罰。
　　

我曾經以為，純姨總唔可以跟蹤我入課室，我可以向老師求助。

我當然唔敢講得咁直接，試過委婉提及，我遭受到家庭暴力。

但由於身上無明顯傷痕，所以老師嘅做法係，叫我嘅聯絡人松叔嚟傾計。

彬彬有禮嘅松叔，輕易取得老師嘅信任，
松叔拎出我爸爸嘅親筆委托書，聲稱自己財政困難要避債，無力照顧「精神有問題」嘅女兒，委托松叔監護。

呢封信的確係爸爸寫嘅，以佢臨死前嘅狀態，松叔叫佢寫咩佢都會寫，
唯一可以證明嘅係，松叔早就知道爸爸會死，早作準備。
　　

因為告狀，返到屋企，我遭受到畢生難忘嘅懲罰。

我唔敢再同老師講任何嘢，我知道，我生存嘅原因，只係因為一個女學生無故失蹤，會引起追查。

如果呢種事再發生一次，松叔認為我生存嘅風險，大於我死亡，咁我就會死。

我始終太細個，我要忍耐，我要長大。
　　

不過，松叔送咗一份「禮物」畀我。

佢話純姨呢排唔聽話，容許我電擊純姨一次。

之後，如果純姨違反規則，我都可以舉報佢，親手電擊佢。

純姨係我嘅殺父仇人，聽住佢嘅慘叫，我諗番起爸爸生前嘅慘叫，昇起報仇嘅快感。
　　

我同純姨嘅仇恨愈嚟愈深，大家最關心嘅事，就係點樣搵到對方嘅破綻，討松叔嘅歡心，獲得電擊對方嘅權利。

我一心報復純姨，甚至將逃跑拋諸腦後。

事後諗番起，呢一切都係松叔嘅計謀，用「賞懲分明」嚟分化被控制嘅人，燃起競爭心，
大家都只想討好松叔，唔會想集體反抗。
　　

令我清醒嘅事，係呢間屋迎來新嘅住客。

松叔手上有純姨電擊、碎屍嘅影片，而純姨嘅父親係一個最重面子嘅老人家。

我唔太清楚松叔點樣做到，我只知道純姨嘅父母、妹妹、妹夫、外甥仔女，陸續搬過嚟，開始遵守松叔嘅規則。
　　

呢段時間裡面，我係受得最少痛苦嘅人。

我唔需要承擔「出賣家人」嘅愧疚，我爸爸已經死咗，對我嚟講，呢班人只係仇人，同仇人嘅家人。

所以我對松叔千依百順，降低佢對我嘅戒心。

我見證住每個人為咗避免電擊，互相出賣，最後自相殘殺，十歲嘅細路女，被逼殺死五歲嘅弟弟。
　　

十八歲，我終於機會逃跑。

或者講，我並唔係「搵到機會」，而係我即將畢業，一旦畢業，我好可能會被殺，所以我必須逃跑。

或者係因為，我用咗七年去降低松叔嘅戒心，我意外地成功咗，將松叔同純姨繩之於法。

呢單案公開後，震驚全國。
　　

審案後，我改名換姓，搬咗去另一個城市。
有時候，我上網都會見到呢單案嘅評論。

好多人話，呢件事太唔真實，松叔又無絕世武功，只要受害者一齊反抗，早就可以制伏佢。

我都曾經咁諗，覺得爸爸太蠢，將我哋帶入火坑。

直到我見到純姨全家嘅遭遇，我先意識到，蠢嘅唔係爸爸，或者講，所有人都有蠢嘅一面。
　　

憤怒、貪財、貪名、嫉妒、憤怒、仇恨，甚至對生存嘅渴望......每個人嘅人性，都有弱點。

只要弱點被掌握，惡魔就有機會控制你。

與其逃避自己嘅弱點，企圖表現成一個完美嘅人，
或者，我哋更應該做嘅，係承認自己嘅錯誤，接受人生嘅不幸。

有時候，接受不幸，反而可以避免更多嘅不幸。
　　
真人真事改編自日本「北九州監禁殺人事件」，
一男一女將七名受害人監禁折磨，引導他們自相殘殺，直到一名少女逃出魔掌後，揭露事件。

此事曾被改編為電影《恐怖鄰人》，但真實遠比電影恐怖。
　　
－完－
　　
將專頁設定為「搶先看」/ "See first"，最新故仔馬上睇！
　　
新書《寓言地府動物園》已經出版了，現正發售中，
詳情可點擊這裡：http://bit.do/e37JG
你的支持是我最大的動力！
　　
#短故 #短篇 #小說 #陳美濤 #廣東話 #粵語 #tomatochan #真實惡魔

昨天跟社長聊天，聊到我今年黃金周去九州的旅程，回憶裡滿滿都是陽光好開心。社長說：「能去九州旅行呀真好! 我也很想要旅行呢，上次旅行是什麼時候都記不得了呢!」對呀怎麼反倒越有錢卻都被工作困著哪裡都去不了呢?

最近想了很多很多，人生其實在於很多很多的選擇。剛剛進公司的時候，我就在我的筆電桌面上放了一個資料夾「what I am here for?」就是希望隨時可以提醒自己不要忘記自己的初心。

不知不覺在公司裡也做滿一年了，這一年如同在打戰一般，但實際上感覺起來真的比一年長得很多。然後在契約更新期的這4月5月兩個月，我感到極度的不安與徬徨，不知道自己是否還想要繼續做下去。看了一些文章說：每個年輕人請給自己大約3年的「摸索期」，而在我認為既然只有三年就也不能胡亂浪費。

人生要過好不簡單，但是規劃不可以少，尤其意氣用事更是不行，也不能溫水煮青蛙把自己害死在安逸的環境裡。這些我都知道，但是如何將這些理論的道理轉換在實際的人生選擇上呢? 雖然一切一切現在感到很不安和徬徨，但我想終究一定會知道該怎麼做吧。