謝謝 開掛之達人 同意轉載！ 對不起 728我被捕了 【親身整合分享】 義士冇AC 代PO 「對不起 我被檢控了 出嚟之前問過自己 如果告暴動 後唔後悔 當時仲覺得告就告 最多坐10年 坐10年都要出嚟 但當真係被起訴暴動 真係會好驚 如果而家尼一刻您問我 之後仲敢唔敢出嚟 對唔住 懦弱咁講 我唔敢 和理非遊行集會都唔敢了 是的 我的敵人成功了 我被噤聲了 還要是自我那一種 在還押的50個多小時裡 有憤怒不甘害怕 但獨獨是沒有後悔 或許應該說 當後悔想萌芽的時候 腦海就會播「試問誰還未發聲」樂曲奏起便再沒後悔 我最怕最怕 是令關心我的人擔心受傷 我最怕最怕 是身邊朋友會因為我 而唔再企出嚟 30號當日 知道自己不準保釋 最灰暗係唔知道自己要囚押幾耐 一年？四年？沒期限的等待最痛苦 但全靠您哋 企係警署門外幫手聲援 我哋先走到出嚟 所以求吓您哋 唔好因爲咁而放棄發聲嘅機會 我嘅機會用哂了 我要退下來了 現在交給您們 當然同時我亦希望您們抱持不被捕原則 44個人 不能再多了。 同時 有啲分享整合想講返 以下留意事項求吓您哋每次發夢都照做 49個人被捕 冇一個事前覺得會係自己 所以唔好再疏忽了 1.絕對不要帶八達通 講過好多次 用散錢用散錢 如果唔好彩被捕 八達通係好好嘅證據 為咗唔好唔記得唔小心用咗 就索性唔好帶出嚟啦 2.律師電話必須寫手臂 唔好再話咩save係電話 袋住張卡啦 一旦被捕 電話即時熄機 仲可能會被警員沒收 至於咩袋住張卡 您雙手都比人落咗扣 仲搵咩卡 至於記實個電話 唔係唔得 但唔好驚上嚟咩都唔記得 所以最好就係用唔甩色嘅筆寫係手臂 3.出門前電子產品放在一起 而家一旦被捕 分分鐘搜屋 728就係咁 所以最好一被捕 搵律師 比低屋企人電話律師 之後大家明 利申 記得唔好妨礙司法公正就好 4.帶1000蚊先出門口 一旦被捕 暴動可以1000蚊保釋 您夠錢就可以自簽 唔洗等到世界末日 5.iPhone即刻較返10次密碼錯誤立即清機 如果您好有信心 您較5次都得 但一定要較最後洗機 係保障自己萬一被捕 6.比定個人資料朋友 比定自己中英文全名 身分證號碼 幾個信得過嘅朋友 講到明幾耐冇回應 whatsapp單剔 電話熄機 就即刻拎您哋資料比律師 朋友們都要醒 一知手足比人拉 好踢佢出嚟啲唔應該出現嘅群組啦 仲有一樣 將您social media 啲ac pw 整合 又係交比一個個得過嘅人 有咩事del哂您啲post 7.唔好慌 搵社工 萬一萬一真係被捕 唔好慌住唔好喊住 冷靜少少 周圍望吓有冇社工 將自己全名同身分證號碼比佢 佢哋可以幫您迅速聯絡義務律師 8.扔咗就算啦 現場被捕 可能會即時簡略搜吓您身 搜吓您袋 仲會除您頭盔眼罩豬嘴 尼個時候可能您嘅物品會掉落係地 太混亂之間 警員分唔清係唔係您 咁既然唔知係唔係 就算啦好唔好 明唔明？ 嗱 再次呼籲大家 唔好妨礙司法公正呀 9.受傷就入醫院 您擦傷撞傷頭痛頭暈都係傷 受傷入醫院好合理 所以一被捕 有唔舒服 就即刻要求入急診啦 入醫院期間 您有機會仲可以早少少見到律師社工 同佢講兩句 同埋您係可以要求社工陪您睇醫生嘅 應該就咁上下 有再補充 香港人唔好放棄 44名暴徒 得返您哋幫手平反 另外少少個人意見 當您係為救人而企出嚟嘅時候 唔好比情緒騎劫變成發洩 記清自己每一次出嚟嘅目的。 #香港人 #發夢 #hk #hongkong #comics #一個人 #follow #hkig #artwork #香港 #香港地 #原創 #hkdraw #漫畫 #圖文 #hkiger #webcomic #卡通 #follow4follow #work

浪漫月巴睇2000（62） 【對差人的最低專業要求】 我在7月21日晚看《掃毒2天地對決》。 1.那夜，我由中區返回新界——不是新界西，而是新界東。 2.就在我嘗試投入《掃毒2》所建構的香港時，電話Keep住震——WhatsApp Keep住傳來各方消息：元朗西鐵站有大量白衣人向市民展開無差別襲擊而期間完沒有差佬制止——不是沒有差佬制止，而是根本就沒有差佬。 3.我對眼惟有不斷遊走於兩個熒幕：一個熒幕描述前古惑仔余順天與毒梟地藏的對決，一個熒幕傳來現實中兩幫人的毆鬥紛爭——在鄉議局詮釋下，一場Very單向的襲擊，變成了兩批人士因政見不同而展開私鬥。 4.《掃毒2》的一場天地對決，源於曾幾何時，地藏被阿公指出有掂毒品，犯了社團大忌，決定執行家法，斬手指；同地藏稱兄道弟的余順天（二人有幾稱兄道弟？我們都不知道，因沒有被拍出來，只靠三言兩語交代），被阿公指定執行家法，余順天惟有照做。事後，他車地藏去醫院，期間沒有問過對方甚麼，沒有問地藏究竟是否如阿公所言般有掂毒品，而只是好型地（畢竟演繹的是劉華），將冰鎮住的斷指交給地藏，便好型地駕車絕塵而去。這一夜，促成了日後的一連串恩怨情仇以及連場槍戰（真的很多槍戰）。 5.裡頭沿用了一個香港黑社會電影用到爛的道德判斷：黑社會有好壞之分，掂毒品的，就是黑社會中的壞分子，連黑社會都恨不得要用家法整治。 6.上世紀80年代的黑社會電影，以英雄片方式呈現，Mark哥和豪哥，都是社團中的上流人士（即使出身也是爛仔），從事的是偽鈔和走私軍火；踏入90年代，古惑仔片湧現，即使一樣著老西，但一望Cutting就睇得出是Hollywood Shopping Centre出品。陳浩南不是Mark哥，不會貿貿然揸雙槍，而是拎刀，牛肉刀，如果冇刀，就隻揪。但不論拎槍定拎刀，Mark哥和浩南都是英雄人物，都是正氣到痺的黑社會人士。 7.不論英雄片和古惑仔片，當中出現的黑社會都被簡化了，簡化成一個只得私人恩怨的地下世界，跟外面政治氣候完全無關，所以Mark哥情緒不受中英聯合聲明影響，浩南所置身的Universe也沒有97問題，他們絕對可以學今時今日那班藝人般揚言：我從來唔理政治。要爭做大佬？門生互劈便可以。 8.杜琪峯《黑社會以和為貴》，將黑社會選辦事人這件明明很圍內進行的事，連結到真實世界，連結到真實世界的另一個龐大權力體系——社團辦事人，原來不過是另一個龐大權力體系的委託人，委託，是基於相信，相信這個人不會逆自己意，不會成為甚麼逆權大佬。所謂大佬，原來都只是跟緊另一個大佬。從Jimmy仔身上你看不到任何Mark哥浩南所被賦予的英雄氣概，有的，只是無奈、無力。 9.《掃毒2》不算是嚴格定義下的黑社會電影，但當中一樣有黑社會存在，當中的紛爭，變回了傳統黑社會電影的私人恩怨；差佬是存在的，但基本上是廢的，他們沒有能力制止任何一場紛爭，真正在動搖、打擊地下秩序的，是一個在地上世界撈得好掂的前黑社會人士余順天。因為一些往事，他極痛恨毒品，決定制裁毒犯，成為向毒品說不的Icon（當他公開懸紅一億殺毒犯，政府部門只是開咗一個會討論吓咁大把），甚至連毒品調查科總督察個女，都不得不向這個Icon求助。當然，她根本不知道余順天的過去，但因毒品而先後失去媽咪和摯友的她，寧願去信一個沒有權力執法的外人，也不信自己那個身為執法者的親人 / 差人（而在7月21日晚的冇警時份，真正在「執法」的是白衫人，市民唯一可以求助的是其他市民）。 10.但講句公道說話，《掃毒2》的差人又不算完全廢，至少他們每每能夠好快就趕到案發現場，而且不會掉頭走——不像元朗班差佬。《掃毒2》唔好睇，但至少說明了對差人的最低專業要求。 （原文刊於 @am730hk ） #浪漫月巴睇2000 #掃毒2天地對決

懇請各位，如果心裏有任何唔舒服，覺得對邊一樣人事物死心，無論係邊一方都好，請唔好猶豫，揀一個你覺得信任嘅機構，打去搵幫手啦！🙏🏼🙏🏼🙏🏼 除咗圖示嘅災後心理輔導協會，仲有呢啲24小時求助熱線大家可以選擇︰ 香港撒瑪利亞防止自殺會熱線︰23892222 撒瑪利亞會熱線(多種語言)︰28960000 生命熱線︰23820000 東華三院芷若園熱線︰18281 社會福利署熱線︰23432255 醫院管理局精神健康專線(24小時精神健康熱線諮詢服務)：24667350 明愛向晴熱線：18288 賽馬會青少年情緒健康網上支援平台「Open噏」： http://www.openup.hk 社區支援服務: 1. 良心理政心理學家輔導聯絡電話：9547-5781 2. 香港心理學會輔導心理學部 [只限成年人] 免費緊急支援服務 （6月13-15日）: https://bit.ly/2F7qw65 3. 陳少清心理工作室 [只限老師和學生] Whatsapp 聯絡 5282-7370 https://www.facebook.com/DrCHANSIUCHING/ 3. 慈山寺佛法心靈輔導中心 (香港筲箕灣東大街159號東輝大廈3樓A) (星期一 / 二 / 四 / 六 10am-6pm； 星期三 / 五 1-9pm) 費用全免，輔導服務 敬請預約 查詢：3162-6388 https://www.facebook.com/tszshanbscc/?hc_location=ufi 4. 新生精神康復會臨床心理服務 [只限記者] 日期： 2019年6月15日（星期六）至6月23日（星期日） 有需要記者或前線採訪工作人員可填妥表格： https://bit.ly/2MJUW4j 安定心神小工具 http://bit.ly/CareYourself - - - - - - - 電話熱線服務: 1. 香港紅十字會 ：3628-1180 (設中、英文) 6月15-16日：2-10pm https://bit.ly/2Xi7gwR 2. 生命熱線 2382-0000 https://www.sps.org.hk/?a=group&id=hotline 3. 明愛向晴熱線：18288 (24小時) http://fcsc.caritas.org.hk/ 4. 東華關懷熱線：2548-0010 (星期一至五：2-6pm) https://bit.ly/2RdITLx 5. 心晴行動慈善基金熱線服務：2301-2303 https://www.jmhf.org/ 6. 香港小童群益會輔導中心 : 90846924 [只限家長] 6月14日至6月17日：9:30am-9:30pm https://www.bgca.org.hk/page.aspx?corpname=bgca&i=444 7. 青年新領域熱線：2635-7709 [只限青少年及其家人] (星期一至五，公眾假期除外：10am-1pm；2-5:30pm) https://bit.ly/2XGUaGB 8. 女青輔導熱線：2711-6622 (星期一至五: 7-9:30pm) https://fwc.ywca.org.hk/page.aspx?corpname=fwc&i=2291 9. 女青婦女專線：2711-6622 (星期一至五 2-4pm) https://fwc.ywca.org.hk/page.aspx?corpname=fwc&i=2291 10. 婦康聆資訊熱線：2711-9939 (24小時) https://fwc.ywca.org.hk/page.aspx?corpname=fwc&i=2291 11. 關心一線：2777-8899 [只限6-24歲] (星期一至六：2pm-2am) https://bit.ly/2WGZi0H 如果覺得有人有需要請轉發，感激。🙌🏼 祝大家身心都健康、平安。🙌🏼🙌🏼🙌🏼🙌🏼🙌🏼🙌🏼🙌🏼🙌🏼