💬
呢個真係一個重大改變！！希望大家喺下星期一諮詢期完結前一人一信/E-mail去信政府!!!!!
廣東話係香港人其中一個最重要嘅文化，一定要喺中文科課課程入邊保留
#要消滅一個文化，先消滅佢嘅語言

-以下為轉載內容 -
當大家仲係到嘈緊逃犯條例時，政府已經修改緊中文科課程，要Cut走會用到粵語嘅兩份卷（聆聽、說話），一旦Cut卷，為求提高學生升學機會，學校政策一定投放大量課時去閱讀同寫作卷。學生對於粵語嘅敏感度同使用度都會減低，長遠一定係要消滅我地嘅語言。

專責小組提出刪去中文聆聽及/說話卷的其中一個原因是學生壓力太大。但教育局從不反思學生學習壓力太大的根源是整個教育制度的問題，不是某科某份卷。

16/9諮詢期就過啦，之後拿拿聲上立法會一讀二讀三讀搞掂。

公眾人士如對諮詢文件的初步建議有任何看法、意見及建議，需於2019年9月16日或之前，以郵寄、電郵或傳真方式把書面意見交予專責小組秘書處。

電郵：taskforce_cur@edb.gov.hk
傳真：852- 25735299

學校課程檢討專責小組—諮詢文件
截止評論日期：二零一九年九月十六日
https://www.edb.gov.hk/attachment/tc/about-edb/press/consultation/TF_CurriculumReview_Consultation_c.pdf

傳送門：
1. 摘要 p.ii
2. 小組建議 p.16

延伸閱讀：【中文課程改革1】DSE中文刪聆聽、說話　前線老師批「行回頭路」
https://www.hk01.com/sns/article/354111

Email Template參考：（中文書信格式可照跟，正文就發揮大家小宇宙）

學校課程檢討專責小組祕書處執事先生道鑒：

（正文）
1. 表達立場：反對中文科刪卷三卷四
2. 提出原因：
3. 叫佢有乜野覆返你，提供聯絡電郵：

（格兩格）祝
道安

香港市民（置右）
Xxx謹啟（置右）
2019年8月15日（置左）

雖然我做嘉賓/Speaker經驗冇王小姐咁多，但由於我自問同大學生距離都比較近，都容許我分享少少，對剛出黎做野嘅朋友仔可能都有d作用。

係我角度，我絕對唔認為而家嘅大專生係冇禮貌，唔尊重講者，最少佢個心好多時真係冇咁諗，而係佢表現出黎係咁。因為好多時係後生仔心目中，佢已經好尊重你，因為佢願意花時間係你身上，坐左係度。我咁講你可能覺得我串緊d後生仔，但係唔係，我用facebook同youtube比喻你就明。以前，出黎講得野，分享得經驗嘅人都係名人，係叻人，好似王小姐呢類有才學，有知識嘅先可以上台講野俾大家聽。台下同學係黎吸收知識，黎追求自己冇嘅野。當然佢身份上會覺得你同佢係一個上一個下。

只而家所謂KOL玩法係對等，佢只係分享自己生活經濟，甚至大家會覺得佢係黎entertain我嘅，係網上，我黎睇左，加左你view，已經係對你嘅尊重，會like已經係fans，會share已經係好兄弟。大家明唔明，時代令到大家所謂尊重嘅標準唔同左。

所以，佢地係唔知道咁樣原來叫唔尊重，原來搵你做後備要搞咁多野。佢唔識，佢唔知，我都經歷過。我記得我15歲果年，幫學校砌海報，當時當然係十下十下。做完份稿要印，咁我覺得我又係幫學校做野，你又係幫學校做野，我就拍左隻手指係台面同個IT講：「呢份野要印呀！」我就行左去食飯。

返到黎，佢當然印好左，不過果個IT行左出黎叫我落去球場坐低，佢同我講：「其實你知唔知道頭先你好冇禮貌？如果我唔係呢幾日都見你好努力一個人係度幫學校砌野。我係可以整壞你隻手指，等你重做架！出黎做野，你要記住，冇人老奉要幫你，有冇出糧都係一樣，你要記住，你唔學識呢樣野，日後會行好多冤枉路。」

我到而家都仲好記得果幕，多年後我仍然好感瀲呢個IT哥哥，有D野，唔係虛偽，唔係假，係修養問題。當然「尊重」會唔會變成咗一種luxury？就睇下大家對自己有咩要求，你希望自己係一個咩層次嘅人。大個仔唔可以再話冇人教過你，否則出到黎做野，個社會就會狠狠教育你了。

Eason喺公開大學分享會黑面，不滿學生掛住玩電話求合照唔尊重。其實呢，「尊重」喺香港已經變成一種luxury，期望人哋對你有基本尊重亦變成咗一種戇。有大學生email個product list俾我，列埋價錢叫我送iPad、雪櫃，我亦收過唔少大學生邀約演講嘅電郵，冇寫錯我個名已經好難得，收過幾次上款「黃迪斯」，三個字都可以錯兩個字，或者直情冇上款。而且直呼對方名字，似撩人隻揪多過似邀請對方演講。稱王小姐或Daisy就可以了。寫信基本格式禮儀，小學中文課有教，不妨重溫。

所以，大學生都好冇禮貌？絶對唔係。呢張相係我最近應港大中文學會邀請演講，呢班同學好有禮貌，好專心聽，問問題好踴躍而且有深度，發邀請函給我的林同學那封電郵可以做教材。係咪公大學生差啲，港大好啲呢？又唔一定喎。我亦收過一位港大醫科生邀請我到high table dinner演講嘅來信，我怕耽誤人，通常得唔得都好快覆，等人哋有更多時間準備。嗰次我亦即刻覆okay，點知個準醫生竟然話已經搵咗另一個speaker，叫我唔使嚟，但如果我都係想嚟，或者佢可以試吓遲啲再搵個日子俾我，我當然感激到不行。搵我做後備唔緊要嘅，但大個仔喇，要學吓做得冇咁明顯。有次去另一間大學演講仲過癮，演講前半個鐘開始reception，我嗰半個鐘冇位坐，冇位企，縮埋一角以免阻住啲學生好興奮咁selfie。同學唔識我係應該嘅，但至少發邀請信俾我嗰一位同學，應該知道自己請咗乜水卦？喺入口處同嘉賓打個招呼，係咪要求太高？

年少唔等於無知，老亦唔係大曬。職場old seafood比比皆是，恃老賣老喝斥年輕人讓出關愛座嘅都見得多。我收過嘅無禮、神怪電郵，有來自各種年齡職業，不限於大學生。我想問嘅係——點解而家喺香港，「尊重」會變成咗一種luxury？唔係大學教育出咗問題，而係幼稚園教育有問題。我記得第一日返幼稚園，學嘅就係禮貌，見到老師要打招呼，見到同學要講早晨。但最大影響係家教，父母終日睇手機，憑乜叫個仔唔好玩手機？如果有一部分大學生唔識尊重人，或者因為佢地太叻跳咗班冇讀幼稚園，又或者，應該問吓佢哋父母。

Eason喺公開大學分享會黑面，不滿學生掛住玩電話求合照唔尊重。其實呢，「尊重」喺香港已經變成一種luxury，期望人哋對你有基本尊重亦變成咗一種戇。有大學生email個product list俾我，列埋價錢叫我送iPad、雪櫃，我亦收過唔少大學生邀約演講嘅電郵，冇寫錯我個名已經好難得，收過幾次上款「黃迪斯」，三個字都可以錯兩個字，或者直情冇上款。而且直呼對方名字，似撩人隻揪多過似邀請對方演講。稱王小姐或Daisy就可以了。寫信基本格式禮儀，小學中文課有教，不妨重溫。

所以，大學生都好冇禮貌？絶對唔係。呢張相係我最近應港大中文學會邀請演講，呢班同學好有禮貌，好專心聽，問問題好踴躍而且有深度，發邀請函給我的林同學那封電郵可以做教材。係咪公大學生差啲，港大好啲呢？又唔一定喎。我亦收過一位港大醫科生邀請我到high table dinner演講嘅來信，我怕耽誤人，通常得唔得都好快覆，等人哋有更多時間準備。嗰次我亦即刻覆okay，點知個準醫生竟然話已經搵咗另一個speaker，叫我唔使嚟，但如果我都係想嚟，或者佢可以試吓遲啲再搵個日子俾我，我當然感激到不行。搵我做後備唔緊要嘅，但大個仔喇，要學吓做得冇咁明顯。有次去另一間大學演講仲過癮，演講前半個鐘開始reception，我嗰半個鐘冇位坐，冇位企，縮埋一角以免阻住啲學生好興奮咁selfie。同學唔識我係應該嘅，但至少發邀請信俾我嗰一位同學，應該知道自己請咗乜水卦？喺入口處同嘉賓打個招呼，係咪要求太高？

年少唔等於無知，老亦唔係大曬。職場old seafood比比皆是，恃老賣老喝斥年輕人讓出關愛座嘅都見得多。我收過嘅無禮、神怪電郵，有來自各種年齡職業，不限於大學生。我想問嘅係——點解而家喺香港，「尊重」會變成咗一種luxury？唔係大學教育出咗問題，而係幼稚園教育有問題。我記得第一日返幼稚園，學嘅就係禮貌，見到老師要打招呼，見到同學要講早晨。但最大影響係家教，父母終日睇手機，憑乜叫個仔唔好玩手機？如果有一部分大學生唔識尊重人，或者因為佢地太叻跳咗班冇讀幼稚園，又或者，應該問吓佢哋父母。