今日放榜。我高考放榜，已經係11年前嘅事

也不知是不是心境年輕還是僥倖，原來，我仲有一些年輕讀者朋友。所以，我為中文大學同學仔搞的「自由人獎學金」才能夠維持下去，一個post就可以搞得掂。

大概我講放榜，都仲會有少量嘅讀者群眾睇到吧。

20歲前的人生，我是一個失敗者，也是因為有考試制度，我才有進入大學的機會。

當然，我考得不是很好，唯獨中文和經濟讀得比較好，所以最適合入香港中文大學社會科學院經濟學系 aka 中文大學四大頹科之首

識寫點字和經濟思維，已是我核心搵食嘅技能，理順我思考嘅重要工具。現在我的公司、生意和投資，都是透過這兩個技能互相纏繞，crossover而成

上星期五，有幾位我獎學金得主嘅中大同學約我中環The Happy Hour，佢哋都問我條路點樣行，點樣可以做到我咁。我都諗咗一陣，20歲前的我真是一條冇用嘅廢柴，連我識嘅嘢都唔係好多，都係寫下野、有點經濟學思維，當點金融投資，我所有嘅東西都建立喺呢一啲基石之上

放榜嘅心情一定係好複雜，前路茫茫，你哋呢個年紀比我當年更加茫茫，社會已經發生咗咁多事。

Anyway，我見朋友旨呈做咗一樣野幾得意，我都想模仿一下。今日我開放我的IG做心事台，無論係灰心定開心，對前路有啲咩諗唔通，都可以同我講。

例如：中大到底係點？讀經濟係出嚟可以做啲乜嘢（我講呢個唔係好有說服力，我做緊嘅嘢亂七八糟）？讀經濟係係咪要好多數？Econometrics係咪好撚難（ 利申：A-，我2nd up）？中大經濟系最索女老師係邊個（大學一年班必中之伏）？上莊係咪食好多女？ （我大學冇帶過女返宿舍）……

PM我IG，你搵我，一定覆。註：我其他社交媒體有團隊營運

萬大事都唔使驚，冇嘢解決唔到。你見我30歲人都仲係講埋啲細路仔，好幼稚嘅戇鳩野，你就知道無論點，一定係可以生存落去，活下去

IG: muddydirtywater

7月21號，對於呢代人，真係一個意義非凡嘅特別日子呀

【摸魚手札】媒體記者的專業值幾多錢？（渾水）

某報總編跟我說：「早前有位中大傳理系碩士來見工，開價萬五，我見她跟我同是中大人，於心不忍，主動多給她二千，她滿心歡喜。」向來畢業工資都很透明，一查就知，肺炎前有聽說過中大傳理系只有萬三蚊人工，現在經濟重創，媒體營運困難，只怕這個叫價有下調空間。

經濟學有一個理論叫效率工資理論，媒體記者的市價太平，多給一兩千只怕他就跟你賣命了。中大的傳理系的收生門檻不低，比起我讀的中大四大頹系之首的經濟系好出不少。如果大學畢業還是收這個人工，看來念經濟的「性價比」還較高一點，除非很有使命感吧，使命感成為了記者工資的隱性溢價。

我個人是相信媒體記者是專業，新聞有價。如果把自己做記者的入行門檻太低，專業被過份普及化，那麼這行的從業員人工自然偏低，這是經濟學定律。

約八年前，蔡東豪和一班人參考huffington post，開辦了免費睇新聞的網媒《主場新聞》，網媒的概念被神話化，吸引了一堆人免費供稿，不乏記者或傳理系講師和學者。佛利民說：「世上無免費午餐」，免費的永遠最貴，因為有人的應得利益被犧牲了。問題來了，如果連傳理系的老師都不捍衛自己的階級利益和守住專業價值，也免費供稿時，那麼他們學生的文字又能值多少錢？出來又點會有高工人？不少年輕記者做幾年，賺了經驗和政商網絡就跳去做公關、做政治相關的工作，人工偏低和青黃不接的問題源於大家把自己的價值平賣。蔡東豪很厲害，騙到了不少當時的公共知識份子。

對於我這些吸收免費資料的讀者或賺取光環的政工作者來講，我們都是免費網媒的得益者，free-ride了記者應有的價值。後來連建制和泛民進一步參考《主場》模式，進一步壓逼文字應有價值，尤其是建制有更多膽正命平的文膽，又有維穩費的另類非市場對數方式。當時的huffington post是神話，現在huffington post也面臨經營壓力，創辦人也離開公司，神話落幕。

資訊收錢和不收錢有點「辨證法」的感覺，物極必反，收錢和免費形成循環，八年前慣了不付錢，現在大家慢慢學習要付錢。以前我不敢說文字要訂閱，要收錢，那是因為主場新聞的光環太耀眼，他們那個圍爐圈會對我口諸筆伐，傻傻左膠還以為免費就代表社會進步。一切都要跟風向跟趨勢，現在講收錢訂閱就無人會鬧你了，記者要有骨氣飯可吃，大台就要做訂閱，我也是文字工作者，骨子裡也不想賤賣自己的文字價值。

------

逢一、三、四出刊登文章，另設特別環節：每週解答觀眾問題、100萬模擬倉投資部署

訂閱《金融經濟精神食糧》：https://prime.fortuneinsight.com/web/muddydirtywater

聽人講DSE今日開考，我覺得會睇我facebook的DSE考生是少之又少。我考A-level已是十年前的事，考CE則是12年前的事。

我剩下的記憶是考試好辛苦，會考我讀8科，去到最後真係無心機讀，所以我是非常佩服10A的麥明詩，我們應該是同一屆。

本來我對讀大學都唔係好大期望，會考我的分數好尷尬。如果好低我就去海外升學或做地盤，好高就唔洗煩，偏偏不高又不低，勉強夠入三大，又要捱多兩年。

我溫會考比高考痛苦，理論上高考的知識和腦容量要求更大，但高考那陣成功媾到女，考試期間去了玩，總算苦中帶甜。我好想入中大，是因為我當年去完六四，見證中大民女落戶，覺得好感動（屌，我都左膠大愛過）。後來我入了中大鄙視鍊低層的學科，公認四大頹系之首的經濟系。頹有頹好，我有好多時間歷練自己、玩和睇書。

好多人讀書叻過我，出路好過我，讀的科比我有更強社會競爭力，但最緊要莊敬自強。我和那些讀神科的6A、7A、10A高材生交流傾計，從來唔覺得自己佔下風，不會自卑。都三十歲人，唔通仲講自己讀書成績咩？難道我細個係荃灣區嬰兒爬行比賽殿軍，我又周圍同人炫耀咩。林鄭讀書唔差啦，我屌

It‘s not who you are underneath, it's what you do that defines you.

———
《金融經濟精神食糧》逢一、三、四出刊登專業財金分析文章，另設特別環節：每週解答觀眾問題、100萬模擬倉投資部署。

滴水穿石 改變始於一念之間：
https://prime.fortuneinsight.com/web/muddydirtywater