［DSE 相關系數］英文嘅嘢，重考生兩年成績，相關系數90%以上。極少係唔好彩。中文就唔同啦！

TL:DR –　中文通識中西史分數失望嘅，不妨考多次。因為可能只係唔好彩。理科嘅就算吧啦。英文其實都係冇乜翻身機會，但好多人都係一定要試，明白嘅。

話時話，呢排記得keep 住like and share，主動入嚟睇，同埋設定做see first．真係搵食艱難。但感激大家

1. 幫考試局蔡熾昌（我知唔係考試局，亦唔係蔡熾昌好耐，但我到而都係講旺角火車站）平反下。考試局拎咗咁多錢呢，至少在年度報告，都係有啲貢獻。你咪話，真係詳細過唔少上市公司或者NGO。至少詳細過海洋公園

2. 考試局居然有出，每一科，係每一科，重考生嗰年成績，同上年成績，嘅相關系數（correlation coefficient）。真偉大。但唔知點解，去到2017年後就冇咗。

3. 唔係教數學，但相關系數不能理解：相關系數高嘅，即係舊年高分嘅好多今年都高分，反之亦然。相關系數低嘅，即係好似關係唔太大。負數？即係多數人舊年高今年低，呢度就唔會嘅。方便起見，原本係百份比，我全部倍大100倍。100分為之完美正相關，個個同舊年一樣分。

4. 實務上代表乜？如果嗰科嘅相關系數高，即係你舊年同今年都會咁上下分數。可能代表好難進步或退步，或者係個考試好能夠分辨出邊啲人得邊啲唔得。相關系數低呢？代表一年間可以好唔同，或者代表個考試好陽春，同擲公字差不多，舊年高分嘅今年可以走晒樣。

5. 之前講DSE重考，都係用英文做例子。一來英文緊要，二來多人考，亦多人重考。咁嗰時結論係好少可會升呢，亦都好多讀者指出，正常，因為英文浸十幾年，未必一年之間可以改變乜。雖然我有啲保留：「英文水平」未必可以好快改進，但「英文考試分數」係可以的。

6. 睇表啦喎，每一年之中，相關系數高嘅，紅色。相關系數低嘅，綠色。咁以下就係以所有重考生數字（＊）出嘅結論：

7. 首先，你見相關系數，普遍都幾高。好多都八十幾九十，極少會低過七十。

8. 另外，我啲紅綠色，係一年一年咁做，但你發現年年都差不多。紅嘅年年紅，綠嘅年年綠。即係基本上同考生無關，同年份亦無關，同嗰年份卷深唔深都冇乜關。係嗰科嘅性質，同埋份卷嘅本質。

9. 好啦，英文。眾望所歸，你見到英文科，紅過韓紅，紅過秦虹，紅過喬紅。九成幾嘅相關系數，差不多每一年都係最高。證實咗讀者嘅假設：英文嘅嘢，其實好難一年間改善。即使唔講英文水平，講英文成績，都係好難有乜大改。其實考多次最冇so就係呢科。但當然明白，偏偏呢科係好多人要考多次。正面啲睇，你可以話英文卷嘅甄別能力好好，冇死錯人，你係唔掂嘅，下年嚟多次都係唔掂。但你係進步咗嘅，應該有回報。

10. 但另一個極端，就過癮啦。中文呢？中文科年年綠色，相關系數極低。即係老老實實，分數唔滿意嘅，記住考多次。可能只係運氣，改卷嘅唔妥你。同樣係語言，點解分別咁大？我估係因為兩樣嘢：第一中文係母語英文唔係，唔少人都認為考中文會話或聆聽十分反智。低分嗰啲，咁平時點生存嘅？啞嘅？講法文定手語定手指指send message？考會話其實你考佢演講技巧，考聆聽其實你考佢專注力，同語言能力per se冇乜關。第二，當然係啲卷嘅設計。其實我冇教書多年，但而家中文應該都仲係冇MC玩？英文有下話？咁中文卷就變咗比較主觀。主觀唔一定差，但你重考嘅，下年唔同人，可能你同一份嘢佢畀高分你呢？

11. 另外仲有幾科綠色，相關系數低嘅，差不多全部係文科，「主觀」。亦即係你下年玩過係比較大機會翻身嘅。中史西史，中國文學，仲有惡名昭彰嘅通識都係咁。而啲友明明話通識卷有個指引唔會好主觀喎。數字唔係咁講咯。

12. 當然，仲有表上最低系數，最綠，唯一低過50嘅，視覺藝術（即係美術啦？）。原因同上。藝術嘅嘢，你識條鐵咩。畢加索去考應該拎個U（講笑，唔好咁天真，你估愛恩斯坦真係考試好低分咩）

13. 紅色，相關系數高嘅，除咗英文，就係Phy Chem Bio IT，簡單易明啦。啱就啱錯就錯，大腸就大腸架啦。易乾都係，可以問下呢度讀者，有人教易乾。但我記得都係有MC題？而家咁大鑊飯民粹嘅社會，MC題其實好東西，啱就啱錯就錯，又慳改卷時間。相反，你教文學嗰啲，分分鐘畀個學生老母（甚至學生本人）大返你轉頭。我老母年年睇莎劇喎，你邊位？

14. 仲有乜大科未講？梗係留到最後，數學。理所當然地，數學compul嗰部份，好紅，同英文有得比，相關系數好高。得就得，唔得就唔得架啦。雖然我覺得數學升呢不難的，我私人補習嘅重考生，全部都升呢。「因為U嘅我會叫醒佢去考試，F嘅會教下佢做啲初中甚至小學數」

15. 但奇怪係，分拆開兩部份嘅，唔知點解就綠，相關系數幾低。可能因為人太少？

16. 呀係啦，你見有啲科目NA嘅。如果日校學生唔夠30個人重考，就唔會出現。但好可能全體重考生係仲有幾百友嘅。例如IT在2017 NA咗，只代表唔夠30個日校重考生，但全體應該一定唔止

17. 最左邊，你可以見到2017年，全體重考生，有幾多人考各科。亦見到有啲科係邊緣化咗—其實會考年代已經係咁，只係DSE又吊多次命。

18. 你見到中國文學嗰啲，早幾年上榜，而家已變NA，Visual Arts亦係。仲在榜上嘅，你見中西史地理呢啲，都相當少人重考—固然少人重考唔等於少人考，我懶搵，但個大方向應一樣。

19. 另外小小技術嘢，我見BAFS（企會財），我見2013 2014係冇分類的，但2016就有。一拆二？無論如何，啲系數轉變不大，亦係偏高嘅

20. 最後弱弱一問，而家英國文學係咪冇人讀架啦？至少應該冇乜人重考，咁多年都唔見有上榜（咁可能因為日校不足30件重考）。不過傳說中都係巴閉名校啲女先讀咁話，呢班友唔重考亦好正路。但話說回頭，當年埃汾間屋村學校，學校普通都幾草根（我學生嘅創舉：踢完波買麥當勞新地筒一杯成隊人食！唔知佢踢五人定十一人呢）。但老校都堅持開英國文學，哈。可以話扮嘢，但又可以話堅持。邊個話草根唔可以欣賞文學先？富豪落難都要優雅嘛。

21. 正文完全講完。但忽然間感概，仲有篇後記在後面（其實我係寫咗後記先）。鍾意就睇，唔鍾意唔睇亦冇乜影響正題。

————————————————————————————
甲、 李天命講過個故事，講「命中注定」呢個字嘅含糊。羅素命中注定有四個太太，他實現了自己的命運。李天命命中注定有四個太太。可惜他沒有實現了自己的命運。

乙、 而我，都係「命中注定」教書嘅。但正如友人話齋，我冇做傳媒，係傳媒嘅損失。但做咗，就係我嘅損失。相信教書都係。我冇教書，係香港新一代嘅損失。但我教書，就係我自己嘅損失。咁我都係鍾意自己多啲。

丙、 真的，我係「命中注定」教書。你應該聽過有啲分析員或者散戶，興趣係「睇年報」。冇乜特別。你知唔知我十八廿二時有個興趣係乜？都係睇年報。但我睇考試局年報！當然我最鍾意睇啲考生錯處之類。但亦好鍾意睇啲數字

丁、 一套古惑仔收得，就有成個universe（勁過DC或Marvel），有前傳少年激鬥篇，有外傳洪興十三妹，有山雞故事，仲有reboot嘅江湖新秩序。有紅燈區，有龍虎砵蘭街，甚至有crossover開心鬼大戰古惑仔，真係勁過正義聯盟Capcom vs SNK。

戊、 亦都係好似以前香港啲殭屍片咁，一套鬼打鬼收得，就有人嚇人，人嚇鬼，鬼咬鬼，人鬼神。一套殭屍先生後，就有殭屍翻生，殭屍家族，殭屍叔叔，殭屍至尊—爭在冇殭屍超級至尊或者殭屍華堡

己、 一套收得，繼續拍，玩到爛為止，一路係香港精神。所以我今篇又講DSE重考。但轉個角度，冇魚缸溫度計了

庚、 你諗下，如果我仲教緊中學，加埋當年本人係呢個「教務組」（＊＊），若搞啲咁嘅嘢，老校家長應該都幾歡喜。一個唔該仲可以包裝做乜柒大數據分析添（都話個Excel放埋上Dropbox就雲端計算，加個密碼再track changes 就係區塊鏈技術，整個regression就係人工智能了）。但即係，What for ？讚我兩句又點？即時有女同事投懷送抱（係冇嘅，因為老校其實成日讚我）？定升我做附加數學科科主任？（＊＊＊）。

辛、 掉轉頭，我在呢度寫，即係「這雙手雖然少」，但每個like都自己呃返嚟，睇住自己成長，遇然仲搵到啲錢，唔係更好咩？

壬、 有機會再講，同樣道理，有啲金融文，其實真係我在星展年代做嘅嘢都差不多。只不過係轉做中文。但，肯定我轉做收費文（亦有試過），收到嘅錢，多過佢地畀我嘅人工。唔係話乜，願打願捱，但我覺得係值得諗下的。邊個食咗我嘅錢？點解我要經你接客？

（＊）我呢個表係所有重考生，但亦都有只係日校重考生數字。兩組有啲唔同，但我下唔到咩有意義結論，所以唔節外生枝。「或者遲下嚟多篇」

（＊＊）老師一樣有社團，基本上係強制，好多時冇得揀，負責啲非教學工作。「教務組」負責非教學嘅教務嘢，例如編成績表，編考試時間表之類。聽聞想上位，搏升SGM（所謂嘅主任）或副校或校長，做「教務組」就啱。另外仲有大家都知係乜嘅「輔導組」同「訓導組」。有啲學校（敝校）有「資訊科技組」，俗稱就唔方便講。仲有「課外活動組」。不過最堪玩味都係「教師發展組」，實不相瞞，我都唔知佢地係做乜春的。Hea人必做，守水塘守證物房咁，但就唔使諗升職。

（＊＊＊）附加數學科科主任呢單嘢，簡直係教書生涯中嘅高潮。詳見　我的辭職記　第一回（https://bit.ly/32QpCHN）

-------------------------------------------------------------------------
香港聯匯何去何從？新收費片已出，講足一個鐘，單次買200

想睇簡介嘅，呢度。亦有埋以前嘅片，有興趣可訂：https://bit.ly/3iYMD0F
報名嘅，呢度。今次課程編號填 CC005。唔想填信用卡亦可以FPS： https://bit.ly/3j0r9QZ　
Log in 呢度：https://bit.ly/3gYXu9e
已付費嘅，log in後按最頂「按此觀看」就得。再唔係返呢度睇：https://bit.ly/3fyKbw0
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾？散戶應如何應對？」
影片/課程編號：CC005
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC005]
2/利用信用卡網上付款
3/及後有登入資料可以立即收看
查詢：whatsapp 63832145

記得會考放榜那天，我懷着戰戰兢兢的心情回到學校拿成績，緊張得要命，中一至中三讀瑪利曼中學，及後在港島民生書院修讀中四中五，當時我是第一屆的學生，學校還未開設中六中七課程，換言之，如繼續讀書一定要叩門，正因如此成績非常重要。

踏入校門一刻我的心加速崩跳，在班房前面的走廊碰到了其時我的文學主任，他對着我搖了搖頭，說：「我好失望呀！」

「即係點？」「係唔係考得好衰升唔到？」「唔會要出嚟做嘢呱？」「唔會14分都冇吖嘛？」心裏有很多的問題浮現，口裏卻說不出一句說話，我的眼淚快要奪眶而出。

接過成績單那一刻，我看到自己在手震。回一回神看清楚，反而鬆一口氣，也不是那麼恐怖，只是我文學沒有A（當時Ah Sir睇得起我，以為我好有機會😅😅😅可能是考試時的字寫得太醜了，期望落空🤣🤣🤣），「想嚇死人咩？！」心裏不禁抒一大口氣。

因為要自己拿着成績單叩門，所以也不敢鬆懈，和各位老師請安後立即啟程。可以主修中國文學又有位收中六生的中學不太多，我跑到了何文田迦密中學⋯⋯

其實，放榜的時候可能你很緊張，但過後想想，這一天只是人生旅程當中其中一站，N年之後，別人所關心的是你做人處事的態度，公開考試成績，冇人問㗎。

應屆DSE同學，今天可能是你人生一個很重要的經歷，好的壞的，放開手去面對吧，精彩的人生在後面！


#下圖是中六影的
#經常轉學校
#中學讀三間
#大學讀第六間
#清晨為大家打氣
#出賣自己系列

今晚著住校服喺K房做一個鼓勵DSE考生嘅Live。

講真，由做學生，直到做教學助理，甚至而家，其實我都唔知應該同考生講啲咩先啱，因為講咩，都有種明明置身事外，但又講到身在其中之感。

所以今次，我想同大家分享一件事，順便多謝一位中學朋友。

話說第2年會考放榜，我得11分，拎咗成績表後同班朋友去唱K。

朋友D見我坐埋一邊冇出聲，就埋嚟同我講:「如果你想出去撲學校，我陪你。」

結果，朋友D連日好似導遊咁，朝早9點就同我走遍全個荃葵青區嘅學校，最後終於喺最後一輪收生階段，因為讀過中國文學，畀一間學校收咗，相反，朋友D因為冇讀中國文學，所以冇收到。

我當時極唔好意思，唔知講咩，朋友D見到就同我講：「我陪你架喳，我遲啲都過外國，收咗都唔會讀架啦。」

今日諗返，我知道自己要同佢講咩了，就係一句多謝。

陪伴更勝千語萬語。

立即訂閱文靜的頻道：
http://www.youtube.com/subscription_center?add_user=h0346445

瀏覽文靜的最新課程資訊：
https://goo.gl/0wQ0O6

追蹤文靜的Instagram→更多學生實證與教學分享：CLAIRE_MAN
如何在DSE爭取中文科5**（五星星）佳績？報讀文靜的中文課程，輕鬆戰勝DSE！你也可以是下一個DSE中文科5**（五星星）！期待在課堂上見到您❤
=================================================================================================================
其他相關教學短片:
https://goo.gl/3kFp9L
https://goo.gl/rCDZuC
https://goo.gl/ejisBb

=================================================================================================================
文靜的導師簡介
作家級名師 寫作才華備受肯定
→第三十屆青年文學奬得主　

→發表作品有《迴》、《９２１６紀異》、《自畫像》及《十二月二十》等不同小說及散文著作

→精硏各種文學創作，作品題材廣泛，風格多樣，大量獨家寫作心得與門生分享

教學經驗豐富 語文功底深厚
→春風化雨，桃李滿門－曾任教國際學校及本地中學，教授學生數千人
→DSE一切專業情報，盡在掌握－香港大學文學院榮譽畢業（主修中國文學），再於香港大學教育學院修讀全日制學位教師教育文憑課程(PGDE)(中文科) ，課程包括現行新高中課程改革、DSE試題設計與評分標準、基礎教學法、教育理論及等專業知識
→才華自幼鋒芒畢露－香港高級程度會考中國文學 及 中國歷史科均勇奪Ａ級成績
全真人教學 手法新穎獨特　緊貼潮流　
→創意教學：
教學風格活潑生動，獨家創意教學法，讓你無須死記硬背，輕鬆掌握不同應試技巧，靈活運用，自成一格！
→氣氛明快：
課堂設計精密，環環緊扣，講解條縷析，層層遞進，在輕鬆愉快的氣氛下，助同學短時間內極速提升中文科成績！
→全LIVE課程
沒有艱深術語，不說多餘空話，文靜用最貼近生活，簡單易明的方式，陪伴你克服DSE中文每個難關。

完善配套　作文親自批改
→每期免費送贈由文靜親自教授之一對五小組討論課節，進行針對性訓練。
→每期免費送贈DSE模擬試卷(涵蓋卷一至卷四)乙套。
→同學所有作品均由文靜親自審閱批改。
→課程贈書豐富實用，包括：常用文言字詞、SBA閱讀報告攻略、2016/2017DSE五星星真跡合集、事例語例大全、卷二範文集、卷一指定篇章精讀本等等
===========================================================
短片原稿:
介紹三個同學比你地識
第一個係hinson,佢係響文靜教授之下成功奪取五星星嘅同學
第二個係Jenny,另一個寫作五星星嘅女孩子
第三個係Brian,一個重考生,佢響參加左文靜嘅中文課程4個月之後應考,成功由去年嘅level3變成寫作五星星嘅高材生

我地一齊睇下佢地嘅作品

呢個係Hinson同學嘅考試得分,響佢嘅作品第一頁,我地見到以下句子,來到第五頁,有呢幾句句子,呢個係佢第六頁嘅句子

而家到Jenny,Jenny嘅作品得分高達72, 響佢嘅作品第一頁,我地見到以下句子, 來到第四頁,有呢幾句句子,呢個係佢第五頁嘅句子

最後係Brian, Brian嘅作品得分高達68, 響佢嘅作品第一頁,我地見到以下句子, 來到第三頁,有呢幾句句子,呢個係佢第五頁嘅句子

有冇發現,佢地嘅作品大同小異?而且長度非常相似?

如果我比晒成篇你睇,我諗你會嘩然,文句唔一樣,唔算抄文,但係內容極度相似,可以講係……80%以上相似

係,係倒模式嘅作品

呢個就係文靜「模仿式寫作教學」嘅威力

不如講個故事吖,一個富翁響高級餐廳晚飯後同名廚對話,佢問:你頭先度菜好好食,你用左幾奈時間去研究出來? 名廚答:20年 富翁問:咁如果我跟你學整呢度菜,要幾奈? 名廚答:應該兩個鐘啦

呢個就係模仿嘅力量,一個需要花20年,經過無數失敗累積起來嘅知識,通過模仿,就能以最短時間,最快速度實現一樣嘅品質,或者極接近嘅作品

教學十年嘅寫作威力,短短數堂,由我,教識你

你都可以係下一個五星星

咁你,仲等緊咩呀?
===========================================================

關鍵字搜尋：文靜、DSE、DSE中文、DSE英文、中文補習、補習、補習社、補習老師、補習天王、補習miss、補習老師、Tutor、五星星、現代教育、寫作、作文、寫作技巧、閱讀理解、文言文、白話文、聆聽綜合、小組討論、
DSE2017 、DSE2018 、DSE2019、香港、廣東話