暑假又到啦，
如何善用 Herman Yeung YouTube 平台
好好 upgrade 一下自己

Herman Yeung YouTube 平台優點
1. 安在家中，極速 upgrade
大家買一套數學Core天書 ($1800) 就可以安在家中，學好整個中四、五、六的數學課程 (單計數學已有超過114小時的教學影片)

2. 按自己進度
因為整個課程都可以隨時隨地睇，您想學翻以前的 topic 又得，您想學定未教的 topic 亦得。
學習途中分左心？唔洗驚，YouTube 影片可無限次任睇。

3. 時間遷就您 而不是 您遷就時間
有些同學係日頭狀態最好，有些同學係凌晨先會最集中精神，使用我們的平台就可按自己的個人特性挑選最佳時間學習

4. 可以學埋其他科目
我們除了數學科以外，Herman Yeung YouTube 平台還有 M1, M2, Physics, Chemistry, Biology, Economics, BAFS 的內容，教學影片免費任睇，還有很多免費筆記下載

5. 可以利用暑假問清楚自己唔識的地方
凡購買了我們 Herman Yeung 數學天書的同學，都可以有問書服務，可把握暑假，一次過將過去一年唔清楚的地方攪翻清楚

咁正的數學Core天書可以邊度有得買？
大家可以到這個網址
https://www.sites.google.com/view/HermanYeung
今天付款，兩至四天就會收到天書，就可以即時網上上堂，即時 upgrade ^0^

唔驚唔覺已經到了三月中
應屆的朋友都差唔多要出戰啦
不如都講下大家有咩要留意
首先今年有別於咁多年
相信大家知今年大家要帶口罩考試
為左自己的健康同埋公共衛生
呢個係必需及應該的
但如果您平時無帶開口罩
您可能要留意帶左口罩之後
您呼吸的節奏可能要快一點
否則會有些 "焗" 的情況
如果考試的話，可能會影響到自己的表現
所以我建議大家呢排長期在家中
無咩帶過口罩的，都試下用布或者其他類似口罩的物料
遮住口鼻試下做一份試卷，習慣下果種環境
另外，勾耳仔時，耳仔都會幾痛 (如果條帶太緊)
可以諗諗有無其他計，包括有無方法搵到條帶長少少的口罩
或者自己延長個扣，扣後尾枕
帶住口罩考試，唔多唔少都會影響表現
但緊記，考試係同期五萬考生的比較
大家都影響表現時，就既來之，則安之。

除左口罩外，其他基本的預備都要留意
包括文具、計數機的預備
自己事先查清楚自己要去的試場嚮邊
同埋睇清楚自己的准考證所報的科，及科的應考語言是否正確
事前工作做好一點，之後就可以專心應試

而於最後一個幾月的溫書時間
好多同學都會chur都好盡
溫還溫，都要注意以下幾點

(1) 要有足夠的休息，尤其睡眠時間，
每天最好11點前就訓，第二日最好6、7點就起身，
因為您考試時都要做到呢個作息規律。

(2) 食野的時間都要留意，開始要習慣食早餐
因為有食早餐先考試，身體多D養份，表現係會出色D
但無食開的，可能會有機會肚痛
所以早D開始日日食，習慣左就可以改善。

(3) 可以考慮朝早沖個涼
一朝早會好眼訓，但令個人變得有朝氣可以沖個涼
有時中途溫到悶悶地，可以洗個面，屋企裡面行下
增加血液循環，個腦都行得快D

(4) 慢慢接近考試日期時，唔好食熱氣野
一來如果病從口入會影響您的溫書節奏
二來今年如果發燒，可能考場唔會俾您入

最後的溫書時間溫咩好呢？
如果係數學 core，我都係覺得所有溫數學的時間放曬在 7書中
(7書即我們的天書A至G)
https://www.youtube.com/user/hyhermanyeung/playlists?view=50&sort=dd&shelf_id=13
7書包曬所有會考到的技巧
集中睇好呢7本書可得5星星
至於7書以外的 material ，如 tips class, mock, 一天、大檸樂、奪星
可以講係俾睇完7書的同學再上一層樓的工具
所以未睇完7書的朋友，繼續努力完成7書
如果係 M1, M2, phy, chem, econ, bafs
我的建議都係勁睇我地的片
前5科所拍攝的時間都超過100小時
大家花點時間去睇
如果睇唔曬就揀一些大熱的 topic 去睇

講開大熱，我又講下我近排答同學問題時觀察到的事
我見到有些同學，溫書係搵一D自己唔識的野溫
呢個戰略本來無可厚非
但我見到有d同學，大路的野溫左
去睇翻坊間某D參考書時
集中去研究一D，根本唔會考 (甚至係 out-syl)
或者10年考唔到2次的位去鑽研
我覺得有點用錯力
大家溫書時要留意，自己所睇的是否合乎比例
即您所睇的會出的比率有幾高，就應該用翻相同的比例的時間去學

第二，要留意自己手上的 material 是否可靠
好多同學坊間找到一些 exercise 計唔到
找我問時，我會發現係出錯
我唔會講出的人有心玩野，但您地做這些題目時要留意
如果唔識，有無得搵翻個作者問
如果無，我覺得您會幾事倍功半
所以校內的 mock，我覺得可以多溫
至少您唔明都可以搵到個老師問

另外，信心對於考試都係非常重要
而家愈黎愈近個考試
大家可能會有患得患失的感覺
搵到一條 out-syl 的題目就會覺得死啦好似咩都唔識咁
我想大家先要理解，您三年裡面學左好多
唔會因為一條題目就抹殺三年的努力
種瓜得瓜、種沙得沙
最後個成績都一定會反映大家的實力
只要好好用好每一個餘下的溫書日子
出戰自然有好結果。

至於中四、中五的同學
自1月尾開始放假，一放就1個半月有多
之後仲有差唔多1個半月
我覺得大家都要預左，翻學之後學校的課程會係變成加速版
中四的仲好少少，中五的朋友，
相信您學校個阿 sir 都煩緊如何將本來1年多少少的教學時間
於少左2個幾月的情況下教得曬
所以大家放假之餘，真係要好好學定一D topic
我地個 channel 有 數學core, m1, m2, economics經濟、physics物理、chemistry化學、BAFS企會財的影片
大家唔睇多都睇少，否則到您面對學校的加速版
可能會幾辛苦。

講完曬大家的事，就講翻我同牛牛的工作進度
牛牛剛完成 econ chapter C 的全彩色筆記
之後完成左上半部，今次有埋下半部
https://hermanutube.blogspot.com/2016/01/youtube-pdf.html
我明天都會出片教曬成個下半部彩色筆記的部分
之前攻左大半 econ 的 topic I
之後會努力完成埋其他的econ部分。

近排除左努力拍 econ、努力回覆 有買天書的同學 的提問外

我都開始做緊 biology 的事前工作，暫時都算順利
如果您係中四、五的話，我相信於2021考 bio 前
應該可以完成或接近完成整個 biology 的 playlist
事先講定，俾一D想 drop 的朋友，可以停一停、諗一諗
drop一科就少一科，尤其而家有個假期可以自己努力追進度
唔好咁易就 drop 啦。
牛牛而家就做緊 econ chapter C 的 pp demo 要用到的彩圖
不斷處理緊唔同的事，請大家等候
因為每次都會有人下面回應
“幾時有 phy 全套彩 note
幾時有 chem elective
我係中一的，但幾時有 applied maths 再現呀
您有無諗過拍埋 tourism
不如你考慮拍埋大學數學
我對奧數有興趣，你拍個 playlist 黎睇睇
您要快D出到所有彩色 note 啦，因為我就考啦”
okay 我收到大家的 message
我地會盡快做，催而帶有敵意的，一律皆 block
大家一齊加油 ^0^