今日睇到段新聞 "日本的安倍晉三稱 未來10年內無需將銷售稅提高至10%以上" 呢段新聞對我的價值係0 因為自日本爆左個核電廠之後 我真心唔敢去日本 所以佢有嚮個蛋治度加徵銷售稅 我都覺得係關我蛋治 但係 “銷售稅” 一詞，令我回憶到大學時期 當時香港都曾經盛傳會考慮開徵銷售稅 (大約2001、2002年左右) 理由都係果D什麼擴闊稅基之類的無稽講法 但理由唔重要 重要的是，如果真係開徵銷售稅 我地讀會計的人就肥仔啦 因為一開徵，政府即時要請一大班會計去稅務局 而賣野的又要即時請一大班會計去處理呢個新稅項 多人請自然水脹船高 我地會計的行業仲唔肥過肥仔水 但最後呢？大家都知一講就講左差唔多廿十年 上年先有人話其實香港大多數稅收係源自印花稅 建議香港連薪俸稅都 cut 埋佢 (即係收窄稅基啦，所以我都話要加一萬個理由，要唔加一萬個理由 而重點係加定唔加) 所以 銷售稅 呢個說法，同祈福黨一樣都係一個老點的遠景 雖則我俾人老點，但我地人係生的，可以變通 我畢業後，好快就已經做左第二行 (教育) 一做就做左十幾年 而家仲做埋 YouTuber 添，咪又幾好 所以唔怕人老點，最緊要係大家要識變通 話時話，大家唔知發唔發現 過幾日就放榜 因為呢排太多 "大是大非" 的新聞 可能大家都遺忘左這些小事 今年應屆的朋友，係時間好好諗下自己出左成績後要作的反應 雖然早幾日我地介紹左本好書叫 “不反應的練習” 但放榜唔可以不反應 您至少都要好好評估自己應該有咩成績 如果一出係高好多，當然恭喜 但萬一出現低好多，好好諗下會否 check 卷 check 卷始終係要錢，所以您要衡量您的底線係咩 低過幾多會 check 卷要心中有數 始終佢都好似得幾日時間俾您考慮 而另外一件更重要的事就係調 choice (JUPAS) 一出成績就可以優化您的排序 將切合您真實成績，將排序再安排多一次 而什麼學系係好前途？ 您可以做下資料搜集，但謀事在人、成事在天 正如我一開始講的銷售稅 一等就廿年，所以大家分析各學系前途的同時 我個人覺得最重要係搵一個您真心想做的工種去做 您鐘意做 就會做得好 就會有人欣賞 哪怕什麼旺季、淡季 老實講，我都估唔到我自己而家做到我自己鐘意做的事 我鐘意咩？我鐘意做的野係有價值 係可以有長期的價值而不是每天重覆做相同的事 (好似以前補習社的工作，同一份的筆記可以教超過100次，好乏味) 我鐘意開發新野 (以前補習社唔可以踩過界，唔可以開新科，但而家鐘意教咩就教咩) 我唔鐘意同太多人合作，因為成日有勾心鬥角的問題 而家我同牛牛兩個人攪一個平台，Teamwork 最強，合作無間 但產量不少於一間幾百的員工的補習社 呢個真係經濟學上的邊際報酬遞減定律 (Law of marginal diminishing return) 無讀經濟的朋友，我用土炮經濟學的講法即係 人多手腳亂 (too many people will make the hand and leg in a mess) 呢個就係我地 您呢？您能唔能夠清楚了解自己係一個咩人 有咩長處、有咩短處， 日後想做咩類型的工種 諗清楚先排 JUPAS 可能會對您係一個較好的開始 例如內向的就不是選BBA 怕血的就唔好做醫生護士 大頭蝦的就不要做會計 慢慢諗清楚，仲有幾日時間 決定好了，就跟隨自己的計劃去進行 無需怕有什麼意想不到的問題 因為出現意想不到的問題時 您就會諗到意想不到的方法去解決問題 關關難過關關過，大家加油﹗ ---------------------- HKDSE Mathematics 數學天書 訂購詳情及表格:http://goo.gl/forms/NgqVAfMVB9 ---------------------- HKDSE Maths Core 特別快車 7 本天書的 Sample https://hermanutube.blogspot.com/2019/05/hkdse-maths-core-7-sample.html ---------------------- HKDSE 數學 Core 各天書 的內容: https://www.facebook.com/hy.publishing/photos/a.312736375489291.68655.198063650289898/933817946714461/?type=3&theater HKDSE 數學 Core 特別快車班 28堂 (共7本天書) 完成整個 HKDSE 數學 Core (中一至中六) 要考的所有課題， 適合任何考 HKDSE 的同學上課 (中四至中六都合適) (p.s. Herman Yeung 所有天書，中英對照) ---------------------- Please subscribe 請訂閱 : https://www.youtube.com/hermanyeung?sub_confirmation=1