雖然這篇中信里昂好唔好鄉民發文沒有被收入到精華區：在中信里昂好唔好這個話題中，我們另外找到其它相關的精選爆讚文章
在 中信里昂好唔好產品中有5篇Facebook貼文，粉絲數超過2萬的網紅君子馬蘭頭 - Ivan Li 李聲揚，也在其Facebook貼文中提到， ［紫砂茶壺］CLSA 變成一間大陸國企中信里昂，預咗啦下話，其實比預期中遲啦。好快名都改埋你 TLDR：CLSA，就等於籃球嘅AND1，或者英超溫布頓隊。癲佬兵團。咁畀人收編咗仲係咪嗰回事？當然唔係。正如車仔麵大排檔入咗舖都唔係嗰回事。但你估買嗰個唔知？ 原文：How China’s Top B...
中信里昂好唔好 在 君子馬蘭頭 - Ivan Li 李聲揚 Facebook 的最佳貼文
［紫砂茶壺］CLSA 變成一間大陸國企中信里昂，預咗啦下話，其實比預期中遲啦。好快名都改埋你
TLDR：CLSA，就等於籃球嘅AND1，或者英超溫布頓隊。癲佬兵團。咁畀人收編咗仲係咪嗰回事？當然唔係。正如車仔麵大排檔入咗舖都唔係嗰回事。但你估買嗰個唔知？
原文：How China’s Top Broker Tamed the ‘Insane Asylum’ of Hong Kong Finance（https://bityl.co/3Prx）
1. 相當好嘅文，當然係要科水。話時話埃汾耐唔耐有啲gift subscription（完全合法，因為我係付費訂戶），耐唔耐都在Patreon抽獎。不過不定期，你當bonus好了。無論如何支持下埃汾個Patreon（https://bit.ly/31QmYj7）．一星期至少三篇港美市場評點，一個月一舊水唔使，開張一個月已500人訂！仲有兩篇免費試睇。
2. 廣告賣完，講返個來龍去脈。首先早排在Whatsapp講開CLSA某神級人物，原來過咗檔我都唔知（證明我已經離開呢個圈）。然後早兩日見到WSJ呢篇文，今日又見有港媒講，咁就three times a lady，一定要寫
3. 想講，CLSA（里昂）係一間好特別嘅公司！行內人，做股票應該知，但行外人未必知。我一時都醒唔起有乜其他行業可以相比。可能係AND1？定係NetFlix？卒之諗到，其實CLSA，即係以前英超溫布頓！癲佬兵團！
4. 全部比喻都不倫不類（其實可能AND1最似樣），但無非想表達，CLSA係一間真係有「企業文化」，與眾不同嘅公司。講大，佢唔係最大。賺錢？唔係最賺錢。人工？亦唔係最高。但，就係唔撚同。做過CLSA係真係型啲，特別係Research Analyst （我當然冇做過，見都冇得見，係咁上下水平。我最勁就只係去到見德意志銀行或者瑞信嗰啲級數）
5. 文章嘅題起得好好，Tamed，馴服佢。馴服咗呢間Insane Asylum，痴線佬集中營（定避難所）。咁畀人馴服咗嘅CLSA仲係咪CLSA？唔打茅波唔拎牌嘅溫布頓仲係咪溫布頓？就當然唔係嗰回事，但買嗰個其實未必介意，或者都控制唔到
6. 寫得真好，正如上面講，CLSA咪就係癲佬兵團。當然佢地未係溫布頓咁癲，但好多都係啲主流一線大行撈唔掂，或者唔想跟果套嘢嘅鬼才去落腳。咁你知啦，一線大行，梗係搵錢為先，扼殺創意，一定係咁。即係以前TVB咁，流水作業嘛。但亞視先有開心主流派。
7. CLSA，就真係CLS的。CLS固然係Credit Lyonnais Securities，但重點係A，Asia，呢間公司由第一日已經同其他行唔同。其實間公司係香港創立嘅！創始人係Jim Walker與同埋胡漢輝（原來我公司樓下間利昌金舖就係佢，失敬）。之後先到里昂入股。留意最初幾個高層都係SCMP記者，唔係金融出身，亦令到間公司由頭到尾就唔同
8. CLSA最出名，應該有幾樣嘢，幾樣嘢都同佢地與眾不同嘅文化有關
9. 首先，CLSA係一間以Research Analyst 出名嘅公司，十分少見。後來我去唔止一間公司，啲高層對Research不滿指手劃腳，都係會想「參考」CLSA，但當然學唔嚟啦。畀你抄到嘅就唔係真正企業文化
10. CSLA嘅Research，都係以比較出位見稱。但出位唔係嘩眾取寵，或者特別中。但總之就係有啲同人地唔同嘅嘢。例如佢地好早已經用漫畫做封面，甚至專門請一team人去畫。
11. 仲有咩出位嘢？例如佢地會去寫丁蟹效應（https://bityl.co/3PpF），真架，全英文，跟足普通報告嘅format 同flow．做嚟做乜？冇架，過癮咯！但換著第啲行，少不免就畀老細問：整嚟做乜？對生意有乜幫助？只係為你地啲友自己過癮？
12. CLSA仲有咩出名？當然係里昂風水指數。應該大家都略有所聞，啲分析員定阿頭仲要著晒風水衫出嚟講。有乜科學根據？冇架！只係過癮。但吸到注意。當然而家仲有估，不過好似冇咁多人留意，冇計，共產黨唔講風水
13. 仲有乜出名？應該係CLSA嘅投資日。間間行都搞，我都搞過，但人地搞得就係唔同。佢搵咩人嚟講？你以為搵格林斯潘之類（我在北京都聽過格老講，大陸行咪搵佢，佢亦樂於咁呃飯食）？錯，佢搵泰臣，搵碧咸，搵Rihanna 嚟講。夠唔夠型？（其實CLSA都搵過格林斯潘，仲搵過克林頓，可惜冇搵萊溫斯基）
14. 寫咗成千幾字，就講間公司點與眾不同。唔使最大唔使最賺錢但係要過癮要型要特別。引返原文嘅英文，It was probably the noisiest voice and the most colorful voice” in the region. The firm prided itself on being non-hierarchical and freethinking.
15. 文中亦都引返，舊CEO提過Insane Asylum，一線大行生存唔到嘅人，CLSA歡迎你。公司唔講階級，新職員一樣參加最高層會議。
16. 不過俱往矣，其實一路都有人質疑呢套文化生唔生存到落去，畢竟做大事三個條件，銀紙，銀紙，同埋銀紙。CLSA一路強項都係Research同Equity Trading，但好早已經畀人質疑係咪過時。咁加速呢套嘢玩完嘅，當然係大陸佬入股。
17. 時為2013年，中信證券買起里昂。而家都7年，差不多了。借來的時間，借來的地方。最近一兩年就加速「中信化」，「去里昂化」
18. 諗都諗到，CLSA呢套企業文化，同直屬國務院嘅中信，點融合？佢地啲友連華爾街主流大行都頂唔住，何況中信證券？再加上中國國進民退，中美關係又惡化（下刪一萬字）等等。所以都係嗰句，遲早要嚟，7年已經比預期內。
19. 正如文章所謂，而家嘅CLSA，就變到好似一間國企咁。咁但，佢真係一間國企嘛，咁先正常。
20. 一貫作風，買咗返嚟，開頭梗係唔郁住，相敬如賓。咁開頭都真係冇乜干預。但過去一兩年，啲鬼佬高層就陸續出走了，好多分析員亦走埋，大陸佬上場。係咁架啦
21. 亦可能因為咁，見到CLSA在行內投票啲排名都跌咗，乜乜AsiaMoney最佳Research之類，當然你亦可以話得啖笑，埃汾都玩過，明顯拎唔到獎就話得啖笑
22. 仲有，WSJ都冇提嘅，我講。咪話早排whatspp同朋友講起CLSA某神級人物？正係Chris Wood．唔識Chris Wood你都唔好話自己出嚟行。做analyst做到有Wikipedia page喎（https://bityl.co/3PrV）。呢位外型似莫扎特嘅仁兄，在我入行前（即係，15年前），已經係神枱級人馬。佢份weekly newsletter Greed & Fear極出名。當年我直頭視佢為奮鬥對象。結果？咁個撚個打NBA都當佐敦高比或占士偶像啦，踢波個個都視C朗美斯為奮鬥對象啦，咁樓下個阿叔變咗C朗未？
23. 但原來Chris Wood都走埋，走咗成年幾我都唔知。都話我已經離開咗呢個圈（其實從來都冇入過，你踢澳門聯賽又話同C朗係同一個圈咩）
24. 但，講到尾，賺唔賺到錢先？似乎都係不錯，至少暫時係。某程度上多得中美交惡，唔少美國上市嘅中資返嚟香港上，甚至原本想去美國嘅都唔去，留在香港。投行過去一年呢啲上市費相當好搵。而在Asia ex Japan，2020上半年，投行收入最高嘅，就係中信證券。因為多中資公司上市。
25. 呢個當然亦有人講香港市場日漸中國化，但，一路都係架啦。得罪講句，以前又有幾國際？咪又係匯豐一隻？怡和都收埋皮啦，下話？咁以前都不過係英國化啫。但英殖年代當然係英國化，正如回歸後當然係中國化。唔同一堆日本定印度公司嚟香港上市咩。
26. 篇文最初講，「紫砂茶壺」，新一代應唔知係乜。就算知咩係紫砂茶壺，應都唔知紫砂茶壺as a metaphor．但我都係嗰句，一葉知秋，CLSA咪反映香港金融，金融咪反映成個社會。係咁架啦，借來的時間，借來嘅地方。天要下雨娘要嫁人。係架，金牌小龍抄咗都唔似鼎泰豐。但有乜所謂呢？反正鼎泰豐大陸仲賺錢過台灣。
27. 所以都係鐵律，買返嚟，點會唔拆你塊招牌？我地唔係講緊香港電台下話？商業機構，當然係邊個畀錢邊個話事。舊文［誰大，誰惡，誰正確］（http://bit.ly/2WvlUkT）寫過，「最初係A,B，吞併咗就A+B，但記住分莊閒，最後就變成A自己。B個名掉落屎坑。例子太多。隨口講都講到，摩根士丹利添惠，摩根大通，瑞士信貸第一波士頓，瑞銀華寶，匯控獲多利，法國巴黎百富勤。當然仲有，星展唯高達，匯豐獲多利。」
28. 變味？咪變味咯。如果只係想賺錢嘅，咁入股幾個巴仙做財務投資得啦。但自己渣莊就係過癮嘛，所以點解明明創業死亡率極高，餐廳好多都執笠，但依然好多人仆到去做。因為過癮。咁但過癮，多數係有代價。所以我從來都唔信咩返工會開心，如果返工好開心，應該公司收你錢，唔係出糧畀你
———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已500人訂！仲有兩篇免費試睇：https://bit.ly/31QmYj7
——————————————————————————
［收費短片第九擊］美股科技股是否泡沫爆破？價值投資之選
課程資訊：https://homebloggerhk.com/course_detail/?code=CC009
內容:
*美股急跌點算好
*科技股係咪泡沫爆煲？
*有乜價值投資之選？
本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145
另外想買返第八擊（美國總統大選股票部署）都仲可以：https://bityl.co/3NPn
中信里昂好唔好 在 君子馬蘭頭 - Ivan Li 李聲揚 Facebook 的精選貼文
［深度＋101文］係喎，可以又深又淺，101文都有深度
FT原文：（https://bityl.co/3Ed8） Vanguard uproots staff from Hong Kong to focus on Shanghai。睇免費中文嘅，經濟，https://bityl.co/3EdB
TLDR：你估真係貪你香港人識英文好撚醒咩？
1. 昨日呢個Vanguard領航撤出香港嘅消息，都引起行家一陣討論。雖然我懷疑好多非行家根本唔知乜嘢Vanguard。介紹返，全球第二大ETF發行商。撤離香港了，全部摺埋。
2. 你見我今日先寫，一來昨日忙（有人以為我係唔使做的），二來都係沉澱下，本專頁出文力求專業，唔係鸚鵡學舌咁人云亦云，knee jerk 反應咁，先有結論然後乜都塞入去自己個框架解。亦即係手拎住個槌仔就乜都係釘。
3. （廣告：Ivan Patreon 狼耳街華人，一個星期至少三篇，一個月一舊水唔使，兩星期已超過400人訂，仲有兩篇免費試睇：https://bit.ly/31QmYj7）
4. 乜槌？好簡單。領航美國嘢嘛，大公司嘛，撤離香港喎。大家都知個劇本點fit入去咯。外資撤尼 冇信心 國安法 香港已死 打響第一槍 下刪十萬字。Very fit
5. Except it doesn’t
6. 成單嘢，四個角度睇。先講政治（唔多想講），再講客，然後講生意，最後講行業。夠晒立體。
7. 政治嘅嘢。其實如果稍為識字，識英文嘅（你估咁多人識字？）。應該知道，冇錯，領航係摺埋香港嘅業務。搬去邊？搬去大陸！
8. 即係，由拍三仔，變做拍四仔。怕乜呢？一件污，兩件穢，三件冇所謂。豁出去啦。全面投共啦
9. 事實係咁喎，任你點屎片都好，領航寫到明，總部搬去上海。仲叫部份員工可以易路基。當然你可以唔去，亦都唔係全部人有得去（投共條隊都好長的說，排過就知）。
10. 但公司講到明，未來亞洲業務，重點就係大陸。相信唔係畀人拎住把刀拍片講。唔止，領航仲同螞蟻集團合作添，呢啲先係大茶飯。
11. 事實亦係咁，公司而家得返三個點。墨爾本（澳洲話自己係亞洲喎，特別係踢波嗰時），北京，上海。聽聞北京都會摺，但後話。咁，重點當然係在大陸。
12. 你話，其他地方呢？咁就要講埋啦。
13. 今次領航除咗摺埋香港，亦都摺埋日本業務（取代香港做亞洲金融中心喎，聽講）。喂，日本喎！亞洲最富有國家之一，人口又夠多。當然日本ETF生態我唔知，但其實絶大多數投資者都home biased，相信日本人更加係咁。有幾多日本人去買印度ETF？咁日本都摺得，仲有咩亞洲市場值得留戀？
14. 仲有，堅持講咩襟蚊籮呀識英文呀法治呀乜乜嘅。留意返，其實香港同日本之前，早兩年，領航摺咗另一個重要嘅亞洲據點。
15. 之唔係個個打飛機嘅新加坡。早兩年嘅事。而嗰時都炒咗香港五份一員工，所以今次摺埋香港，局內人都預咗啦。
16. 我嘅睇法，日本唔知，但點解摺新加坡同香港，其實都唔難理解：租貴，人工貴，但市場細。而好可能係市場細緊要過成本。ETF嘅嘢，好早講過，係極之士基拿普嘅生意，我10億AUM（Asset under management）咁多成本，但去到1000億AUM，收入差唔多100倍，仲可以減價鍊死啲細公司。但成本肯定唔會升100倍，可能幾倍，請多幾條友，租多個寫字樓，換下電腦，但唔會係跟住收入咁升的。呢啲明顯收費文講過
17. 而另一方，同你啲網友所講唔同。大陸開放緊佢嘅基金市場，算係真係開放。外資當然搶灘。正如之前貝萊德（Black Rock，BLK，呢間就全球最大了。iShares嘛）都同淡馬錫同建行合作。
18. 根本由始至終，你見大陸咁多外資，外資根本唔係完全介意咩冇法治呀乜乜物物。當然都介意，但計掂數咪得。
19. 但網友講得啱嘅係，如果香港變成同普通大陸城市一樣，咁做乜仲要香港呢？我不如直接投共好過啦。難聽講句就係，收三仔錢你要我拍四仔，咁我不如直頭拍四仔啦！
20. 以上種種，當然好多人聽到唔高興。但近期見到個發展係咁。亦都唔止一單。唔止美資，日資都係。睇下大和（Daiwa）講嘅嘢，相當誠實（https://bityl.co/3EbK）。佢地都話好擔心國安法乜乜乜，但同時間亦都話，扯，不如直頭將香港業務搬返大陸啦！
21. 正是如此，我勸香港人最好反省下，自己有乜咁巴撚閉。你識英文，大陸人唔識？你識日文，大陸人唔識？OK人地可能英文冇你咁好（I doubt it），但，收你三份一人工。美斯好波，咁我出廿二個人同你巴塞踢咯，得未？
22. 好，講完政治，講客。根據領航講法，話因為香港個生態適合機構投資者，但佢地戰略想主打散戶云云。於是有人就講到，「散戶教極都唔識」（https://bityl.co/3EbX）云云。
23. 首先，屌客，屌其他人，永遠係最好嘅理由。點解你隻嘢在香港賣唔到？香港人短視咯。點解你冇人請？香港啲華資老細廢拉HR短視咯。點解外國都冇人請？嗰啲友都短視咯。咁事實，做先知好辛苦，尼采自比係日頭拎蠟燭嘅癲佬，「我來得太早了」。不過仲有好多係假先知，係人地郁晒自己唔郁
24. 香港散戶係咪笨實呀炒上炒落呀，唔知。但講咁多，贏到錢先係王道。香港人冇嘢出名，出名貪，有著數會唔拎？
25. 香港散戶係咪冇人炒ETF？肯定唔係，你見咩盈富2800呀，A50 2823呀，仲有啲咩反向雙倍嗰啲ETF，好多人鍾意玩。
26. 所以殘酷嘅真相：唔係香港散戶唔玩ETF，係唔玩領航嘅ETF。得罪講句，領航嗰幾隻嘢，似乎冇乜吸引力。買標普500？咁我直接開美股戶口得啦。係喎，近年美股大盛，交易費用又低咗，亦都打擊咗領航香港生意。
27. 當然另外仲有，港交所偏高嘅交易費用，呢個就真係另文先講。舊文講過（https://bityl.co/3Ec1）
28. 講完政治，講完客。講生意。頭先講過，領航世界第二大，但在香港就不及地頭蟲。而家死剩6隻ETF，AUM係33億。香港ETF市場都唔係太大，但都近3300億，即係領航嘅孖劇些牙係1%左右。講到呢度，似乎都唔使點講落去。
29. 實數，33億AUM，有幾多收入？記住領航係賣平靚正，冇咩星級基金經理，唔揀股，冇two and twenty （https://bityl.co/3EcE）．33億AUM，講緊60萬收入一個月。夠出糧都唔夠交租啦，下話？
30. 最後，講完政治講完戶講完生意，講行業。其實正係早兩日，我都未得閒寫（永遠都幾萬樣嘢想寫唔得閒，所以靠你地幫我變全職作家了）（https://bit.ly/31QmYj7）。WSJ有篇文講（https://bityl.co/3EcX），ETF行業整合
31. 冇嘅，合久必分分久必合，有著數咪有人埋嚟，多人埋嚟咪冇肉食，冇肉食咪有人抬進場。今年已經超過200隻ETF冚旗，而新開嘅係2013年最少，但講美國啦
32. 再講一次，ETF呢門東西，其實技術門檻唔係好高。呢方面冇乜護城河可言。呢類生意，最初你頭幾個做咪舔一浸，之後就會搶人，最後大家冇肉食，就有人抬走。例子？你睇香港出輪咪係。最早期輪王輪后呼風喚雨，但後來其實你請到佢嚟就可以開檔，唔一定要買得準里昂輪。人人都知個撈烤，最後咪價格戰！
33. 而鬥平，就梗係有利大公司。好多金融生意（但唔係全部），都係相當士基拿保嘛。我公司夠大，壓到價夠低，多筆直吸到客，你細嘅點玩？所以你見嗰時有啲發行商出啲好偏門嘅輪，因為出建行輪唔夠你爭，嗰時隻183（唔係而家隻宏輝／田生，係中信嘉華年代！）都有人出輪！我點知？我炒過咯。咁但，即係你發行商take 更大嘅risk 咯。即係人地唔敢做嘅村屋 電單車位你走去做咁。得咪得，唔得咪返順德。
34. 所以呢，真係環環相扣架，唔好以為睇一篇半篇文可以了解成個世界。記住訂埃汾Patreon（係，一篇文賣三次廣告）
——————————————————————————————————
Ivan Patreon 狼耳街華人，一個星期至少三篇，一個月一舊水唔使，兩星期已超過400人訂，仲有兩篇免費試睇：https://bit.ly/31QmYj7
————————————————————————————
［收費短片第八擊］美國總統大選買股部署
課程資訊:https://homebloggerhk.com/course_detail/?code=CC008
到上link會見到紅色按扭直接購買及觀看
題目:「美國總統大選買股部署」 /cc008
內容:
*美國總統大選買股部署
*美股8月終極一升，然後…
*制裁美國上市中資股，有乜後果？
*蘋果2萬億市值，之後點？。下間2萬億市值係？
*未買記得買返CCO06（下半年選股）同CC007（買金）
本星期內特惠售價: $80
課程編號：CC008
觀看期限：首次播放後一星期及限每影片４次
客服whatsapp: 63832145
中信里昂好唔好 在 明報財經 mpfinance Facebook 的最讚貼文
無人買，好難唔跌
#中信里昂 #樓價 #跌兩成