［補習天王的風險管理］本人不仇富，亦不落井下石。但純技術討論。係咪有啲改進空間？

1. TL；DR – 呢種賣內幕貼士嘅方法，係deemed to fail的。唔應該薄利多銷，應該做客制化，高端，私人銀行咁玩。

2. 純技術討論：犯法係唔啱嘅，捉到就罪有應得。「但諗下點唔畀人捉到」

3. 正經，非抽水。春風化乳，有教無淚，誨人好倦，埃汾教過書，私校津校都教過，中一至中七都教過（都幾好嘢，兩年教晒七級）。唔敢話挫肉英才，比較似係誤人子弟，corrupt the youth。但至少離開時都有口皆悲，學生普遍評價都幾好，而家結婚都仲會請我去飲，有事都問我意見，有啲仲成為呢度嘅讀者，甚至課埋金支持埃汾，呢啲就真係愚子可教，為師含笑九泉。

4. 但即使我仲係教書年代，仲未加入中環萬惡（但好過癮）嘅金融圈都好，即使我當時仲係個酸臭窮知識份子都好（詳見「安雅會談」，自己Google），我都唔係嗰啲道貌戇然嘅教書佬。我並唔係因為高人工而去教書（否則後來唔會丕咳三份一去做銀行），但錢幾時都係好重要，有錢是好東西。

5. 所以我唔會好似啲行家咁批判補習天王。難聽啲講句，你眼紅人地啫。尼馬（冇錯巴西巴塞巴黎嗰個大三巴球員）其實由出道開始已經成日畀人批評，更多係佢嘅私生活，但我鍾意佢夠坦白。佢話（大意）：畀著你係我，後生，有錢，有力，唔通唔玩？留返七十歲先玩？（我加嘅）。正是如此。

6. 早排同朋友飲茶（包括安雅會談在場嘅兩位），又講開教書，我算係教得最耐（兩年）。至少我年代，教師中，都有個講法：好多教書都係三年內走人。唔係頭三年太惡頂，而係到三年後，你人工一加又加，一個唔該拎埋個cert Ed （PGDE教育文憑），你拎三皮幾嘢人工，但社會其他工作經驗係零，你仲點轉工？

7. 唯一出路就係做補習天王。實不相瞞，我都有咁立志過，甚至去見過，甚至有真補習天王見我。仲記得在佐敦，山林道對出彌敦道附近，某大牌補習社。當時見我嘅，係已經幾出名但未係買豪宅（屯門啫）嘅高式卡，Kevin Ko．

8. 聽聞佢已經退出江湖多年，咁為免年紀輕嘅讀者（呢度有冇？）唔知，高式卡真係相當咁出名。點出名？出名到《愛出貓》（仆街呢啲咁撚爛嘅戲我都入場睇）都要醜化佢，有個叫「高式古」嘅角色，而後來高式卡直頭出律師信的．彩蛋係，後來出碟，佢個名變成陳順發。唔知乜水？英文係Oxide Chan．仲唔知？咁證明你冇乜睇港片。Oxide就係彭順！咁陳順發當然就係彭順加彭發（＊＊），套戲正係彭順有份導演

9. 講返，我對蕭源甚麼，冇乜批評。黃國英話齋，呢啲補習天王，學生肯去畀錢，家長又支持（大多數都係家長畀啦，真係援交去補習咁痴線咩（＊＊＊）），咪完全證明所謂主流正規教育嘅失敗，日校老師嘅失敗。而天王（例如林逸欣）搵到咁多錢，就可以話正規學校係underpaid佢，市場肯畀佢，咪值。補習天王就係重視individual talent嘅行業，英超球星都係，investment banker都sort of 係。我從不眼紅人地，因為人地值。我冇美斯咁好波，亦冇陳美詩咁好波（唏波呢啲嘢好主觀），所以人地搵得多錢過你，優勝劣敗，有幾撚難明？

10. 講咗一大段都未入正題，只係想講，我無意針對蕭源，或做正義撚。當然犯法係唔啱的，我亦唔會Blame the system，佢係破壞咗個規則，同埋製造不公嘛，坐監就抵。

11. 而舊文都寫過（https://bit.ly/2ZEBaMA），有利益嘅嘢，自然有人出古惑，走後門。人性嚟的，唔好咁虛偽以為人人係君子馬蘭奴，世界只有馬蘭頭。球員轉會消息又好，諾貝爾奬又好，入美國大學又好，公開試試題又好。有high stake，自然有人犯險，自然有啲技不如人但有錢嘅人，想出術。

12. 但，你話馬後炮又好。其實蕭源呢種玩法係，係實會出事的。亦都係類似推土機執銀仔咁。

13. 你見到個矛盾在邊嘛？一方面，佢sell嘅，係內幕消息，本人好撚堅。但內幕消息，by definition 就係唔可以畀人知。請問，如何你可以用一樣，唔可以畀人知你知嘅嘢，去大鑼大鼓搵生意呢？

14. 所以，你話我冷氣軍師都好。首先，大家唔應該犯法。但如果係要咁出術嘅，就梗係唔係收幾舊水然後講畀幾百個學生聽（＊＊＊＊）。呢種玩法唔可以做薄利多銷。一定係私人銀行，tailor made，我只係做幾個有錢仔學生，但收佢每人一百幾十萬，只係講畀幾個人知，咁可能冇咁易出事？

15. 所以同樣道理，你見啲咩微信女咩內幕消息，必然係假。仲要你錢都冇比，仲有人地波波相睇。一定係流料。係堅料點會咁派？唔怕坐監？

16. 記住，純技術討論。大家唔好犯法。入赤柱擺壽酒，係冇人得閒嚟飲的。

17. 呢篇我幾滿意，如果大家反應好嘅，聽日我寫多篇類似嘅。講PTGF扯皮條，亦都係近期案例。咩係PTGF？我都唔知，好似啲化學物品嚟的，Polymer之類，PTFE啲朋友掛

（＊）呢篇其實特登玩咗好多四字成語，同學們可以拎去做中文Proveread．包括呢個Proveread都係要Proofread的

（＊＊）講開彭氏兄弟，當年我見過有條報紙題，叫做「彭氏兄弟迎娶李心潔」，真係改變我三觀。可惜冇相，亦可能係我曼德拉效應

（＊＊＊）又講開，我有個中學同學，唔係援交搵補習費咁痴線。但佢係本校地理科狀元（其實其他科都係），拎咗嘅獎學金（官校啲奬學金，一千幾百，尤如垃圾），第二日就拎去補Linda Lau。呢啲就叫市場取態。即係等於你捐罐橙汁畀道友，佢應該會想去賣咗佢然後去吸毒咁。

（＊＊＊＊）都未計，如果太多人知，根本你個消息就已經失咗意義，仲會令你風險更大。如果真係四份一考生都補佢，又知內幕，你估會點？四份一人拎Ａ？定係老廉好快搵到佢？

------------------------------
版務：收費專欄已推出，支持埃汾高質文章。幾舊水睇三個月，一星期三篇

請去呢度訂：bit.ly/2wVXndj
課程編號填: CC01
科咗水後後有Login及Password畀你

逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。

（最近生活每天只有考試和溫習，枯燥異常，唯有又來舊事重提，消耗自己的過去，大家不要介意）

考完筆試的第一天，看了鏗鏘集最新一集《考期》，訪問幾位今年文憑試考生。一邊看一邊很感動，甚至覺得她們將同爲畢業班的我的心底話都說出來了。

特別記得有個想入中大的女生，在溫習與參與社會運動中間掙扎，然後覺得自己好像生活在平行時空。醫科生又何嘗不是呢？背負著幾年的苦讀、senior醫生和教授在臨床課堂中的期望和要求，有時候能付出的，真的不能跟其他人相比。有時回想，難道我們的學業就比其他人的青春、光陰和前途重要嗎？我這樣做算是自私嗎？

到現在，筆試考完了，塵埃半落定，我會想其實當時還可有空間再付出多一點；但誠然當時不同的中途考核、課堂匯報等如同大軍壓境，在當刻又怎能處之泰然呢？再多想，對自己的精神健康都很大負擔，唯有跟自己說，每個人都有自己的崗位，很多時候世事發展也不能盡人意，盡了力問心無愧就好。

其中一位學生又説，考試一再推遲，就像泄了道真氣，很難再專心溫習。我覺得我絕對有資格真誠的說，我真的明白啊！新讀者可能不知道，港大醫科的畢業試想來都在二三月進行，而官方正式的課堂，大約在一月中完結。就在所有課堂都上完，大家如箭在弦地準備考試的時候，我們突然收到考試延期的消息。先是說延到三月，然後再過一陣子才確認四月初開考。每次收到考期延遲的消息，我都會一蹶不振幾天，用一星期的時間才能慢慢重拾最後衝刺溫習的節奏。

對於某些考生來説，考期延遲不只代表痛苦的時間更長，更是整個溫習策略的調整。以我個人爲例，本身考試在二月，只能每科都安排相若的時間重讀一次筆記，然後就要埋頭苦幹做舊試題。短短一個月的考前假期，只夠我每個科目讀一遍，之後就要直接踏入試場。突然多了一個月，我用了幾天時間才重新編排過時間，可以多放時間在較弱的科目上——然後又忽然再多了一個月。

後來我就決定，既然時間多了，我就不該再如此試題爲本，反而應花時間在以往一直以「時間不夠」為藉口忽略的理論部分，弄清概念。正如我之前所説的，雖然溫習時間長了，但我的考卷分數不一定有提升，就是這個原因，但雖然如此我也覺得十分滿足。當然，考試後有失誤的地方我當然會後悔捶足，心想當時如果話三倍時間做試題背答案可能會更好，但既然決定了要摒棄考試爲本的思維，就應該要接受後果。

這樣想來，其實我們考試有一點比文憑試考生要幸福的，是除了部分「丁友」外，我們大部分同學都只是「求pass」而已。但文憑試考生還要同樣爭取好成績考入自己心儀的學科，所背負的壓力就更大了。

文憑試的考生，知道你們都辛苦了。很多人包括與我一起看這集節目的媽媽都不明白，但確實沒有經歷過這次「跑極都跑唔到終點」的考試準備過程，真的很難明白當中的心理壓力和屢次想放棄的心情。你們一定要快點重拾心情，好好分配好剩餘兩三個星期的時間，不要讓這個不一樣的畢業年阻礙到你們的前途。

第三點感觸，是其中刻畫出師生之間的關係。雖然中學生活已經離我六七年之遙，但我到現在還是很慶幸我遇到很多很有心很肯為學生付出額外時間心思的老師。所以我當時是完全沒有上補習班（只是應考了一次坊間的模擬試，有無搞錯竟然説我中文地理4，弄得我心神不定，後來我還跟老師一起研究這些補習名師的試題，然後一起斷定他們根本不能反映我的表現~ 不過這是題外話，哈哈），甚至是我最弱的數學也是如此。而當時的中文老師更是令我對這個語言的興趣和喜愛更深，否則也不會有這個專頁的存在了（所以有幸出版著作，也找了這位老師寫序😬）。

讀大學以後學習模式改變，雖然有心的老師還是很多，但難以再遇見這樣的師生關係，所以看著節目裏訪問的這位老師如此用心，心裏也非常感動。

最後，很無聊的，我想稱讚其中一為女生接受訪問是完全沒有中英夾雜！！還有節目中多位同學的文學修養甚高，言談之間就是順手拈來用的比喻也十分貼切，讀過文學的人果然有不一樣的氣質！！當年其實我是個比文科生更文科的文科人，但是爲了讀醫科一定要讀我不喜歡的化學，再加上本身有興趣的生物，然後唯一剩下學校有開的文科科目，就是地理。所以我就選了這三科讀我的高中。但是當年我最想讀歷史，或者中國文學都好啊。我班最後只有兩個都中國文學的同學，我到現在都覺得她們有特別的氣質，哈哈。這應該是我高中其中一個頗大的遺憾（雖然我其實也很喜歡地理）。

最後要解釋一下這次選用的配圖。話説我有個喜歡記錄自己努力的怪癖，無論是當年記錄自己為文憑試準備了多少小時，還是現在行山跑步的足跡數據，我都喜歡記錄下來，然後有空時翻看就會自我感覺良好。大概是太自大的一個表現。這就是我當年溫習的數據，在七年前文憑試考試前夕在我的個人Instagram發放的。原來當年從試前放假的第一天算起，竟然花了三分二的時間都在溫習數學。因爲我數學實在沒有天分，我很肯定我數學考卷的每一分都是努力將勤補拙的成果，相反中文啊通識啊就是九成靠天才（英文不用提了）。分享一下這個數據給大家笑一下，哈哈。

有醫生跟我們分享說醫科畢業試是他一生的惡夢，他確實到現在行醫多年，還是會做那些忘記起床考畢業試、或者整份試卷不懂做的惡夢。本來我以爲他誇大事實了，怎料在上星期開始考畢業時的前一晚，我果真發了個古怪的夢。我在港大試場靠文憑試地理科，然後漏空了整頁試卷沒做，還要在交卷那刻得知... 究竟這個夢，有什麽含義呢？

節目重溫：https://www.rthk.hk/tv/dtt31/programme/hkcc/episode/672675