［消費券買呢啲！］都有人問我，邊度買到我本書。咁實情好多人係經HomeBlogger買，最簡單。亦都有少量係在書展三聯檔攤買，我都估唔到佢地會擺出嚟，應該係大倉都冇入過直接出爐放去書展。因為我在三聯網都搵唔到呢本書。

（8月3日 update：HKTV Mall已賣晒
另外有人話銅鑼灣誠品有得賣）

1. 咁，而家有多啲渠道啦。講明先，我唔endorse以下任何平台，即係佢收咗你錢執咗笠呀，唔出貨呀，創辧人四十年前非禮過人呀，一概同我無關。你自己去同佢理論。對，包括HKTV Mall，你去買完有問題，梗係搵王維基啦。我特別提HKTV Mall係引你入嚟啫。

2. 仲有，我連link都貼埋畀你，就唔好留言問我「灣仔間城邦在邊」之類。

3. 同埋，如果網上或者去門市搵嘅，慎防你係十年都冇買過書嘅人。用個ISBN最簡單：9789887842989。當然你用我個名「李聲揚」都可以，目測冇乜其他作家同名，我又只係出過呢一本書。就千萬唔好用個書名，因為有啲人當個書名係「事先張揚」，有啲當「一書保平安」，會有點亂。

4. 實體店嘅：以下係讀者報料，除咗書展三聯個檔，我自己從冇在實體店見過自己本書。

5. 有讀者話 沙田 同 將軍澳嘅商務有成棟（如圖）

6. 至於之前書展攤檔有嘅三聯，實體店好似未見（我日日落去樓下望）

7. 誠品，都係冇嘅（我亦都係日日去望）

8. 其實我就Don’t care，但你堅持唔想幫襯大集團嘅，去灣仔城邦都有（扯！咪又係李嘉誠！），或者銅鑼灣樂民，「不過樂文好似得一本」（如圖）。

9. 至於網上嘅，頭先講咗HKTV Mall，仲有其他地方：

Home Blogger （https://bityl.co/890q） — 可以加廿蚊順豐，或者你自己上尖咀拎
HKTV Mall（https://bityl.co/891B）—講咗
一本（https://bityl.co/891J）— 咪又係商務
天地（https://bityl.co/891i） —好似有紀錄但冇貨
香港書城（https://bityl.co/891F）— N年前幫襯過！原來仲未死
博勢力（https://bityl.co/891a）— 唔知係乜，純粹見到。有問題唔好搵我

10. 海外讀者嘅，試下YesAsia（https://bityl.co/891U）—但好似好多地方都唔送，英國歐洲都多數冇，可能台灣澳門美國加拿大澳洲紐西蘭得。再講一次，唔好問我。當然貴一截了。

11. 本書嘅銷量，係暫時不錯嘅。當然我估之後就咁放在書店，就冇乜人買架啦，我又唔係陸東，又冇著套西裝繞個手托下眼鏡咁影封面（至憎，但人在江湖柏木由紀）

12. 睇下有冇機會賣得晒再版，或者有機會出多本。「之前又話唔出？」，咁都係睇情況，賣得好嘅之後牙力咪大啲。

13. 讀者畀我嘅評價，都好正面。但當然呢啲唔係事實之全部。首先買得書嗰啲本身已經係支持者，另外，講得垃圾嘅又一般唔會PM我知嘅

14. 我自評？好簡單，永遠最好係下一本。呢本書肯定唔係完美，唔少缺憾。但真係似生仔咁，個仔雖則有啲甩皮甩骨，但始終都係我個仔。

15. 最後想講嘅係，大家真係支持下啲出書嘅人。唔止係我。當然呢個亦係我嘅私心，但真係唔係我as a content creator/作者 之類嘅私心，而係我作為愛書人嘅私心。

16. 我唔係史提芬京林行止，但我有資格講，寫書個過程真係十分痛苦的。我打字咁快寫文咁快，靈感咁多，都話好痛苦。你可以想像到啲冇乜靈感打字又慢嘅人，要搞幾耐先嘔到本書出嚟。

17. 都唔係講咩「付出咗努力你要尊重」（我覺得唔係，好多人都好努力，但啲嘢好唔掂）。就退一萬步講，絶大多數作者出本書嘅收入，除返開寫本書嘅時間，應該最低工資都搵唔到。（我就唔止最低工資，唔係賣得特別好，係因為我寫得快！）。

18. 你自己計，一本普通嘅書，作者落袋應該兩皮嘢都唔知有冇，但好多人都寫幾個月，對不？

19. 錢銀事少，仲要係畀人講「阿豬阿狗都出書」，就真係你行你上。我畀你計埋自資出版都好，香港有幾多人出到本書？。你再垃圾都好，都要嘔幾萬字出嚟（除非搵搶手），即係等於你爬都要爬完個馬拉松。

20. 當然我係唔怕呢啲侮辱嘅，畀人講咗廿幾三十年垃圾啦，咁見唔見你出到本書？見唔見你開個Patreon多人過我？但有啲面皮薄嘅作者就聽到覺得好難聽。

21. 是真的，之前有個唔熟親戚叫我送書。我係叫佢：仆街，自己去買啦。

22. 真係，千萬唔好叫作者送書畀你。呢個世界上係冇免費蝦條的。作者自己話送畀你就另一回事。即係你去一樓一，人地見你靚仔主動送多你一Q就係恩典，但你唔好第二日走去叫人免費畀你。

23. 辛苦錢嚟架！唔信你去做一次丫。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

偶像 Iris Apfel 曾說過，"I get more compliments on accessories than anything else.” 對我們來說，會一直愛用不膩的配件，應該是不分季節和流行風格的存在。

前陣子參加了＋10・加拾的秋冬新品《大襪海》系列發表，再一次被好友品牌的用心和創意振奮到不可思議，當你以為襪子只是一雙襪子時，加拾可以用十個中文字的部首拆解設計，還替每雙腳丫都寫下不同字義背後的有趣故事。（強烈推薦有興趣的你一定要淺嚐這則 La Vie 報導：https://goo.gl/1UGs3q）

最不可思議的是，新品發表前幾天我們腳上還穿著上個夏天和上上個夏天的另兩個有趣故事系列，然後每一季，都讓人這麼期待下一季又有什麼意想不到的鬼點子等著成為永不過季的靈感創意。

難怪加拾可以出國爭光把日本市場收服得服服貼貼的，身為台灣人能不愛這麼棒的自家品牌嗎？

忘年會（ぼうねんかい）通常都係12月舉行，去慰勞一班員工一整年的辛勞。12月頭我還在前公司時，社長並沒有邀請我😞話晒我都幫手處理大大小小的事務呀！😞入左新公司不到兩星期，除左有月薪出外，還可以去大公司見識下。因為我地公司係同全日本最大的廣告公司－－電通（でんつう）合作

我地去左一間好小型的居酒屋，食既野全都係內臟😖😖😖今次無迫我飲酒，可以叫可樂，我反而試左係可樂到加點燒酎，甜甜地都真係不傷喉。無苦味，令我不自覺地飲晒一整杯。不久電通的大粒野開始黎到，我都好怯下。。。一來日文麻麻，二來禮儀又怕失禮公司。點知佢地對我都真係抱好大興趣，時不時會用普通話撩我，主要係有人可以練下英文。我又好似撻著左咁越來越多野講，日英夾雜，佢地覺得幾好呀～又不會深到D字唔識，又明白個意思😂

手機輸入法，筆劃同速成都令到佢地好驚訝！
① 讚嘆速成點解可以打得咁快，我又唔知點解釋，順口答左部首（ぶしゅ）主要係我唔知點解個輸入碼D件事，ANYWAY佢地都唔會學架啦。

② 到筆劃啦，丫仁並不是專家，但發現原來有D字，日本人既筆劃係錯既！未來個「未」字，在座4個人3個都係一橫一竪再一橫，而我地係兩橫一豎。結果佢地出唔到個字又我又得！哈～真係咁都可以玩一餐。

我地個邊氣氛太好，社長叫我地都要顧下佢個邊大粒野，佢強行同我調位。我就好似被人教子的問我去向／未來目標／點解唔留係香港發展等等，好彩我都有一定的model answer者😏原來個ART DIRECTOR都睇過我個POFO，佢知的去到邊😣嚇到我癲左，他說：我們有看過你的作品，雖然不太突出，但你性格感覺都不錯，你走運！比心機做～我唔知可以俾咩反應，不停多多指教（よろしくお願いいたします）🙇🏼 🙇🏼 🙇🏼

由6點坐到11點PM，係時候走人～前輩已經醉左！坐左係街頭係咁攬個女同事自拍多次，又捉緊我擒上我到扮樹熊（コアラ）我拉開佢地，同時又要應付醉漢😱天呀！！明天仲要返工架，唔通唔理你，由你瞓街頭咩？！最後都係的士走人～

第二日，前輩勁尷尬～咩都唔提，過左去就算

#工作遊記 #大丈夫 #丫仁 #日本工作假期 #日本 #東京 #working #holiday #工作假期 #期間限定好友 #香港人 #廣東話 #忘年會 #電通 #廣告公司 #設計總監 #居酒屋 #部首 #輸入法 #筆劃

背部易受風寒誘發咳嗽 合時湯水有清熱潤肺止咳功效

秋冬氣溫容易令人燥熱，促使皮膚比較乾燥，喉嚨易乾並經常出現咳嗽的情況， 背部出入冷氣地方比較容易着涼受風，頭頸位置切記要保護好。香港註冊中醫李顯揚就教大家一套掃背部紓緩的手法減輕風寒的不適。 掃散法主要是由上背部掃至下半背部，首先掃的時候先搓暖雙手，然後在脊柱兩邊，肩胛骨的兩旁，由這裏由上而下掃就3至5分鐘便可以。



影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#果籽 #乾燥 #中醫 #湯水 #南北杏 #雪耳 #StayHome #WithMe #跟我一樣 #宅在家