［葬禮進行曲］你四十歲人，去過幾多次葬禮？

TLDR ：Always Go To Other People's Funerals — Otherwise, They Won't Come To Yours

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

1. 而家聲名極臭嘅朱利安尼，講過相當老派嘅人情世故嘢：婚禮呢，其實唔得閒真係未必要去，反正錦上添花，少你一個唔少。但葬禮，雪中送炭，務必要去支持遺屬，多你一個好多。況且，人可以唔結婚，結婚亦可以唔行禮，但總會死。死咗嘅，唔係完全無親友嘅，總會做啲嘢。當然明顯唔係佢發明呢套講法，佢只係在書講，我亦只係聽人講佢本書講

2. 況且葬禮，相當Flexible，流水席，幾時就到時間咪過去，見到遺屬講兩句，望下有冇識嘅人，喜歡嘅好快都走得。

3. 後生嘅朋友寫咗篇文（https://lkdin.io/3VOb），佢剛四十，即係後生我幾年。咁我呢幾年都冇去過葬禮（我記錯嘅請你報夢話我知），所以我四十時嘅數字，同而家一樣。朋友話三個或四個，咁我應該多過佢。你可以計下，去到你四十歲為止，去過幾多個葬禮。未夠嘅？「自己pro rata返」。「當然唔好計咩法治已死香港已死嗰啲一日去幾次嘅」

4. 當中，不存在咩「四十歲人應該去過幾多次葬禮」，正如我不打算研究「四十歲人應該打過幾次飛機／有過幾多性伴」之類。但背後，總會反映到啲嘢。雖然又話人老咗去嘅葬禮多咗，但照計四十歲呢，你同年啲朋友，一般都未死。你去嘅都係長輩之類，細細個都可以去。

5. 朋友話去得少，反映佢毒，冇乜朋友，同屋企人關係惡劣。可能都有啲關係。我都冇乜朋友，同屋企人關係都惡劣（但好似冇佢咁惡劣，真係人上有人）。但仲有好多因素影響，例如你有另一半嘅，往往就去多一倍。

6. 我試下數，我去過嘅葬禮，應該八個？有兩個我好似冇印象有去到，但照計我係有去的。然後寫完呢篇文我就會洗自己腦，十年後我就又變得肯定自己有去。人嘅記憶幾咁唔好可告！況且我地年代唔興「懷念爺爺」咁影響，好似暫時我都冇在殯儀館打過卡。（然後我查返手機app，原來係有！三次！都話記億唔可靠。咁其實殯儀館打卡冇乜嘢。冇人叫你在入面打嘛。）

7. 我父母好早生我，老母今年62，老豆64．兩個都唔食煙（老豆N年前食，戒咗好耐），所以根據大數法則，健在嘅機會比較大。咁你估到，八個之中佔咗四個嘅，就係阿爺阿麻，阿公阿婆，全數釘蓋，好合理。

8. 我嘗試排序，雖然未必太準。但，頭兩次應該最震憾，冇經驗嘛，況且細個（雖然都十歲以上），有啲驚的。

9. 第一個死嘅，係我阿公，我讀緊小學，四五年班咁上下？嗰時放學成日同老婆出去瑪嘉烈探病。應該係九龍大酒店？冇玩咩破地獄嗰啲，但都真係都仲係一回事，去足全程，同學校請假的。冇守夜，或者有人有但我冇份。阿公印象都多，細個在石圍角村，拎佢本不文集睇，佢又會帶我飲西茶，西多士冇餡嘅年代，幾咁美好。星期六佢睇賽馬，我就睇中間插播嘅大力水手，或者德國波。不過死嘅人太多，不能個個講好詳細

10. 之後係我阿爺，更加親近。冇錯係我出世時已經著咗草去台灣嗰個，堅稱自己冇收片但又走咗佬嗰個。但我有記憶時，佢已經返咗香港做返老正，當然亦唔見有乜錢（聽聞在台灣敗晒）。阿爺嘅感覺，就係唔係幾好老脾，但又唔係會打我嗰種，都係慈祥嘅。但又不過，我完全不能將佢同差佬扯上關係，雖然我一路都知，但總係覺得好似換咗另一個人。阿爺都算死得早，大約我中二三時死咗。嗰時佢臥病在床，我仲在側邊打機，真係不孝。記得佢死前健康當然更差，脾氣亦差，好多嘢唔食得，最記得成日要食田雞—唔係佢要食，係好似唔食得其他嘢。嗰時就開始知道死亡，可以揀真係長痛不如短痛，但邊度你揀？我唔相信阿公或阿爺咁選擇。當然佢地亦未去到話受好多痛苦，或者吊住好耐咁。阿爺最後死在大陸，唔知返去搵神醫定換腎定乜鬼。就係記得解穢酒食過「黃埔炒蛋」，記得阿麻好似幾風騷。唔知係因為照顧病人好累丫（咁阿爺病重時都真係好臭脾氣），定係拎咗唔少錢。冇錯，阿爺到底有幾錢遺產，去咗邊，都係大家扯貓尾，永遠冇真相，有人話根本冇，有人話去咗我阿麻度，有人話去咗我老豆度（應該都有啲），總之冇一仙去過我度。

11. 講咗咁耐先兩件，加快速度。見到嘛？阿公阿爺死先，佢地老婆反而擺耐好多。咁好合理，一來女人長命過男人，二來佢地娶老婆都揀後生，阿公更加係再娶，所以阿婆未咁快。由我中二定中三（1992？），打後十年，好似都冇再去過葬禮。阿婆幾時去架呢？慚愧，我都真係唔係好記得。細個當然都有啲感情，但後來阿婆已住老人院，咁大家知，慢慢就少深，我就更加少去 —唔好記嗰時我已經高中或者大學，有自己多姿多彩嘅生活，主要係溝下女做下愛咁，點都好玩過去老人院吧？你反對嘅，我同你交換。直到而家，我都唔記得阿婆幾時死，甚至唔記得我有冇去佢葬禮（希望阿婆唔好上嚟留言話：仆街仔！你死我都未死呀！），但合理地假設，應該總有出現下？當埘我同我老母關係未咁惡劣，佢叫我去我應該會去。不過又諗下，實情阿婆唔係佢親老母（都話再娶），至於我老母親母，我冇見過的，好早死咗。

12. 然後，又好似一輪高峰，嗰幾年去較多。我阿麻死咗，好似十年前多啲？留意佢最後就住在我而家住嘅地方，佢瞓廳（唔通我瞓？況且床架高，佢爬唔到）。事實佢臨終前幾年，都係同我一齊生活嘅。我係咪喪盡天良？都未完全係嘅。有時都會慚愧，冇陪佢多啲。佢健康尚好時，都試過我返工拎漏嘢佢拎去中環畀我（！），又或者我要帶女返屋企搞嘢時，醒一百蚊畀佢落去飲茶（唔係點？）。

13. 無論如何，當時已經有Facebook，亦係比較深刻嘅。當時係年尾，阿麻之前健康並唔特別差，即係長命病嗰啲當然有，但佢話唔舒服入醫院時，都仲係自己執嘢自己叫車。佢去醫院時我都探過下佢，都仲係幾健康。但話咁快。有一日我老母打嚟，就同我講，「你阿麻走咗啦」。我想講，我老母當時在屯門醫院返工，阿麻亦都住屯門醫院，我真係以為佢嘅走咗係出咗院，然後佢先話我知。當時我在公司，仲係十分搏命嘅分析員，我甚至諗緊使唔使放工先去，好似有上Facebook出post，甚至諗係咪要坐的士之類。無論如何最後就坐的士，去到叫做見佢最後一面（已香，但仲在床上，明啦）。

14. 往後嘅事，好多人都聽過。見完最後一面，不過係午飯時間咁上下？我返咗屋企瞓（分析員嗰時七點幾就返到公司，我係摸黑出門的）。然後？我去咗旺角。做乜？睇戲。同埃汾太睇戲。睇嗰套戲，叫做《3D娜塔莉的情人》，聲稱係全世界第一套3D韓片，條韓妹好靚，又好波，我都冇深究係咪整，有乜關係？

15. 我走咗去睇《3D娜坦莉的情人》（https://bityl.co/8Hsd），非常之卡繆，非常之《異鄉人》。我甚至應該係因為睇咗《異鄉人》先會咁。成件事我已經唔係好記得。我上一次寫文，係講「咁買咗飛丫嘛，唔通唔睇，點預到佢咁啱嗰日死」。但，我諗返件事唔係好合情理，首先嗰個年代，我好似仲唔多興網上買飛。之但係又不過，如果我唔係一早買咗飛，照計我唔會特登出旺角睇戲？Anyway同埃汾太睇完，就梗係上床啦。都話十分之《異鄉人》（正因如此，如果我冇買飛，點會特登出旺角？唔係叫埃汾太返屯門會簡單啲？留意我午飯已經返咗屯門）。第二日，我照樣七點半返到公司。冇能力的人嘛，唯有早返工。

16. 埃汾太當然都見過阿麻，食過好多次飯，當然都有去葬禮，不過遺憾阿麻冇機會見到我成婚。亦冇機會同我影畢業相。當然遺憾係佢嘅遺憾，我先唔理呢啲嘢。咁而結婚亦冇可能特登就阿麻，況且當時亦唔知佢就死，佢都唔知自己咁快死。但畢業相嘛，理論上可以就老人家嘅，不過事實上港大行畢業禮時我已去咗英國，英國行禮時我又返咗香港，而我又唔會唔係正日自己搵套衫同勞蘇影相咁

17. 第幾個？數完第四個。然後第五個，我老豆老婆（非我老母，但亦唔係「後母」，都冇一齊生活過，正如我老母老公我都唔會叫「後父」，佢出現時我都中七啦大佬），其實時序上早過我阿麻，但舖排上好似應講晒麻爺公婆先。實在件事有點複雜，我亦都唔係好想講。當然唔係死者嘅問題，又唔係我問題，係顧及下其他人感受。話說我老豆老母，在我阿爺死後就好似離咗婚，冇因果關係，但時間大約係咁。我老母再嫁但冇小朋友，我老豆再娶，生多咗件，所以我有個同父異母嘅妹，不過比較少提，亦唔係十分熟。但講時講，我老豆呢個再娶嘅對象，廿年前左右就死咗，自殺的，燒炭，成件事十分震憾。當時係我大學畢業後，去英國之前，我在老豆公司過下日晨（係佢返工嘅公司，唔係佢開間公司咁爽）。佢都有講另一半抑鬱症呀之類，然後事發當日我甚至係同佢一齊在公司的，不過冇同佢一齊返去破門，嗯，成件事都幾震憾，所以我都唔係好想講太多。佢嘅葬禮我有冇去？我估應該有吧？（我同死者關係並不差，反正都唔會成日見到，亦冇啲啲咩「你拆散咗我屋企」嘅憤恨，畢竟真係冇人拎支槍迫我老豆有婚外情的，對不？）

18. 第六個，我外母。同樣地，涉及其他未死嘅人不講太多。當時我已經結咗婚，當然係有去葬禮的。不過講真，結婚冇耐外母就去咗，一直都唔係太多交集，同外父就多啲。外交仲係好健康，日日炒股票，大家有心。

19. 第七八個，算唔算特別少少？第七個係恐龍，冇錯，就係叫恐龍。中學同學嘅大學同學，成班一齊玩，稱不上極之好朋友，但至少會私下傾計兩個人食飯咁。點死的？自殺。我仲記得佢在甚麼教堂定乜做後事，平日嘅夜晚，我仲要一半走咗出去同倫敦鬼定美國鬼conference call講港交所。嗰時嘅工作真係十分困身。真係搞搞下嘢在時鐘酒店 conference call又有，聽聞有人一路conference call一路被吹蕭（唔通幫人吹咩），無從證實，但唔係我。亡友好多金句，被其他朋友拎出嚟講，例如嗰句「呢啲我愛你呀會結婚呀，性行為嘅潤滑劑嚟啫，唔想講嘅咪去樓下買支KY，雖然凍啲但效果唔爭太遠」，好多人以為係佢創作，實情係我話佢，佢發揚光大的。

20. 如果我冇記錯，亡友好似細我兩年，副作用就係我在英國返嚟香港後，仲會借用佢啲大學戶口做各樣嘢，例如上呢個 data base搵工．我最記得，好似嗰時佢畢業我未搵到工，佢都有安撫我，同我講，「唔緊要，一個恐龍倒下，仲有竹萬萬隻恐龍」—講嘅係佢細佬仲讀緊大學。不過後來我冇用到恐龍二號，放心，我搵到工，佢都搵到，佢死時我都差不多離開金英了，好似2012年前後？

21. 多得電話，我都仲保留住同佢最後嘅message（當然唔知佢自殺），就係我推介完元朗嘅煲仔飯，佢覺得好正。就係咁。後來我都仲成日去，都會諗起佢，雖然我同佢冇一齊食過。

22. 最後一個，你可以話「最不重要」，但亦係性質上完全唔同。工作上嘅……前輩？唔係我本書鳴謝嗰幾個，但係嗰堆人。亦都係自殺，相當震驚。佢不算同我極熟絡（雖然我在倫敦出trip佢都打畀我有嘢搵我救火），亦唔算直接幫咗我極多嘢（咁當然都有啲）。但始終係個慈祥嘅長者，亦係業界有啲聲望嘅人。壇嘢都搞得幾大，俗啲講句，生前好友們幫佢風光大葬，算係極度榮哀？未致於好似「大時代」咁，但的確見到一啲猛人，甚至會同我講「佢都有提起你」。

23. 我記得應該係英國脫歐公投嗰年（冇錯，相入面嗰次，睇返日子正係公投之後嗰日），就係我最後一次去葬禮，就係呢位前輩。我嗰日不停心諗，到底葬禮係咩回事？係畀邊個睇（當然係畀生嘅人睇），係為咗表達大家對佢懷念？定係話畀大家知，第時你死咗大家都會咁對你？

24. 總之，都係嗰句，Always Go To Other People's Funerals — Otherwise, They Won't Come To Yours

25. 冇乜特別，都唔算寫得特別好，甚至差過我朋友，「都幾大鑊」，只係留個紀錄。另外，關於葬禮，寫過篇舊文，原來都未夠一年前。舊文就寫得幾好（https://fbook.cc/3Z0d）

26. 不過有個講法，一個人死兩次，最後一次有人提起佢地先係真正死。咁以上呢啲故人，我又幫佢地續一續命咁，個感覺好似泊車餵錶咁。以前仲有個紅色旗，十分有實感。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

🔥團購價上車的最後機會🔥
這些好物即將關團👉 https://lihi1.com/EeY5Q
　
✨【日本SONiC】 訓練專注力時鐘Ｘ倒數計時器
日本熱銷！從小培養專注力！
特殊移動色塊讓孩子「親眼」感受時間流逝，建立時間觀！
　
✨零技巧畫出世界名作【Jaq Jaq Bird】
粉筆塗鴉畫冊，無屑好清潔
梵谷星空、達文西蒙娜麗莎、紐約自由女神、巴黎羅浮宮
邊塗色邊環遊世界！
　
✨【夏裝上市】日本riziere 森林系小清新童裝
日本樂天超夯！「質感小清新」+「森林系」的歐式風格
融入了很多花草跟樹木類的顏色
充滿了自然溫柔的感覺🥰
　
點我逛逛👉 https://lihi1.com/EeY5Q
------------
💡暑假學霸計畫57折起▶️ https://lihi1.com/Q3eQU
💡首次下載App拿 $100▶️ https://lihi1.com/1kKvH/ml
🔥加入 VIP社團．享獨家優惠▶️ https://lihi1.com/kxYdj/ml

竟然還自動停止播鈴聲！這幾招學起來！！！

#beauty美人圈 #iPhone #鬧鐘隱藏技巧 #鬧鈴

小瑟呢排試下係屋企聽下歌仔, 用 Tidal 出到比較好的聲音, 所以上網搵下料之後, 決定問方浪音樂借左呢部 HiFi Rose RS201 來試下佢一件頭就做哂全部野會係咩一回事, 估唔到依家呢D細機仔又幾OK喎!!!

##### HiFi Rose 官方介紹 #####
Rose RS201 能做甚麼? 它是全功能電子媒體產品!
https://www.squarewavehk.com/rose-rs201/
網絡儲存硬碟NAS – 用家自行選購及安裝
播放高品質的聲音和UHD 4K視頻檔案
HDMI輸出 – 超高清4K支持往投影機，電視或4k monitor播放
Rose Tube – Rose自家設計，過濾了廣告的 Youtube
流動媒體輸入 – USB3.0/2.0 – microSD – USB C
CD播放 – 抓軌及重播
全球網絡電台
解碼輸出 – ESS SABRE DAC支援 24//384 DXD, Native DSD256
前級輸出 – 含音量調整直接後級或主動式喇叭
後級輸出 – 100W Pure Path 數字功率放大器直接喇叭
數位輸出 – 可使用光纖全數碼接駁至參考級解碼或數位處理
數位輸入 – 外接其他數位光纖訊源
模擬輸入 – 外接其他模擬訊源
USB解碼輸出
無線網絡串流 – Airplay, Bluetooth V4.0/3.0+HS, DIAL, WiFi
內置 Tidal, Spotify, Roon Ready, DLNA UPnP, Podcast
8.8″ 高解像IPS觸控屏幕
iOS / Android Rose App 搖控
世界時鐘，温度表及鬧鐘 (非常漂亮的!)
品牌產品開發 FAQ 以及使用問題
售價港幣HKD$11,800

⚡️討論帖 : https://post76.hk/thread-314238-1-1.html

▄▄▄▄▄▄▄ ⚡️⚡️⚡️ 精選文章 ⚡️⚡️⚡️ ▄▄▄▄▄▄▄▄
?‍♂️Post76科林◆最新精華帖◆???‍????????
?????????
http://bit.ly/2WZa1iC

??‍♂️Post76科林◆最新影音報告◆????????
?????????
http://bit.ly/2FtLbBj

??‍♂️Post76科林◆最新熱門帖◆ 2019 ✈️❤️
?????????
http://bit.ly/2IDflEh

沒有財團支持，沒有老闆注資，只有您地支持，才令我們可以堅持分享香港人都可以玩影音的，香港人都可以擁有一套睇戲，聽歌，出街都玩到的影音玩物。

?所以請支持我們點按『搶先看 / 訂閱』呀！

?影音玩樂 ►主站: https://post76.hk/
?影音玩樂 ►Facebook: http://bit.ly/2AUJnP8
❤影音玩樂 ►IG： http://bit.ly/2p7dRL8
?影音玩樂 ►Email: info@post76.com

#Post76玩樂網 #HiFiRose #RS201 #unbox #hometheater #hifi #headfi #評測 #開箱 #家庭影院 #試玩 #影音 #音響 #耳機 #av #post76 #forum #hkforum #avforum

-~-~~-~~~-~~-~-
Please watch: "【好熱戲特備】全港首試『#FOLLOWMi 鄭秀文世界巡迴演唱會』4K UHD 藍光碟 | 實試4K/60p HDR | DTS 24/96 Auro 3D升頻效果 "
https://www.youtube.com/watch?v=OchTYVe4Nz8
-~-~~-~~~-~~-~-

#非常勸敗之阿拉丁投影燈🛒🛒😍

缺吸頂燈嗎？你缺藍牙音響嗎？你缺電視或是投影機嗎？
有了這款世界第一台一體成型的popIn Aladdin智能投影燈一次讓你滿足
✅吸頂燈 ✅藍牙音響 ✅投影機的需求，
三合一功能CP值破表！🎧📺
難怪叫做👉阿拉丁投影燈，根本是神燈啊！
不但投影出來的畫面清楚，吸頂燈也有36色階燈光可以選，
搭載的還是世界知名的美國大廠Harman Kardon揚聲器，
環繞音效高音質，只能說超享受 😍😍
內鍵APP直接連wifi就可以看影片、聽音樂、追劇，
還有兒童學習功能，
像是ㄅㄆㄇ注音表、123數字表、十萬個為什麼通通都有，
✅投影時鐘 ✅動態壁紙✅數位相簿功能多到講不完，
一機滿足全家人的需求。
內建Airplay所以Mac、iPhone、iPad是可以直接透過螢幕鏡像投影在牆面。
像老公最近就一直用減重APP逼Amy運動啊！
PS.手機投影的時候，只要把手機畫面鎖解鎖後橫放，畫面就可以變大了～大家要學起來喔！
大螢幕投影打造家庭劇院、電影院空間靠這一台很可以 ，
最近都用這台登入愛奇藝追劇👌實用度爆表推薦給大家啊！
推坑大家快去買一台~~


🛒優惠價格點下去就對了： https://pse.is/AladdinEGG
開箱文章: https://amy77.com/blog/post/aladdin-popin

#popinaladdin #阿拉丁投影燈 #popinaladdinlife

popIn Aladdin taiwan



追蹤IG https://goo.gl/ngZZ9f
加入LINE@ ➡ https://goo.gl/CjJNq3

粉絲團：https://www.facebook.com/dannisamy77/
或搜尋 Dannis & Amy - 魯蛋妹&大腸弟吃喝玩樂過生活
-----------------------------------------
AGODA訂房：https://reurl.cc/aLgLZ
❗️旅遊行程推薦
KKday：https://reurl.cc/bDgVM
KLOOK客路： https://reurl.cc/VNgYn
❗️Nordgreen手錶官網85折折扣碼: amy77
官網: https://bit.ly/31acitS
❗️DW手錶官網85折折扣碼: amy77
️DW官網: www.danielwellington.com
❗️德國NaSaDen納莎登行李箱全系列團購特惠價格：https://nasaden.liteshop.tw/?u=ZMF7Hd
想省錢購物趕快註冊Shopback，推薦連結： https://goo.gl/emJNgW
((推薦人與被推薦人各回饋100元))
️有任何問題歡迎留言及FB私訊喔️！
希望你喜歡這隻影片囉，喜歡的話別忘了訂閱或按個喜歡喔！
/ HOPE YOU ENJOYED AND SUBSCRIBE

這次跟大家分享的地方
菲律賓🇵🇭 宿霧Cebu
第一次帶著潛水裝備出國
特別的興奮！！
-
我們以逆時鐘的方式跳島
墨寶-奧斯陸-邦勞
其中還包含了一些小島嶼
每天都非常精實的早起潛水
看到這裡的水下世界一切都值得了！！
-
這趟旅程感謝我的好夥伴
#youtuber
#kaitoi玩水
#台灣友人_薩薩
#長腿蛤蜊
-
廢話不多說！
直接用影片來表示～～
-
拍攝工具：
DJI MAVIC AIR
GO PRO HERO 7 BLACK

剪輯軟體：
FINAL CUT PRO

字體製作app：
SKETCHES

音樂：
Cartoon - On & On (feat. Daniel Levi)