毀滅吧，趕緊的，累了（一篇長達五千字的吐槽貼文）

2019年5月20日，曆史會永遠銘記著這一天，這一天或許是二十一世紀流行文化最黑暗的一天。長達八年的的劇王《權力的遊戲》在這一天爲大家奉上最後的一集，無論是好壞，我們終將要跟這些熟悉的人物一一告別。只是，誰會想到，是以這樣的方式。

值得一提的是，某網站粉絲集體情願重拍第八季，目前已經有超過一百萬人報名，相信明天會更多。而這套劇在IMDB的評分，也由8分，降到了5.2分，這下滑的速度堪比過山車。而2DB兩位天才編劇，成功成爲了年度群衆最想暗殺的目標。

看完這一集，我是真心羨慕所有沒有追過這套劇的朋友，曾幾何時我會爲他們錯過了時代最偉大的劇而遺憾，如今看來，是我過于天真了。這種感覺，就仿佛是到了一家米其林五星的餐廳，吃下了最頂級的料理，吃著吃著，發現吃的是屎。不用懷疑，不是難看，不是反感，而是生理上的惡心。

在罵它之前，我要先好好說說這套劇曾經爲何如此偉大，能有如此龐大的粉絲群體，粉絲的狂熱程度絕不亞于marvel宇宙。

這套劇的原著小說是《冰與火之歌》，作者是鼎鼎大名的喬治·R·R·馬丁，馬丁老爺子有多厲害呢？他曾經拿過6次雨果獎，兩次星雲獎，其他的大小獎項不計其數。而他寫的《冰與火之歌》也與托爾金的《魔戒》齊名。唯一的問題是，馬丁老爺子拖稿極度嚴重，第五部《魔龍的狂舞》之後，第六部遲遲沒有寫完，也因此美劇的進度也在第五季之後變成原創了。

縱觀前面六季，我們可以發現，權遊這個系列區別于一般美劇的優勢：

POV敘事

衆所周知，權遊系列人物衆多，高達上百個，馬丁聰明地采用了POV敘事，通過一個又一個角色的POV，觀衆能與角色們産生共情，與角色們一起成長，讓人物更加立體而鮮明。這套劇（或者小說）最成功的就是透過POV，塑造了一個又一個出彩深刻的人物，這個角色前面看似反派，在他的POV裡又能看到另一面，這樣的敘事下，賦予了人物的真實性。還有另外一個好處就是，由于POV是獨立的，人物的世界是封閉的，脫離了上帝視角，故事的發展會更具懸念。

故事無常

簡單來說就是劇情的發展永遠都意想不到，往往你以爲對方是主角的，他卻在關鍵時死于非命，這就是故事帶來的無常性，你永遠不知道誰能活到最後。馬丁非常善于運用反轉，並將一切合理化，讓觀衆猝不及防，經典的血色婚禮就是最好的例子。

史詩感

雖然是奇幻小說，但馬丁卻讓故事盡可能奇幻色彩少一點，他把重心放在世界構建上，七個王族，每個王族都有一個動物的家徽，海的對面還有一個自由貿易中心，而北方有一幫守夜人，遠處更有野人來襲，以及森林精靈跟異鬼軍隊，更不用說那些複雜的信仰教派了。這麽複雜的世界，就這樣被馬丁一一構建起來，每個家族都有家族史，每個地方都有具體的地理位置。而史詩感就是這樣營造起來的，觀衆爲什麽喜歡，因爲格局龐大，豐富，且真實。

感官刺激

這個確實是編導的功勞，小說冰火最大的特點，就是有大量的對話，如果完全靠對話支撐故事，相信觀衆是很難有耐心看到最後的。于是在劇集上，編導放大了故事所帶來的感官刺激，最明顯的就是色情跟暴力。每季必然會有露點的戲，也必然會有血腥的場面，再加上一集大場面的戰爭戲，大大地滿足了觀衆的感官需求。

拿著這麽好的資源，有著最好的電視平台，還有如此強大的原著墊底，很難發揮失准。至少前五季是秉承著這幾點優勢籠絡了大量的粉絲，第六季雖然沒有原著的根基開始亂編了，但至少有好幾集是格外出色的。直到第七季開始，2DB兩位放縱自己，把一部偉大的作品拉到了臭水溝裡，而第八季，是直接丟到了糞坑裡。

問題1：人物偏離

第八季最大的問題，就是人物完全偏離了原著，應該說跟原先的角色是兩個人。看著這些出彩的人物變成這個樣子，實在是讓人憤怒。

小惡魔

小惡魔在前四季最受歡迎的地方是什麽？不僅僅是因爲他善良，更多是他的睿智，他的理性，甚至是他的狡詐。這個角色當初的對手是誰？是陰險的瑟曦，是殘忍的喬大帝，還有狡猾的大學士跟小指頭，還要偶爾跟精明的荊棘女王談判。這麽一個能在權力結構裡遊刃有余的智者角色，加入龍媽後，智商完全下線，就跟三國的徐庶一樣，沒未主公成功獻過一計，反倒是他所有的提議，最終都讓龍媽損失慘重。最搞笑的是，他居然認爲瑟曦會顧及肚子裡面的孩子，願意停戰，這還是當年那個跟姐姐鬥智鬥勇的小惡魔嗎？除了廉價的善良，這個人物對故事有任何幫助嗎？（當得知jon的身世後，第一時間跟太監說，然後害死了太監。）2DB成功將冰火系列最受歡迎變爲大家最反感的角色。

龍媽

龍媽是有多黑仔才會遇到2DB這樣的編劇，可以說龍媽是本季最可憐的角色。被編劇強行醜化，讓這個角色衆叛親離，還要死于愛人手中。

我就想說，龍媽一個在第七季明明可以統一七國的女王，爲了愛情，跑去跟Jon對抗異鬼，龍媽在這過程中損失了多少？一條陪伴多年的龍化爲異龍，一大半軍隊死于異鬼大戰，還要損失了自己最忠誠的部下。最後得到了什麽？北境所有人的排斥，部下太監的背叛，連愛人都出賣了自己。

屠城這件事，編劇當時一定是洋洋自得，覺得觀衆想不到，就不說這個行爲有多亂來，就算是想黑化龍媽，也不可能是把外面所有的民衆一批又一批的屠殺吧，第一時間不是應該殺死遠處的瑟曦嗎？不是說不能接受龍媽黑化，但黑化至少要合理吧，哪怕是馬丁本人，要設置一個角色的轉變，至少要一步步鋪墊，讓這個角色陷入了深淵，這才合情合理吧。

最後我實在不明白，龍媽對jon這個優柔寡斷的男人的執念到底是怎麽回事，八季待龍媽如珠似寶的男人多不勝數，她偏偏要對這個男人付出所有，搞到最後淪落如此下場。

狼家

狼家是冰火第一主角沒錯，人氣高也沒錯，但被編劇們大筆一揮，把這家人變成一幫令人反感的白眼狼。

龍媽幫北境對抗異鬼，結果這群人除了蠢貨jon沒一個對她感恩圖報，一個個都想著推翻她，特別是珊莎。我實在不明白這個人物如何在對戰爭毫無任何奉獻，只知道勾心鬥角的情況下最終順利成爲女王的，這個人物的人物弧光在哪裡？

艾麗娅倒是在異鬼之戰立了大功，但在君臨之戰裡她除了把一對母女強行帶出房外，害人家被殺，還做了什麽？最後那匹馬想象征著她的成長？這是在搞笑嗎？

然後就是萬惡之源布蘭，這條仆街絕對是本季最想掐死的角色，沒有之一。從開始到結尾，全程就是一副漠視凡人，然後扮神秘什麽都不說的狀態，全季唯一的奉獻就是告訴了jon的身世，這個人最後被衆人推選做國王，大哥，你這是何德何能啊？你不是無欲無求的綠先知嗎，前面全程沒有笑容，當了國王後笑得倒是挺開心的。

最後是jon，一直唯唯諾諾，智商爲零，龍媽讓他保守秘密，轉身就告訴自己兩個妹妹，老爹奈德保守了十幾年的秘密，讓他們兄妹幾個用幾分鍾就公告天下了。私生子之戰時，jon還有主角樣子，這一季就是個打醬油的，最後一集前面還在爲龍媽辯護，後面就狠心捅死龍媽，你這轉變是連一點掙扎都沒有嗎？而且還是兩人纏綿擁抱時捅刀，這種反派標准的卑鄙動作居然用在了主角上。說句難聽點的，誰都可以殺龍媽，唯獨Jon沒資格。而且看到最後，也不知道他這個身世對他而言有什麽作用。

弑君者

坦白說，我非常喜歡弑君者，詹姆的人生像極了我們每一個人，由最初對英雄對理想的憧憬，到後來成爲自己當初最不齒的“微笑騎士”，詹姆的一生都在迷離和無奈中活過來。到如今他選擇爲人類而戰時，我是感動的，他終于找到屬于自己的救贖，成爲自己想成爲的騎士。結果呢？兩個編劇腦洞大開，讓他跟美人這對本該是最佳知己的關系，變爲了炮友關系，還讓詹姆拔槍走人，最終跟瑟曦相擁而亡。我就想說，既然最後還是回來找瑟曦，那他前面的成長有什麽意義？爲人類而戰什麽的，到最後是不在乎君臨人們死活，本該是作爲“弑君者”最後殺死瑟曦的存在，最後來了這麽一段故作浪漫的收尾，所以事實證明，再好的角色，2DB也有本事將他摧毀。

灰蟲子

本來沒必要提這個角色的，但最後一集實在是讓人憤怒。灰蟲子好歹是龍媽忠誠的部下，坐擁數千軍隊，結果女王被殺，居然沒有爲女王報仇。當初龍媽解放你們一幫無垢者，今天她被殺了，你們就當是事不關己了？這還不算，最關鍵是七國會議時，還親自戴著小惡魔過來（連坐的位置都沒有），讓小惡魔發表一番演講，把布蘭推上王座。前面殺投降者不是殺得非常爽快嗎，留著小惡魔這個叛國者不殺，還讓他當上了首相，龍媽養了你這麽多年，就是讓你這樣回報的？

其實還有很多人物值得吐槽，但真的已經吐槽到乏味了，馬丁塑造了這麽多出彩的人物，讓2DB一一瓦解，只能說，這不是我們所認識的角色，也不該是他們的結局。

問題2：邏輯混亂

第八季的邏輯有多混亂，劇情有多少bug，十個手指加腳趾都數不完。

屠城先不說，就拿攸倫射死龍媽的龍來說，龍媽當時在空中，這麽高的地方，會看不見攸倫數十艘船隊嗎？編劇事後給的理由也是夠經典了，他們說，因爲龍媽沒有留意到。你們怎麽不說因爲龍媽把攸倫的船隊誤以爲是自己船隊？

還有，異鬼大戰時，布蘭除了翻白眼到底幹了什麽？答案是什麽都沒幹，他就坐在那裏等待著夜王。然後給席恩發張好人卡，讓席恩去送死。這個角色既然是全知全能，那他全季到底對故事起什麽作用呢？沒有。

攸倫在君臨之戰被龍媽毀了數十艘船，我就想問，爲什麽之前能射死龍，現在就射不死？最關鍵是他在逃亡之時遇到詹姆，然後第一時間不是想著繼續逃亡，而是發神經要跟詹姆決戰，這決戰的意義到底是什麽？

還有光頭太監，曾經也是我很喜歡的角色，但他的身份可是情報大臣，加入龍媽這裏，爲龍媽提供過什麽情報？（小說裡他可是替龍媽解決了凱馮公爵）他的小小鳥，除了在第五集想暗殺龍媽之外，全程沒有任何用處。他用了七季來擁護龍媽上位的人，如今僅僅因爲不是名正言順的繼承者就想背叛龍媽，這個人前面這些動作又是爲了什麽？

還有就是異鬼大隊，直到最後編劇仍然沒有解釋，爲何異鬼要一心執意過來，異鬼的目的到底是什麽？異鬼每次都留下一堆奇怪的符號，這些符號有什麽意義？本想最後一集，說不定會有解釋，結果夜王死了就真的死了，這個堅持不懈率領大隊南下的角色，就被一刀不明不白地殺死，連個理由和動機都沒有。如果是普通無腦異鬼也就算了，關鍵夜王還是能思考的生物啊，他的一切就這樣輕易地結束了嗎？

問題3：趕劇情

第八季給人最大的感受是，所有東西都很趕，于是編劇無暇好好鋪排劇情，他們用了最簡單的方式，就是強行湊CP。看觀衆喜歡哪一對CP，就給哪一對CP多點戲份。觀衆不是喜歡詹姆跟美人嗎，那就讓他們上床。觀衆不是喜歡獵狗跟艾麗娅嗎，就讓他們兩個在一起賣弄一下情懷。觀衆喜歡龍媽跟jon，讓多拍一些他們談戀愛的情節。觀衆喜歡看女人的鬥爭，就拍拍珊莎跟龍媽兩人的鬥爭戲。偶爾也給觀衆來點意想不到的，就讓艾麗娅跟詹德利上個床。只要能熬到戰爭開始就好了，有戰爭有大場面，觀衆一定收貨。

而在前面七季所留下的設定，很多都被2DB當垃圾一樣丟到垃圾桶裏了。拿個最直接的，前面五季都有提到過比武審判，從第七季開始，這個設定就被遺忘了，要知道比武審判往往是能扭轉局勢的。

還有紅衣女巫，第六季曾經出現過的神秘女巫，被編劇給遺忘了。而女巫的魔法背後到底是什麽原理，紅袍女到底活了多少歲，爲何要守護光之王，這些通通沒有解釋。

還有時間穿越的問題，第六季裏布蘭穿越到了過去，改變了曆史的進程，爆發了阿多事件這樣的神來之筆。而這個設定，在後面兩季也再沒提到過了。爲什麽能影響過去，當年瘋王發瘋的真相是什麽，這些都沒有解釋。

這部劇叫權力的遊戲，這兩季的權謀鬥爭幼稚得讓人不忍直視，連中學班長競選都比他們複雜，把荊棘女王，水蛭大人，小指頭這些高端玩家給寫死，把光頭太監，小惡魔，這些聰明人的智商降到零。當初各國博弈，高手對招的情節全然不見。

最可笑的莫過如最後的七國會議。小惡魔在台上演講一番，就讓所有人推舉布蘭當國王。想問布蘭爲了七國到底付出了什麽？

論身份，他至多只能繼承北境，沒有龍家的血脈，也沒有鹿家的血緣。論能力，除了翻白眼到處監控一下，沒有任何治國才能的表現。論奉獻，這個人由始至終都是漠視天下，不見他對臣民有半點憐憫之心。就這樣的人，因爲有故事，所以被推上了皇位？

學人玩民主就更加可笑了，說了半天就是讓一幫貴族當人大代表，階級固化的本質還是沒變，而且這十幾個代表有一大半都是站北境陣營的人，編劇你好意思把這個當作民主？最後讓波隆獲得高庭就有點過分了，一個既沒打過異鬼，又沒參與君臨戰爭的貪財劍客，居然把最富裕的高庭獻給他，還讓他當財政大臣？你這是對高庭的侮辱，也是對七國百姓的不負責。

這裡我再開開腦洞，布蘭當上了國王，這個國家是由一群人大代表組成的，自稱民主但實際上都是一幫跟國王打天下的貴族所統治的，而且國家統治者能監控全國上下所有人，你能聯想到哪個國家？

這些種種的問題，2DB會不知道嗎？不，只是因爲他們兩個那點能力，只能如此創作。有沒有發現這兩季的感情戲特別多，因爲這兩個人唯一能處理的，只有感情戲，其他權謀戲，懸疑戲，能敷衍就敷衍。估計是接到了星戰三部曲的合同，想早早結束權遊，趕緊去拍大制作大IP。

最後想跟大家說一句，《權力的遊戲》改編自馬丁的《冰與火之歌》，小說只連載到第五部，也就是說美劇第六季開始都不是正統的故事，而冰火系列的結局也不應該是這個樣子，這個第八季只是兩個沒有創作才華的人，因爲商業性質，強行胡亂編造的結尾。

這不是我們心中的權遊，這也不是馬丁筆下的冰火！

真正的結局或許要等很久，但至少是一個值得我們去等待的結局，只要馬丁肯寫，我們多久都願意等。

#權力遊戲
#冰與火之歌
#GOT

陳詠謙都有打手。。。。。。

本身對呢個人冇咩唔好既感覺，只係嫌少少哂左陳奕迅啲歌既曲，不過再多睇其他人既comment, 愈睇愈有問題，呀，係咪應該寫篇blog講下佢好？

路見不平，自命正義，終於都要挪用寶貴時間，去點評陳詠謙嘅大作，嘗試為民請命。其實點評歌詞實在非我所長，音律押韻我亦只有皮毛了解，但係畢竟自細聽香港流行曲聽大，有感仗義執言先至無負香港流行曲於我人生嘅啟蒙，唯有挺身而出，盡力而為。先旨聲明，寫歌詞唔同寫散文小說，遣詞造句確實有彈性得多，可以不拘泥於傳統，而寫得意象曖昧，含意深隱，亦唔代表詞作有誤，因此內文要寫嘅，主要係順應網民意見，針對絕對無法原諒嘅大弊，例如立意古怪、錯用詞語、表意混亂等各種問題，某啲顯而易見嘅小病，例如〈龍舌蘭〉直頭唔啱音呢類大家心照不宣嘅，就唔會多講。以下我精選咗十首算係近年街知巷聞嘅垃圾作品淺評分析，希望可以拋磚引玉，畀便交流。

1. 高山低谷

第一首，必定要揀林奕匡嘅成名作，因為一黎呢首亦係陳詠謙成名之作，二黎林奕匡係一眾受害歌手之中搵陳詠謙寫得最多歌嘅一位。由於呢首都算係佢填得相對認真嘅歌，稍為認真去聽，相信大家都意會到歌詞要表達嘅訊息，就係寫二人地位不對等，情人遠在天邊，抒發可望不可即嘅感慨，類似《詩經》中嘅〈蒹葭〉。而正因為立意明確，只要聽眾細加咀嚼，就會發現有唔少用語係異於我地平常嘅語文習慣，而各種誤用，都唔足以稱上鑄造新詞，而係徹底嘅錯用，長久咁用落去絕對會影響我地嘅語文鑑賞能力。

廣為傳唱嘅副歌之中，寫到「渴望被成全」，呢點係中學生都常犯嘅錯，語文水平略高嘅人都會知問題喺邊。首先，渴望社會或他人成全，寫渴望成全已經夠清晰，亦合乎文法，根本毋須強加被字。其次，就當佢係被動句，被動句多數常用於呈現負面情況，例如「他被歌迷離棄了」。雖然漢語歐化潮流之下，被字亦會拎黎寫所有被動情況，用法分別係：一、強調被動，如「他被上司提攜了」，但較恰當嘅用法應該係「他獲得了上司提攜」；二、施事者不明，如「他被痛罵了一頓」，唔知邊個鬧咗佢；以及三、強調謂語，如「民意被政府騎劫了」，突顯民意遭不當操作。近幾年社會風氣好中意講「被自殺」、「被抑鬱」、「被捉迷藏」去嘲諷中國對待異見人士嘅卑鄙手段，亦突顯被字特質。因此，成全本來就必須取決於他人，「渴望被成全」中嘅被字份屬多餘，而參考返林夕作品，佢係傾向少用呢個被字，更加從來唔會濫用去充塞字數。

然後係「腳下路程難以削短」，亦係不當。要貫徹文意，最準確應該係用「縮短」，但係唔啱音，唔用得。削字，多用於削皮去屑、削弱削減、削職以及剝削，而路程之縮減，勉強用削，拎最近則只有削弱削減一義，但削減係指從原定數目之中減去若干數目，多數牽涉具體數量。而「天一黑天一光揮發了一句再會」亦係睇得明而寫不通。考慮到揮發一詞必定要同所揮發之物共同出現，可見句意係指呢一聲拜拜會蒸發會消失，咁睇返上文下理，到底點解突然會有呢句拜拜？同埋周而復始每日講拜拜又應該點樣理解？係咪指每日返工放工同人講拜拜都係多餘？呢句都係有待解釋。加上「只見人下墮」令人聯想到跳樓，「我繼續埋藏我愛戀」嘅愛戀應該寫作感情，以及整體故事空洞，成首歌都無法打動人心。無可否認，用山勢為喻，以陳詠謙水平計，已經係上佳之作，但係真係慘不忍暏。

2. 別來無恙

第二首，因為一句「我現時自己肯做飯」而飽受批評，加上陳詠謙本人沾沾自喜現身解話，亦係一定要寫。首先，我絕對唔反對援引口語入文，推廣粵語理所當然，但豬隊友推廣得眼高手低，就係成事不足，敗事有餘。「我現時自己肯做飯」之所以不能接受，首先係做飯唔係廣東話，做愛至係，其次係破壞意境，寫得太白。根據陳詠謙本人陳詞，佢認為一個人dry到要自己煮飯好適合主人公情況，而唔押韻都係刻意為之，因為咁樣對應返故事主角悔疚一世，凡事都看破，其實呢兩點問題都唔算大，因為個出事位係在於呢句只係表現自己獨立嘅例子，而唔係概括句。副歌開首，普遍係直抒胸臆，或者概括痛心程度，甚少會兜口兜面隊一句嘢出黎，聽眾話聽到尷尬嘅原因，應該係咁。參考返黃偉文嘅「二百年後在一起／應該不怕旁人不服氣」，或者林夕嘅「世界將我包圍／誓死都一齊」，其實都相當直白同口語化，但就一啲都唔突兀，反而引起到好多人共鳴。

值得一提自然唔少得「來年陪著子女學行／紀念當初我們的愛情」。由於主人公目前單身，我地不妨假設子女係指對方嘅子女，但既然係咁，又係邊個想借用呢啲子女去紀念主人公嘅愛情？同埋若要紀念，子女非己所出，兩者關係喺邊？呢句真係相當費解。然後自然亦要談及「王菲的孤寂／多麼孤寂」。眾所周知，王菲有首〈百年孤寂〉，但咁樣抽孤寂二字借代全首，相當突兀。加上以反復修辭強調孤寂，極有濫竽充數之嫌，借用連登網民一句，一個肥柒on9仔自己打緊xanga個場景，真係完全咁呈現咗出黎。而我覺得有一句，亦係表現得出陳詠謙其人對於成語嘅運用係只取片面之意，唔識其中內涵——「恃住雄辯滔滔／隨便的把你喝罵」。呢種情況喺中學生作文之中亦係相當普遍，因為佢地背誦成語而又缺乏廣泛閱讀，對於詞語嘅理解唔係由字句之中而得，因此就會畀老師打曬交叉。雄辯滔滔一詞褒多於貶，多數用於讚美，例如「這位律師雄辯滔滔，聽得旁聽市民心悅誠服」，又或者杜甫《飲中八仙歌》中嘅「高談雄辯驚四筵」，一般係指其人發言具說服力，以理服人。雖然世俗有言，「事實勝於雄辯」，但雄辯唔等同於狡辯詭辯，因此同情人爭執，同埋事後亦知道自己理虧，係咪應該用雄辯滔滔，亦係值得商榷。

呢首歌其實有一點特色相當鮮明，相當陳詠謙，就係每句都係個腦冇點諗就不加修飾咁講出口，而且句與句之間割裂去睇都完全無礙傳意。對歌詞冇乜要求嘅人，未必察覺到問題所在。同樣生活化嘅情節，其實楊千嬅嘅〈假如讓我說下去〉都有，「但我把／談情的氣力轉贈誰／跟你電話之中講再會／再會誰」即係冇人同我傾電話，「暴雨天／我至少想講掛念你／然後你／你最多會笑著迴避」就係顧左右而言他，甚至熄機潛水，但林夕之所以一啲打xanga嘅感覺都冇，係因為佢掌握以至駕馭得到何謂藝術——將自然同現實加以修飾加以轉化，呢一層人為工夫就叫藝術。〈別〉描述主人公分手後陷於懊悔，內容貼近生活，照計係好易畀聽眾代入，但就正因為咁，意圖代入嘅聽眾聽到一頭霧水，代入無方，可以話係高不成低不就。

3. 經過一些秋與冬＋哪裡只得我共你

Dear Jane嘅簡單易明K歌之選，又係陳詠謙傑作。「兩眼一黑／然後失控」令人聯想到頭暈倒地以及精神病發，九唔搭八，而領起句嘅「一些」同「與」本來就係蛇足，事關寫歷經秋冬同揮去驚恐就已經夠曬精煉。副歌「 無謂再關心你／我沒資格慰問你／無謂再騷擾妳／我沒這塊厚面皮」其實都幾適合失戀聽眾，但量詞之選用，直接反映出陳詠謙不諳避俗，缺乏語感。所謂語感，其實就係語言使用者對其所熟悉嘅語言有冇敏銳感覺﹐能否領悟語言文字真實意思以及必然會引起嘅聯想﹐直覺必待厚積薄發，同語文根基息息相關。用塊字去形容臉皮，會令人聯想到塊狀死物，進而聯想到牛皮豬皮，就算句子本身幾有詩意，一個塊字都足以盡廢前功。語感佳者，可以善用詞語刺激聯想，但語感弱者，萬一誤用就會弄巧反拙，呢一點，所有寫作者都應當有所警覺。

另外，「得到的若期望有限期／失去的未重聚已別離／後悔如我遍地」亦係反面教材。遍地呢個詞語其實好有畫面，例如自由民主遍地開花，或者風吹草低牛羊遍地，只要一見遍地，讀者就會聯想到數量之多，發展之盛。但觀照呢句歌詞，遍地嘅理應係後悔，但寫出黎引起嘅聯想就係主人公遍地——大概係因為TVB重播《西遊記》太多，我所諗到嘅係孫悟空大顯神通，一條猴毛落地即可化成千百猴子猴孫之勢，同後悔之情極為矛盾，成個感覺極之滑稽。參考返陳奕迅一首〈黑暗中漫舞〉，其中有一句「猶如自卑水銀瀉地」，當中嘅水銀瀉地，即係水銀流到一地都係，令人聯想到玻璃落地隨之流瀉，一發不可收，非常適合用於形容主人公每每獨自揣摩情人心理之時嘅自卑爆發，同時深化主題，令人可以透過具體比喻去感受主人公單戀嘅卑微渺小。兩相對比，大家就會理解點解後悔遍地係不知所謂，而自卑瀉地則係神來之筆。

順手講埋〈哪裡只得我共你〉之中，為人詬病嘅「我們身邊太多假人／心中太多傷痕」。第一個問題，係陳詠謙點解要寫假人，因為準確而言，呢首歌想傳達嘅係對抗世俗眼光，而主要世俗現象並非虛假；第二個問題，係亂咁簡化為假人二字，又會引起不當聯想，令人諗到CPR練習用公仔，櫥窗display公仔，驅趕雀仔嘅稻草人，甚至消防處嘅任何仁。除非佢係明知到會引起不當聯想都要用，否則明顯又係語感薄弱之過。睇埋「途經幾百萬傷口」同「與外界／未隔絕我共你／能停止呼吸」，我更有理由相信，假人所指，真係CPR練習用公仔阿Anne，而「不掙扎／只緊扣」，亦一定係指緊三角巾同繃帶，成首歌係為聖約翰救傷隊暗中宣傳。

意境係一樣好抽象嘅嘢，而某年書展講座，林夕就曾經講過意境可以分為三種境界，一係山寨，二係自己創造，三係灌注生命同感情。第一種，就係運用約定俗成而又根深蒂固嘅傳統意象，亦即係中學生學習寫作必學嘅大自然景物，諸如星星月亮太陽天地花草，其中若果突然出現現代物品諸如蘋果電腦應用程式芝士拉絲抹茶爆漿，文章就會意境盡失，而陳詠謙明顯係畫虎不成反類犬嘅示範人物。第二種，自己設定，就好似林夕有期好中意用探戈咁，以跳舞相持比喻情愛拉鋸，寫得貼切就可以自成一格，睇返陳詠謙大紅作品，可以話係冇一首做到。第三種，用返林夕自己舉嘅例句，「滿街腳步突然靜了／滿天柏樹突然沒有動搖」之所以有意境，就係因為作者觸覺敏銳，以「滿天」而非「滿街」去寫柏樹，所以就描寫到樹勢之高，從而襯托出主人公獨自流連街頭何其微不足道，而其身影又係何其嘅失魂落魄，得出融情入景而後情景交融嘅效果。當一位做到寫景則情景相生，說理則情理兼備，而另一個則直接將秋與冬寫出黎，其後又再將「只知感覺失了蹤」寫出黎，文學係咪真係一句各有各觀點就可以打發紛爭，聽眾心中自有答案。

4. 百年不合

眾多歌手入面，周柏豪其實同陳詠謙係最夾，而原因係周柏豪畀人嘅觀感本來就冇乜文化，因此陳詠謙嘅詞質樸庸俗而又文句不通，反而非常配合周柏豪形象。以〈百〉為例，其實我聽咗好多次，都唔明何謂「即使今生擱淺／苦等隔世盛宴」。陳詠謙低手之處，就係唔識連用一系列有關比喻去經營意象，生硬插入詞語，但又缺乏前後呼應。見到擱淺，讀者自然會聯想到海洋，聯想到輪船，聯想到鯨豚，但〈百〉偏偏冇一樣嘢係關事。由於人係唔會擱淺，讀者必須自行領會擱淺之意，偏偏陳詠謙又冇建構到完整比喻，寫到不倫不類。參考返麥浚龍嘅〈吃鯨魚的人〉，黃偉文寫得清楚吃鯨魚者為何人，所以吃鯨魚呢個人類根本唔會做得到嘅行為亦好易理解，而「隨時能屠殺／也不必講究良心」中嘅屠殺，亦唔會偏向無關主題嘅多餘聯想例如種族屠殺，落點相對清晰。

然後我地亦可以研究「若未夠赤裸／撫摸到永遠」同「在婚紗中再見」想表達乜嘢。前句之中，赤裸應該係指主人公將自己心聲表露無遺，但對方無動於衷，然而呢點基礎，根本幫唔到讀者去理解到底係邊個撫摸邊個，同埋點解要撫摸，可謂上文不接下理。而後句之中，在婚紗中唔同在婚禮中，到底點樣至可以進入婚紗之中，又係百思不得其解。陳詠謙可能會辯稱呢啲就係創意，同埋寫到明在婚禮中再見就係死板，但達到一定文字鑑賞門檻嘅人，相信會知道咁樣寫絕對唔可行。

講返成個敘事，其實真係撲朔迷離。我至今再聽，都係諗唔明到底主人公同埋對方係情根早種，定係有緣無分。歌詞講到今世「當你想行前一寸／愛下去又發現你／站到一邊」，又講「卻是證實這段愛／沒有起點」即係對方根本唔過電，發展機率近乎零，既然如此，點解主人公會有認定大家係「分開一百年／捱到今生才遇見」？「拉扯著那根線」又到底從何而來？《紅樓夢》之中，曹雪芹一開始就以神話領起，寫賈寶玉係頑石入世，而林黛玉則係絳珠仙草，其後兩人一生糾纏係命運嘅安排，此之所以愛得轟烈，傷得淒苦，但同百年好合正正相反嘅百年不合吹到咁大，去到最尾只係講返某一世嘅小情小愛，未免流於小題大做。

5. 小問題＋3am

AGA嘅〈小問題〉係好聽，但一聽就發現取材好大問題。雖然應付失戀各有各法，喜愛夜蒲放肆買醉都可以係反映現實，但主人公個性之差難逢敵手，我估唔到連詩雅都終於會遇到競爭。「穿起高踭取悅人」同「只記得我新結識那碧眼金髪的氣質」，於我而言，某程度上係物化女性，矮化女性；「只須很悉心的設計／裝飾我這身體」同「只須很瀟灑的破費／修葺我每處枯萎」，刻劃出主人公滿足於物質，只顧外在，形象實在相當廉價。最弊嘅係，首歌完全冇任何自強之寄意，反而係以「我只得這一點智慧」為放浪行為開脫，歌手形象徹底崩壞，MK到無以復加。

而用字方面，「我不要雙眼承受雨季」嘅雨季又係毫無鋪墊就彈出黎，引用返林夕嘅意境論，雨季係老嫗能解嘅傳統意象，要寫唔係唔得，但成首歌冇提過水，冇提過雨，連眼淚都冇提過，突然以雨季去寫哭泣，就係顯得突兀嘅原因。再睇「別這樣干擾我一生」，干擾係同接受訊號有關，如果對方係干擾，主人公應該由頭到尾都係對佢反感，但既然曾經癡心錯付，對方好歹都係過氣情人，要貶損對方，以打擾形容，會比干擾合適。參考返黎明嘅〈我這樣愛你〉，會見到林夕有用覆蓋去寫主人公對情人嘅愛綿密如羅網，而「何時才發現／就算天涯海角／都可能覆蓋」之中嘅覆蓋用得準確之餘，更加迎合到和記廣告行銷要求，一石二鳥，天衣無縫。

而〈3am〉其實一首好難出事嘅歌，事關英文部分都應該係跟返demo，偏偏又畀陳詠謙踢出身價。「如假開心開心開始假得很／倒不攤開這張牌」運用頂真，但又係砌詞搪塞；而「終於真的真的不再有情意」同「 終於真的真的不同行」用詞重複，但真的二字唔係歌詞要旨，因為主人公只係夜半失眠，唔係陷入幻想，分唔清夢境同現實。陳奕迅嘅〈不來也不去〉之中，有「如煙／因給你遞過火／如火／卻也沒融掉我」，林夕嘅頂真係用得其所，因為兩句確有承接。而同樣係陳奕迅嘅〈K歌之王〉之中，有「才令我因你要呼天叫地愛愛愛愛那麼多」，其中嘅愛字四連，有嗌破喉嚨之意，係愛到力竭聲嘶嘅出色詮釋，又係用得啱啱好。

6. 矛盾一生＋揮揮手

JW嘅〈矛〉唱到街知巷聞，控訴對方不知上進，無意結婚，好多人都會引用「矛盾只因深愛著」自況，而我自此至終，都唔明乜叫「跌下來瘡疤」，而「怎會沒決心成家」亦有力問鼎陳詠謙十大缺乏語感排行榜三甲。成家呢個用語從來唔會喺抒情歌入面見到係有原因，事關多元成家、成家立室、立業成家中嘅成家，係新聞用嘅正經用語，一般人談婚論嫁，多數都係講返結婚就算，唔會選用咁沉重嘅字眼。正如我地唔會喺同朋友傾偈嘅時候話「有見及此，我會出席」，或者「多謝你諮詢我意見」，而係會講「你咁講，我就去喇」，或者「多謝你肯聽我意見」，又正如去餐廳嗌嘢食落order，我地會講「I would go for this one」，或者「I would like to take this one」，同自己朋友或者情人講嘢，就算幾咁相敬如賓，多數都係講「I want this one」，頂盡都係講「Can I have this one」，用字係應當有場合之分，身分之別，唔可以隨心亂講，任性亂寫。〈揮〉之中有句「成為寂寞人口／脫去戒指」，所犯同上。

而講到用韻乸西，〈矛〉副歌用死「aa」，以嗎吧為主，輔以架怕疤，亦係佢嘅代表作。雖然林夕曾經話過押韻其實並非必要，只係因為要迎合主流見識至堅持押韻，但用韻會令首歌易記易上口，亦令文本朗讀之時有節奏美，都有合理之處。押韻毋須句句押，隔句押亦得，最重要都係睇旋律頭，但無計可施就求其採用「aa」韻，呢點大概就係師承黃偉文嘅結果。黃偉文所填嘅〈囍帖街〉同〈苦瓜〉雖然都係大熱，但取材新穎，都掩飾唔到其人押韻手法之不足——用助語詞押韻，畢竟係有啲技窮。反觀我個人相當中意嘅〈東京百貨〉，陳少琪喺副歌係用「iu」為韻，填咗照秒少調潮票，詞句曉暢而不落俗套，可謂熟能生巧，自出機杼。

再呼應返AGA首〈小問題〉，其實〈矛〉嘅故事都係不知所謂。空有冤氣對白，缺乏具體劇情，hook line勉強可以漁翁撤網，但副歌完全打動唔到人，此其第一問題。第二問題，就係愛情觀片面膚淺，從未細加探討愛情，更遑論明寫愛情，暗寫人生咁樣去傳道解惑，繼續流行曲社教化之功能。林夕寫情寫理天下無雙，黃偉文偏向市井，都算寫盡失戀苦戀，入心入肺；而周博賢專寫時事，針砭時弊，周耀輝別具詩情，寫歌寫出詩嘅朦朧美，基本上係各有特色，而陳詠謙嘅風格，大概就係攞你命三千式殺人於無形，一聽到就想飛歌轉台——我斗膽封陳詠謙為寫歌界嘅葉念琛，相信冇人會有異議。

7. 姐姐＋活著為求甚麼

李克勤自己都係識寫詞，點解會接受到呢首歌詞，我覺得重驚人過向曼聯送禮。「原來沒有你／但仍愛你／才後悔當天不肯留住你」雖然略嫌肉麻，但出現喺主流情歌其實真係一啲問題都冇。問題係，呢首歌所描述嘅係家傭，主人公對佢抱有嘅應該係感激之情，而唔係愛情，到底點樣至會牽掛到「朝馬尼拉的方向想起你」，視姐姐為「愛的傳奇」？唱到「忍痛／將你淡忘」，我直頭覺得李克勤情深過楊過，根本應該離婚休妻，另娶姐姐。

情節上，呢首歌都有犯駁之處。一般而言，如果僱主僱員關係良好，姐姐離職之後，雙方都會保持聯絡，好少音訊全無。而既然姐姐冇離開過香港，亦即係轉咗僱主，咁主人公又點解會炒佢魷魚？「誰料我路過砵甸乍街／竟找到你」呢種電光火石，好難講得通。我嘗試去消化故事，唯一可以諗到嘅就係主人公情不自禁，苦戀姐姐，家人發現之後執意驅逐姐姐，結果主人公只可以喺姐姐有可能出沒嘅街頭巷尾搜尋對方倩影，重溫舊夢。假如有朝一日李克勤真係轉行呢種路線，講婚姻背後辛酸，講自己同屋企姐姐打得火熱，或者大眾會受落都唔奇。

用字方面，呢首歌最差嘅係「天天飾演乖少艾」，其他都可以放過陳詠謙。話說少艾一詞，語出《孟子》一句「知好色則慕少艾」，解年輕貌美嘅女子都真係好有歷史。而現代人之所以認識少艾，相信都唔係因為讀古書，而係聽得多青春少艾呢個配搭。撇開姐姐點解會以少艾形容呢點唔講，艾本植物，少艾即以艾草正鮮比喻少女亭亭而立，可見少已經係形容緊艾，而乖少艾三字呢個組合，就即係用咗兩個形容詞去寫植物，而乖係唔會拎黎寫植物。即係我地可以話一個老人家老當益壯，如同長青樹，我地唔會話佢襟老長青樹，因為長青已經表達到健康，而且襟老都唔會係要黎形容樹。

順便講埋〈活〉。林夕珠玉在前，黃偉文都有首〈燕尾蝶〉勉強壓卷，陳詠謙挑戰社會議題，無異於引火自焚。「容顏暴露摺痕」所指嘅應該係個樣好老，皺紋暴露老態，又係要聽眾自己諗。「幾個悲哀章節日日重播／天降天災萬民地上縱火」，所指嘅應該都係天災人禍大家有責，但縱火狂徒為何人，又係語焉不詳，除咗令人諗到喜怨無常嘅舊約上帝，都真係冇乜idea。

8. 半祝福＋Gonna be alight

周殷廷其人已經不知所終，但由陳詠謙操刀嘅作品，將會遺臭百年。祝福舊愛，同類歌曲多不勝數，但希望情人「快樂得更明顯」，係咪即係指對方之前都係快樂，但快樂得較為收歛？若果快樂都可以有introvert同extrovert之分，而陳詠謙又真係寫得出，其實確實會好有啟發。副歌致命，在於突然加插槍擊，「如果他真的比我好／別再時時開槍亂掃」，again，敗壞意境。Verse2主人公心態慢慢轉變，講起對方已有新歡，其實都易明，但「你已毫無疑問找到安慰睡眠」呢句又係病句。找到應該係指向人或者物件，虛嘅找到人生方向都得，但睡眠係一種狀態，進入夢鄉可以，但搵睡眠出黎係講唔通。

上承周柏豪歌曲入面大量運用赤裸，陳詠謙又再無緣無故加插情色，好地地一首最後祝福，即刻變到俗不可耐。諗到對方會同新歡有性行為係可以理解，但以「隨便白天纏綿／夜晚裸露別來送我上苦路」白描，就係自亂佈局。〈半〉嘅基調係純情，周殷廷嘅定位亦非大講鹹濕，裸露二字亂入，格調之粗劣，真係不敢恭維。

〈G〉其實都係聽得過嘅歌，風格有啲似林奕匡首〈Good Man〉，但細聽之後又聽到副歌有句「甚麼東西正在變做美好的團體」，不知所云。Verse2有句「青春出於笑容裡／開滿花」，其實都解得通，但第二句「率真出於眼神裡／一句話」嘅嗰句話從何而來，又係毫無預兆，石頭爆出黎咁。好地地一個新人，唱咗首膠歌，然後就萬劫不復，真係不無惋惜。

9. P.S. I Love You＋壯舉

張敬軒係我本人極之欣賞嘅歌手，好彩佢人在英皇而非華納，未來唔似會再有同陳詠謙合作嘅可能。〈P〉其實算係不過不失，但因為林若寧同林夕寫過好歌畀張敬軒，而張敬軒自己早期作品都寫得青澀可愛，陳詠謙嘅歌就相形見絀。故事寫因戰禍而天人相隔其實好清楚，但主人公喺副歌嘅內心戲，可謂不明不白。「忘掉了生死／用愛跟這世界對比」，其實睇唔出邊個死咗抑或係一齊死，但既然係人生無常，話係不可以抱著你，會比「不需要抱著你」更加合理。然後「逾越了生死／當知這份愛從沒禁忌」又係全無鋪墊，因為首歌冇講過呢段感情係禁忌之戀，而為死去情人守節，亦唔係禁忌。「生死難忘／別忘記自己」，驟聽似係一種提醒，提醒自己要好好生活落去，但其實突然筆鋒一轉嘅呢個提醒，同「在雲中禱告／祝福你／繼續飛」係冇衝突，因為主人公由頭到尾都冇話過要殉情。

然後繼續睇Verse2﹐病句又至。「當一切／沒法逃過了劇震」，既然係逃唔過，點解又會用個了字？「誰在瓦礫中獻吻／講永別卻那麼接近」，卻前卻後轉折不清，卻字無法理解。「捉不緊的有太多／這一雙手在提示我／時辰到／人如初」，呢雙咁重要嘅手又係突然出現，極其量只可以話佢上接Verse 1之中「硝煙裡／讓我除去了面罩」嘅手，但有冇必要用雙手除，聽眾不妨存疑。快飛去結尾，「珍惜這份愛才是勝利」換成粵語，就應該係「珍惜呢份愛先係叫贏」，然而本身主人公未有誤解勝利定義，因此亦冇要糾正嘅地方，陳詠謙想用才是二字帶出乜嘢訊息，我都依然未悟到。

另外亦必須要討論〈壯〉，畢竟呢首可以話係陳詠謙眾多作品之中最言之有物嘅一首。我地都知道所有創作者喺寫自己最熟悉嘅題材往往係寫得最入肉，林夕寫苦戀寫到出神入化，黃偉文寫同志戀情別出心裁，都係因為有親身經歷，所以緣事而發，份外有感。意淫其實冇問題，樂而不淫，無傷大雅即可，而陳詠謙擅寫不顧後果嘅價值觀，就寫出咗吳雨霏嘅〈告白〉同陳奕迅嘅〈碌卡〉兩首佳作，係要欣賞。然而我地必須思考嘅係，一個填詞人只寫得好呢種缺乏深度同修養嘅歌詞，可唔可以稱為最佳填詞人。無可否認，黃霑林振強林夕等人確實係一下子將平均數扯得太高，令到後來者好難超越，但文從字順，詞有所指，應該係最低標準，如果連咁都做唔到，直接出demo派台instead of固守曲詞俱全嘅舊例，可能至係更佳出路。

10. 給兒子的信

唔少為陳詠謙平反嘅人都話呢首寫得好，以此作結，真係最好不過。一般人一定先入為主，覺得寫畀自己親生仔，點計係誠意之作，冇理由鳩寫，但陳詠謙不負眾望，又一次成功鳩寫，本色出演，繼續陳詠謙獨樹一幟嘅意思含糊，言不及義。「成年路太遠你學識怨命／所以任性／難受但我會繼續供應」，唔知佢供應啲乜，照計係愛，但真係讀者估，唔係作者寫；「若我有天跛了／你戴上我的眼睛」驟聽好有意境，其實唔知戴上父母嘅眼睛為乜——靠後生傳承自己人生經驗，唔使等老咗至做；代爸爸去環遊世界，亦冇理由用返爸爸對眼；陀住爸爸一對眼球出遊，反而顯現到少少心意，但又不切實際，背離常理，總之點講都唔通。

再睇「如果天地狠狠的將一切理想／破滅了」又係反面教材，大家千祈唔好有樣學樣。破滅，常用於理想或者幻想破滅，此中破滅非關外力，只可以係自體消亡，如果想話理想破滅係外力迫成，簡單可以用消滅用殺掉，靚啲可以用扼殺用磨蝕。雖然語言潮流時刻變動，我地唔可以一味泥古，但將某物破滅呢種寫法，如無意外，過多一百年應該都唔會獲得學界同世俗認受。用呢句病句做副歌第一句，有人話一聽就無名火起，呢種反應真係合理不過。

宏觀睇返成首歌，主人公到底抱持點樣嘅心態育兒，我亦甚為不解。佢有話「還是流我的血／你別忘掉」，提醒對方記得有自己嘅支持，亦有話「是我對不起你」同「可以恨我」，承認自己生仔出於自私，似乎有盡力善待同保護小朋友去盡力彌補之意，但再睇「我對你好／不須答謝我」，又主動提起自己嘅好，提起完又話「不須答謝我」，聽完只覺呢個爸爸暗啞底想要人知恩報恩，但又唔敢直講，扭擰造作。更加得意嘅係，呢個爸爸一直都流露無限愛意，又講到唔介意小朋友失敗，只求佢開開心心，但又忽然狠心咁話「註定某日我將拋棄你於荒野」，到底係因何而生嘅轉折？拋棄本身暗含主動之意，字面意思只可以解讀為主人公主動為之，但呢個爸爸愛心爆棚，應該係對親兒不捨不棄至係，點解會註定拋棄親兒？如果佢想講嘅係人世間自有規律，迫到父母不得不拋棄子女，咁就一定要講得清清楚楚，否則就好難呼應其後嗰句「你永遠有一種愛／從未缺少」。概而言之，呢封信真係好深奧，除非佢身體力行去抵制香港政府強制十二年義務教育，用自己一套中文去教仔，否則佢個小朋友未來都好難聽得明佢想表達啲乜。

總結

時間有限，每首只可以點評少少，但不知不覺，都寫咗六七個鐘。我試過填詞，知道填詞唔易，但自知之明，理應人皆有之。我相信大多數人都係不滿佢「我叻仔我可以肥」嘅招積，不滿蜀中無大將，而廖化竟自以為曹操。我個人偏好林夕，上文信手拈來例子大多以佢作品為主，希望大家體諒。最後衷心希望呢個寫得相當簡單嘅分析，算係勉強整理得到大家嘅見解，我知「殘忍只須一棍」同衛蘭都好恐怖，但考慮到其中問題同以上例子大體相似，在此不贅。辭多歉甚，如有補充賜正，歡迎切磋交流。

https://gnimmm.com/2018/11/25/smartfatchan/

《韓國人專心拍親情戲啦，唔好用喪屍包裝好嗎？》

今日連續睇左兩場戲，一套係《自殺突擊隊》，另一套係之前已經好期待既《屍殺列車》（下稱屍車），不過好老土地希望愈大就失望愈大。

以下是本人不負責任評論。

屍車個故事基本上trailer 已經講哂，講老豆同阿女坐列車，點知有喪屍，之後就一貫走走走逃出生天。

但呢套野睇完真係得個嬲字，簡直當觀眾白痴，角色性格唔鮮明、故事單調，劇情細節唔合理、角色死得不明不白同埋韓式典型災難片過分賣弄親情。

比我感覺就係平價喪屍版《雪國列車》，又係老豆阿女，要過車卡去前面，逃出生天，大同小異。

睇完上面既形容，你都想去睇，歡迎，畢竟當kill time 係可以既，但如果再比我揀，寧願睇小丸子都未必睇屍車。

以下開始有大量劇透，結局同埋咩人死，點打喪屍同逃走都會講，有興趣就睇。

----------------------------------------

1.門的重要性

如果我係谷阿莫，我一定會介紹呢套電影做「這是一個告訴你門是有多重要的故事」，因為門呢樣野令佢地陷入左好多次困境，廁所門一次、大田站玻璃門一次、列車門好多次、車廂連接門好多好多好多次。

有陣時睇到想問，玩夠度門未呀？

2.男主角個女大愛到好似聖人咁

個女真係，咩都關佢事，咩人都想救，好似患左「唔救人就會死」既病，阿囡第一次發揮大愛精神就係佢見到有個職員俾人推低之後聽到有人話有奇怪人上咗車，佢第一時間唔係叫醒佢老豆而係自己走去睇發生咩事。

而第二次就係喺大田站嗰陣佢老豆諗住帶佢去另一個出口，點知當佢個女知道個老豆想見死不救就企係度鬧個老豆，「點解你淨係照顧自己，就係因為咁阿媽先會走」，先唔論個囡咁細個點解會講埋啲咁嘅對白，但係個女嘅大愛精神簡直係無與倫比。

第三次個乞兒喺行李架上邊跌落黎之後個女竟然想從出嚟幫個乞兒，唔知仲以為個女其實好好打，好似咩都唔驚，淨係想救人，咩人都救，癡線。

3.老土韓國式熱血男兒拳頭交

其實韓國電影好多打鬥場面都係用拳頭或者木棍，點解呢？因為韓國電影成日都覺得男人用拳頭打架好Man ,你可以參考下韓國嘅其他動作電影，尤其是黑幫電影，人哋攞晒槍、刀、棍，主角都會用拳頭打人，屍車都冇例外，三條友竟然有兩條友用拳頭打喪屍，我諗連生化危機女主角都未必夠膽咁做，但係為咗賣弄熱血男兒戲份，個編劇真係夠膽死叫班人咁做。

大佬呀，唔好咁癡線啦，喪屍黎架。

4.人性描述差

災難電影通常都會有人性陰暗面描述，呢一套都唔例外，但係好薄弱。

除咗男主角一開始諗住唔比大隻佬同佢個大肚老婆入車廂之後，在要等男主角去到大田站，唔叫班人去另一個出口。

但其實佢一開始關門又好，係大田站唔通知人又好，其實都係好普通嘅事，完全感受唔到所謂陰暗面去咗邊。
反而唯一一個表現到人性陰暗面嘅就係個巴士佬，不過即使佢貫徹人渣態度，但其實只係得佢一個去演繹人可以幾自私，剩低嘅都係無關痛癢嘅茄喱啡。

5.劇情細節有問題

Bug 多到喊，
我重點講幾個，係大田站嗰陣時，成個站一個人都冇，都唔緊要，但係連屍體都冇，都算，但係竟然連支槍都無，都唔理你，班乘客落到去門口嗰陣時，個情景好似講緊大田站有結界咁，明明冇鎖門，冇鐵閘，冇玻璃門，但班喪屍唔知點解企好晒係大田站門口，等班乘客落嚟。

第二個bug，列車停嗰陣時大聲到咁連一隻喪屍都冇吸引到埋黎，仲要兩次咁多，但係開車嘅時候反而吸引到，癡線。

第三個，棒球仔係第九卡上車嘅時候，竟然隨手拎左個袋落嚟，裏面竟然有佢想要嘅嘢，但係之後去到第11卡，佢班朋友變晒喪屍企喺度，咁我想問，棒球仔係唔係有預知能力，無啦啦拎個袋就知裏邊有咩，可能會有人話係佢班朋友變咗喪屍之後，自己行咗去第11卡，但係其實男主角係第11卡嘅行李架上面拎左棒球棍用，好明顯果卡就係一開始佢地成班人坐果卡，咁如果你話個袋係棒球仔，咁點解會出現係第九卡既行李架到？

第4，係大田站個大隻佬明明跑唔切，但當佢兜左個圈，拎咗盾牌同警棍，佢反而追得上架列車，唔通係佢嘅裝備會加移動速度？

第五，大隻佬係大田站第一次關門， 係用鐵通去塞住，但係男主角入咗嚟之後，佢竟然走去鎖門，係眼前幾百隻喪屍面前，竟然係度搵窿插，仲要搵左好耐都對唔正，點解唔係攞返枝鐵通去塞住呢？

第六，係第12卡嗰度，明明安全，一隻喪屍都無，司機亦冇話要分開過卡，點解佢哋一定要入第13卡呢？
我知道個導演想用大隻佬頂住道門與棒球仔打門形成一個張力，但係好可惜，畫面太混亂，鏡頭運用不足，空間感表達能力差，最後演變成一齣鬧劇。

其實點解佢哋唔係返轉頭幫手趕走班喪屍關門，然後守住12卡？大隻佬根本係比導演殺死。

而係第13卡個班人，趕走咗男主角一群人去連接位置嘅時候，竟然係處理左男主角果度門先，而有成堆喪屍果度門，就完全唔理。

6.角色無原因自殺式找死

第一個，阿婆佢明明已經企左係門口，同自己親人隔左兩個身位都唔知有冇，冇受傷、冇拗柴、冇精神創傷，連件衫同塊面一滴血都冇嘅情況下，無啦啦係一個slow motion 下企喺度唔郁，比喪屍咬死。

第二個，阿婆個妹無啦啦痴咗線打開道門衝入屍群，你可能會話因為佢見住自己家姐死所以生無可戀，有可能會話因為見到班人渣醜惡嘅一面而想同佢哋同歸於盡，但我諗極都唔明點解會係嗰陣時衝出去呢？

第三個，個司機揸揸吓車，無啦啦落車救人，真係癡線， 車都開咗佢竟然衝落去救人，我唔知道呢套戲嘅角色有幾偉大，我淨係知道搞得很噁心。

第四個，男主角自己塞隻手落喪屍個口度，癡線無啦啦咁樣死咗，我唔明白佢做乜要塞隻手入去，佢咁多位唔捉，係要無啦啦塞隻手入人哋個口到，死得冤枉。

7.結局

結局嗰陣時鏡頭影住三個軍人見到個囡同大肚婆，懷疑係喪屍要開槍，但當個女唱歌，軍人就話去救人果幕，突然彈多左十幾個頭出嚟，假設個女同大肚婆都係喪屍， 10幾個軍人驚兩隻喪屍？十幾條友一齊去確認係人類都咁難？

個囡又係癡線，係個伸手不見五指嘅山洞入面，竟然唱歌，佢真係冇諗過會有成堆喪屍衝過嚟：0）。

結論：你冇嘢做可以去睇，但係千祈唔好特登去睇，呢套戲完全係用喪屍包裝嘅親情戲，如果想睇困獸鬥嘅刺激電影，我會勸你睇雪國列車，如果係想係親情戲呢，我會勸你睇開心鬼上身，再唔係，你想睇親情加刺激，但又要劇情正常呢，就去睇漢江怪物啦。

完