四天連假！大家在做什麼呢？
截至目前三天，北元老師都瘋狂備課中！
還記得日前填寫「秋季班報名」&「上課意願預約表」，會挑1-3位有緣人的贈書活動嗎？
以下6位好朋友來喊右，老師要贈書給你囉！（上課學員，老師會帶到課堂上給你！）

陳奕哲（和泰保經）：課堂領取
佘淑真（中國人壽）：課堂領取
李欣佛（遠見保經）：課堂領取
江逸姍（錠嵂）：請私訊寄件地址
黃鵬宇（公勝保經）：請私訊寄件地址
夏語珊（台大保經）：請私訊寄件地址

謝謝所有人的心得分享，部分節錄如下，跟大家一起分享感動：

20-30年 #威盛保經 協理：『劉老師的課程啟發了用邏輯思考看事情』

15-20年 #永旭保經 事業部資深協理：『風趣、專業、實務豐富、很好的導師！』

15-20 #台大保經 總監：『課程內容淺顯易懂，講課生動活潑。』

10-15年威盛保經處經理：『樸實且實際、理念正向』

3-5年 #公勝保經 經理：『融合各種法律，客觀從各角度剖析，相較於一般理論的課程更實務 ！』

10-15年 #中國人壽 業務經理：『專業，用案例教學，更易懂，讓一堆文字的判決文變得更清晰。上課讓保戶權益不再受損，讓業務員更明白專業何其重要。除了保險，更能透過搭配法令調整、提高附加價值（例:意定監護）。』

5-10年 #和泰保經 AM：『老師實務經驗豐富，思考邏輯清晰，用淺顯易懂的言語教大家思考停效、復效、告知義務…等相關工作所需專業知識，讓我對法律知識產生極大的興趣。
我覺得所有保險從業人員都應該要學習的保險、民法等的法律知識，因為在工作上的幫助很大！』

5-10年 #遠見保經 簽署人：『北元老師熟稔保險法，民法，並結合豐富的實務經驗，靈活運用法規，處理各種保險爭議，深深令人折服。』

15-20年 #南山人壽 區經理：『對保險法的思考模式有所改變。』

5-10 #華鴻保經：『曾經在保險經紀人公會上過老師的課，覺得老師上課方式很真誠，上一季開課不管北中南都報不進去，終於這次你們願意把名額留給我、10分開心更不勝感激。』

1-3年和泰保經：『實際案例的分享充實且實用』

1-3年 #錠嵂 主任：『老師是我上這麼多專業課，第一個讓我從頭到尾都津津有味、全神貫注。驗證了您所說的：概念通、法規就通。
上完資產傳承，我就能在腦海勾勒四大架構，當天就能清楚與人分享所學，收獲非常良多。』

5-10年 #三商美邦人壽 業務經理：『北元老師博學且專業』

15-20年 #三信商業銀行 襄理：『講述淺顯亦懂』

5-10年錠嵂保經區經理：『之前有上過一些法學課程，但是少了思維訓練，我覺得一個技能除了學習，要能活用的關鍵就是要學會怎麼用。很希望透過這樣的課程，可以了解法律人的思考邏輯。』

1-3年永旭保經資深協理：『專業，把法律用簡單的方式呈現給學員。』

🆕🈸有預約意願、有興趣了解者，可填寫：
https://forms.gle/HRcu23ADvYYW69g78 ✍️

📣🈸10月秋季班限時、限量招生>>>僅台北晚上班（6個名額）📕
報名連結：https://forms.gle/aaTfBjv1YVv8BCtT9

#劉北元讀書會

陳詠謙都有打手。。。。。。

本身對呢個人冇咩唔好既感覺，只係嫌少少哂左陳奕迅啲歌既曲，不過再多睇其他人既comment, 愈睇愈有問題，呀，係咪應該寫篇blog講下佢好？

路見不平，自命正義，終於都要挪用寶貴時間，去點評陳詠謙嘅大作，嘗試為民請命。其實點評歌詞實在非我所長，音律押韻我亦只有皮毛了解，但係畢竟自細聽香港流行曲聽大，有感仗義執言先至無負香港流行曲於我人生嘅啟蒙，唯有挺身而出，盡力而為。先旨聲明，寫歌詞唔同寫散文小說，遣詞造句確實有彈性得多，可以不拘泥於傳統，而寫得意象曖昧，含意深隱，亦唔代表詞作有誤，因此內文要寫嘅，主要係順應網民意見，針對絕對無法原諒嘅大弊，例如立意古怪、錯用詞語、表意混亂等各種問題，某啲顯而易見嘅小病，例如〈龍舌蘭〉直頭唔啱音呢類大家心照不宣嘅，就唔會多講。以下我精選咗十首算係近年街知巷聞嘅垃圾作品淺評分析，希望可以拋磚引玉，畀便交流。

1. 高山低谷

第一首，必定要揀林奕匡嘅成名作，因為一黎呢首亦係陳詠謙成名之作，二黎林奕匡係一眾受害歌手之中搵陳詠謙寫得最多歌嘅一位。由於呢首都算係佢填得相對認真嘅歌，稍為認真去聽，相信大家都意會到歌詞要表達嘅訊息，就係寫二人地位不對等，情人遠在天邊，抒發可望不可即嘅感慨，類似《詩經》中嘅〈蒹葭〉。而正因為立意明確，只要聽眾細加咀嚼，就會發現有唔少用語係異於我地平常嘅語文習慣，而各種誤用，都唔足以稱上鑄造新詞，而係徹底嘅錯用，長久咁用落去絕對會影響我地嘅語文鑑賞能力。

廣為傳唱嘅副歌之中，寫到「渴望被成全」，呢點係中學生都常犯嘅錯，語文水平略高嘅人都會知問題喺邊。首先，渴望社會或他人成全，寫渴望成全已經夠清晰，亦合乎文法，根本毋須強加被字。其次，就當佢係被動句，被動句多數常用於呈現負面情況，例如「他被歌迷離棄了」。雖然漢語歐化潮流之下，被字亦會拎黎寫所有被動情況，用法分別係：一、強調被動，如「他被上司提攜了」，但較恰當嘅用法應該係「他獲得了上司提攜」；二、施事者不明，如「他被痛罵了一頓」，唔知邊個鬧咗佢；以及三、強調謂語，如「民意被政府騎劫了」，突顯民意遭不當操作。近幾年社會風氣好中意講「被自殺」、「被抑鬱」、「被捉迷藏」去嘲諷中國對待異見人士嘅卑鄙手段，亦突顯被字特質。因此，成全本來就必須取決於他人，「渴望被成全」中嘅被字份屬多餘，而參考返林夕作品，佢係傾向少用呢個被字，更加從來唔會濫用去充塞字數。

然後係「腳下路程難以削短」，亦係不當。要貫徹文意，最準確應該係用「縮短」，但係唔啱音，唔用得。削字，多用於削皮去屑、削弱削減、削職以及剝削，而路程之縮減，勉強用削，拎最近則只有削弱削減一義，但削減係指從原定數目之中減去若干數目，多數牽涉具體數量。而「天一黑天一光揮發了一句再會」亦係睇得明而寫不通。考慮到揮發一詞必定要同所揮發之物共同出現，可見句意係指呢一聲拜拜會蒸發會消失，咁睇返上文下理，到底點解突然會有呢句拜拜？同埋周而復始每日講拜拜又應該點樣理解？係咪指每日返工放工同人講拜拜都係多餘？呢句都係有待解釋。加上「只見人下墮」令人聯想到跳樓，「我繼續埋藏我愛戀」嘅愛戀應該寫作感情，以及整體故事空洞，成首歌都無法打動人心。無可否認，用山勢為喻，以陳詠謙水平計，已經係上佳之作，但係真係慘不忍暏。

2. 別來無恙

第二首，因為一句「我現時自己肯做飯」而飽受批評，加上陳詠謙本人沾沾自喜現身解話，亦係一定要寫。首先，我絕對唔反對援引口語入文，推廣粵語理所當然，但豬隊友推廣得眼高手低，就係成事不足，敗事有餘。「我現時自己肯做飯」之所以不能接受，首先係做飯唔係廣東話，做愛至係，其次係破壞意境，寫得太白。根據陳詠謙本人陳詞，佢認為一個人dry到要自己煮飯好適合主人公情況，而唔押韻都係刻意為之，因為咁樣對應返故事主角悔疚一世，凡事都看破，其實呢兩點問題都唔算大，因為個出事位係在於呢句只係表現自己獨立嘅例子，而唔係概括句。副歌開首，普遍係直抒胸臆，或者概括痛心程度，甚少會兜口兜面隊一句嘢出黎，聽眾話聽到尷尬嘅原因，應該係咁。參考返黃偉文嘅「二百年後在一起／應該不怕旁人不服氣」，或者林夕嘅「世界將我包圍／誓死都一齊」，其實都相當直白同口語化，但就一啲都唔突兀，反而引起到好多人共鳴。

值得一提自然唔少得「來年陪著子女學行／紀念當初我們的愛情」。由於主人公目前單身，我地不妨假設子女係指對方嘅子女，但既然係咁，又係邊個想借用呢啲子女去紀念主人公嘅愛情？同埋若要紀念，子女非己所出，兩者關係喺邊？呢句真係相當費解。然後自然亦要談及「王菲的孤寂／多麼孤寂」。眾所周知，王菲有首〈百年孤寂〉，但咁樣抽孤寂二字借代全首，相當突兀。加上以反復修辭強調孤寂，極有濫竽充數之嫌，借用連登網民一句，一個肥柒on9仔自己打緊xanga個場景，真係完全咁呈現咗出黎。而我覺得有一句，亦係表現得出陳詠謙其人對於成語嘅運用係只取片面之意，唔識其中內涵——「恃住雄辯滔滔／隨便的把你喝罵」。呢種情況喺中學生作文之中亦係相當普遍，因為佢地背誦成語而又缺乏廣泛閱讀，對於詞語嘅理解唔係由字句之中而得，因此就會畀老師打曬交叉。雄辯滔滔一詞褒多於貶，多數用於讚美，例如「這位律師雄辯滔滔，聽得旁聽市民心悅誠服」，又或者杜甫《飲中八仙歌》中嘅「高談雄辯驚四筵」，一般係指其人發言具說服力，以理服人。雖然世俗有言，「事實勝於雄辯」，但雄辯唔等同於狡辯詭辯，因此同情人爭執，同埋事後亦知道自己理虧，係咪應該用雄辯滔滔，亦係值得商榷。

呢首歌其實有一點特色相當鮮明，相當陳詠謙，就係每句都係個腦冇點諗就不加修飾咁講出口，而且句與句之間割裂去睇都完全無礙傳意。對歌詞冇乜要求嘅人，未必察覺到問題所在。同樣生活化嘅情節，其實楊千嬅嘅〈假如讓我說下去〉都有，「但我把／談情的氣力轉贈誰／跟你電話之中講再會／再會誰」即係冇人同我傾電話，「暴雨天／我至少想講掛念你／然後你／你最多會笑著迴避」就係顧左右而言他，甚至熄機潛水，但林夕之所以一啲打xanga嘅感覺都冇，係因為佢掌握以至駕馭得到何謂藝術——將自然同現實加以修飾加以轉化，呢一層人為工夫就叫藝術。〈別〉描述主人公分手後陷於懊悔，內容貼近生活，照計係好易畀聽眾代入，但就正因為咁，意圖代入嘅聽眾聽到一頭霧水，代入無方，可以話係高不成低不就。

3. 經過一些秋與冬＋哪裡只得我共你

Dear Jane嘅簡單易明K歌之選，又係陳詠謙傑作。「兩眼一黑／然後失控」令人聯想到頭暈倒地以及精神病發，九唔搭八，而領起句嘅「一些」同「與」本來就係蛇足，事關寫歷經秋冬同揮去驚恐就已經夠曬精煉。副歌「 無謂再關心你／我沒資格慰問你／無謂再騷擾妳／我沒這塊厚面皮」其實都幾適合失戀聽眾，但量詞之選用，直接反映出陳詠謙不諳避俗，缺乏語感。所謂語感，其實就係語言使用者對其所熟悉嘅語言有冇敏銳感覺﹐能否領悟語言文字真實意思以及必然會引起嘅聯想﹐直覺必待厚積薄發，同語文根基息息相關。用塊字去形容臉皮，會令人聯想到塊狀死物，進而聯想到牛皮豬皮，就算句子本身幾有詩意，一個塊字都足以盡廢前功。語感佳者，可以善用詞語刺激聯想，但語感弱者，萬一誤用就會弄巧反拙，呢一點，所有寫作者都應當有所警覺。

另外，「得到的若期望有限期／失去的未重聚已別離／後悔如我遍地」亦係反面教材。遍地呢個詞語其實好有畫面，例如自由民主遍地開花，或者風吹草低牛羊遍地，只要一見遍地，讀者就會聯想到數量之多，發展之盛。但觀照呢句歌詞，遍地嘅理應係後悔，但寫出黎引起嘅聯想就係主人公遍地——大概係因為TVB重播《西遊記》太多，我所諗到嘅係孫悟空大顯神通，一條猴毛落地即可化成千百猴子猴孫之勢，同後悔之情極為矛盾，成個感覺極之滑稽。參考返陳奕迅一首〈黑暗中漫舞〉，其中有一句「猶如自卑水銀瀉地」，當中嘅水銀瀉地，即係水銀流到一地都係，令人聯想到玻璃落地隨之流瀉，一發不可收，非常適合用於形容主人公每每獨自揣摩情人心理之時嘅自卑爆發，同時深化主題，令人可以透過具體比喻去感受主人公單戀嘅卑微渺小。兩相對比，大家就會理解點解後悔遍地係不知所謂，而自卑瀉地則係神來之筆。

順手講埋〈哪裡只得我共你〉之中，為人詬病嘅「我們身邊太多假人／心中太多傷痕」。第一個問題，係陳詠謙點解要寫假人，因為準確而言，呢首歌想傳達嘅係對抗世俗眼光，而主要世俗現象並非虛假；第二個問題，係亂咁簡化為假人二字，又會引起不當聯想，令人諗到CPR練習用公仔，櫥窗display公仔，驅趕雀仔嘅稻草人，甚至消防處嘅任何仁。除非佢係明知到會引起不當聯想都要用，否則明顯又係語感薄弱之過。睇埋「途經幾百萬傷口」同「與外界／未隔絕我共你／能停止呼吸」，我更有理由相信，假人所指，真係CPR練習用公仔阿Anne，而「不掙扎／只緊扣」，亦一定係指緊三角巾同繃帶，成首歌係為聖約翰救傷隊暗中宣傳。

意境係一樣好抽象嘅嘢，而某年書展講座，林夕就曾經講過意境可以分為三種境界，一係山寨，二係自己創造，三係灌注生命同感情。第一種，就係運用約定俗成而又根深蒂固嘅傳統意象，亦即係中學生學習寫作必學嘅大自然景物，諸如星星月亮太陽天地花草，其中若果突然出現現代物品諸如蘋果電腦應用程式芝士拉絲抹茶爆漿，文章就會意境盡失，而陳詠謙明顯係畫虎不成反類犬嘅示範人物。第二種，自己設定，就好似林夕有期好中意用探戈咁，以跳舞相持比喻情愛拉鋸，寫得貼切就可以自成一格，睇返陳詠謙大紅作品，可以話係冇一首做到。第三種，用返林夕自己舉嘅例句，「滿街腳步突然靜了／滿天柏樹突然沒有動搖」之所以有意境，就係因為作者觸覺敏銳，以「滿天」而非「滿街」去寫柏樹，所以就描寫到樹勢之高，從而襯托出主人公獨自流連街頭何其微不足道，而其身影又係何其嘅失魂落魄，得出融情入景而後情景交融嘅效果。當一位做到寫景則情景相生，說理則情理兼備，而另一個則直接將秋與冬寫出黎，其後又再將「只知感覺失了蹤」寫出黎，文學係咪真係一句各有各觀點就可以打發紛爭，聽眾心中自有答案。

4. 百年不合

眾多歌手入面，周柏豪其實同陳詠謙係最夾，而原因係周柏豪畀人嘅觀感本來就冇乜文化，因此陳詠謙嘅詞質樸庸俗而又文句不通，反而非常配合周柏豪形象。以〈百〉為例，其實我聽咗好多次，都唔明何謂「即使今生擱淺／苦等隔世盛宴」。陳詠謙低手之處，就係唔識連用一系列有關比喻去經營意象，生硬插入詞語，但又缺乏前後呼應。見到擱淺，讀者自然會聯想到海洋，聯想到輪船，聯想到鯨豚，但〈百〉偏偏冇一樣嘢係關事。由於人係唔會擱淺，讀者必須自行領會擱淺之意，偏偏陳詠謙又冇建構到完整比喻，寫到不倫不類。參考返麥浚龍嘅〈吃鯨魚的人〉，黃偉文寫得清楚吃鯨魚者為何人，所以吃鯨魚呢個人類根本唔會做得到嘅行為亦好易理解，而「隨時能屠殺／也不必講究良心」中嘅屠殺，亦唔會偏向無關主題嘅多餘聯想例如種族屠殺，落點相對清晰。

然後我地亦可以研究「若未夠赤裸／撫摸到永遠」同「在婚紗中再見」想表達乜嘢。前句之中，赤裸應該係指主人公將自己心聲表露無遺，但對方無動於衷，然而呢點基礎，根本幫唔到讀者去理解到底係邊個撫摸邊個，同埋點解要撫摸，可謂上文不接下理。而後句之中，在婚紗中唔同在婚禮中，到底點樣至可以進入婚紗之中，又係百思不得其解。陳詠謙可能會辯稱呢啲就係創意，同埋寫到明在婚禮中再見就係死板，但達到一定文字鑑賞門檻嘅人，相信會知道咁樣寫絕對唔可行。

講返成個敘事，其實真係撲朔迷離。我至今再聽，都係諗唔明到底主人公同埋對方係情根早種，定係有緣無分。歌詞講到今世「當你想行前一寸／愛下去又發現你／站到一邊」，又講「卻是證實這段愛／沒有起點」即係對方根本唔過電，發展機率近乎零，既然如此，點解主人公會有認定大家係「分開一百年／捱到今生才遇見」？「拉扯著那根線」又到底從何而來？《紅樓夢》之中，曹雪芹一開始就以神話領起，寫賈寶玉係頑石入世，而林黛玉則係絳珠仙草，其後兩人一生糾纏係命運嘅安排，此之所以愛得轟烈，傷得淒苦，但同百年好合正正相反嘅百年不合吹到咁大，去到最尾只係講返某一世嘅小情小愛，未免流於小題大做。

5. 小問題＋3am

AGA嘅〈小問題〉係好聽，但一聽就發現取材好大問題。雖然應付失戀各有各法，喜愛夜蒲放肆買醉都可以係反映現實，但主人公個性之差難逢敵手，我估唔到連詩雅都終於會遇到競爭。「穿起高踭取悅人」同「只記得我新結識那碧眼金髪的氣質」，於我而言，某程度上係物化女性，矮化女性；「只須很悉心的設計／裝飾我這身體」同「只須很瀟灑的破費／修葺我每處枯萎」，刻劃出主人公滿足於物質，只顧外在，形象實在相當廉價。最弊嘅係，首歌完全冇任何自強之寄意，反而係以「我只得這一點智慧」為放浪行為開脫，歌手形象徹底崩壞，MK到無以復加。

而用字方面，「我不要雙眼承受雨季」嘅雨季又係毫無鋪墊就彈出黎，引用返林夕嘅意境論，雨季係老嫗能解嘅傳統意象，要寫唔係唔得，但成首歌冇提過水，冇提過雨，連眼淚都冇提過，突然以雨季去寫哭泣，就係顯得突兀嘅原因。再睇「別這樣干擾我一生」，干擾係同接受訊號有關，如果對方係干擾，主人公應該由頭到尾都係對佢反感，但既然曾經癡心錯付，對方好歹都係過氣情人，要貶損對方，以打擾形容，會比干擾合適。參考返黎明嘅〈我這樣愛你〉，會見到林夕有用覆蓋去寫主人公對情人嘅愛綿密如羅網，而「何時才發現／就算天涯海角／都可能覆蓋」之中嘅覆蓋用得準確之餘，更加迎合到和記廣告行銷要求，一石二鳥，天衣無縫。

而〈3am〉其實一首好難出事嘅歌，事關英文部分都應該係跟返demo，偏偏又畀陳詠謙踢出身價。「如假開心開心開始假得很／倒不攤開這張牌」運用頂真，但又係砌詞搪塞；而「終於真的真的不再有情意」同「 終於真的真的不同行」用詞重複，但真的二字唔係歌詞要旨，因為主人公只係夜半失眠，唔係陷入幻想，分唔清夢境同現實。陳奕迅嘅〈不來也不去〉之中，有「如煙／因給你遞過火／如火／卻也沒融掉我」，林夕嘅頂真係用得其所，因為兩句確有承接。而同樣係陳奕迅嘅〈K歌之王〉之中，有「才令我因你要呼天叫地愛愛愛愛那麼多」，其中嘅愛字四連，有嗌破喉嚨之意，係愛到力竭聲嘶嘅出色詮釋，又係用得啱啱好。

6. 矛盾一生＋揮揮手

JW嘅〈矛〉唱到街知巷聞，控訴對方不知上進，無意結婚，好多人都會引用「矛盾只因深愛著」自況，而我自此至終，都唔明乜叫「跌下來瘡疤」，而「怎會沒決心成家」亦有力問鼎陳詠謙十大缺乏語感排行榜三甲。成家呢個用語從來唔會喺抒情歌入面見到係有原因，事關多元成家、成家立室、立業成家中嘅成家，係新聞用嘅正經用語，一般人談婚論嫁，多數都係講返結婚就算，唔會選用咁沉重嘅字眼。正如我地唔會喺同朋友傾偈嘅時候話「有見及此，我會出席」，或者「多謝你諮詢我意見」，而係會講「你咁講，我就去喇」，或者「多謝你肯聽我意見」，又正如去餐廳嗌嘢食落order，我地會講「I would go for this one」，或者「I would like to take this one」，同自己朋友或者情人講嘢，就算幾咁相敬如賓，多數都係講「I want this one」，頂盡都係講「Can I have this one」，用字係應當有場合之分，身分之別，唔可以隨心亂講，任性亂寫。〈揮〉之中有句「成為寂寞人口／脫去戒指」，所犯同上。

而講到用韻乸西，〈矛〉副歌用死「aa」，以嗎吧為主，輔以架怕疤，亦係佢嘅代表作。雖然林夕曾經話過押韻其實並非必要，只係因為要迎合主流見識至堅持押韻，但用韻會令首歌易記易上口，亦令文本朗讀之時有節奏美，都有合理之處。押韻毋須句句押，隔句押亦得，最重要都係睇旋律頭，但無計可施就求其採用「aa」韻，呢點大概就係師承黃偉文嘅結果。黃偉文所填嘅〈囍帖街〉同〈苦瓜〉雖然都係大熱，但取材新穎，都掩飾唔到其人押韻手法之不足——用助語詞押韻，畢竟係有啲技窮。反觀我個人相當中意嘅〈東京百貨〉，陳少琪喺副歌係用「iu」為韻，填咗照秒少調潮票，詞句曉暢而不落俗套，可謂熟能生巧，自出機杼。

再呼應返AGA首〈小問題〉，其實〈矛〉嘅故事都係不知所謂。空有冤氣對白，缺乏具體劇情，hook line勉強可以漁翁撤網，但副歌完全打動唔到人，此其第一問題。第二問題，就係愛情觀片面膚淺，從未細加探討愛情，更遑論明寫愛情，暗寫人生咁樣去傳道解惑，繼續流行曲社教化之功能。林夕寫情寫理天下無雙，黃偉文偏向市井，都算寫盡失戀苦戀，入心入肺；而周博賢專寫時事，針砭時弊，周耀輝別具詩情，寫歌寫出詩嘅朦朧美，基本上係各有特色，而陳詠謙嘅風格，大概就係攞你命三千式殺人於無形，一聽到就想飛歌轉台——我斗膽封陳詠謙為寫歌界嘅葉念琛，相信冇人會有異議。

7. 姐姐＋活著為求甚麼

李克勤自己都係識寫詞，點解會接受到呢首歌詞，我覺得重驚人過向曼聯送禮。「原來沒有你／但仍愛你／才後悔當天不肯留住你」雖然略嫌肉麻，但出現喺主流情歌其實真係一啲問題都冇。問題係，呢首歌所描述嘅係家傭，主人公對佢抱有嘅應該係感激之情，而唔係愛情，到底點樣至會牽掛到「朝馬尼拉的方向想起你」，視姐姐為「愛的傳奇」？唱到「忍痛／將你淡忘」，我直頭覺得李克勤情深過楊過，根本應該離婚休妻，另娶姐姐。

情節上，呢首歌都有犯駁之處。一般而言，如果僱主僱員關係良好，姐姐離職之後，雙方都會保持聯絡，好少音訊全無。而既然姐姐冇離開過香港，亦即係轉咗僱主，咁主人公又點解會炒佢魷魚？「誰料我路過砵甸乍街／竟找到你」呢種電光火石，好難講得通。我嘗試去消化故事，唯一可以諗到嘅就係主人公情不自禁，苦戀姐姐，家人發現之後執意驅逐姐姐，結果主人公只可以喺姐姐有可能出沒嘅街頭巷尾搜尋對方倩影，重溫舊夢。假如有朝一日李克勤真係轉行呢種路線，講婚姻背後辛酸，講自己同屋企姐姐打得火熱，或者大眾會受落都唔奇。

用字方面，呢首歌最差嘅係「天天飾演乖少艾」，其他都可以放過陳詠謙。話說少艾一詞，語出《孟子》一句「知好色則慕少艾」，解年輕貌美嘅女子都真係好有歷史。而現代人之所以認識少艾，相信都唔係因為讀古書，而係聽得多青春少艾呢個配搭。撇開姐姐點解會以少艾形容呢點唔講，艾本植物，少艾即以艾草正鮮比喻少女亭亭而立，可見少已經係形容緊艾，而乖少艾三字呢個組合，就即係用咗兩個形容詞去寫植物，而乖係唔會拎黎寫植物。即係我地可以話一個老人家老當益壯，如同長青樹，我地唔會話佢襟老長青樹，因為長青已經表達到健康，而且襟老都唔會係要黎形容樹。

順便講埋〈活〉。林夕珠玉在前，黃偉文都有首〈燕尾蝶〉勉強壓卷，陳詠謙挑戰社會議題，無異於引火自焚。「容顏暴露摺痕」所指嘅應該係個樣好老，皺紋暴露老態，又係要聽眾自己諗。「幾個悲哀章節日日重播／天降天災萬民地上縱火」，所指嘅應該都係天災人禍大家有責，但縱火狂徒為何人，又係語焉不詳，除咗令人諗到喜怨無常嘅舊約上帝，都真係冇乜idea。

8. 半祝福＋Gonna be alight

周殷廷其人已經不知所終，但由陳詠謙操刀嘅作品，將會遺臭百年。祝福舊愛，同類歌曲多不勝數，但希望情人「快樂得更明顯」，係咪即係指對方之前都係快樂，但快樂得較為收歛？若果快樂都可以有introvert同extrovert之分，而陳詠謙又真係寫得出，其實確實會好有啟發。副歌致命，在於突然加插槍擊，「如果他真的比我好／別再時時開槍亂掃」，again，敗壞意境。Verse2主人公心態慢慢轉變，講起對方已有新歡，其實都易明，但「你已毫無疑問找到安慰睡眠」呢句又係病句。找到應該係指向人或者物件，虛嘅找到人生方向都得，但睡眠係一種狀態，進入夢鄉可以，但搵睡眠出黎係講唔通。

上承周柏豪歌曲入面大量運用赤裸，陳詠謙又再無緣無故加插情色，好地地一首最後祝福，即刻變到俗不可耐。諗到對方會同新歡有性行為係可以理解，但以「隨便白天纏綿／夜晚裸露別來送我上苦路」白描，就係自亂佈局。〈半〉嘅基調係純情，周殷廷嘅定位亦非大講鹹濕，裸露二字亂入，格調之粗劣，真係不敢恭維。

〈G〉其實都係聽得過嘅歌，風格有啲似林奕匡首〈Good Man〉，但細聽之後又聽到副歌有句「甚麼東西正在變做美好的團體」，不知所云。Verse2有句「青春出於笑容裡／開滿花」，其實都解得通，但第二句「率真出於眼神裡／一句話」嘅嗰句話從何而來，又係毫無預兆，石頭爆出黎咁。好地地一個新人，唱咗首膠歌，然後就萬劫不復，真係不無惋惜。

9. P.S. I Love You＋壯舉

張敬軒係我本人極之欣賞嘅歌手，好彩佢人在英皇而非華納，未來唔似會再有同陳詠謙合作嘅可能。〈P〉其實算係不過不失，但因為林若寧同林夕寫過好歌畀張敬軒，而張敬軒自己早期作品都寫得青澀可愛，陳詠謙嘅歌就相形見絀。故事寫因戰禍而天人相隔其實好清楚，但主人公喺副歌嘅內心戲，可謂不明不白。「忘掉了生死／用愛跟這世界對比」，其實睇唔出邊個死咗抑或係一齊死，但既然係人生無常，話係不可以抱著你，會比「不需要抱著你」更加合理。然後「逾越了生死／當知這份愛從沒禁忌」又係全無鋪墊，因為首歌冇講過呢段感情係禁忌之戀，而為死去情人守節，亦唔係禁忌。「生死難忘／別忘記自己」，驟聽似係一種提醒，提醒自己要好好生活落去，但其實突然筆鋒一轉嘅呢個提醒，同「在雲中禱告／祝福你／繼續飛」係冇衝突，因為主人公由頭到尾都冇話過要殉情。

然後繼續睇Verse2﹐病句又至。「當一切／沒法逃過了劇震」，既然係逃唔過，點解又會用個了字？「誰在瓦礫中獻吻／講永別卻那麼接近」，卻前卻後轉折不清，卻字無法理解。「捉不緊的有太多／這一雙手在提示我／時辰到／人如初」，呢雙咁重要嘅手又係突然出現，極其量只可以話佢上接Verse 1之中「硝煙裡／讓我除去了面罩」嘅手，但有冇必要用雙手除，聽眾不妨存疑。快飛去結尾，「珍惜這份愛才是勝利」換成粵語，就應該係「珍惜呢份愛先係叫贏」，然而本身主人公未有誤解勝利定義，因此亦冇要糾正嘅地方，陳詠謙想用才是二字帶出乜嘢訊息，我都依然未悟到。

另外亦必須要討論〈壯〉，畢竟呢首可以話係陳詠謙眾多作品之中最言之有物嘅一首。我地都知道所有創作者喺寫自己最熟悉嘅題材往往係寫得最入肉，林夕寫苦戀寫到出神入化，黃偉文寫同志戀情別出心裁，都係因為有親身經歷，所以緣事而發，份外有感。意淫其實冇問題，樂而不淫，無傷大雅即可，而陳詠謙擅寫不顧後果嘅價值觀，就寫出咗吳雨霏嘅〈告白〉同陳奕迅嘅〈碌卡〉兩首佳作，係要欣賞。然而我地必須思考嘅係，一個填詞人只寫得好呢種缺乏深度同修養嘅歌詞，可唔可以稱為最佳填詞人。無可否認，黃霑林振強林夕等人確實係一下子將平均數扯得太高，令到後來者好難超越，但文從字順，詞有所指，應該係最低標準，如果連咁都做唔到，直接出demo派台instead of固守曲詞俱全嘅舊例，可能至係更佳出路。

10. 給兒子的信

唔少為陳詠謙平反嘅人都話呢首寫得好，以此作結，真係最好不過。一般人一定先入為主，覺得寫畀自己親生仔，點計係誠意之作，冇理由鳩寫，但陳詠謙不負眾望，又一次成功鳩寫，本色出演，繼續陳詠謙獨樹一幟嘅意思含糊，言不及義。「成年路太遠你學識怨命／所以任性／難受但我會繼續供應」，唔知佢供應啲乜，照計係愛，但真係讀者估，唔係作者寫；「若我有天跛了／你戴上我的眼睛」驟聽好有意境，其實唔知戴上父母嘅眼睛為乜——靠後生傳承自己人生經驗，唔使等老咗至做；代爸爸去環遊世界，亦冇理由用返爸爸對眼；陀住爸爸一對眼球出遊，反而顯現到少少心意，但又不切實際，背離常理，總之點講都唔通。

再睇「如果天地狠狠的將一切理想／破滅了」又係反面教材，大家千祈唔好有樣學樣。破滅，常用於理想或者幻想破滅，此中破滅非關外力，只可以係自體消亡，如果想話理想破滅係外力迫成，簡單可以用消滅用殺掉，靚啲可以用扼殺用磨蝕。雖然語言潮流時刻變動，我地唔可以一味泥古，但將某物破滅呢種寫法，如無意外，過多一百年應該都唔會獲得學界同世俗認受。用呢句病句做副歌第一句，有人話一聽就無名火起，呢種反應真係合理不過。

宏觀睇返成首歌，主人公到底抱持點樣嘅心態育兒，我亦甚為不解。佢有話「還是流我的血／你別忘掉」，提醒對方記得有自己嘅支持，亦有話「是我對不起你」同「可以恨我」，承認自己生仔出於自私，似乎有盡力善待同保護小朋友去盡力彌補之意，但再睇「我對你好／不須答謝我」，又主動提起自己嘅好，提起完又話「不須答謝我」，聽完只覺呢個爸爸暗啞底想要人知恩報恩，但又唔敢直講，扭擰造作。更加得意嘅係，呢個爸爸一直都流露無限愛意，又講到唔介意小朋友失敗，只求佢開開心心，但又忽然狠心咁話「註定某日我將拋棄你於荒野」，到底係因何而生嘅轉折？拋棄本身暗含主動之意，字面意思只可以解讀為主人公主動為之，但呢個爸爸愛心爆棚，應該係對親兒不捨不棄至係，點解會註定拋棄親兒？如果佢想講嘅係人世間自有規律，迫到父母不得不拋棄子女，咁就一定要講得清清楚楚，否則就好難呼應其後嗰句「你永遠有一種愛／從未缺少」。概而言之，呢封信真係好深奧，除非佢身體力行去抵制香港政府強制十二年義務教育，用自己一套中文去教仔，否則佢個小朋友未來都好難聽得明佢想表達啲乜。

總結

時間有限，每首只可以點評少少，但不知不覺，都寫咗六七個鐘。我試過填詞，知道填詞唔易，但自知之明，理應人皆有之。我相信大多數人都係不滿佢「我叻仔我可以肥」嘅招積，不滿蜀中無大將，而廖化竟自以為曹操。我個人偏好林夕，上文信手拈來例子大多以佢作品為主，希望大家體諒。最後衷心希望呢個寫得相當簡單嘅分析，算係勉強整理得到大家嘅見解，我知「殘忍只須一棍」同衛蘭都好恐怖，但考慮到其中問題同以上例子大體相似，在此不贅。辭多歉甚，如有補充賜正，歡迎切磋交流。

https://gnimmm.com/2018/11/25/smartfatchan/

易入口。

http://m3.hkgolden.com/view.aspx?message=6250776&type=CA
拘捕注意事項（詳盡版）
畀少少時間我 12/2/2016 3:16
光復行動注意事項（唔睇唔好出嚟行）

前言︰
　　小弟係一五年光復元朗入面被拉嘅一個。下面講嘅嘢，係結合自己同被捕者經歷嘅小小總結。旺角一役之後，每個出黎嘅人，就算係路經都好，都有可能被捕，希望大家認識下被捕嘅流程同權利。

　　任何示威已經被港共定性為暴動，差佬會用盡一切方法打壓，每個參與嘅人都要有心理準備會被拉。因為差佬會用任何方式任何理由去拘捕，無一倖免，所以決定出門前，做好準備。有所得必有所失，出得門就要有流血嘅覺悟。

　　經過光復元朗係後，所有抗爭行動中被捕人士，都極有可能羈留你兩晚，然後直接上庭。差佬目的唔係要你坐監，因為好可能告唔入，而係要殺雞警猴，增加行動者嘅成本，從而帶嚟阻嚇。好似我咁，第二次上庭就話唔夠證據，撤銷控罪。就算係「暴動罪」都好，無案例無參考，點判都未知。但你去得，就要預左被拉，拉得，就預左坐四十八個鐘。所以我好想話你知，拉前拉後，你有咩要做。

　　以下，係假設再有騷亂，差佬會大搜捕嘅情況。
畀少少時間我 12/2/2016 3:17
事前︰

1. 交低個人資料
事先同熟人講低個人資料，中英文全名，身份證號碼，年齡，確保大家都知道對方嘅資料，出事都可以第一時間搵律師協助。

2. 朋友同行
必須要有朋友同行，被捕後，朋友可以搵律師幫你。而大家都要攞住相機或電話，隨時準備拍攝。萬一被拉，朋友拍攝嘅片段，將會係你他日上庭嘅重要證供。大家都有睇好多案例，襲警極易入罪，如果無片，上到法庭個官唔會信差佬講大話，而只會信你襲警。

3. 滙報行蹤
假設你真係毒到一個朋友都無，要單拖出去。都請你一定，係一撚定，要話定畀朋友聽你去左光復，如果幾點幾點搵你唔到，就聯絡律師搵你。同時你要交低埋你中英文全名、年齡同身份證號碼畀佢。上網會搵到義務律師，無論本土泛民熱血左膠都有相熟義務師，要搵就實有。穩陣起見，你自己都背埋啲義務律師電話，需要時可以用。如果一個人出到去，唔該即刻搵隊友同行，如果一個隊友都搵唔到，請你即刻離開，唔好戇鳩鳩一個人走黎走去。

4. 行裝
危險性攻擊性物品唔好帶喺身，包括萬用刀、火機、鉸剪同cutter、一個唔好彩搜到你有，就係「藏有攻擊性物品」。唔好用八達通，銀包袋定一千幾百或者銀行卡，到時保釋用。

畀少少時間我 12/2/2016 3:17
5. 電話
用太空卡，加一部平時無用嘅電話。而本身用開部電話，開着佢放喺屋企，而且要加密上鎖，設定撞十次會洗晒啲資料。裏面有嘅政治群組全部要刪除對話紀錄。另外，無一個通訊軟件安全，就算telegram都好，真係要傾敏感嘢，唔好用電話傾。

6. 送飯
同你朋友講定，邊個被捕，係朋友嘅一定要送飯入嚟。其實，差館啲飯又唔係話好難食嘅……不過係好撚難食啫！全部係上欄廚餘，啲飯會用汁整到勁淋勁濕，如果你唔係好好好撚肚餓，你係唔會食得落。雖然食唔食飯都無咩重要，但嗰一刻，一口食得落嘅熱飯，會係好實在嘅支持。喺呢道，好多謝喺倉入面將佢半個飯盒分畀我食嘅嗰位朋友，嗰一下，真係滾動到喊。我敢講，嗰啖飯係我食個有史以黎最好味嘅。

7. 衣物
口罩係基本，戴左先出門，唔好去到現場先戴。再安全啲，着件有帽嘅褸，配多條頭巾（通常單車鋪有得買）。帶多件褸，離開現場後着，之後將原本出街嗰套衫衫褲褲丟左佢，所以盡量揀啲平時唔着嘅衫出門。

8. Hard disk加密
詳情睇呢個〈香港城邦政府資訊科技部：社運行動者IT基本功 視窗環境下如何加密硬碟　確保資訊安全〉http://www.vjmedia.com.hk/articles/2015/03/18/102135/
畀少少時間我 12/2/2016 3:17
被捕現場︰
1. 掙扎反抗
如果只係一個撳住你，嘗試下有無逃走嘅可能。如果被幾個撳住無得走，咁就唔好掙扎，因為有可能會告你拒捕或襲警。

2. 大聲宣佈拘捕理由
拉得你，現場一定會哄動，一定會有傳媒影住。呢個時候，唔好怕醜，要大大聲聲話畀鏡頭知差佬以咩理拘捕你。最好嘅話，講埋拘捕你嘅情況，例如上次有個女仔無端端被差佬撳低，成面爆晒血，畀班狗話襲警。咁樣係要畀社會同輿論去咬住差佬，要佢地解釋發生緊咩事。如果聽到話帶你去邊間差館嘅，咁就大聲講埋畀周圍嘅人聽。

3. 電子裝置
可行嘅話，咁好彩無落你孖葉，偷偷地丟鳩晒啲電話相機。
畀少少時間我 12/2/2016 3:18
上門被捕︰
1. 協助調查
隔住度閘問佢警員編號，案件編號（RN Number），問佢做乜事，如果佢係話「協助調查」，咁你可以唔理佢，拒絕協助。

2. 拘捕
如果佢話「拘捕」，問佢有無搜查令，因為無嘅話佢唔可以入屋攞證物。有嘅話，隨住道閘慢慢檢查，睇清楚所有資料正唔正確。

3. 閂門
檢查完後，話要打畀律師同換衫先，閂門，即刻毀滅電話同電腦hard disk。

4. 出門
真係要出嘅話，洗個面，換件衫，帶多兩件褸。如果本身有食開藥，咁就袋埋，仲有醫生卡或公立醫院醫生紙。出到去同佢講，我要飽肚食藥，無藥同有咩頭暈身慶，就要去醫院攞。咁樣可以避免佢地狂砌你。

5. 屋企無人
如果有太多嘢要銷毀，直情唔好應門，佢地無咁大意欲爆門，三十分鐘左右就走人。走之後即刻銷毀資料。

畀少少時間我 12/2/2016 3:18
警車︰
1. 求醫驗傷
上到警車，即刻同個差佬講話你要驗傷，要去醫院。一嚟喺保護自己，入差館前有個紀錄，證明你完好無缺，萬一入到去被打，都有得指證。二嚟係增加差佬行政成本，佢地都預得留你四十八個鐘，我地就玩到盡。一條友去驗傷，佢最少要派兩個差佬陪你三個鐘，又要警車接送，事前事後仲要準備好多文件。

2. 問話
上到車，差佬會即刻問你嘢，基本上，除左姓名、住址同電話之外，你咩都可以唔答（包括職業）。不過，又無話一定唔可以講嘢，但一牽涉到政治議題立場同遊行示威情況，你就要即刻收口。當然，如果你分唔到咩講得咩唔講得，咁安全起見咪咩都唔好講。

3. 毒打
有心理準備，會被狗毒打。忍左佢，落車即刻驗傷。

4. 電話解鎖
屌你老母，如果你咁戇鳩無用太空卡無用新電話，而被差佬攞到部舊機。差佬會叫你解鎖，話要熄左部電話佢。你可以嘗試亂鳩咁撳，亂入密碼鎖自己機，或者你答佢︰「屌，仲好講，唔記得左喇，頭先畀你地幾十個人圍埋嚟，嚇到乜撚嘢都唔記得左呀仆街。」
畀少少時間我 12/2/2016 3:18
差館︰
　　入到差館有好撚多嘢要簽，可能簽嘅嘢會多過我以下寫嘅，因為我都唔記得晒，最好乜撚都唔簽，但基於壓力下或者會屈服，但無論咩都好，簽之前一定要每粒字睇清楚，包括中文英文，而牽涉到案情嘅，就千祈千祈一撚定一撚定唔好簽。
　　基於你唔合作，乜屄都唔講，一開波會有好多差佬輪住嚟屌鳩你，當屌完一輪之後，又會有條粉皮好聲好氣扮知己，問你發生咩事，話你唔出聲佢地幫你唔到。如是者，好彩就一次，唔好彩就三四次（好似我咁），不停重重重覆，屌完你又氹，氹完你又屌咁，你不為所動就得架喇。（我搞笑啲，差館人手有限，屌我同氹我嗰個係同一條友33997，我望住佢真係笑左出嚟，好撚驚佢精神分裂。）
　　記住啦，出得嚟行預左要還，入得差館就要付代價。唔好話屌你，就算打鳩你都要照食，如果你堅持唔到簽撚左佢啲濕鳩證供，咁耶穌都幫你唔到。驚嘅，唸下文天祥首正氣歌啦，「天地有正氣，差佬仆街死」。
　　如果你真係簽左份口供，唔理戇鳩又好自然又好，兩日後上到庭，記住同律師講，你係被威逼之下簽嘅，因為你真誠相信，如果你唔簽會畀差佬毒打，差佬亦出言恐嚇話會用盡一切方法令我簽。假設法官相信你係基於保障生命為由而簽口供，咁份口供有機會無效。但記住，一定要一上庭就提出。
畀少少時間我 12/2/2016 3:18
1. 被捕須知
第一張係被捕須知，裏面會講你已經被捕，你同時會有啲咩權利（有啲咩權利我陣間講）。

2. 搜身須知
呢張嘢會同你講你將會被搜身，入面會寫埋搜身嘅方式，使唔使除衫除褲。而好多年前判左差佬違反人權，而家搜身係唔須要除衫除褲，所以，記住，如果張搜身須知剔左「除衫搜查」嗰欄，一定唔可以簽。而就算你無簽嘢，搜身嗰陣佢都有可能話要你除，你話張嘢無寫，唔撚好理佢。（上星期有個中學生，因為咩都唔知，被差佬除底褲搜身，屌佢老母。）差佬堅持嘅話，你就話要等律師在場先。

3. 被捕經過／警員紀錄簿
呢到好撚緊要，你成版唔睇都得，但呢個一定要睇。你鳩坐等搜身嘅時候，拉你嗰隻狗就會笑笑口走埋嚟，同你講佢會補錄返拘捕你嘅經過，問你明唔明白。佢就會開始鳩寫，寫完之後會向你鳩嗡返次，叫你寫段「我明白及同意上述口供……」，再叫你簽名。而內容百份之一百二十係無中生有，即係屈鳩你。（好似我嗰份咁，最少有兩個自相矛盾位。）首先，呢份唔撚係正式口供（正式口供都唔撚會簽，你要我簽呢份濕鳩嘢？），你唔需要簽。再者，呢份嘢係用嚟屈鳩你，你簽左即係認左佢嘅指控，所以點撚樣都唔簽得。

而你堅持唔簽之後，佢會搵上一級（通常係沙展）做counter sign，簽完之後會再畀你睇。記住，就算你無簽，但你都有權問佢攞份副本，而我唔係同你講你有權利，而係叫你一定要攞，幫你上庭指證返差佬作口供。

4. 搜身
唔使除衫，記住！如果期間被侵犯，記得時間同搜查者嘅編號，同律師講。

5. 證物入袋
呢個步驟最撚麻煩，佢會逐件逐件將你個袋啲嘢拆開嚟睇，之後入證物袋。過程中，差佬見到啲特別嘢，佢會問你點解會喺身，帶過嚟做乜。都係啦，唔撚好理佢。佢會叫你除晒身上面有嘅繩，包括褲頭帶同皮帶。如果你跟足我講，你個袋應該會有多件褸，同差佬講攞埋出黎，畀你喺臭格嘅時候着，臭格好撚凍。

6. 入臨時羈留室
搞掂晒之後，入臨時羈留室，有眼鏡嘅會被佢收撚埋，話驚你自殺喎。你試下同佢講，話你無眼鏡會好撚頭暈，如果你好彩，個差佬未必會收你眼鏡。入到去，會係短暫放鬆嘅地方，因為一間羈留室應該有六至七個戰友，呢個時候大家可以吹下水。但唔好吹案情或做賽後檢討，因為
畀少少時間我 12/2/2016 3:19
6. 入臨時羈留室
搞掂晒之後，入臨時羈留室，有眼鏡嘅會被佢收撚埋，話驚你自殺喎。你試下同佢講，話你無眼鏡會好撚頭暈，如果你好彩，個差佬未必會收你眼鏡。入到去，會係短暫放鬆嘅地方，因為一間羈留室應該有六至七個戰友，呢個時候大家可以吹下水。但唔好吹案情或做賽後檢討，因為差佬可能偷聽，甚至可以作為呈堂證供。

畀少少時間我 12/2/2016 3:19
7. 權利
呢樣嘢又好撚緊要，老實嚟講，差館入面嘅任何權利都係要自己爭取返嚟，爭取嘅方式就係煩鳩住佢。

你可以去醫院睇醫生、攞紙攞筆寫嘢（包括寫低同倉兄弟嘅聯絡資料同律師電話）、飲水、食三餐、打電話畀律師（不限次數）、打電話畀屋企人（不限次數），但全部嘢你開到聲，差佬都會話「安排緊，等陣先」，你唔使同佢拗，話你有乜乜乜乜權，點解你唔畀我。你只需要隔五分鐘十分鐘出一出聲煩鳩住佢就得，如果咁啱有大粒嘢經過，例如當值官，你最好即刻出聲。之後個白衫會望撚住個藍衫，心入面諗「屌你老母，少少嘢都要煩鳩住我」。

8. 搵律師
如果你朋友夠老死，應該聯絡左律師，但出面可能無人知你邊間差館。所以你最好一有機會就煩鳩住啲差佬，話要打電話畀屋企人同律師（當然咁你到時打畀邊個佢唔鳩知），再同出面講你喺邊間差館，等律師聯絡你。

而萬一無人幫你安排律師，咁你就要自己搵。所以一開波就叫你背左律師電話佢，入到差館就打畀律師。差佬都會畀份律師名冊你，你可以試下求鳩其點指兵兵點個名。

另一個方法，同倉嘅人都會陸陸逐逐有律師會見佢，你地睇下邊個人無律師，捱義氣幫佢同自己律師講。當日，我個倉有位巴打，背左五個人嘅中英文全名加身份證號碼去同律師講，好感激佢，而當中有一個中學生，本身真係無人知佢被差佬拉左。總之，到時大家守望相助，入黎嚟就係兄弟。

9. 羈留室
羈留室即係臭格，同監獄風雲見到啲監倉差唔多啦，有幾張石屎床，後面有踎廁。都無乜特別，臭又唔係話好臭，係好撚凍啫。你係有權問佢攞毛毯嘅，不過都係嗰招，要煩鳩住佢。同埋啲毛毯好撚臭好撚多菌，無，唔係叫你唔要，畀個心理準備你啫。而你係可以要求沖涼嘅，如果要爆石，亦可以同差佬要求去其他廁所，佢地基於衛生，都唔會想你喺臭格痾。
畀少少時間我 12/2/2016 3:19
10. 落口供
情況同啱啱入差館嗰陣，叫你簽嗰張口供紙差唔多。但今次應該會係CID同反黑，佢地雖然都係用嗰招，軟硬兼施，黑白雙煞。不過，兇嗰個會兇好撚多，溫柔嗰個又會溫柔好撚多。記住，呢個階段，乜撚嘢都唔好簽。佢會同你分析案情，話你都好無辜，又話你要肯講出嚟，佢地先睇到係咪同事誤會左你；又會話脆脆地認左佢，守行為搞掂，案底都唔使留。唔好同佢爭辯或者討論案情，佢問你乜，你答佢「我無嘢講」，最後問佢攞返張口供紙。佢好可能會唔畀，你回應話你會同律師講。入到去，「同律師講」，係僅有可以起阻嚇作用嘅工具。

視乎返對家派啲咩人，如果好聲好氣嘅，咁你同佢好來好去，話「我無嘢講」，快快手手搞掂佢。但如果佢一開波都兇鳩你甚至打鳩你，咁玩盡嘅，反正都係要捱。你可以選擇用英文日文各國語言落口供，或者將你中學背嘅所有詩文背晒出黎，再唔係求撚其吹啲故仔出黎，你講幾多佢都要寫，到最後，等佢寫完，同佢講唔簽！

佢亦都可能要求你自己寫或攝錄口供，可以拒絕。

呢個過程我覺得好撚難捱，我當時係好撚驚，好驚佢會打鳩我。因為大家都知，入左差館，佢地真係做乜都得。而經過旺角一役，可以話一定打鑊金。我當時諗起好多嘢，「出得嚟行，預左要還」、「怯，你就輸成世」、「申冤在上帝，審判也在上帝」。呢啲，叫信念，叫正義，班狗無嘅。

11. 扮可憐
有過來人話扮可憐，流下眼淚，有啲差佬會因為咁而心軟，唔落咁重手。如果你交到戲，試下無妨。

12. 檢控書
搞掂之後會帶你去打指模同影相，最後會畀份檢控書你，寫明你因為咩事被拉，亦會有簡單案情（差佬版本）。佢會問你有無補充，你答佢「我無嘢講」，如果你無簽份口供，咁呢份嘢佢都唔會迫你簽。
畀少少時間我 12/2/2016 3:20
13. 上門搜查
有可能差佬要求上門搜證物，睇清楚佢地有無攞法庭搜查令，而搜查令嘅地址係咪絕對準確。假設寫錯左任何一個字母，張搜查令都係無效，你有權要求佢再申請過張新嘅。佢好可能無搜查令，會話點都係要上你屋企，如果等搜查令，咁就要留你耐啲，要坐多日先上庭，但事實佢係坤鳩你，法例寫明四十八小時以內，差佬一定要帶疑犯上庭，一係就畀佢保釋。如果點都係留咁耐，咁就同佢玩到盡。

上去之前，問清楚佢要搜查啲乜嘢資料，如果上到屋企，佢拎走啲唔關事嘅嘢，可以出聲阻止，要求解釋取證原因。

14. 警署保釋
有可能四十八個鐘內放你，要求你交保釋金，一開始會係五百，到時就拒絕唔交，咁佢會慢慢降，到最後一蚊都唔好交。因為交左即係接受保釋條件，要定期到警署報到，好撚煩。如果佢決定畀你保釋，即係無心即刻過堂，咁最後你一定可以無條件走。佢會話你唔畀錢保釋，會即刻拉你，咁你咪話由佢拉囉，都係嗰句，畀得你保釋就唔會預第日拉你上庭。
畀少少時間我 12/2/2016 3:20
法庭︰
1. 當值律師
過堂前會安排當值律師見你，佢會同你交待你嘅控罪同案情。如果你喺差佬受到任何不文對待，咁就向佢投訴，作用係紀錄低，有助日後官司。如果你咁撚戇鳩簽左張口供紙，容我再一次屌撚柒你，記住話你係覺得「生命安全受威脅」而簽，唔係自願。

2. 過堂
主控官講案情，問你清唔啨楚控罪，你答「清楚」就可以，毋須答辯，唔好喺呢個時候「認罪」。

3. 法庭保釋
一般黎講，法庭都會批准保釋，但會有附帶條件，例如保釋金、禁足令或者警署報到，如果保釋條件太唔合理，係可以反對或通過律師反對。亦有可能唔畀保釋，會即時入羈留所，但亦可以向高等法院上訴，律師會同你傾。

4. 離開
門口會有好多記者捕住，唔想見樣嘅話，着好防護裝備先出去，相信亦會有好多兄弟喺法院門口幫你開路。

畀少少時間我 12/2/2016 3:21
保釋後︰

　　睇返自己控罪係乜，上網搵返當日啲片，搵到合用嘅話，記得問返原拍片者，確定片段係無修剪版先可以上庭。如果你無任何政治組織，咁就要搵佢地幫你手去請律師。本民前個銀行戶口呢兩日過晒轉帳限額，可以見到肯出錢幫行動者嘅人多不勝數，唔好怯，唔好自己一個面對，唔好用法援署啲律師！

　　附上《警隊通例》入面，有關被拘留人士權利嘅文件，以供參考。http://www.police.gov.hk/info/doc/pgo/sc/Cpgo049.pdf

　　最後，沙展33997，散仔13091劉偉強，我屌你老母。

by 賽德克
fb page: https://www.facebook.com/Seediq-%E8%B3%BD%E5%BE%B7%E5%85%8B-203653226649010/