荔枝角黃店💛工廈特色車仔麵 平時好少食車仔麵，最近依間位於工廈巷仔入面的小店好多人讚~ 湯底有豬骨湯、素湯、特濃茄湯、冬蔭功揀，車仔餸都有好多款式，每日有一款是日推介配料🦑 店家鼓勵掃QR code或者上網預先落單，線上落單有9折優惠~ 預先揀好食物，到時間就俾錢，好方便。老闆娘見我第一次幫襯，都俾咗discount我😝 店面看似得外賣，其實轉彎有堂食座位㗎 俾完錢就會帶你入去坐，用餐區以乾花佈置，簡潔得來帶點文青風😂 仲有口罩套、消毒搓手液提供👍 不過冷氣太大，搞到d嘢食好快凍，咁凍天時應該開暖氣囉🥲 _______________________________ 自選車仔麵 (三餸起) Price: $58->九折$52 🍅秘坊特濃蕃茄湯＋泰國綠豆粉絲 🐷豬軟骨、辣魷魚、蘑菇雞卷(是日推介) 🌶Free Toppings: 麻辣醬、秘製辣菜脯、辣蝦粉、炸蒜 ☕凍咖啡 (+$3) 整體超惹味，蕃茄湯用上鮮茄熬成，濃到好似茄醬咁，酸甜並重，好開胃! 😋 綠豆粉絲要特登加$3轉配，不過依3蚊真係值俾嘅，粉絲好爽口，嗦晒d湯汁又真係好好食! 可能加咗辣蝦粉、炸蒜，少少麻辣醬，又酸又辣，頗有泰式風味! 辣菜脯爽脆香辣，都係一定要加! 😜 配料方面🥢 ◇豬軟骨炆得軟嫩，軟骨爽脆易入口👍 不過$12得兩細件，唔多夠喉🤨 ◇辣魷魚好爽口，可能湯底太濃味，令到辣汁味道唔突出，可以skip~ ◇蘑菇雞卷$15一客三件，雞肉釀有蘑菇和紅蘿蔔粒，雞皮用火槍輕輕燒過🍗 老闆娘話用咗燒汁去整，所以食落微甜，又唔會遮蓋雞肉原味，肉質頗滑，個人覺得可以try try啊😉 #秘坊 地址：荔枝角青山道588-592號永盛工業大廈地下3號舖 (近荔枝角站B1出口 營業時間： 星期一至六8:00-18:00 線上點餐：https://order-king.com/m/1237 View More Here #yantung荔枝角

今日食乜好？想食得健康但屋企又無煮飯？ #漁川米線 荃灣沙咀道317號地下 繼早前post過的魚湯專門店，今日發現荃灣再有一家魚湯隱世小店！ 🐟招牌的純正鮮魚湯👉絕不含味精 「由大廚精選多稱鮮魚: 木棉魚、九棍、牛秋魚、梳蘿魚、紅衫魚、金華火腿及鮮豬骨精心熬製四個多小時而成」 見到店內貼有報章雜誌的介紹，光看圖文已經好吸引！到麵線上枱時，湯呈奶白色，就急不及待要先喝一口湯☺️ 魚湯果然是鎮店之寶，奶白色的魚湯鮮甜味美，味道比 #魚鱻 更為濃味，好喝，最後喝至一滴不剩後也沒有感到口渴，令我確信無味精的事實👍 三文魚扒很具份量，兩面煎香，香口惹味，獨有的魚油脂甘香無比，確是不錯😋 除三文魚扒外，更有「原條黃腳𩶘」「原條黃花魚」「原條馬友」「原條大眼雞」可選！😱原條魚上枱，通通$48，認真夠霸氣！😂🐟 怕麻煩不愛吐魚骨的朋友也不用擔心，因為配餸的選擇多不勝數，肉類菜類丸類等等，相信一定可以滿足到妳！ . 「 #無味精 」三字，對於所有忙碌的現代人來說確真是難得，人人都開始追求食得健康，但其實「家」正正是妳的「#有營食肆」 . 今晚，回家喝碗湯吧！ #justfor荃灣