Let’s go virtual 😎🏆🥇 【JHc日本健康研究所 x Mr.Velo 陸上兩項鐵人賽】Virtual Duathlon 🚴🏽‍♀️🏃🏽‍♀️🚴🏽‍♀️💦 疫情嘅關係令到virtual sport融入左好多專業同埋業餘運動員既世界，大家唔使碰面，網上嘅虛擬世界就可以約埋練習/比賽🖥🎥🏊🏼‍♀️🚴🏽‍♀️🏃🏽‍♀️起初我都好抗拒咁嘅運動模式，但無可否認宜家既運動科技產品同埋網上平台的確令到我上咗癮🙊 上年睇完幾場結合virtual模式既Superleague Triathlon，一直都好想試下，今次終於有機會啦！😱 喺香港第一次舉辦嘅虛擬鐵人賽，好有心機既搞手，比大家可以喺真實計時情況下用trainer🚴🏽‍♀️treadmill同埋跑步功率計🏃🏽‍♀️去完成指定距離，原來真係好辛苦㗎！係久違了三鐵轉項既腳軟感覺！😁 宜家透過唔同嘅運動數據喺虛擬世界入面其實都可以比到好真實既運動感覺，大家都不防接觸一下虛擬實境既運動平台啦！😙🤜🏽🤛🏽 Ps. 感謝我的MTR隊友出盡🍼力贏得巨額獎金打邊爐😎 Organiser: @mr.velo @jhcjapan @ferrobike 大會指定器材： #WahooKickrBike #Stryd跑步功率計 ___________________________ #Triathlon #VirtualRace #VirtualWorld #VirtualTriathlon #MixedTeamRelay

今屆奧運，真係好特別！ 爭一分，就代表你贏梗？ 張家朗話你知：再褪唔係辦法，我要搶返個主動！ 結果，香港歷史上第二面金牌，劍擊史上第一面金牌 香港游水，點夠人游呀？ 何詩蓓話你知：鬥後勁我唔夠你嚟，我就快你一步游甩咗先！ 結果，100米同200米自由泳雙料銀牌，香港第一人 34歲啦喎，夠唔夠後生仔踩呀？ 李慧詩話你知：我無諗過！我又唔係去選港姐！ 結果，香港競速賽史上第一面銅牌，事隔9年後嘅第二個銅牌！ 空手道今年新搞，得唔得嘎？ 劉慕裳話你知：我斷六親不斷修行，為嘅就係呢個唯一時刻！ 結果，第一屆嘅銅牌得主，亦可能係最後一屆 香港乒乓波，X，無咩料到姐？ 三個土炮女乒話你知：只要相信，奇蹟就可能發生！ 結果，女子團體賽銅牌，李一啲都唔靜嘅教練激動到扯爛口罩！ 羽毛球混雙左手配，歷史性殺入四強 女子重劍陽光少女，歷史性殺入八強 三項鐵人盛氣男子，突破香港史上佳績 一百米游泳小鮮肉，即破個人最佳成績 當然，都有人因為一件衫，躋身唔到更高階段嘅比賽 亦有人當初誇下海口，而家就不斷畀人哋催快啲找數 所以，今屆奧運真係好特別！ 25年前，1996年，「風之后」李麗珊話：香港運動員唔係垃圾！ 25年後，2021年，香港運動員話：我哋真係唔係垃圾！ 25年嘅時間，創造咗1金2銀3銅嘅最佳成績 就咁睇，好叻咩？ 無錯，我哋未去到好叻，但係絕對有驚喜 更何況，叻唔叻有幾緊要？ 有人因為自己表現唔好，喊晒咁同香港人講：我哋已經盡力啦！ 見到呢個畫面，叻唔叻真係咁重要？ 有人因為最後一屆奧運，淌流眼淚同香港人講：係有啲可惜！ 見到呢個畫面，叻唔叻真係咁重要？ 有人第一次參加奧運，輸咗仲同香港人講：下次我會再做好啲！ 見到呢個畫面，叻唔叻真係咁重要？ 以往可能大家覺得，香港參加奧運，算吧啦！ 但係，呢班運動員今屆出盡奶力嘅表現，有啲忍住痛都仲撐落去 講到呢到，攞唔攞到牌真係咁重要？ 運動競技唔淨止係勝負攞牌咁簡單 大家準備咗四年（今屆係五年）嘅功夫同努力 喺呢個國際大舞台，全力表現出嚟 贏咗，攞到牌，當然值得高興，值得歡呼 輸咗，攞唔到牌，亦唔需要太氣餒！ 仲有得繼續比賽嘅，下次再嚟過，要信自己一定得 無機會繼續比賽嘅，固然相當可惜 但長江後浪推前浪，你哋大半生嘅努力，其實無浪費到 上一代嘅努力，下一代去承傳 Olympic game係一個game，係一個遊戲 無絕對嘅贏梗，亦無絕對嘅輸梗 有人會因為輸咗呢個遊戲而沮喪 但係，最緊要有努力過，搏盡無悔 無錯，呢個，係運動競技其中一個引人入勝嘅地方！ 當然，比賽第二、友誼第一 見到選手喺勝負以後互相安慰、甚至大讚對方 擊掌鼓勵、交換波衫、扶起對方跑埋佢、一齊揮旗慶祝 呢個，更係運動競技咁動人嘅地方 「輸咗比賽，快點滾出去」？ 傻啦，真正嘅香港人唔係勝利球迷，唔會咁玻璃心嘅！ 「辛苦你哋啦！歡迎你哋番嚟呀！」 疫情來襲，加上近年社會好多唔公義嘅事發生 香港人真係好攰，好唔開心 喺呢個奧運，你哋令我哋暫時有得喘息 可以逼爆商場、企滿全部樓層 翻緊工嘅，會靜靜雞攞手機睇 好多運動員都話：今年估唔到有咁多人支持我哋 老實講，我都估唔到咁癲 可能係因為你哋，畀我哋睇到希望 你哋話畀香港人知：我哋真係做得到嘎！ 因為堅持，先有希望！ 因為相信，先有奇蹟！ 你哋嘅表現，已經團結到好多香港人！ 你哋嘅表現，好多香港人感到好自豪！ 攞唔到獎牌嘅，要繼續努力 攞到獎牌嘅，就要更加努力！ 因為「天外有天，人外有人」 世界咁大，你唔進步，總有人會超越到你嘎！ 同埋「見到幸福要夠膽攞」 無錯，放膽啲挑戰，你哋會有更多得著嘎！ 不過，運動員之外，我哋都要努力！ 奧運過後，瞓醒覺起身，就唔好當無咗件事啊！ 全力嘅支持佢哋，積極嘅參與多啲體育運動 呢樣相信係對佢哋最大嘅回禮！ 今屆奧運，真係好特別！ 因為，有你哋42位香港運動代表！ 多謝你哋！真係好多謝你哋 嚟緊仲有殘奧代表出戰 香港人，記得都要落力支持呀！ 香港，加油！ #贏我哋陪你君臨天下 #輸我哋陪你東山再起 #香港加油 - 文章獲授權轉載自Eric Yoo 更多謝所有參賽運動員

【 東京奧運／有線電視及香港開電視專業評述IG名單 】 _ 港隊勁揪！！ _ 香港運動員於今屆東京奧運愈戰愈勇，先後憑張家朗（劍擊）、何詩蓓（游泳）、杜凱琹＋李皓晴＋蘇慧音（女子乒乓球團體）以及劉慕裳（空手道），獲得一金兩銀兩銅的成績，是自香港隊於1952年首次參加夏季奧運會（芬蘭赫爾辛基舉行，派出四人參賽），近70年、合共16屆以來的最佳成績，破盡本地體壇紀錄；事有湊巧，因政府以公帑購入奧運播放權，讓全港三家電視台與兩家收費電視台都能夠直播賽事，配合點播技術普及，真正能夠做到貼近百分百覆蓋，加上東京與香港僅一小時時差，觀眾無需捱更抵夜睇直播，上述所有因素都將香港人睇奧運的情緒推至前所未見的高峰。 _ 體育是一項專業，比賽評述亦然，兩者關係密不可分，畢竟邊看直播邊向觀眾清楚講解運動員表現和賽事規則，又要腦筋轉數快，又要熟知歷史地理科學，而且要令人聽得舒服，需要經過長時間的投入訓練，誠如前有線新聞體育記者陳漢威 @chanhonwai 在個人社交平台感嘆：「平時理鬼你，奧運搵體記，係0到1000嘅差距，唔期望佢奧運後半年，維持到300，頂得住100都好吖，唔好咁快變番0。」所以當大家全力支持香港運動員之餘，亦應該趁此機會好好認識本地專業運動賽事評述員。今日（7/8）推介有線電視與香港開電視的主持及評述團隊，以下為他們的Instagram帳戶。 _ 有線電視： 奧運601台 —— 梁雨恩： @cathy.leungyuyan 吳詠希： @_nicolegogogo 邢安邦： @yingonbong 李海光： @kwong007007 _ 奧運602台 —— 劉舜文： @laushunman 江卓儀： @kongsonia _ 開電視： 《奧運直擊》—— 陳欣欣： @yychan398 張志豪： @hoho71133 《直擊奧運營》 —— 許煒森： @vincci.hui 吳毅豪： @patrickng06 卓麗馨： @kristy_laihing _ 《開電視睇奥運》—— 李莉： @leeleelily1224 劉健基： @laukinkee _ 兩台評述員團隊及記者 —— 何柏霖（足球及各項精華）： @berlinhooo 郭海𣿭（東京駐地記者）： @diamondkhy 任栩燕（籃球）： @huiyinyhy 陳佩琪（田徑）： @chanpuikeii 江忞懿（游泳）： @manyi8 梁誠誥（空手道）： @horryleung 謝永輝（手球）： @twfreddie 鄧俊彥（滑板）： @johnniebanana 范信基（欖球）： @se7enskei 蘇伊俊（籃球）： @so2chun 馮剛政（水球）： @garyspears_ 吳穎嵐（乒乓波）： @wingnam_ng 顏冠一（劍擊）： @ngan1 宗銘達（籃球）： @minitat708 何澤堯（馬術）： @vincenthocy 葉姵延（羽毛球） ： @yippuiyin 羅亮添（三項鐵人）： @tim.law.hk 朱灝忻（體操）： @doniaaachu 郭灝霆（單車）： @marcokwok0226 蔡芳裕（籃球）： @wilsonchoi66 曹宏誌（拳擊）： @ralftso 許培德（排球）： @huipuitak 伍婉然（體操）： @dorrng 黃米高（排球及沙灘排球）： @dj_volley _ ＊圖片由香港開電視提供。 _ （07082021） _ #游大東影視筆記 #游大東 #東京奧運 #香港開電視 #有線電視 @sportsroad.hk @sportsone.hk @01sports @hksportsinstitute #yautaitung #07082021