成日聽見米芝蓮拉麵，今日終於有機會黎食金色不如帰既拉麵 餐廳設計得好氣派，睇過menu梗係食店舖既2款招牌拉麵 貝汁醬油拉麵，貝汁鹽味拉麵 2款麵都用左三重蜆，豬骨同魚清湯底，有一塊三層肉同一塊低溫叉燒。 貝汁醬油拉麵有黑松露醬，牛肝菌粉同牛肝菌油去增加風味。 貝汁鹽味拉麵就有牛肝菌醬，香草同白松露油。 幼身既蕎麥麵加埋香濃既清湯底，食落一d都唔鹹仲好香好和諧，湯底充滿蜆既鮮味😍特別係鹽味拉麵既香濃松露味更加特別。 除左拉麵我地仲叫左2款小食： 炸雞好大件，外面炸到金黃香脆，裡面肉質依然嫩滑，配甜甜既蜜糖芥末醬食更惹味。 鳥皮烏賊揚其實係用鮮雞皮包住手打墨魚滑炸，咬落外脆內彈牙爽口，質感好有趣。 最後我地仲叫左2杯飲品，熱紫蘇香檸洛神花茶同完熟白桃木村梳打汽水，結束滿足既一餐。 。 。 金色不如帰 尖沙咀中間道15號H Zentre地舖 (港鐡站K出口) 。 。