熱門Ptt文章

[爆卦]三角貿易日文是什麼？優點缺點精華區懶人包

雖然這篇三角貿易日文鄉民發文沒有被收入到精華區：在三角貿易日文這個話題中，我們另外找到其它相關的精選爆讚文章

在 三角貿易日文產品中有2篇Facebook貼文，粉絲數超過22萬的網紅雲海 陳雲海，也在其Facebook貼文中提到， 〈一個在日本的刁民〉撰文：雲海  以下呢個經驗比較長，大家希望可以耐心小小慢慢睇！你就當我一個香港刁民喺外地遇到嘅情況！ 話說3月5號下晝突然間收到消息，話日本政府將會強硬執行由中國包括香港澳門入境嘅人士進行強制14日隔離！身邊好多朋友已經聯絡我問我情況點？我真係一頭霧水！完全理解唔到點解之前...

「三角貿易日文」的推薦目錄
  • 雲海 陳雲海

    三角貿易日文 在 雲海 陳雲海 Facebook 的最佳解答

    2020-03-07 14:19:15
    有 2,369 人按讚

    〈一個在日本的刁民〉撰文：雲海

     以下呢個經驗比較長，大家希望可以耐心小小慢慢睇！你就當我一個香港刁民喺外地遇到嘅情況！
    話說3月5號下晝突然間收到消息，話日本政府將會強硬執行由中國包括香港澳門入境嘅人士進行強制14日隔離！身邊好多朋友已經聯絡我問我情況點？我真係一頭霧水！完全理解唔到點解之前日本政府對疫情Hea到爆，甚至我認為所有日本武漢肺炎確診數字都係假嘅時候（因為我認為日本政府為咗東京奧運會會不惜一切，包括做假！）突然剎那間強硬到咁，而且講到明會暫時取消香港人嘅日本免簽證（後來知道包括特區護照同埋BNO持有人），咁我就即時要處理離開辦法，要知道我係因為有事情要做，一個月內兩次要去福島核電廠附近「考察」！我原本3月5號就係由福島返到東京，喺香港訂唔到6號7號嘅回程機票，就唯有8號啦！但黃昏嘅時候日本政府再確認所有強行實施隔離政策係由3月9號開始！咁我係坐3月8號黃昏6:10日本航空公司班機回香港，咁就剛剛擲界了，因為我聯想到，若果這班機深夜飛到去香港，第二日根本就冇人再飛去日本，其實取消嘅機會好大，咁好啦，我就嘗試接觸日本航空公司啦！好嘢到呢，首先根本完全打唔到電話俾佢哋，佢哋網站亦都刪除埋原本有嘅電郵地址！再喺網站留咗句說話：依家太多人接觸佢哋冇辦法會回覆之類！咁即係點呢？若果3月8號班機取消咗，之後短期內都好難返到香港！而我有一個難處，就係3月9號下晝其實我係要去醫管局旗下嘅診所攞藥，其實我已經帶晒所有藥，只能捱多一個禮拜到！咁點算好呢？咁我就即刻去查東京飛關島再由關島飛香港嘅航班，呢個係我之前諗定嘅plan B，美金都帶足啦！點知原來關島直飛香港嘅航班已經取消晒，一定要經馬尼拉，咁一來菲律賓對港人都有隔離限制，二來人質事件之後我話咗以後唔去菲律賓！咁好啦即刻去check東京飛曼谷，曼谷飛返香港嘅航線，正當想選擇邊班航空公司之際，就收到消息話泰國對港人亦都執行14天隔離令（後來消息就更加混亂），莫講話泰國消息混亂，其實日本呢邊嘅消息更加亂；首相安培講嘅嘢同外相同厚身省講嘅嘢可以係完全唔同，而且冇一個標準或者統一說法！咁我第一時間諗起嘅梗係搵返香港政府駐東京經濟貿易辦事處啦！由Google查到佢地地址同聯絡方法，咁我就即刻打電話比佢哋啦，由3月5號黃昏6:00開始打打到9:00，一係就冇人聽電話，一係就唔通，再睇清楚上面資料寫到明佢哋辦公時間一至五都係二十四小時喎！原本諗住即刻飛的士過去，諗諗吓都係聽朝先。到3月6號朝頭早10點幾我就坐的士過去，就遇上我其中一次最離奇嘅經驗：我去到正門，有一位日籍女職員即刻上前招呼我幫我撳電梯，我已經覺得好奇怪，冇理由佢會知我嚟㗎？之後佢就問清楚我係咪相關職員（我諗佢以為我係香港政府派來嘅職員）我就話唔係，我只係香港市民，想來查詢問題！佢就面色一變，趕我出去門口個三角開門位，叫我自己撳掣上去啦！（嘩！冇禮貌到呢！）這女士之後從此就消失咗啦！咁係我撳掣嘅同時就見到塊牌上邊寫着原來佢哋嘅辦公時間係上午9:30至到下晝5:30，仲有一個鐘頭lunch time添！等咗好一陣子，先有人係通話機問我咩事？我就用廣東話好清楚咁講：「我係香港嚟嘅想問關於日本政府依家嘅緊急狀態令之下嘅情況！」對方竟然用普通話同我講：「你等一下！」心都實埋！我就企係個三角門口位起碼15分鐘，不斷被開門冷風吹，直到一位聲稱係香港政府之香港人、識講廣東話嘅職員落到嚟用都幾唔好嘅禮貌問我咩事？之後仲要唔俾我進入大門任何比較冇咁大風嘅位置去問問題（原來咁樣對香港人嘅？！我交啲稅結果原來係咁嘅！）我於是乎就向佢發難，同佢講其實我依家係乜嘢都問唔到，仲有關於攞藥嘅問題萬一飛機停航唔知邊個可以幫到我......等等；但你估都估唔到個陳小姐點答我，佢話：「其實我哋呢個辦事處唔係立亂俾香港人可以嚟問嘢就問㗎！（嘩！）你係要預先打電話俾我哋做個appointment，你先可以嚟㗎！不如上網或者打電話俾我哋做咗個appointment先啦！」嘩！我真係火都嚟！我話：「琴晚打咗成晚電話無人聽電話甚至係冇Voice Mail，我點做appointment呢？好啦我我今朝特登坐的士嚟到現場問你你竟然要我做返appointment先返嚟？！」之後陳小姐仲同我講，佢本身自己唔係屬於「查詢部門」嘅同事嚟㗎，而本身比香港人查詢個部門，原本識講廣東話嗰一位職員咁岩今日唔辦公，上面工作嘅同事全部係講日文同英文！若果我堅持要用廣東話問，就幫唔到你囉！仲有仲有，其實你哋香港人唔應該搵我地囉！你應該自己打1823囉！（其實佢不斷講1823我諗佢係講錯咗，其實佢係想講1868入境處熱線，但我已經冇心情修改佢）嘩！！！！之後佢再強硬地繼續講：「陳生！你冷靜啲先！」（呢句真係所有公務員嘅死穴！）我就即刻爆佢：「琴日日本政府突然間頒發緊急狀態令，我哋而家喺日本嘅香港人乜都問唔到，你電話有冇人接！仲要呢上面寫到明你嘅廿四小時運作（後來所有職員都否認呢個說法，仲要聲稱唔知道Google喺上邊咁樣寫，我離開之後佢地就向Google提出修改變返做佢哋嘅辦公時間！）依家你仲要我去做appointment去問問題，你仲命令我去冷靜？！」之後我繼續爆：「你都幾好嘢喎！我有好大對比囉！同樣係香港政府經濟貿易辦公室，喺武漢嘅同事就可以對係湖北省嘅香港人要藥有藥、要食物有食物、要飛機有飛機、要運輸有運輸、要返香港有返香港，而且全部免費！同一個部門對喺日本嘅香港人連打個電話都做唔到！尼個落差巨大得滯啦掛！」陳小姐好似覺得應付唔到我，就想返Office話聲稱會搵佢哋嘅負責人同我講！好！我等！大概10分鐘之後，一時就話俾我聽得一個廣東話嘅職員，一時就成隊講廣東話嘅職員落晒嚟，包括佢哋嘅辦公室老頂阿頭Thomas Wu以及五位來自香港嘅入境處同事！（唔知係咪我話我係Henry Chen觸動到佢地神經呢？）胡生好似做大龍鳳咁，一落到嚟，就大大聲同我講：「陳生，唔好意思！我哋頭先上邊傾緊所以冇落嚟了解.......！」我即刻插嘴：「我諗我唔使再企喺個三角風口位度吹風可以入嚟大堂個可？」我哋所有人之後都企喺大堂張枱仔前邊，因為連一張凳都冇㗎！（真係好想知道駐東京辦事處嘅財政撥款有幾多？）之後胡生想同我握手，我就話防疫時間唔好啦！我於是繼續向胡生發難，都係表達同一個部門駐武漢同駐東京對港人嘅處理方式係落差咁巨大？！連一個應變小組或者電話都冇！！！當然胡生亦都表達其實佢哋尋日知道日本政府嘅公布之後都完全掌握唔到而家嘅情況！同埋都希望幫到我若果日航取消班機攞藥嘅問題，佢哋開頭就討論啱啱過嚟嘅入境處職員會唔會呢兩日幫我攞到，但時間上做唔到，但係佢哋完全唔覺得3月9號之後會幫我寄到藥過嚟（唔知點解湖北又做到個喎？）佢哋就話若果我真係滯留喺日本，暫時返唔到香港，會帶我去睇日本嘅醫生，請日本醫生方面幫我開藥（當然係我自費啦！）而且佢肯俾佢自己嘅卡片及聯絡電話我，有咩事可以搵佢求助，我不得不承認佢嘅公關手段係好好多！但我都向佢強調，係日本唔係得我一個香港人，有咩事要搵佢地求助並唔可能得到咁樣嘅待遇！基本嘅電話查詢都冇？連電話錄音都冇？之後胡生同幾個入境處職員都同我講：「其實你哋最好有咩事都打返入境處嘅求助熱線1868啦！」我即刻打蛇隨棍上話：「1868求助熱線我交過好多次手㗎啦！我唔能夠話佢哋係廢！不過真係完全唔掌握情況同幫唔到手囉！仲要係某程度上佢哋都要聽命於保安局嘅指揮，呢下我覺得好離奇㗎！點解入境處自己唔可以話事嘅呢？太多擲界嘅權力問題！」現場所有人就好尷尬咁望住我，唔知講咩好！咁我就話：「都唔阻你哋繼續開會啦！若果飛機繼續飛就冇問題啦，我滯留喺日本我就搵你地幫手啦！」呢個時候一位日籍職員我樓上Office衝落嚟，表達問咗日本航空公司，3月8號6:10果班飛機會照常，而且仲print咗一張香港入境處1868政府熱線嘅資料俾我參考！我講句唔該一睇，係簡體字版！（反眼）或者我喺湖北嘅話待遇會好好多嘅！我作為一個喺日本嘅刁民，要辦公室嘅阿頭嚟招呼我，我都已經好唔好意思㗎啦！
    Ps我剛踏出辦事處門口，就聽到胡生好大聲咁同啲同事講咗一句：「Well done！」我當時心裏面諗，well done咗喺邊呀？我講笑咁講啦，唔通成功將武漢肺炎惹咗俾我所以well done？！要知道全程同胡生講嘢，佢都係冇戴口罩㗎！企喺我半尺位右手邊嗰個入境處職員都係冇戴口罩同我講嘢㗎，呢位職員係特登過嚟處理鑽石公主號港人嘅同事！講真！若果我之後真係惹到武漢肺炎，你都唔好問我個源頭喺邊！

  • 我は何しに香港へ？

    三角貿易日文 在 我は何しに香港へ？ Facebook 的最讚貼文

    2017-06-13 16:09:31
    有 574 人按讚


    要講起香港，或許對於大部分的外國旅客心目中，夜景，美食，shopping等，傾向商業性嘅image，可能強d。如果換來日本旅客的話，講到夜景，飲茶，成龍，李小龍的比率相當高。近年香港旅游發展局推出了叫做舊城中環（Old Town Central）從歷史，藝術，飲食同生活文化等多方位角度一窺呢坐城市嘅主題漫步路綫。我個人都好希望將唔係單一，而係多方位嘅香港嘅不同面貌盡量傳達比日本人而拍片，今次收到旅發局邀請能參與到呢個旅程，瞭解到更多嘅香港真係好高興。

    起點係水坑口街，就係1841年英軍登陸的歷史性地點，當年大約7500人口嘅偏僻漁港嘅發展同變遷嘅所有一切就從呢一點開始。英軍喺水坑口街的西邊一大片地（而家的荷里活道公園）舉行升旗儀式，建置軍營。中環就開始被發展為軍事，政治同經濟嘅中心地，上環就當時從商的好多華人住嘅地區，因爲永樂街西邊的三角碼頭（而家被填海好耐無咗）就喺當年南北行嘅貿易據點，南指東南亞，北指中國大陸，商人在此將從南來的海產，米，香料，燕窩等，同從北來的人參，冬蟲夏草等傳統藥材進行交易。呢個就係點解上環那邊至今都有咁多海產乾物店同藥材鋪頭的背後主要原因，我知道呢個事情之後，心中仿佛有了解決拼圖游戲般(★!!)嘅一d感動。今次參觀了老鋪協成隆參茸藥行，你可以近距離feel到藥材配合和當年懷舊裝橫。

    文咸西街就有1868年成立的南北行公所(圖片)，雖然經過改建和重建但作爲會址還沿用到而家。當年專門為咗解決不同鄉籍商間的矛盾同糾紛，治安，防火而設嘅華人商會組織。地面鋪頭是賣燕窩(代表南嘅產品)同冬蟲夏草(代表北嘅產品)嘅鋪頭并列在一起，好有南北行嘅歷史代表性。

    我覺得呢個舊城中環嘅tour，無論係咩嘢國籍嘅人，對於香港本地人來講都應該好有趣！

    今個月日文版的官方網頁都出爐了，如果身邊有日本嘅朋友請推介下~。

    香港政府観光局よりご招待を受け、セントラル一帯を歴史、グルメ、アート、生活文化といった視点から歩いて回る、オールド・タウン・セントラル（OTC）という新たなプロモーションツアーに参加させて頂きました。

    初めて香港に来る日本人観光客の香港へのイメージは、おそらく夜景、飲茶、竹の足場、ショッピング、ジャッキー・チェン、ブルース・リー、ウォン・カーウェイ、その他香港スター（SOKO等(笑)）、といった所が大多数ではないでしょうか？一般的に旅行客の香港滞在日数も短期間が多いため、腰を据えてじっくり香港を知るという機会もあまりないのかもしれませんね。実際、香港には面白い歴史があり、そして何より日本との関わりも非常に深い！もっと多角的に香港を知りたい、感じたいという方、たくさんいると思います！

    OTCではイギリス軍が香港に上陸した地点（ポゼッションストリート：当時7500程の人口の漁村であった香港が大都会へと変貌を遂げることとなった最初の起点）からスタートし、なぜセントラルが軍事、政治、経済の中心地になっていったか、なぜ華人の商人は上環に住んでたのか、などなど、今のセントラルの街中を歩きながらその足跡を辿り、解説していきます。

    なんで上環には海鮮の乾物屋と漢方薬のお店が多いのだろうと疑問に思っていたのですが、嘗て上環の永楽街の西側には当時南北貿易の拠点であった三角港（埋め立てられ今はない）がありました。南、つまり東南アジアからは海鮮や燕の巣、お米、香辛料が。北、中国大陸からは主に漢方の薬材が、この地に集まり取引が行われていました。そのため、多くの華人の商人がこのあたりに住み着き、その名残を今でも感じることができるのです。写真にある協成隆漢方薬店では漢方の薬材の配合を間近にみることができ、当時のお店の様子をうかがわせる古い内装が今でも残っていました。

    1868年に成立した南北行公所は当時、商人たち同士の争い事や問題を解決する、また治安維持、火災を防ぐための華人の組合でした。何度か建てかえられましたが、現在も組合の所在地として継続使用されている由緒ある場所です。地上一階には南北貿易を代表する南の燕の巣とその隣には北の冬虫夏草、漢方薬を扱うお店が並列していますが（写真）、それはまさに南北行（南北貿易）を代表しているのかもしれません。

    歴史はちと苦手という方には、アート、生活文化、ハイライト等様々なコースがあるので興味にあったコースを探して頂けます。香港はコンパクトな土地柄，スイスイ歩きながら2~3時間、もしくは半日で回ることが可能です。もちろん、途中で飲茶や涼茶、ローカルフードを食べ歩いたりもできます。　

    もうちょっとだけ香港を深掘りしてみたいという方には、このツアーはとてもいいと思います。僕も今回本当に勉強になりました。日本語版サイトもできたばかりなので、興味のある方はぜひのぞいてみて下さい！

    （日本語Webサイト）
    http://www.discoverhongkong.com/…/old-town-central/index.jsp
    香港逗陣行 Walk In Hong Kong 活現香港 SOKO 和泉素行

你可能也想看看

搜尋相關網站