話說一個月之前終於踏入咁無線耳機嘅領域，然後剛剛好用咗一個月零兩日就跌咗一粒😶
.
呢間嘢啲售後服務可以話終極垃圾，facebook客服五天工作好正常，但到星期一下晝都完全唔覆要直接打電話上去係咩玩法？打去維修部問要我打返去門市問，然後門市竟然話冇得單邊咁配要成set買過，WHAT THE FUCK...
話說一個月之前終於踏入咁無線耳機嘅領域，然後剛剛好用咗一個月零兩日就跌咗一粒😶
.
呢間嘢啲售後服務可以話終極垃圾，facebook客服五天工作好正常，但到星期一下晝都完全唔覆要直接打電話上去係咩玩法？打去維修部問要我打返去門市問，然後門市竟然話冇得單邊咁配要成set買過，WHAT THE FUCK!? 唯有繞過無能嘅香港代理，直接問瑞典原廠果邊有冇得配。
.
還好瑞典果邊得知狀況同不滿之後，理所當然咁提供配件補購服務，連埋運費都係八十二美元，對返港紙六百幾比成set買過平近三倍，另外佢仲好識趣咁另送多一隻耳機即係一對咁俾我，呢啲先叫做客戶服務囉。
.
其實事緣用咗三星期，個充電盒撞到下之後開始出事，唔知係耳筒兩盞指示燈有問題定係磁石位接觸不良，有時放返落盒都冇燈著，但有時又完全冇問題咁真係俾佢吹脹。
.
到有晚終於頂唔順谷鬼氣fing鳩佢睇下會唔會有嘢鬆咗，點知成個蓋彈咗出嚟兼有粒直接跌咗落草叢🙄 一開始即刻開電筒狂照都唔見，之後聽到草叢有腳步聲應該係野狗或者野豬驚佢衝出黎即刻企返響身熄燈，然後將耳機開到最大聲都聽唔到，應該碌咗落山。
.
以下係跌機前的一個月評測：
.
轉咗iPhone X冇咗個3.5mm要用轉插冇得一路叉電一路聽歌，雖然我唔係成日都要叉電，但都總係有啲唔方便，而且佢送個轉插好似好易爛咁，所以點都係要迫住用無線。
.
其實由上年年尾已經睇中咗B&O E8，應該話好耐之前已經好想要個B&O，無奈而家個marshall又意外地紮實，用咗好耐都未壞，所以由H3到H5再到E8，一路都冇乜決定性嘅情況要換。直到最近開始愈來愈忍受唔到有線耳機，成日出入閘或者迫車時俾人勾甩，曬太陽時條線又要撥來撥去，每次拎出嚟用都好似一餅髮菜要響唔發脾氣嘅情況下解返開佢。
.
咁就如之前咁講本身係睇中E8，不過佢個叉電盒雖然都算細，但形狀上都幾難帶住，作為兩手空空出街協會會長，始終都係會考慮袋唔袋得落褲袋為先，而E8袋落褲袋度就好似生大髀癌咁多咗嚿毒瘤咁囉😂 然後偶然俾我發現EARIN M2嘅存在，唇膏形長條叉電盒方便放褲袋，同B&O一樣係來自北歐，而上一代M1更加係真無線耳機嘅始祖，再不停刨高登睇哂啲用後感發現表現都唔錯，最後放棄咗一直以來嘅憧憬嘅至愛，而選擇咗更加適合自己嘅M2😌
.
以第一次用無線耳機嘅感想，音質比想像中好好多，同我本身用開嘅有線耳機冇乜分別，電量都好利害，我連續聽歌聽咗三個鐘都仲有電，響接收方面都唔差，唔會點疾又唔會delay，就算繁忙時間搭地鐵，有時候會變咗單聲道，不過只要郁少少就會變返正常，我覺得比起多唔多干擾，你企果個係唔係死位會更加大影響。
.
至於內置app可以話係垃圾，除咗熄咗個Transparency Mode之外基本上冇用，連EQ都冇得set，又其實只要個藍芽認咗一次，只要由充電盒拎出嚟幾秒佢已經自動連好，反而如果開app sync反而十世都sync唔到🙄 另外香港代理客服都好似唔多鐘意理人，又話工作時間五日半，然後星期五晚問佢嘢，星期六係唔會覆的，都真係幾廢下囉。
.
📷 iPhone X
➡️ Slide the Slides
#馬高敗家博物館
三星原廠有線耳機 在 咪子塔羅占卜×魔法藥草 Facebook 的最讚貼文
繼上次跟個案約在東區的摩斯漢堡卻忘了互留聯絡方法，導致彼此都乾等了至少半小時皆無功而返後，這次則是給了我的email卻忘了留對方的電郵，搞得我現在只能po粉專看能不能請個案聯繫我，照片中有沒有你喜歡的白水晶靈擺……（默）
#附帶一提水逆期間真的不宜買3C產品
#前兩個禮拜我的有線耳機壞了剛好路過3C行就買了一組兩千五的藍芽耳機
#回家發現不喜歡藍芽耳機的音質就又在網路上買了三星原廠的有線耳機
#然後有線耳機用了真的只有兩天就壞惹