🎈阿夫利拉麵 (尖沙咀) 🔍尖沙咀彌敦道100號THE ONE 2樓 ----- 最近返工日日比老細Chur到喊😢，旅行又無得去，心情感覺特別抑壓💔。唯一可以治愈B仔負面心情嘅就只有美食🤤。呢間黎自日本嘅人氣過江柚子拉麵店，除咗拉麵之外，仲有Bar，有麵食又有酒飲，啱曬收工之後黎一解愁緒🥂。 - 🍜Yuzu shio ramen 柚子鹽味拉麵 $98：材料有炙燒西班牙豚叉燒🐷、溏心蛋🥚、海苔及筍條。清澈嘅湯頭同時泛著木魚雞湯嘅鹽味鹹香同柚子汁嘅清新香氣，飲落柔和甘醇，毫無油膩感，且能進一步突出麵條嘅小麥味，作為鎮店招牌口味，確係無令人失望。 - 🍜Toukotsu shio 豬骨濃湯拉麵 $108：濃厚幼滑嘅豬骨湯底🦴，脂香陣陣，邪惡得黎又令人欲罷不能，同柚子鹽味湯底嘅感覺全然不同，一個清、一個濃，花心嘅B仔兩款都愛🥰。 - 🍜Soft shell crab bun 炸軟殼蟹包 $58：酥脆可口嘅軟殼蟹🦀，配搭綿密有彈性嘅中式Bun，再加上香辣惹味嘅韓式泡菜，三者結合起黎，竟是意想不到的合拍👏🏻。 - 🍜Shoga 鮮薑汁雞尾酒 $99：喺食拉麵嘅餐廳飲cocktail，B仔都係第一次，呢杯雞尾酒用咗日本三得利角瓶威士忌做基酒🥃，混合自家製嘅鮮榨薑汁、青檸同梳打水等調製而成，飲落酒味純淨甘甜、尾韻清澈得黎，又帶有天然薑味辣勁，就好似一個清純而不失個性嘅女孩，令人一飲難忘✨。 ----- 👶🏻B仔整體評價：8/10個👍🏻 👶🏻B仔抵食程度：7/10個👍🏻 👶🏻B仔環境評分：8/10個👍🏻 👶🏻B仔味道評分：8.5/10個👍🏻 👶🏻B仔回頭機會：8/10個👍🏻 ----- #swallowhongkong 跟住我一齊吞食香港啦！🤤 #swallowtst