譚仔三哥喺尖沙咀開咗間旗艦店，啲裝修好搞笑🤣🤣🤣 提提減緊肥嘅朋友仔，可以揀清湯同糊辣湯，或者好似我咁揀酸辣湯。千祈唔好好似Hayley咁揀「三哥酸辣湯」，你睇吓上面嗰層勁誇張嘅油！

配料方面，我哋好乖咁叫咗「走腐皮」，因為腐皮嘅豆油太多，慳到啲卡路里就慳！仲揀咗低脂嘅雞肉、牛肉、豬潤、白魚蛋，再加多份木耳同芽菜做蔬菜，咁就滿足晒啦～ 大家平時又鍾意揀啲咩配料呢？😋

#記住唔好飲晒個湯底 #食咁多鹽會水腫
#華嫂冰室嘅豬潤更好食
#大家鍾意食三哥定譚仔
#食住瘦 #慳錢系列 #減肥都可以食得平

<<「譚仔三哥米線」五大瘦身貼士>>

上星期我食完「暴肥」(buffet)，今個星期要慳啲同食得light啲！「譚仔三哥米線」係我其中一個選擇！
根據我非官方嘅統計，我有一半以上成功減磅客人，都鍾意食譚仔米線！等我介紹下點揀至營之選啦！

1. 湯底:清湯、煳辣、酸辣湯底會較低脂。三哥酸辣、麻辣及蕃茄湯底就要選十小辣或以下，越辣越多油！不過所有湯底嘅鹽分都比較高，記住唔好飲晒呀！

2. 麵條：米線和紅薯粉都係低脂選擇！

3. 蛋白質配料: 最好揀低脂新鮮蛋白質類食物，包括豬潤、牛肉、豬肉和雞肉。精製肉類當中，魚旦、牛丸同火腿比較低脂，不過鹽分比較高，食得多會引致水腫，所以每餐最多點一份好喇！ 我最鍾意食豬潤牛肉，鐵質較豐富，令人工作時更精神專注！

4. 低卡蔬菜配料：冬菇、金菇、木耳絲、生菜、韮菜、芽菜戓竹笙。咁就更高纖更飽肚喇！

5. 走腐竹：每100克的乾腐竹中，已有4茶匙油的份量，共461卡路里，比經油炸的枝竹只低4%! 因為腐竹是由豆漿煮滾時，浮面嘅豆油凝固而成的！

下次各位「營」男「營」女識揀啦！減肥都要食得飽食得開心！