［藺相如，司馬相如，名相如，實不相如］（＊）咪講笑！同Freddie Mercury同Billie Eilish 齊名！獲得誠品認證！我是一個文青！

TLDR：屯門牛呢，真係睇好嘢都慢人一步，睇戲又多垃圾。所以要有馬蘭頭獎學金

1. 實情係屯門誠品，已經有貨。都話日日去睇，我仲發現搬咗位，原本係在啲財經書度，而家已經literally 「上神枱」，同Freddie Mercury同Billie Eilish 齊名！雖然暫時我都未見有任何人拎起嚟睇。實情咁耐以嚟都冇！

2. 又，真係的，明明銅鑼灣，太古同尖沙咀誠品都一早有，屯門就要再遲啲。真係鄉下地方資訊不便。「啲小朋友都要遲兩個星期先接觸到啲高質毒物」。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

3. 你真係唔好睇少呢樣嘢，What we talk about when we talk about 村上春樹？好多人都知道佢開coffee shop/酒吧，收工在廚房寫嘢。亦都有啲人聽過個契機係明治神宫野球場（我都去過朝聖），養樂多燕子隊

4. 但再之前呢？村上春樹係關西人，京都伏見出世，但神戶讀高中。佢唔止一次提過，神戶改變佢好多。神戶係個海港，易接觸外國文化（你見仲有異人館），佢就在嗰度睇好多西洋文學。

5. 我話睇書都慢人兩星期，當然只係講笑。「而家屯門都有Donki」「仲有Mirror」。但，你可以留意下，屯門戲院（屯門戲院並唔單指「屯門戲院」）上嘅戲，都真係同「市區」唔同。唔通會上《惡與他們的距離》？主要都係上「長相屍手」之類。有人話歧視，有人話市場考慮，「啲屯門牛就係睇垃圾」，乜都好，客觀結果都係一樣。喂，呀影帝林家棟，都公然恥笑去巴倫紐睇戲嘅人啦。2015年咋喎，香港人好尊重本地電影咩？（而不幸地，套《點對點》我都有睇，但居然唔係在巴倫紐！正如導演話頭，根本巴倫紐冇上呢套戲，全新界得葵芳新都會上，我就在嗰度睇）

6. 你都唔好話冇影響，我講兩件事你知。第一，好少同人講，當年我買樓，係有諗過買駿發花園嘅。咩話？駿發花園在邊？點解我會想買？「駿發花園咪會樓下上《惡與他們的距離》」。最後點解冇買？唔係因為冇錢（我有咁窮？況且我講緊2013年），而係因為懶，同埋我諗真啲，「我買完百老匯電椅中心搬走我咪仆街？去廟街聽數波波定食煲仔飯？定學麥路人郭富城咁去聽楊千嬅唱歌？」。第二，當然係因為我懶。租開我老母（真係我老母，唔係助語詞）屯門嗰樹好地地，咪買埋佢。係呀，買架，咪撚以為佢送畀我。電視框？框你老母（呢度就助語詞）。創屋苑尺價新高添呀！虎毒不吃兒呀。「不過冇人拎支槍迫你買」「況且之後都升咗好多」「所以真係唔使怕高追，咪縮數話咩等調整」

7. 一念任天堂，一念海天堂。一念八天堂，一念朱天堂。如果我當初買咗駿發花園？而家我係咪好有文化我就唔知，「但應該執多幾球嘢」

8. 講返，我變成「港片之鬼」，你估係偶然？並唔只係因為我細細個鍾意睇港產片。喂我年代啲小朋友，個個細個都睇港產片架啦，但大咗佢地自然就會覺得好check，我溝過N條港女，都以自己唔睇港產片為榮，我最鍾意都係我問佢睇乜戲，答曰「我個人冇乜所謂不過唔睇港產片」，充份反映到港女嗰種自以為嘅優越感同懶撚係considerate，多撚謝喎。不過我都冇諗住同佢去睇港片，因為我主要係為上床。到後來睇港片先有得上床，就係後話，只能講句十年河東，十年煩西

9. 我之所以到中學都不停睇港產片，主要係因為一個人。他的名字叫徐一刀。四十歲以上嘅麻甩佬應該聽過。根本就係香港全裸監督村西徹，佢進軍海外時吳宇森都未去荷里活。佢就係自己親身上陣，同「五十嵐」一齊拍愛情動作片

10. 但關我乜事？我又唔係蘇B（一個徐一刀有份用嘅演員）。主要係，徐一刀係我同學嘅舅父。咁佢就畀好多免費戲飛我地睇，當然唔係睇佢嘅戲（當時我中二咋），而係可以去睇任何戲。我唔知係咪只係港片，但肯定嗰時咩 凱都呀， 巴倫紐呀，仲有「屯門戲院」，都好多時係上港片。

11. 我仲記得我第一套用佢嘅飛睇嘅戲，就係《水滸傳之英雄本色》，李克勤唱主題曲，梁家輝做林沖，徐錦江做魯智深，劉青雲做大茄，但最正係豹哥單立文做高俅個仔去淫辱林沖老婆王祖賢。

12. 另外仲有《風塵三俠》（梗係柏安妮嗰套），仲有套日本人拍但廣東話配音嘅《三國志》（1990年代初，已經好過《三國無双》N倍，可見周顯揚真係食撚屎的，係呀，我又要好波過美斯先可以評論？）等等。可見我嘅中學年代，就係咁渡過。

13. 然後你諗下，埃汾太（名校女生嘛）。人地呢，午飯去Pacific Place食嘢—仆你個街到我在金鐘返工我都仲嫌貴呀！另外有個朋友仲誇張，中學年代，去「有馬」日本料理午餐。

14. 朋友同我同年，但你老味，我地年代在屯門？日本嘢？「就係去八佰伴食熱海麵屋」，好撚難食的，難食過味千。當然我好後來先知道，熱海係地名（大佬呀，嗰個年代冇維基百科，又冇一年去十次日本），而八佰伴第一間店，就係在熱海。

15. 至於我嘅名句（其實係朋友講），「嗰時食百人一朱已經覺得自己好撚high」，sorry，呢個係去到出嚟做嘢嘅事。仆你個街，我去到教書嗰時，兩皮嘢個月，都係同成班搣時去荷里活（梗係鑽石山啦，好彩未去旺角荷李活）食百人一朱咋！（話時話，就快又七夕，有冇人未聽過七夕搣時嘅教事？）

16. 睇到呢度，你心諗，有冇咁誇張。都真係有的。例如我估我好似去到2000年，即係，大學畢業，我先知咩係Tiramisu，「開頭以為日本嘢」。而家啲小朋友，幼稚園茶點都食喜知次一夜干啦！

17. 真的，as a 學霸，我博聞強記嘅能力，叻過好多「名校」嘅普通學生。但行出嚟就係冇嚟貴格，食幾多貴格燕麥片都冇用。「即係余文樂咁」，真係好多年先洗到嗰種新界牛嘅味。

18. 你話冇影響？有機會我細寫。但當年我去in Oxford獎學金，邊個in我？係李兆基，冇錯係四叔。仲有楊鐵樑。同埋羅德丞（唔係羅傑承），同埋一條牛津嚟嘅鬼。喂，我見到都變秦舞陽，腳震震啦。最記得鬼佬問我點解地盤啲鐵係工字型，我都答唔出，但其實我係知嘅。（BTW，當年我報N展，真係好彩冇收我）．後來當然獎學金拎唔到，做唔到乜乜學人，返去港大繼續have fun stay poor．四叔變咗亞洲股神。楊鐵樑變咗教英文。羅德丞？選唔到特首，冇耐死撚埋了。（原來都隔咗十年）

19. 事後諗？如果我醒少少嘅，我應該話畀四叔知，我阿麻係順德大良人。我成日返去的。拿，呢啲咪分野。但冇計，歷史沒有如果，洛賓2010年球單刀如果入咗？

20. 寫咗好多，都唔係咩獅子山下可歌可泣。你心諗，而家扁平化咗好多啦。而家屯門都上到NetFlix嘛，屋企都睇到 德國飛機吸血片啦，有得上網，拉近晒啦。

21. Yes and No．但其實，個世界，都係向比較有錢嘅人傾斜嘅。我甚至覺得，我幾幸運，我年代都仲可以叫做「上流」，即係一個普通家庭（唔好講到自己赤貧啦，至少有錢去睇戲）嘅屯門仔，都仲有得發下圍。而家？未必冇，但大家心知，越嚟越難。

22. 最新嘅趣聞，英國A Level，一半人A或A+。因為多咗Teacher assessment，fuck that 教師好專業唔偏私。但有乜所謂？好似阿婆賣紙皮咁，你會噴水上去，我又自然會計返你平啲。英國好嘅大學，更加大條道理自己搞admission test，甚至乎用自己嘅discretion—冇錯，就係傳說中嘅去緬甸做義工。點解啲名人富豪仔女都入到名大學？真係叻啲？你話呢？

23. 寫咁多，冇錯，最後都係講「馬蘭頭奬學金」嘅理念。呢個年代呢，你做屯門牛又冇錢嘅，真係比較大鑊。可惜我暫時都仲係只有理念，未有好多錢，更重要係未有執行力。但，總會搞到出嚟。

（＊）又，我都係早排先知，司馬相如唔係真名，正如河國榮崇拜張國榮，佢因為崇拜藺相如先叫自己司馬相如。正如司馬遼太郎，都係因為崇拜司馬遷（應該唔包括腐刑嗰part），但自愧不如亦係自謙，先叫自己司馬遼太郎。

似乎姓司馬嘅都啱呢味嘢（司馬遼太郎又會姓司馬啦！）。不過司馬賽兒，就唔係因為鍾意馬賽所以變咗馬賽。主要係鍾意波圖。講返，上季法甲馬賽第5，冇歐聯踢，所以要等波圖歐聯分組賽第三，先有機會馬賽對波圖

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

【抗爭一年．評論系列】社運變形記
2020/6/8 — 10:17

Ovid 是古羅馬三大詩人之一，全名是 Publius Ovidius Naso，公元八年五十嵗的時候被羅馬帝國始皇帝奧古斯都流放到黑海之濱，在那裏終老，原因一説是因爲揭露了皇帝的私隱。2017 年，羅馬市議會替他平反。他的最重要著作是神話史詩 The Metamorphoses，中譯《變形記》，全詩五六百頁，我大學畢業之後那年讀過一半長的簡本，印象深刻。中文維基這樣介紹：

「全詩共十五卷，取材於古希臘羅馬神話。根據古希臘哲學家畢達哥拉斯的『靈魂轉回』理論，變形，即人由於某種原因被變成動物、植物、星星、石頭等。這一線索貫穿全書，是古希臘羅馬神話的大匯集。故事按照時間順序敘述，由宇宙的創立、大地的形成、人類的出現開始，直至羅馬的建立，凱撒遇刺變為星辰和奧古斯都建立統治為止。」

今年世界醖釀巨變，去年下半年在香港發生的事乃不可忽略的元素，香港成爲了二次世界冷戰的 ground zero，而這座名城裏的人，也在經歷著意識板塊潛移。格局如此宏大的現世史，非我這支禿筆可以描述萬一，我只能懷著對詩人的敬意寫下一點心得。

2019 年香港的抗爭史無前例，社運脫胎換骨，一如《聖經》所説，年輕人憧憬異象、老者做新鮮的夢，儘管槍林彈雨血肉模糊硝烟吹滿城，還有那處惶恐與勇毅之間的九千手足正在思考著坐穿牢獄的心理準備。

然而運動最令我驚詫的，除了那每一震撼人心的無數細節本身，就是所有那些細節共合衍生出的一種前所未見的浪漫，從 6.12 占領立法會「去罩示真身」那一幕到後期理大留守戰飛索求生，那一筆一筆濃烈超現實，都是香港近四十年民主運動裏從來未有過，不是在文學藝術裏創成而是自生活本身釋出，並不需要巧匠加工。分析這浪漫的出現，對比一直以來的缺無，或者是理解這場運動的一個有效切入點。

我大膽地指稱，之前三十多年的民主運動基本上不是内在產生、即不是在香港人文化 DNA 裏孕育成；而是個別先行者從外國經驗和理論裏學習得，加上來自中國的專制主義外力造成民衆心中的恐懼與排距，兩者於是結合，生成了八十年代至本世紀一十年代的代議民主運動。這個民主運動予以自己的使命，就是尋求《基本法》似有若無地許諾了的真民主雙普選。然而，就是連《基本法》這部讓民主運動元老領導及參與者安身立命數十年的文件，也是外來的；香港人當時要求的「三腳櫈」並未能實現。

上世紀八十年代香港文化意識兩大來源 - 中國傳統文化和英國殖民文化，儘管包含這些那些好東西，卻幾乎都沒有民主成分 。孫文的民主革命活動在香港一掠而過，而且在中國失敗了，只留下淡淡一抹苦澀，再從外面引進因此必要；否則香港人只承襲那兩種舊文化的話，近年的中國專制主義入侵必定勢如破竹。因此，香港民主運動的先行者還是功不可沒。

可是，如此引進而非與生俱來的民主觀念還只是一種理性認知，民衆知道要取得要實現還得付代價，因此會猶疑。這就好比一個小市民心儀一部在櫥窗裏看見的高端凌志，看看叫價，就會覺得自己的老爺豐田還不錯，便是有問題，修補一下還可以多用幾年。況且，文化引進還有一個水土問題，便是有普世價值的東西，也不可能 plug and play。當年流行歐美的肯德基初度來港銷售卻鍛羽而還，因爲接受它的文化條件不具備；烤鷄如此，況乎民主。

因此，在量的方面，香港人對單純民主的需求有限度，加上中國的專制主義本性並不願意給予太多讓步，這個供求關係決定了在歷次香港選舉投票中觀察到的「六四黃金分割率」，而這個比率平衡，前幾年還因中國國力上升等因素而有輕微下降。在質的方面，老一輩的民主追求止於付出體力和時間參與大體平和的靜坐與游行。這種質與量的民主訴求，顯然生不出多少浪漫。

然而，深刻的轉變大約在五六年前首先在戰後第三代香港人當中出現了。這新生代有第二代無意中爲他們種下的前世命定、與生俱來的香港人認同，很快擺脫了先輩單薄無所恃的地球村觀念和那遠看很優美、愈近愈恐怖的大中華主義。這種籠統地稱作「本土」的意識，也同時把外來的民主觀念本土化、感性化。

本土化了的各種政治訴求，已經不限於那其實處處隱藏殺機的外來《基本法》。港人治港和真民主雙普選並不需要什麽法源，更不是什麽中央恩賜、剩餘權力，而是不正自成的，所有須要法源和恩賜的東西都是假的；先輩要經歷三四十年生聚教訓才得出的結論，在新生代中凴直覺取得。繞過《基本法》達至民主，唯有通過自決、獨立。這種認知是感性的。

本土意識是發自内的、防守性的，比先輩的進取性拿來主義的民主訴求性質不一樣。你向北京要時間，北京給你五十年；你向北京要民主，北京不給你哀怨，卻僅止於哀怨。但新生代不這樣：你要來奪走我的 birthright，我就跟你拼命。

「情不知所起，一往而深，生者可以死，死者可以生。」前世命定、與生俱來，所以不知所起。去年的運動，原原本本就是這種先前以爲只在文學藝術裏才有的浪漫。但它不生於文學藝術，而源自新生代抗爭者的生活和生命本身，因此連他們的口語和想象也都是浪漫的。

他們以「手足」互稱，這個先輩們只會在文言文學裏碰到才不覺得生硬的詞語，他們卻是那麽自然而然地用上；但是，那些在前綫電光火石之間以自己的軀體抵擋警棍和子彈的抗爭者，除了用這個詞語互稱，沒有更合適的。這個用法，已經超越先輩們的生活經驗。前綫不願「送頭」，卻欣然「攬炒」，突破了先輩們的語言習慣、抗爭道德和安全底綫。他們願意捐棄生命，卻堅持要勝利、要幸福，為互勉而創造出「煲底相認」的童話，悲涼凄美艷麗盡在其中，更不是我們這些乾癟得早已滲不出荷爾蒙的老一輩能夠想象出。「生而不可與死，死而不可復生者，皆非情之至也。」

香港的新生代要跟民主自由戀愛，反掉了父母之命、媒妁之言，上演了自己編譜的《牡丹亭》，湯顯祖那兩句話，卻恰好是新老民主運動的分野。

方法論

去年的運動期間，還有一個常用詞：「進化」。這個詞既指抗爭路綫觀念上的轉化，特別指和勇結合、新派不駡老派，老派支持新派，起碼不割席、不語「鬼」，兄弟爬山，各自努力。但用得更多更頻繁的，是在抗爭的手段方面，包括宏觀與微觀。

第一代民主派的抗爭方法論師承共產黨馬列毛，教頭是司徒華。華叔在七十年代的教師工會抗爭中，取得成績；其後他有份領導的民主運動，戰績卻未如理想。這套方法論强調統一領導，分清主次矛盾，訂定階段性目標，搞統一戰綫，團結一大片打擊一小撮，注意有理有利有節的運動節奏，靈活交替使用和平的群衆運動和武裝鬥爭（最後這招華叔當然沒有使出）。

毛的方法論，在一個訊息高度流通、兩極化歸邊完全明顯而且已經達至相當穩定平衡的系統内部很難有所作爲。要大幅改變六四黃金分割率，必須强力衝擊改變影響這個平衡的某些關鍵因子，這點過去十多二十年的實踐證明做不到。但是，就算做得到，也是無效的了，因爲如果單純玩選舉游戲，中國使出 DQ，民主派便是支持度大幅增加，也是徒勞。

因此，在選舉游戲以外實力懸殊有利中國的情況底下，民主派唯一出路便是作不對稱抗爭。其一表現，便是以無臺博弈政權的超大臺，在抗爭期間發展出以 autonomous cluster為單位的分散式動員。這種動員和運作方式特別有利於試錯和進化。誠然，道高一尺魔高一丈，但民衆起碼爭取到某程度的主動權。E 世代的抗爭方式顯然不必和以往的一樣。

毛的抗爭方法論在他那個時代可謂登峰造極，但有兩個原因不能適用於香港的群衆運動。其一是徒弟打不過師傅，任憑你華叔的《矛盾論》讀得怎樣通，人家對你的思路和招數瞭如指掌，打壓用的資源卻比你多強無限倍，你怎麽可能不被對方壓倒？其二是施展毛的那一套需要搞三刀兩面；統一戰綫裏的「同路人」，一早認定是最終要一刀幹掉的。毛在 49 年後説過一句有名的話：「以我的估計，鲁迅如果活到今天，要麽是関在牢裏還要寫，要麽是識大體不做聲。」能夠玩這樣的手段，需要特別骯髒的人格。年輕世代連世故也未懂，以其少艾純真的德性，怎能夠接受那種鬥爭方式？

歸根到底，方法論不是 value-free 的，什麽樣的道德體系就會發展出什麽樣的方法論與之匹配。去年的抗爭方式，與老一輩民主派的認識南轅北轍。當時，一位民主派老朋友見抗爭完全不按毛當年證實有效的章法，擔心會吃虧，我就以這兩點給他解釋。

殺機條款

《基本法》是中國法律，基本上不可信賴，裏頭隱藏的殺機太多 - 幾乎每一則看似開明的條款，都有起碼一則相應的殺機條款。舉例說，第 22 條第一款申明中央和其他中國的政府機構不能干預香港内部事務，但第二款馬上說，如果中央政府有需要在香港設立機構，經...中央政府批准便可。還不止此。這樣寫成的一部法律，條文有爭拗，作最終解釋的是人大常委會；殺手鐧不夠用的話，還有附件三。

如此危險的一部法律，視之爲定海神針，而且豪無準備當北京露出真面目、合法地動用那些殺機條款打壓香港的時候該怎麽對應，是民主派先行者的一個失誤。這個失誤，直接導致一衆同情香港的西方國家至今也視《基本法》為寶典，要求中國尊重它，真是一大諷刺。

導致這個失誤的原因之一可能是以爲中國不懂法律，輕視了四千年的中國式法治傳統，未曾深刻認識到中國沿著這個專制法治軌跡慣性運行乃無可避免的事。大家知道，中國歷史上的法家，一開始就説明白了是為專制君主服務的，代表人物韓非子論法、術、勢，其中的術，就是帝皇術，專門保護君主對付心謀不軌的臣子；其所謂法，則是對付人民的，説白了就是鎮壓機器。西漢自武帝以降，實行的管治是「儒表法裏」，只有宋朝的某些皇帝表現好一些，卻被中國史家譏為積弱。文革後期搞「儒法鬥爭」，法家更上層樓。《基本法》就是這個專制的法治傳統主導下的產物。

民主派先行者的第二個失誤是以爲九七之後的一段時間裏英殖時期的法律實踐大體上得以延續乃《基本法》發揮威力，殊不知那不過是中國的韜晦計加上國際大形勢底下的產物。這個錯誤看法加深了部分香港人和很多外國政要對《基本法》的美麗誤會，以致遲遲未能瞭解到在這部中國法律的控制之下，香港的危機早已深植不明白原來裏頭的開明條款非常脆弱，最後不堪一擊，而香港在法律層面基本上無險可守，要靠其他非常困難、代價非常大的辦法。如果早一點明白《基本法》的終歸不濟事，民主運動的策略和抗爭手法會有早一點的進化。幸好，去年的矛盾爆發，終於暴露了這個真相，不僅香港人知道，全世界也知道了。

上面三段文字，分別從情、理、法三方面回望去年的香港，所發生的事，其影響所及，俯拾即是，上周六四悼念表現出的質變，便是其中之一。面對中國的步步壓迫，香港的社運，從爭取民主向追求獨立的更根本層次進化、變形。那是民主派自己無意也無法做到的，習縂、林鄭和他們的高官黑警勞苦功高。

［英超人工性價比：曼聯水魚無誤，利鏝使得精明，阿車對得住球迷］

記得之前寫過篇德國波文，畀人狂插，狂恥笑上維基睇波。開頭有啲扯火，但諗諗下都係，年紀大記性差體力衰退，講睇波點都多唔過啲新一代（而嗰篇文又真係比較差）。既然係咁，索性個踢法再經濟啲，幾廿歲同你鬥撞咩，直頭唔同你講場波。我就做星期一早上四分衞（Monday morning quarterback），完晒球季先寫文。波都唔使睇。

跟進返隔離台 陳祉俊 Christopher Chan （其實相識廿年，一齊睇楝篤笑一齊食糖水添）轉貼（http://bit.ly/2w2K1HO），英超性價比，球員平均人工 vs 拎到幾多分。計下平均用幾錢先拎到一分。結論係卡迪夫城最均真最抵玩（但，降班，有乜用？），曼聯最水魚亂洗錢（但，都有歐霸）。以下呢個表簡稱 原文或原表

正如都有人講，計平均有啲過度簡化，另外有啲友可能拎好高人工但唔使上場，或者隊中人工分野好大。真係計就計晒咁多場，全季上陣時間，weighted average。其實唔難，而家網站有總上陣時間，球員人工又大約公開，但冇咁得閒，你鍾意嘅慢慢計。再唔係計中位數人工又得。叔叔姑且用住呢個先，我覺得都OK。記住啦，鳩up最簡單，最撚好廿蚊有靜岡蜜瓜你食。但我地落手落腳寫文或做研究嘅，永遠係簡單／準確／快手之間拎個平衡。

用返原文同樣嘅數據，食午飯時（本人好撚勤力的）整咗呢個東西。X軸（打橫）平均人工，英鎊。Y軸（打楝）聯賽分數。打斜條線就trend line

如圖見到，首先，條trend line係幾fit 的，都幾多點點在條線附近（學術地講，個R square 近0.7，人工解釋咗七成分數）。證明都真係大約有條路捉，一分鐘一分貨，好波就人工高，邊有咁多underpaid。我鳩估，如果十幾廿年前，會見到條線冇咁fit，好多歐拉牙。即係好多水魚，但又同時有人好精明 （唔係玩嘢，你諗真啲：如果人人水魚，反而條線都係fit，水唔水魚係一個相對量度）。歡迎你自己試玩下十幾年前嘅英超。

第二，條trend line，延長佢，都唔會經過0,0 嗰點。理論上你睇圖，「一個仙糧都唔出都拎到廿分」，實際當然唔係。但重點，係「線性關係」，而並唔係「正比例」（不幸地，我發現好多人讀完大學，甚至理科學位都唔知咩係「正比例」。香港啲STEM又一笑撚死人，都係睇英超算）。正比例係線性關係嘅一種特例，y=mx （而冇+c，斷估你都唔記得呢啲嘢）。線性關係……即係個圖好似樓上咁有條直線fit 到入去咪係。條直線會插過0,0嘅咪會係正比例。明冇？（http://bit.ly/2w1OKty）

唔咁學究呢，好簡單，就係你見到人工升三倍，分數唔會升三倍。例如般尼，在條線上，40分，百六萬人工。阿仙奴車路士亦在條線上，近五百萬人工，般尼三倍，但80分都唔夠，更唔好話120分

第三．所以，原文用平均用幾錢先拎到一分，當然易明，但唔棈準。我呢個圖就精準，貼多次，十分簡單，平均嘅就係在條線度。在條線上高（北面）嘅就即係精明，性價比高，在條線下底（南面）就水魚。

你發現，結論同原文有少少唔同。以下係結論：

一．曼聯係大水魚無誤（鳩估，好大舊去晒山神同普巴度？），原文同我圖都見到，十分明顯

二．榜尾嘅，哈德斯菲爾特（係咁譯？）亦係水魚無誤，不用討論。但其實富咸同修咸頓都極水魚。原文佢地就未係最尾幾隊

三．精打細算嚟講，原文會講卡迪夫城最勁。但我圖見到，只係剛剛好同平均差不多。原文第二嘅狼隊，就實至名歸。原文第三嘅屈福特，在我圖亦不錯

四．前列份子方面，熱刺係outperformer。原文佢只係放中間

五．車路士阿仙奴，原文都相當水（尾四尾三），但我圖見到，其實根本係中規中矩，對得住球迷

六．最重要係，原文中游嘅曼城利物浦，在我圖中，係相當精明嘅。特別係利物浦

七．最後，煩都要講多次。都係金錢世界。條線好明顯，都仲係越高人工越高分。迫悉匙就係人工最高嘅六隊（亦係收入最高嘅六隊），而且拋離其他隊唔少（曼聯除外）。卡迪夫同哈特斯菲爾特，兩隊降班，亦係人工開支最低。反而富咸呢，嗰個人工水平其實同好多隊差不多，例如同狼隊都差不多，但表現爭好遠。真係教波嘅，搵呢啲隊教，就表現到自己能力

八．最最最後，好怕啲友嚟同我拗，「都係各有觀點，大家唔同計法」。呀大佬，咁事實就係plot 個圖出嚟，條線就係唔經0,0嘛。咁點會正比例，點會係應該計「平均用幾錢先拎到一分」。你話為普通波牛讀者易明就冇所謂，但我地呢度啲讀者（自命）中產知識份子架嘛！同英國啲薯條佬一般見識咩？況且，根據我主觀嘅理解，似乎我圖得出嚟嘅結論（利物浦曼城熱刺洗得叻，阿仙奴車路士中規中矩），係比較貼近一般球迷睇波嘅觀感。而唔係原文嘅結論（阿仙奴車路士性價比低，利物浦中游）

（學術撚先好入：條線其實會係 y=10.6x + 22。y係分數，x係百萬鎊人工。即係每多一百萬鎊人工就買11分左右，底分22分—但事實上呢個底分解唔通，所以我費事貼上圖度，唔想誤導啲普通讀者）