青春會「耗盡」，幸福要「終身」？#wyk9up 話說呢排探監，黃太時不時都喺度講，我要諗清楚係咪想將青春「押注」喺佢身上，佢出到嚟我肯定都over咗30歲，到時如果佢真係唔適合我，我先嚟搵過個「終身伴侶」，已經太遲，如果要生小朋友亦都略嫌太遲。 我想講，我19歲就已經叫做同佢一齊，依家26。我唔覺得青春係會「浪費」喺一個人身上，因為呢段期間我仲有做好多嘢，有個人嘅成長、事業嘅發展、友誼嘅增進、見識嘅擴闊，去過好多地方體驗唔同嘅生活……而且我係自願同呢個人相處嘅，雖然有唔開心但亦都有好多開心，呢啲時光係真實嘅，點能夠話係浪費？我唔覺得，就算最後我未能夠同呢個人「走到最後」、白頭到老，我作為女性就係浪費咗「寶貴嘅」青春喺佢身上。同樣地，黃太作為男性，佢都唔係「浪費」咗青春喺我度。 當然，佢會咁講，係因為社會有根深蒂固嘅思想，覺得女性要生兒育女、組織家庭、相夫教子乜乜77。如果想生仔，醫學上都的確係有適合生仔嘅年齡，喺照顧方面，大家都可能覺得有一個「家庭」（阿爸阿媽、四大長老諸如此類）先係最「完整」、最「適合小朋友成長」。 但我認為，一個女性不一定要根據呢個框框去行。 首先，我唔覺得一定要生仔，一個女性就算冇小朋友，都可以好完整，生命都可以好精彩。如果真係好鍾意小朋友，又生唔切，而人工受孕又唔可行，孤兒院大把小朋友，大可以去領養，對社會嘅好處一定比你生多一件大😌 第二，我唔覺得照顧小朋友要一個「完整嘅家庭」。我認為只要計過數、肯付出同埋用心栽培，無論個小朋友係冇爸爸、冇媽媽，定係有兩個爸爸、兩個媽媽、三個爸爸、四個舅父、五個契媽…其實都唔係真係咁重要。所以，如果真係超級想生仔（假設），其實我大可以喺佢坐緊監嘅時候借種生仔，或者同一個人生一個，同另一個人又生一個咁（強調只係假設😂），等佢出嚟又同佢生多個，多元成家（即係咁講），完全唔存在「為咗要等佢，就要錯過黃金時間」嘅想法。 第三，點解20幾歲，就要「認定」一個人？一世人流流長，有100歲命都唔出奇，時代、個人嘅價值觀都可以不斷變，點樣可以預視到未來60年？我係一個好重感情、亦好長情嘅人（hence 而家咁「傻」😂），不過理論上、思想上，我並唔覺得事必要有一個「尋找終身伴侶」嘅追求。合則來，不合則去，只要相處嘅時候好好珍惜大家、用盡全力去愛，就係最好嘅愛情。 第四，社會之所以覺得女人嘅「青春」會「耗費」，係因為覺得女人最有價值嘅就係年輕嘅肉體、散發住生育荷爾蒙嘅青春子宮。但如果摒棄左呢種思想，用返男女平等嘅角度去睇，重視返我哋作為人嘅追求，就唔需要將女人30視為人生分水嶺：如果唔諗生仔，或者對「養育小朋友」、親密關係呢幾個議題有多啲可能性嘅想像，就唔需要迫自己要既有框架走，亦不必顧慮太多。過咗30歲，其實人生先啱啱開始，就算冇咗青春子宮，都仲可以有成功事業、美滿愛情、刺激遊歷、性感肉體…無錯，年輕不代表性感，性感不代表年輕啊😎😌 愛自己、知道自己嘅價值、努力做好自己就會散發出性感㗎啦😚 結論，其實我知道黃太只係想聽我講下甜言蜜語，想我同佢講會同佢一生一世，亦因為坐監多嘢諗，開始自責覺得累咗我。不過其實我覺得咁樣就作出一生一世嘅承諾太廉價，亦都對我唔公平😂 喺出面嘅時候都大把問題，都係唔諗將來，點解而家坐咗監就要「認定」對方先😎😂🤣 大家見佢思想都係一個好開放、好明白事理嘅人，佢尊重我嘅思想同埋價值觀，我同佢會互相辯論、影響對方，佢唔會覺得我係佢嘅擁有物咁操控我，我都比佢好多嘅空間同埋支持😎 其實我覺得咁樣就可以一路走落去，萬一佢出到嚟我太老，佢又想生仔，佢咪搵過個後生嘅生囉，我同佢一齊湊囉(?)，根本就唔需要諗太多啦😎 #劉頴匡獄中書信

父親節快樂❤️ 左一（姊夫） 中間（爸爸） 右一（叔叔） 三個爸爸都快樂🎂 送他們一個全世界最棒的爸爸獎盃🏆😂 #father #family #happyfathersday

三個爸爸，一個爺爺，一個阿公，一個姑丈，一個舅父，四個兒子。祝大家父親節快樂！ #父親節快樂