［#玩得又食得 #日本研發DIY教學糖果］
聖誕買咩禮物俾小朋友？諗唔到買咩不如買一啲可以動動腦筋又玩得又食得，大人同小朋友都可以一齊動手製作嘅日本 #KRACIE知育菓子 嘅《知育菓子節日禮盒套裝》俾小朋友🥳心心見到個禮盒已經好興奮，大大盒又色彩繽紛，不停嚷著要開要玩喇😆

一大盒裡面有5樣，包括有[英式下午茶套餐 ]、[ 壽司套餐]、［拉麵套餐］、[蛋糕雪糕套餐]及［七彩拼圖朱古力］。材料我只需要預備水同剪刀就足夠，製作過程簡單容易，指示清晰，好快就整好👍🏻製成品仲好好食😋全部都係糖果味，最特別係隻餃子🥟原來係汽水糖味，餃子皮好好食😍拉麵好食到連湯都飲埋😂

整蛋糕🍰同雪糕🍦時，感覺自己係一個整餅師傅咁，心心可以發揮自己創意喺蛋糕🍰同雪糕🍦加上粒粒糖果🍬裝飾，自己整完自己食，感覺真係好玩好味又滿足，滿滿嘅成功感對小朋友都好重要架😆

咁得意好玩嘅「知育菓子」糖果製作玩意，間中買黎同小朋友玩真係好好，玩完又食得，成份安全，用嘅係天然食物色素，如甜菜頭、螺旋藻等天然蔬果顏色，亦做過安全實驗，可以安心食用👍🏻「KRACIE知育菓子」以生活化的「親子+學習」為研發理念，讓家長同小朋友在家一同製作食物過程中，促進兒童專注力、小肌肉發展等等。有得玩有得食，一舉三得！

一盒知育果子，幫小朋友全方位發展！
✓創意力 ✓肌肉靈敏 ✓認知及思考
✓專注力 ✓手眼協調 ✓洞察力

銷售點:
- 全線玩具反斗城 (禮盒裝只限玩具反斗城發售)
- 指定百佳超級巿場
- 指定惠康超級巿場
- 沙田、IFC、時代廣場同海港城 CITY'SUPER
*不同店舖有機會以不同價錢出售，售價以各門巿零售價為準

Kracie知育果子 - 幼兒成長教室

#知育果子 #日本製造 #玩得又食得 #親子活動 #聖誕送禮必選 #小朋友至愛 #專注 #玩具反斗城 #百佳 #惠康 #citysuper

【不能說的需要】

搶接柯打後，最怕乘客遲落嚟或者放飛機，喺趕往上客地點及等待上客期間，往往度秒如年。尤其是表明「急要5分鐘內到」嗰啲，一係一分鐘都唔等得，一係十分鐘都唔落嚟，如非位置極佳，否則好少接，以免阻人發達。

呢次喺ied運動中心附近搶到逸瓏灣往中環九號碼頭，雖然急要，但應該問題不大。打電話嘅同時，已經油門全開前往。

「請問係咪去中環碼頭？我過緊嚟，兩分鐘到。」
「過緊嚟？你喺邊呀，快少少，我好趕。」
「我喺ied運動中心⋯⋯」
「咁遠？你快啲啦吓。」
講完呢句電話就渺無聲息，由於停得太突然，我一度以為藍牙又斷線，一邊鬧個藍牙唔聽話 ，一邊踩深油門。

到埗之後，再打電話諗住報車牌。電話一通：「司機吓話，你到咗喇？得我而家落嚟。」由於聽到愈來愈細聲，我情急大叫：「車牌係44⋯⋯」呢個時候我驀然驚覺，原來我係被Cut線的。喺驚乘客上錯車嘅不安中，五分鐘就咁過去，忽然電話響起。

「喂？師傅，你車牌係咪44⋯⋯哦，我見到你喇。」來人係一個年輕女子，飄逸嘅米白色長裙，呀，長褲先啱，雖然寬到飄吓飄吓但係有褲管嘅，上面攝住件直間Tee。清爽嘅短頭髮樣唔差，可惜哈利波特眼鏡後面嘅眼神太火，睥住我車牌唔知噏乜，我終於體會到鬥牛勇士揸住塊紅色布等隻牛牛衝埋嚟嘅緊張與期待。

「係咪去中環九號碼頭？」重複確認目的地係好煩，不過有煩過無去錯，同要避免接錯乘客，太多人Call完車，甚至無Call車但見車就上。「係呀，開得車喇，快，快。」「行西隧有無問題？」呢個就唔係多此一問，就係有啲人又要快又要塞紅隧。果然，佢都遲疑咗一吓：「紅隧，呢個時間塞唔塞？」「紅隧幾時都塞過另外兩條隧道wo」這是常識吧，我心諗。「好啦好啦，咁西隧，快呀唔該。」雖然無乜禮貌，但見佢講完連環踩地三嘢，我feel到佢真係幾趕，應該係約人五點半但五點半出門口嘅朋友。

「屌，有無搞錯呀？」開車無耐，乘客爆出呢句。逸瓏灣出嚟上吐露港公路，轉左經科學園或轉右向大埔行一段出都得，唔係問少句都出事呀？「唔好意思，你想我行另一面？」「吓，唔係呀，我漏咗嘢。我想問沿途有無百佳惠康七仔嗰啲？」「無wo，兜落沙田大圍上環中環買都得，但可能會塞車囉。你漏咗咩呀，唔緊要嘅落車再搵囉。」其實中環九號碼頭邊有嘢買？不過佢去邊買定返轉頭都好，都會浪費寶貴嘅時間。

「唉，女人嘢，你唔明㗎喇。」永遠到迴旋處就有客改變主意，我成日懷疑好多交通意外就係咁造成，好在呢個迴旋處無車行，我啱啱好可以踩停部車，硬生生唔出路口，扭返轉頭。「咁你返去整一整先啦，我喺樓下等你，唔好出去搵喇，驚你趕唔切。」

落車，上去，睇住書等。錶跳到二十幾蚊嘅時候，佢終於返落嚟，仲換咗條黑色褲。唔知係我分唔清楚個款，定真係同一個款買兩隻色。「ok喇司機大佬，多謝你等我呀。」「唔洗，我唔等你我都未必有生意做。無漏嘢啦？咁我衝出去㗎喇。」「無喇，麻煩哂喇唔該。」「好，如果太凍你話我知。」事實上係，每個男人就算無女朋友都有阿媽生，生理期嘅躁底點會唔明白，嗰種情緒波幅劇變點會未體會過呢。最重要嘅係，我唔想冒清潔車廂嘅風險。希望接佢位兄台平穩過渡，掟多啲大公仔啦，不過記住，公仔太大都要收行李費㗎。

#lazytaxi
#的士
#taxi
#我的你的紅的

【十個開房的地址】

秋風起，扯衡旗。天氣開始轉涼之後，搭的士去開房嘅男女特別多，難怪九月份係最多人出生嘅月份。

不過搭得的士去開房，多數都好怕羞。最誇張見過有個女仔由上車到落車，都將個頭埋喺男方寬廣嘅胸膛上面，驚死畀人見到佢。女仔有矜持，畀司機知而家去畀人屌覺得怕羞都可以理解，但係好多男仔都鍾意用代號代替，偏偏我最怕去錯目的地，唯有迫佢承認去開房。

以下係一啲去開房嘅常見隱喻：
1.維記
呢個最正常，不過第一個同我講嘅乘客喺中環上車，同我講話去維記，很傻很天真的我問佢係咪去維多利亞公園，畀人質疑我係咪玩嘢。

2.登打士街百佳
朗豪坊附近一個女人跳上車吐出六個字，有街名就即刻開車，一開車就唔對路，乜登打士街有百佳咩？於是好傻咁問個客，究竟想去百佳定惠康⋯⋯

3.九龍塘
對好多人嚟講，九龍塘係開房代名詞，我地成日都笑人去九龍塘話人去開房。不過九龍塘其實好多住宅，上的士話去九龍塘，我真係要問究竟想去邊。

4.去有得開房嘅地方
呢句好似好清楚，但事實上係廢話。有得開房嘅地方實在太多，大佬你想去邊先？試過喺老蘭一帶，男方上車先問條女「我地去酒店啦好唔好？」，條女表示OK之後，男方話去港島香格里拉，所以，去邊真係要講清楚。香港大把地方扑嘢，問題係你有無錢，有無對手。

5.邊度有牀
同上面個case類似，不過懶係隱晦咁，氹到條女開房以為大個仔嘅大學生，話「邊度有牀去邊度」，車你去宜家家俬好唔好？見佢喺浸會大學上車，不禁同佢講：「佛光街好似有個地方幾出名。」

6.運動場
雖然扑嘢係幾大運動量，但一對男女打住車輪同我講：「師傅，載我地去運動場呀。」仲要發出啲呻吟聲示意，呢次我明去邊，但犯咗同一個毛病，唔講清楚去邊，載你地去紅磡體育館好唔好？

7.邊間時鐘酒店最遠？
喺旺角上車，一副好驚畀人見到嘅樣，首先叫我開車，然後問邊間時鐘酒店最偏僻。久唔久有遊客問去邊食、玩，但問去邊扑？Sorry，真係無乜推介。見佢地年紀輕輕，加上當日自己收入不佳，我畀兩個選擇佢：長洲東堤或元朗。佢。真。係。去。元。朗。

8.咩咩
「師傅我地想去咩咩呀。」呢個咩咩係一個代號，曾經代入為「搞搞」「愛愛」「做愛做嘅事」「扑扑」同「咩咩」，係最多人嘅選擇。不過都係嗰句，你去目的地做咩，唔使同我講嘅，你開房玩占卜都得㗎，最緊要有地址。正如搭的士去食飯，會唔會同司機講：「師傅我地想去食飯呀。」？

9.軒尼詩道幾多號
最危險嘅地方先係最安全嘅地方，有啲人會講時鐘酒店嘅完整地址，金巴利道幾多號、軒尼詩道幾多號、砵蘭街幾多號、律倫街幾多號⋯⋯呢個講法我最buy，乘客覺得隱晦、司機聽得清楚。不過事實上，熟路嘅司機一聽就知。

10.乜乜街間七仔
好多人都講話去時鐘酒店附近嘅便利店、食肆，不過落車直入開房，或者買啲嘢先上房，係比較隱晦嘅做法。買嘢上房我理解，話去7仔但直上嗰啲我真係笑出嚟。

其實開房好平常啫，邊使咁多顧慮。點都好，天氣開始凍，祝各絲打道路暢通，各巴打出入平安，注意安全，唔好搞出人命，好難養㗎。

#lazytaxi
#的士
#taxi
#我的你的紅的