【龔成問答信箱】（Q22061-Q22080）

Q22061：

龔sir, 本人52歲，早年對股票市場沒有深入認識，便跟朋友一起買入股票，97年全部變晒蟹貨，朋友話同佢鬥長命，所以全部都沒有放出，

但有些已100合1，變為單位數股票，想放出也蝕手續費。

最近這兩個月開始睇你Facebook, 覺得應該要整合一下手上的股票，不應採取放任不管態度，要選擇一些適合自己年齡的投資組合。想問以下股票是否應全部放出？

0604(深圳控股）
0622(威華達控股）
0697(首程控股）
0759(CEC國際控股）
0887(英皇鐘錶）

0910(中國三迪）
1168(百仕達）
1339(中國人民保險）
1387(中國地利）

1466(錢唐控股）
8173(萬亞企業）
8178(中國訊息）
8311(圓美光電）

手上還有以下賺的股票，是否應繼續持有？

0354(中軟國際）
0700(騰訊）
1810(小米集團）IPO
2158(醫渡科技）IPO
6618(京東健康）IPO

睇左你facebook後，上月買入以下股票。

2382(舜宇光學）月供$2000
2800(盈富基金）月供$2000
6823(香港電訊）2000股

月入3萬，扣除開支後可儲蓄$5000，.流動資金$1,200,000. 應怎樣運用現有資金，來選擇適合的投資組合。

龔成老師︰

我地投資一隻股票，就如投資一間企業。如果你係無質素架股票，不論而一刻係賺定蝕，你都應該要沽出。

唔好諗住同佢鬥長命，因為無質素架股票，可以越跌越深，去到一個低賤的你估唔到的水平。所以要果斷，無質素就要沽出，將資金收回，用於有價值的股票身上，才是正確做法。

另外，你唔好再單係聽朋友講，或者聽消息就去買貨。

我地買入一隻股票，一定要知道佢質素、行業前景、財務狀況等，才去投資。如果你連間公司點賺錢、行內有乜優勢、點解未來有發展和增長潛力，都答唔倒自已，咁就要停一停，唔好投資住。

以你52歲計，現時月供的股票都無問題。至於，你現有持股方面。中國人民保險(1339)有質素，你可以長線持有。

深圳控股(0604)、首程控股(0697)都可持有，但質素較一般，不宜持有太多。

中國軟件國際(0354)、騰訊(0700)、小米(1810)、醫渡科技(2158)、京東健康(6618)係有質素的潛力股，由於佢地風險較高，以你年紀不宜持有太多，最多只可佔組合2成。

其餘股票，質素較弱，甚至係無投資價值，建議最好沽出，換至其他優質股較好。

未來時來，你可以用以下股票作目標，當中以平穏增長股為主力。但隨著年齡增加，慢慢增加收息股的比例。到退休時，你收息股比例，應提升至100%。

現時大市只係合理水平，現金佔比重大約3-5成。你可以睇翻自已現金和股票比重，決定是否再投入更多資金入市。若然係再入市，緊記係分注慢慢入，唔好一次入晒，以減低買貴貨機會。

------------------------------------------------

Q22062：

老師， 8367 倩碧是麻孫樂控股公司，上月見價位低殘，買一百萬股都是十一萬左右。 之後減磅兩次，仍有六十餘萬，繼續揸擔心一天瀉九成。 可以點處理？

龔成老師︰

倩碧控股(8367)集團於香港以「麻酸樂╱嫲孫樂」、「峇峇娘惹」及「泰巷」三個自營品牌經營。另外，有提供特許經營商經營，供中式麵食、泰國菜式，日本菜式及馬來西亞菜式。

此規模唔算大，營業額唔算多，而且有按年下跌的情況。過去企業多年虧損，2021年表面上係轉虧為盈。但實際上，只係公平值變動(一些會計數字，而非實際收入)會造成。

實際上，佢過去4年都係維持虧損狀況(包括2021年)。睇唔倒有乜明顯因素，支持佢近期大升。

遇到這些情況，我地就要好小心。而且企業本身無明顯投資價值，建議盡快沽出較好。

------------------------------------------------

Q22063：

龔成老師，你好呀！之前問過你有關投資股票嘅問題，因為等佢價格高啲先放，所以現在冇變動過。仍然係以下咁：

#1 2500股 $53.5
#2 1000股 $71.5
#941 1500股 $42.5
#291 10000股 $67
#3690 500股 $278
#909 8000股 $53.5

現在問題是我嘅租約差唔多滿，有現金和以上股票200萬左右。請問我應唔應該賣晒啲股票，用我190萬左右嘅錢去做down-payment 買樓，做6成按揭呢？

因為供樓同我現在租金一樣。我想買嘅係一個272呎嘅元朗開放式單位自己住，供樓連管理費會是$12000內。請問我嘅投資方向啱嗎？

因為份工剛剛做，要到出年才有稅單可以做8到9成按揭，又怕出年更貴，應該怎麼樣更好呢？ 麻煩老師解答，萬分感謝！

龔成老師︰

現時貸款息率唔高，其實盡借長線只會貶值的現金。之後，再將空出來的資金做投資增值，咁會較好。

至於明年樓價會點，無人知。但從長線投資角度考慮，你用低成數按揭，長線可以投資資金會縮細，在現時市況，對你係不利。

現時持有股票，都係有質素，長線持有就可以。

明源雲(0909)和美團(3690)不確定性較高，不宜持有太多。

另外，你非常集中係華潤啤酒（0291），佔組合近一半。記住，個別企業和行業，不要佔組合15%和30%以上，否則會有過度集中性風險。

因此，你要沽出停份，去平衡風險。

------------------------------------------------

Q22064：

龔SIR你好~~我係上年PM問你供股既建議，供左大概九個月，一開始你叫我拎5K月供真係好心痛，後來我減少開支再諗辦法做副業，真係比我做到月供5K!!!

見到有正數增長真係好開心(大概8%)!! 呢一年努力抗疫唔出街，總共儲左10零萬(拎左8萬左右投資)，自己做副業賺左萬零蚊,

雖然好少錢，拎去入左一手IBOND打算賺少少，錢搵錢呢個感覺真係好好。

加上好好運咁逆市升職，加左家用比父母，佢地又開心左～我覺得自己好適合做月供，個心好定，唔洗成日望住個市影響心情！可以用多D時間專注正副職/讀書。

本來手上有5萬左右現金，不過拎左去大學交學費， 再學埋電單車， 比我用晒了…而家無錢入市啦, 只可以月供， 不過D錢投資自己身上我覺得值得既!

未來打算加大個月供計劃！每個月總共可以儲1萬至1萬3～

而家調整緊個計劃，想問下你既意見～

1. 我應該繼續用5K月供,定加到6K?

2. 月供2800 價位約$27, 我可唔可以停左等到價位回落先再供?用筆錢供其他股票?

3. 如果已經有1810, 1211, 9988, 2158, 6618呢幾隻股票係手, 我應唔應該供3067?

9988而家月供緊, 其他暫時無供. 1810, 1211等價位低先再供. (暫時主力供823, 9988, 1177, 2638, 2800)

4. 最近考左電單車牌, 打算買車送外賣/送貨之類.（期望每月賺多$3-5K, 因為我係女仔, 第一比人話危險, 二黎比人笑我無出息, 但我唔理旁人既眼光, 我要賺錢呀!!!!)

a. 假設我手上有四萬現金:
i. 直接全數買車
ii. 兩萬蚊去分注月供股票, 留兩萬係手, 用信月卡分期12個月供車, 利息大約0.15-0.18% . 如果供股票想揀2638, 打算派息可以cover信用卡大部份既利息.

5. 思想上唔夠進取, 唔敢100%拎晒去買潛力股, 所以揀月供2638, 咁樣係咪好蝕底呀?

多謝老師花時間睇我既問題!!

龔成老師︰

現時你理財方向，都正確，要保持住。同時，你努力學習，去提升自己投資知識。

1) 如果每月係可以穏定儲到$12000，你就應將月供加大至$6000

2) 唔建議，首先，我地只會係去到好貴架水平，才會考慮減供款或停供。但現價計，盈富(2800)只在合理水平，不需要調整供款。

另外，你投資經驗不多，我唔建議你咁快自行決定調整供款策略。因為如果你調整時機不對，會大大影響長線平均價格效果，令長線回報受影響。

除非你對定平貴，係好有信心。否則一直不理價格，去長線月供，反而對你係最有利。

3) 港燈(2638)係收息股，增長力不高。你現時29歲，應以增值為主，故此股不適合你作為月供目標。

至於安碩恒生科技(3067)，你去月供係可以。只要你科技股(9988, 1810, 3067)，唔好佔超過組合3成。同時間，潛力股(1810, 1211, 9988, 2158, 6618, 3067, 1177)唔好高於組合4-5成，咁就可以。

小米(1810)現價略貴，但月供還是可以。而比亞迪(1211)現價係貴，月供最好等回到$17X才考慮。

4) 其實工作，都無性別之分。你唔洗太理別人眼光，做正確的事，永遠都是對的。

以利息率計，用分期買車，再去投資收息股，係會較理想。但你要明白，股票始終會有價格波動，有機會賺息蝕價，你要明這個風險。

另外，你都要了解清楚，這個是否真正總年息，會否有其他潛在費用，才去做決定。

5) 我地投資，除左年紀係考慮因素外，投資經驗和風險承受能力，都係一個考慮。所以，無話絕對的對與錯，重點係是否適合你。

以你年紀，港燈(2638)的確會係較保守。但要去到100%潛力股，你個組合風險，又會出現過高情況。

你可以用一半平穏增長股，一半潛力股作組合，這樣組合平衡性會較好。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）、三星FANG ETF（2814）。

------------------------------------------------

Q22065：

龔Sir，感謝你在股票班最後一堂的個人分享，聽到我眼濕濕。實在太有共鳴，亦自愧不如。

我嘅成長環境同老師你有啲似，都係成長於公屋家庭，居住環境擠逼，由於長期缺乏私人空間，非常渴望擁有自己居住的房屋單位，

但礙於香港樓價高企，個人經濟能力有限，一直處於半放棄（人生）狀態。

自愧不如的是比老師你行慢好多好多步。老師在十多歲嘅時候已經定下目標，立定決心，付出超乎常人嘅努力，28歲嘅時候賺到第一個100萬，反觀現時27歲嘅自己才剛剛起步。

不智嘅我都曾經怪責父母嘅不努力，甚至抱怨不想被生下來，傷害了彼此。

現在明白父母給予自己最寶貴的禮物是生命，財務知識可以自己學，錢應該自己搵，人生掌握在自己手中，將來由自己親手構建。

當人立志成為優質股、潛力股、倍升股，定必增長迅速，回報驚人。深願能夠運用所學，日後向老師你匯報成果。

龔成老師︰

你現在才27歲，現在努力去做好財富增值，未算遲。這是你最大的本錢，只是你這刻努力，一定能完成到目標！

其實，好多外在的客觀環境，唔到我地去改變。但我地可以改變自己，調整自己的心態。

你唔好覺得不如我，我都只係一個普通人，我做到的事，你都可以做得到，只要你相信自己。

上完課程後，你就當係一個新起點。努力去為自己人生定好計劃，比心機學好理財，相信很多你過往覺得的「不可能」，都會慢慢變成為看得見的「無限可能」。

同學，加油!

------------------------------------------------

Q22066：

老師，上年開始FOLLOW你的PAGE，亦很同意要買優質企業的看法。我亦已閱讀了你的4-5本書籍，亦閱讀了格雷厄姆、彼得林區、巴菲特的一些書籍。

透過購買優質股，我曾經浮收益超過6位數，我非常感謝！

然而，今年分析了968 後，認為該股是優質，故分注入了3手，分別是15、13及12，然而卻不斷下跌，收益不斷減少，令我反思是否應該斬倉...亦令我覺得不應該持續望住股票...希望將來可以好似老師甘可以令利財產增值。謝謝老師

老師，均價13.8入了3手968 信義光能，請問是否應止蝕？

老師，一直都想入完美醫療，但見佢業績持續向好，股價亦不斷上升。想問下老師，此隻股是否仍然5蚊左右才是合理區頂？

龔成老師：

其實，你保持用「價值投資法」就得，但要留意，這是長期性的，你中短期會有好多考驗。

信義光能（0968）是有質素的股，但你犯了幾個錯。

第一，你在貴的價位買入。

第二，你每次買入價相差太近，起碼要有10%以上，如果股價較波動的類別，要差15%。

第三，你應該等回去合理區先分注加注。

第四，你唔應該因為「股價下跌，就認為企業質素轉差」。

這股可以守的，但就要耐心點，如果你持貨不過多，無問題。

完美醫療（1830）長遠有發展，本身有一定的質素。

睇翻之前的疫情，佢身處的行業受影響，但佢的現金流及財務數據都唔算差，這點可以想象到，當正常的經營環境，佢的生意一定唔錯。

加上佢的野心愈來愈大，本身有一定的技術，同時不斷將香港的業務模式複製到其他海外地區，我見佢加強了發展其他地方，因此發展不差。

這股有長線投資價值。

業績前計佢$4是合理區頂，業績後股價升左好多，雖然我之前好大機會會調高佢合理價值，不過，現價都有少少貴。

所以，如果無貨，你可考慮回少少，先小注，然後等跌多d先正式分注投資。

------------------------------------------------

Q22067：

Coinbase我係咪應該放手？

龔成老師︰

Coinbase Global Inc（COIN）雖然有獨特性，但真正的長期價值有多少，根本好難估。

佢係加密經濟技術供應商，佢從平臺上的交易中產生大量交易費用的凈收入，以區域來講，佢大部分收入來自美國，其次是世界其他地區。

要分析佢的價值，就要睇翻虛擬貨幣長遠發展。以本質來說，虛擬貨幣是人為創造出來的，絕對不是「資產」，有沒有真正的價值，如何定義真正的價值，未知，亦令COIN的價值，變成未知數。

長遠的價值，取決於「有多少人用」，如果長遠好多人用，的確可能有高價值。但如果無人用虛擬貨幣，這公司都無價值。

因為分析長遠是否好多人用，是非常困難，因此，當中存有相當的風險，當然，潛力同樣都大。

若你只係好少注，同時又睇好虛擬貨幣長遠發展，你可以守。若佢佔你組合較多，最好沽出部份，去平衡風險。

------------------------------------------------

Q22068：

您好，龔sir.，我想問您對Pre IPO有了解嗎？

我朋友佢話私募基金的回報高過股票，她提及到她將20萬本金放在系一個私募基金的項目裡，三到四個月連埋本金已賺40萬，她問我有冇興趣？

因為我的投資都是放系股票，對於Pre IPO相關資訊真是不太了解，而且回報率禁高，會不會有很大風險呢？

因為我聽她講就好似好低風險，但我始終都不太相信。按常理，高回報就高風險，但她提及的IPO好似有點有悖常理，所以想請教一下您，謝謝！

龔成老師︰

Pre IPO就係指企業在上市前(即IPO前)，進行的集資。

由於正式上市申請，係需要一段時間，有些企業就會用這個方法，去提前得到一些資金，用作上市前支援營運之用。

而Pre IPO基金多數會在上市時，就沽出這些股票獲利。由於上市前，一般估值較低，故潛在升幅會較大。一般這類股票基金，投資時間都唔長，可能講緊只係1,2年時間。

但你有留意我FB，我經常都會話，唔太建議投資IPO。因為可以參考數據好少，好難進行一個合理估值。而且好多時，企業真正表現，要1,2年先會睇得到，故投資風險會較大。

Pre IPO是未正式發表上市的企業，其可參考資訊，就更加少。甚至連佢最終能否上市，都會係一個問號。

我唔係話這類基金，全無投資價值。但你要明白當中潛在風險唔細，是否值得投資，你要自己衡量。

當然，我不是話這類項目不值得投資，只是「有風險，有回報」的類別，你要明白這點。

就算你最終決定投資，你都要控制注碼。永遠我地都要係「先知風險，後想回報」。

------------------------------------------------

Q22069：

老師你好！我跟咗你嘅投資方法三年，而家手上有超過一半係潛力股。我有限住自己每個月至少要供幾多錢，但有時手上嘅股票價格又偏貴唔想再入住，久而久之就越買越多隻股票，而家已經有14隻。

除咗股票數量太多之外，有時咁啱果個月得某一隻股票係合理價我就會買晒佢，好似而家9988已經佔我嘅投資18%。

我知道老師講過單一股票唔好超過15%，但而家佢係喺我手上已有嘅股票中價格最合理嘅。我唔想再增加股票嘅數量，但又無理由買其他貴貨。

龔成老師：

如果你出現愈買愈多的情況，反映你買入前，無經過仔細思考、研究，小心作決定，我在股票班，會派一份6頁紙的「企業評估表」

要求學員，每次買股票之前，都要填好先買，目的是希望令佢地，確保買入的都是有質素的股，以及睇得好準先會買。

阿里（9988）這刻，你只有不要再增持，到之後你有資金，慢慢配置到其他股票，阿里的%自然會減少。這動作不用急，長遠進行就得。

------------------------------------------------

Q22070：

老師你好，我兩三個月前開始見到你FB, 見到你教投資，有看你回答大家嘅問題，睇咗你嘅80後百萬富翁，而家睇緊股票勝經，

我47歲，有幫爸爸和女兒投資，持有以下股票。另外1063唔識點處理，結果而家價值得返$300幾，而家見到6808又跌到$5個幾，應該繼續長遠持有還是換出？

請你指導吓，謝謝老師！

本人持人
1. 9988 阿里爸爸 200股 $245.80
2. 9618 京東 500股 $397.40
3. 3690 美團 400股 $389.80
4. 0909 明源雲 2000股 $54 + 1000股 $45.80
5. 2013 微盟 4000股 $26.05

6. 2318 中國平安 2000股 $97.15 + 500股 $89.10
7. 1211 比亞廸股份 500股 $150.80 + 500股 $147.30
8. 6808 高鑫零售 3000股 $10.20
9. 3738 阜博集團 1000股 $32
10. 1398 工商 19000股 $5.73
11. 1063 新確科技 60000股 $1.38

爸爸80歲
1. 2888 渣打 300股 $105 + 300股 $77.80
2. 0003 中華煤氣 2000股 $14.88 + 100股 送嘅
3. 2318 中國平安 1000股 $95.70 + 500股 $91.30

用女兒利是錢幫佢投資
1. 2800 盈富 500股 $25.88
2. 3067 安碩恒生科技 200股 $17.83

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

由於你地3個人的人生階段不同，所以投資方法和目標，都會有分別。

先講你女兒，佢年輕，可以增長為主。你現時這個組合，已經係可以。

若你想增長力較高，可以多儲安碩恒生科技(3067)。但此股波動性會較大，要睇翻你自已風險承受能力。

至於你父親，由於已經係退休人士，重點唔會再係增值部份，應以收息股為主。透過股息的現金流，去支援佢退休生活上支出。

渣打集團（2888）質素只是一般，建議換碼。而煤氣(0003)和平安(2318)都有質素，可持有。

未來若你加大你父親投資，應集中收息股。以下都係有質素的收息股，你可以從中參考一下。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

至於你本人組合，以你47歲計，增長係需要，但要慢慢轉得保守點。

高鑫零售(6808)質素較中等，不宜持有太多。

新確科技(1063)主要於香港從事電話及相關產品之設計及銷售等業務。

這股規模細，加上多年出現虧損，暫時睇唔倒有投資價值，建議你沽出。

中國平安(2318)、工行(1398)有質素，可持有。

較大問題，係潛力股類股票(9988, 9618, 3690, 0909, 2013, 1211, 3738)你持有太多。以你年紀，最多只可以佔4成，而且要慢慢開始下調至2成。

現有持股，可以唔洗沽。但將來，你投資上應較集中平穏增長股部份，令組合風險水平，慢慢回復平衡。

現時大市只在合理區，資金唔好盡用。最好留有部份，等大跌市出現時，可以用來掃貨。

------------------------------------------------

Q22071：

老師最近睇緊千萬富翁， 內容話到如果依家工作發展前景有限 就要轉工轉職位 尋求突破。

關於哩點 我想問下 如果我覺得我依家工作唔會有好大突破

但係我本身工作經驗唔多同時又岩岩得到哩份工冇耐， 咁嘅情況下要繼續留待 或者 搵機會轉工會好d？

龔成老師：

你要以5年、10年，作為思考的單位，現時的工作，對你長遠有無用？

如果無用，就要轉，轉是大方向，但是否這刻轉，或一年後轉，就要睇你自己的情況。

如果你本身工作經驗唔多，就可以先在現時工作，做1年先，等你有工作經驗先轉。又或者，你繼續翻現時工作，同時，尋找自己想發展的工作，如果找到，就辭工。

總之，你要思考你的大方向。然後就要想想，現時選擇那些工，最有機會完成到你的大方向。

------------------------------------------------

Q22072：

你好，我見恆安國際1044 數據都不差，現價入是否值得長線渣？

Pe 純利 股東資金回報都好
唯早前亦回購了數次

龔成老師：

對，恆安國際（1044）的財務數據不差的，不過，企業的發展與增長力就不強，佢主要業務為在中國生產，分銷及銷售個人衛生用品，零食產品及護膚產品。

恆安擁有多個品牌，如「心相印」、「安而康」、「品諾」、「安爾樂」等，而業務大致可分為紙巾產品、衛生巾產品、一次性紙尿褲產品、零食產品。

恆安具有品牌，又處於增長中的市場，前景不俗，故此企業為不錯的優質股。不過，市場競可能令毛利略為受壓，但相信隨著此企業發展更多較高毛利產品，影響不算大。

長遠來說，恆安仍有一定的前景，故有投資價值的。成本上升，令佢略有風險。整體而言，有長線投資價值，現時大約在合理區中間。

------------------------------------------------

Q22073：

龔成老師，請問5M可以買什麼樓來放租？可以考慮那些區域？6年後退休，現在應否做按揭？謝謝！

龔成老師︰

其實無話特定乜野樓會較好，藍籌屋苑會加分，尺寸最好近300呎，符合一個家庭基本需要。

你要睇翻該物業的質素，呎價，預期租金回報率，特別是利用「呎價，預期租金回報率」去比較同區同類單位，以確定該物業的平貴水平。

另外，你再要審視其升值潛力，未來地區上、交通上、生活等等的配套發展，才去下一個結論，咁會較好。

現時息口低，承做按揭，再用多出資金去投資，相信會較好。

但由於你已近退休之年，按揭未必批倒好長年期，故壓力測試上，可能要求會因此而高左。在選擇物業時，你要考慮埋這因素，具體你要問清楚地產經網、銀行，了解清楚先。

------------------------------------------------

Q22074：

老師你好，我黎緊有計劃生完2胎就辭職，因為無人湊BB。你會建議我現階段應該點樣投資？

(先生份糧 + 被動收入可以支撐大部分家庭開支) 我之前買既增長股依家都係負數居多，現階段我應該考慮買返d內銀/ 公用股 收息嗎？

或係我應該買3067/2845 呢類etf嗎？ (手上大約有10萬可投資)

龔成老師︰

我地投資，係應先處理好防守部份(日常生活)，才去進攻(財富增值)。

由於你會做全職媽咪，家庭收入會少了一部份，故首要任務，是要先做到收支平穏。因此，現時支援緊你日常基本開支的收息股，我建議你就唔好變動。

若收支平衡上，依然有一定缺口，你可以將部份平穏增長股，轉移至收息股，去增加家庭現金流。

若已經大致收支平衡到的話，你那些平穏增長股，照持有就可以，讓其繼續為你財富增值。除非佢質素係有問題，否則唔好太在意中短期波動，一直長線持有就可以。

至於3067/2845這類較有增長力的潛力股，到你家庭收支平衡之餘，每月都可以空出一定資金，才作考慮。

至於你手上10萬，我建議你留在身邊，作為應急錢，會較為理想。

------------------------------------------------

Q22075：

你好老師，萬分感謝你的回覆和提供詳細的資訊及分析！

不好意思，這麼遲回覆你，因技術性問題今日先開通富途牛牛戶口。

交代小小我的個人資料，我現43歲，自住物業沒有按揭(已供完)，有物業放租(但租金全數比按揭，按揭還有8年)，現60萬現金，

另20萬要6年後先可取出(兒子出世時買的小狀元儲蓄保險)，現每月可儲HKD13000，現計劃分階段投入20萬作投資股票。

如我選擇五隻平穩增長股作為我開始、首次投資股票，我會以"分注"形式，以下每隻股票先買一手，然後留意價位再每手每手入?

1）盈富(2800)
2）金沙(1928)
3）中銀(2388)
4）港鐵(0066)
5）粵海(0270)

這樣可行嗎？以上這5隻股長揸的話最少多少年較好？這5隻股現在入貨是合理區嗎？

另想問中國鐵塔00788你點睇？

謝謝老師！麻煩晒你！感謝

龔成老師︰

你現時已持有2個物業，成個組合係物業類比重好高。未來時間，應集中投入股市，令組合更平衡。

以你年紀，都有一定增值需要，你現時這個組合係可以。如果你想再進取少少，可以加入少少潛力股。

潛力股︰安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。

但你要留意翻，部份潛力股已有輕微過熱情況。只有安碩恒生科技(3067)、ＧＸ中國電車基金（2845）、 騰訊（0700）、阿里（9988）、中生製藥（1177）、福壽園(1448)勉強算在合理區頂部，可分注入貨，其餘要等等。

至於你目標的5隻平穏增長股，都在合理區，現價可以先入一注。每再回10-15%，就再加注，直至資金用完。

另外，每月儲起的$13000，都可以做月供股票。每月先用一半儲蓄做月供，另一半就儲起，等大跌市機會。

中國鐵塔（0788）不是無質素的。始終中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

佢現時的收入都增長，盈利都保持向上，但增長比之前略減，加上股本回報率不高，是這股較弱的地方。若分析佢市盈率，會見到現時仍然處較高水平，反映佢雖然股價回落左唔少，但仍然未到平。

這股算是合理價。長遠仍算有發展力，可長線。不過，潛力度比過往略減。

這股都適合你年紀，現價可以分注入貨。

------------------------------------------------

Q22076：

你好，老師，有個方法想問你可唔可行，小弟有一層自住樓，已供完，銀行估值600萬，現想加按360萬，分10年還，連本金利息400萬

我計劃：

買1隻穩陣收息股100萬(做膽)，買10隻穩陣不同行業優質股做腳20萬x10隻，淨番60萬一半定下期一半慢慢還款，用曬之後將1隻腳賣走，用來還款，用曬再賣，用曬再賣咁

(當然首選揀隻賺的腳賣啦)10年後，淨反個膽100萬

這方法可行嗎？可以叫做無本生利嗎？

10年叫做無本賺100萬

謝謝老師解答

龔成老師︰

現時息率低，透過借貨去投資，從而賺取息差，係可以。

但有兩大風險，你一定要明白。

第一，借貸創造，表面上無本生利，但實質有風險的，你負債增加，風險會增加。

另外，如果你投資的股票不幸股價下跌，你就會出現「賺息蝕價」，對你不利。

同時間，如果日後加息，又或你收息股的派息減少，都會令你得到的息差回報收窄，你的回報會減少。

所有借貸投資，都不是無本生利，而是背後承受了一定的風險，我不是叫你不能做，而是做進行前，一定要明白當中風險，不要視為穩賺項目。

第二個風險，就是你個配置，有問題。

首先，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

你膽拖這種模式，個膽一定會超過這個標準，令你出現過度集中性風險。

另外，定期本身回報不高，很大機會回報低於你本身借貨利息。變相，你已有一部份貸款，係無效率地運用，拖低了整個組合回報。

若你想用個定期，去平衡個組合風險。我建議你直接不借定期個部份資金，反而仲有利。

餘下資金，我建議你投資一些「平穩增值股」+「收息股」。

平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、平安(2318)、粵海(0270)、領展(0823)。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

若你想組合增長力高一些，可以較集中「平穩增值股」。相反你想平穏少少，可以集中係「收息股」。

但成個計劃，你要明白一點。你係投資緊股票，就算最穏陣架收息股，都會有波動，有機會出現賺息蝕價情況，故你計劃係唔會100%穏賺。

而且，現時大市只在合理區，唔算係好平，這個風險就會更高。

現時大市只是合理區，你借款得來資金，可以先投入一半，用"分注"形式，慢慢買貨。餘下一半就等大市出現一定程度的下跌，才大力度掃貨，然後長線投資。

投資增值，其實唔洗諗到好複雜。只要你用我上述計劃，並長線持有這些優質股，其實已經很大機會，得到一個唔錯回報。

------------------------------------------------

Q22077：

你好 老師，又想麻煩你提點下我。

手頭只有各一手而已

-小米
-3067
-6618

我有10萬

1/ 應該繼續集中月供現有嘅小米，3067 ？

2/6618應該keep定放？其實擺起度都無所謂作長線？

3/ 依家手頭嘅好偏埋一邊 或應入手其他類別 （福壽園/金沙/銀娛/中電/地鐵/領展/比亞迪電子/700）

4/ 新能源股 可以建議邊啲我去study多啲？

再次感謝

龔成老師︰

1) 你現時3X歲，雖然投資上可以進取少少，但都不建議全部買晒潛力股。

佢地雖然有增長潛力，同時風險都較高，不宜持有過多。

以你年紀，潛力股可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。

未來時間，你就要加大翻平穏增長股部份，令組合更平衡。以下平穏增長股，現價都在合理水平，可以分注入貨。

平穏增長股：盈富(2800)、金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建(1038)

月供你可以小注潛力股，較大注係平穏增長股，就可以做到平衡效果。

2) 京東健康（6618）有質素，這股可長線。

其業務主要提供線上線下的醫藥出售和健康管理服務，業務布局包括醫藥電商、互聯網醫療、智慧醫療解決方案、健康服務等4個大板塊。

京東健康旗下京東大藥房，更是內地線上線下收入規模最大的零售藥房。其互聯網醫院，日接診量超過10萬次。

質素上，京東健康是有的。但由於估值難，不確定性大。但由於你只係小注，照持有就可以，但暫時唔好加注了。

3) 係偏向左潛力股，故應加大平穏增長股，去平衡翻個組合。

4) 信義光學(0968)和福萊特玻璃（6865）你可以研究下，但現價都在略貴水平，回多1成左右，值博率會較高。

------------------------------------------------

Q22078：

老師你好，我係投資新手，20歲。我看好未來奢侈品會有更大的市場，所以想投資相關股票，但香港相關股份較少。

我留意到美國有一隻LV ADR股票，LV集團覆蓋性廣，有品牌價值，全球通關後預期業績也會有增長，股價也每年穩步上升中，想問可以以分注買入的方法每月購入嗎？

除奢侈品股，我也看好未來醫美板塊，科技板塊和新能源板塊的發展，想問大方向正確嗎？我應該如何開始部署這些板塊的資產呢？有什麼股份老師比較推介？

謝謝，希望老師能抽空解答

龔成老師︰

LVMH Moet Hennessy Louis Vuitton SE(LVMUY)是一家法國的奢侈品集團，業務涉及六個領域：葡萄酒及烈酒、時裝及皮具、香水及化妝品、鐘錶及珠寶、精品零售及其他業務。

企業有一定品牌，都有投資價值。但畢竟業務以消費類奢侈品為主，較受經濟大環境，盈利會較波動。

這股票都有投資價值，但現價唔平，最多只宜好小注。利用月供儲貨，會較好。

至於你所講的板塊(醫藥業會係重點，醫美都有市場，但無醫藥類咁高潛力)，都係有潛力，同時會係未來大方向之一。

以下都是一些我較睇好的相關行業潛力股，你可以參考下。

潛力股︰安碩恒生科技(3067)、信義光能(0968)、阿里（9988）、騰訊（0700）、舜宇光學（2382）、小米（1810）、中生製藥（1177）、ＧＸ中國電車基金（2845）、三星FANG ETF（2814）。

你現時無投資知識和經驗，對企業估值，點去定平貴未必會太了解。所以你先利用月供模式，去做增值，可以減低買貴貨風險，對你而言會較理想。

你每月大約用一半儲蓄月供，另一半就儲起，等大跌市機會。

另外，潛力股雖然有增長潛力，同時風險都較高，不宜持有過多。

以你20歲年紀，潛力股可佔約5成，餘下應用以下平穏增長股。但由於你投資經驗較淺，潛力股比重，先用3成以下這個指標。到你學到一定投資知識，才慢慢調高。

餘下投資比重，你就配置在平穏增長股上，會令你組合更平衡。

------------------------------------------------

Q22079：

你好啊，龔成老師，我今年27歲，月入兩萬，每個月儲$5000，無月供股票。現時手頭上持有呢三隻股票：

1）中國移動0941 $47.9：1000
2）龍光集團3380 $11.7：2000
3）香港寬頻1310 $9.3：1000

因為我以前係短炒輸過錢，所以我現在就吾想再走回頭路。就想試下建個收息倉，慢慢打造被動收入。

但我見龔成老師通常都叫學員「先增值、後收息」咁我現在呢個想法是否太慢或者吾適合現在的我？求老師賜教

龔成老師︰

短炒係一個不正確投資方法，就算全球投資最賺錢的巴菲特，都唔會做短炒。

其實投資股票，就係等同投資一間企業，只要係有質素，你長線持有比時間佢自行增值，咁已經會有唔錯的回報。

我經常都會叫讀者和股票班同學，用「先增值，後現金流」作方法，去做投資增值。

意思係，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你27歲，就應以增值為主。中國移動(0941)和香港寬頻(1310)係收息股，增長力欠奉，不適合你。但由於持股不多，你可保留，但不要再加注。

龍光集團(3380)適合你，都有增長力，但負債佢比較多，風險會略高。現貨可持有，但暫時不要加注。

你現時這個組合，增長力太低。未來時間，我建議你用「平穏增長股」 + 「潛力股」作組合，去創造一個增值平台。

現在你每月先用5成儲蓄，即$2500做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股或潛力股。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

另外，你現在還很年青，應盡力去做去財富累積部份。我建議你每月最好可以空出一半薪金，去做月供，咁會較理想。

------------------------------------------------

Q22080：

龔成老師您好，本人之前高位買了中國財險（2328), 一路坐艇, 暫時賬面蝕了幾萬蚊。請問你覺得這股票前景如何，應繼續持還是換另一只股票。

本人心水完美醫療(1830)。求指導

龔成老師︰

中國財險（2328）主要於國內為各界客戶提供多種財險產品，包括機動車輛保險、企業財產保險和家庭財產保險。

過往的生意與盈利都不差，不過就無乜增長動力，質素算是中等。這股都可長線，不過就重收息，唔好對股價有太大期望。

若佢只係佔你組合不多，你可以持有。但若較多，你可以沽少少，去平衡翻個風險。

完美醫療（1830）長遠有發展，本身有一定的質素。

睇翻之前的疫情，佢身處的行業受影響，但佢的現金流及財務數據都唔算差，這點可以想象到，當正常的經營環境，佢的生意一定唔錯。

加上佢的野心愈來愈大，本身有一定的技術，同時不斷將香港的業務模式複製到其他海外地區，我見佢加強了發展其他地方，因此發展不差。

這股有長線投資價值。

之前公佈業績理想，但業績後股價升左好多，雖然我在業績後調高左佢企業估值，加上管理層加大了企業發展的力度，前景正面，但現價點都都有少少貴。

所以，如果無貨，可考慮回少少，先小注，然後等跌多d先正式分注投資。如果本身有貨，就長線持有，但這刻就不要心急加注。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q21741-Q21760）

Q21741：

老師，如一個新手剛入股市卻遇上跌市, 剛買的股票即買即跌可以點做?

因為新手, 心理質素不夠強大, 好容易驚唔知發生咩事, 以為股災, 請問你會有甚麼建議？

龔成老師：

第一，你要了解自己所買入企業的業務，只要清楚，就不用擔心。

第二，了解股價下跌原因，是短期因素，還是企業核心有問題。

第三，將焦點集中翻企業，而不是價格。

第四，如果你每次股價上落好大心理壓力，就不宜投資高風險股，可轉到一些股價較穩定及收息類的股。

------------------------------------------------

Q21742：

你好 ,龔Sir, 我日日睇你個 page, 多謝你教嘅理財之道! 知道好多人問你投資問題, 但都希望你可以抽空回答我, 感激不盡!

本人33歲, 有家庭(兩位小朋友), 以下係現有嘅組合, 想龔Sir幫忙睇下有咩野要改善 (太散?太亂? 有冇野唔應該keep要賣走?),

同埋有一筆定期 (10萬港元黎緊到期), 想睇下龔Sir會建議點樣運用 (可唔可以再入少少房託 / 6823作收息用? 入幾手3067? 買資源股如龍源電力, 信義能源??

定領展 / 小米??), 十分謝謝!

收息股 約佔組合51%
陽光房地產基金 5手 @4.12
越秀房产信托基金 4手 @4
置富产业信托 4手 @7.18
富豪產業信託 5手 @1.51
郵儲銀行 2手 @5.96
香港电讯 2手 @10.86
越秀交通基建 1手 @5.32
深圳高速公路股份 1手 @7.55
新創建集團 1手 @8.9


其他 約佔組合19%
長城汽車 3手 @21.85
南方Ａ５０ 5手 @19.99


新經濟股 約佔組合31%
京東集團－Ｓ 1手 @292
美團－Ｗ 1手 @285.8
快手－Ｗ 1手 @257.8
舜宇光學科技 1手 @165

龔成老師︰

你現時組合數量太多，長線維持10隻左右好了，會較易管理。

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

你現時持股，質素上係有，但有2個較大問題存在。

首先，以你現時33歲去計，應先集中做好財富增值部份。策略上，你應投資「平穏增長股」和「潛力股」這類有增長力股票。

但你現時組合，郤一半是「收息股」。佢地係有質素，但增長力好弱，會拖慢你財富增長速度。除非你個承受風險能力好低，否則唔建議持有太多。

第二，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

你現時房地產類別，有少少集中，要注意。

現有收息股，建議你最好沽出部份，換至有增長力股票，長線會對你較有利。

至於其餘持有股票，包括你計劃投資的龍源電力(0916)、信義能源(3868)都有投資價值。

但信義能源（3868）不能投資太多，因為佢業務都有風險的，要注意股價波動，如分注長線都可以投資。現價合理區頂位，之前略貴。

將來投資，你可以集中「平穏增長股」和「潛力股」。如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，可視乎你當時投資經驗多寡和了解這些股票程度而定。

現時大市只在合理水平﹐唔算好平。你定期的10萬，我地就等機會，當大市出現較大回調，就加大力度掃貨，然後作長線投資。

另外，定期這類定息產品，增長力好低，同樣唔適合你年紀，暫時唔好再用。

------------------------------------------------

Q21743：

龔成老師你好，想問下
泡泡瑪特，79.35蚊入
聽日公布業績，依家係咪一個適合嘅時候去溝貨？

另外京東健康，120蚊入
幾時可以溝下貨？

龔成老師︰

首先，我想你確認自已是否理解"溝貨"與"分注"的分別。溝貨是愈跌愈入，同時不理企業質素，不理自己的設定金額，盲目去入。分注則是「一早定好買入策略，一早定好本金總數，並以有策略的模式進行」。

如果你係"分注"的話，你可因應平貴和質素，去進行。若是"溝貨"，就不是再入貨，因為再平，都只會令你增加風險。

Pop Mart泡泡瑪特（9992）是一家覆蓋潮流玩具全產業鏈的一體化平台，當中包括藝術家發掘、IP運營、消費者觸達及潮流玩具文化的推廣。

根據弗若斯特沙利文報告，分別以2019年的零售價值（市場份額為8.5%）及2017年至2019年的收益增長計，集團是中國最大且增長最快的潮流玩具公司。

合作伙伴中不乏知名品牌，好似迪士尼、HELLO KITTY等等。而產品中，最為人所認識就是"盲盒"，此銷售模式為集團貢獻不少。

雖然中央規管會有負面影響，但長線質素和發展前景依然係度。2019年純利為4.5億，但現時市值郤超過700億。現貨若佔組合比重唔，可持有。但在這個水平加注，風險太高。

由京東（9618）分折出來京東健康（6618）其業務主要提供線上線下的醫藥出售和健康管理服務，業務布局包括醫藥電商、互聯網醫療、智慧醫療解決方案、健康服務等4個大板塊。

京東健康旗下京東大藥房，更是內地線上線下收入規模最大的零售藥房。其互聯網醫院，日接診量超過10萬次。

質素上，京東健康是有的。但要做估值好困難，佢未有盈利之餘，不確定性都大，但市值郤去到3500億以上。

只能說，而價計依然唔平。若你只是小注，可以守。

------------------------------------------------

Q21744：

sir,又想問問你，你說現時恆指23000左右是便宜區，那麼我大概也是在這範圍開始分注入市。我打算動用50萬買下面既股票：

1. 1810 （用50%的資金）
2. 1585 (?%)
3. 136 (?%)
4. 558 (?%)
5. 3738 (?%)
6. 8606 (?%)

因為小米較穩健我有信心所以用50%的資金投入，sir其他你會建議我點樣分配資金？邊隻高比例d，邊隻細比例d？可以比個數據我參考嗎？謝謝成哥！

龔成老師︰

你好年青，只係20出頭，投資選項上可以較進取。

但你要留意，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

你持股中有主要係潛力股，佢地雖然有增長潛力，但同時波動風險都唔細，故不宜持有太多。以你年紀，最多佔5成好了。若你投資經驗較弱，要再調低至3成以下。

而你所講潛力股，除了小米(1810)係較優質外，其他都係風險較高類型，只宜小注(佔組合5%左右)。

倢冠控股(8606)是一間香港資訊科技服務供應商，佢規模唔大，每年營業額和盈利好細，而且股價都幾波動。

以佢2020年1000萬盈利計，現價欲去到過10億，此刻投資，風險好高，唔係咁建議。

力勁科技（0558）無研究。

如果從過往業務情況分析，這企業投資價值，質素只是中等，唔算好值得投資。不過唔知近期股價上升的原因，除非你確定佢上升背後的因素，是由於一些對企業長期利好的因素，否則，不宜投資。

除了潛力股外，餘下資金你可以集中係平穏增長股，令組合更平衡。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、煤氣(0003)、長建(1038)、領展(0823)、希慎(0014)、太古地產(1972)

大市現處於合理水平，那50萬資金，你可以先用一半，以"分注"形式慢慢入貨。餘下一半就等大跌市機會出現，才大力度掃貨，並長線投資。

------------------------------------------------

Q21745：

老師！你好！我一直有看老師的問答同定期勵志既post! 真心多謝你！我已經睇完你本80後百萬富翁同買左5年買樓4部曲！但我有些問題想指點迷津⋯⋯

我想問有關置業問題！我係90後但就快29+1、希望5年內甚至更早可以買第一層樓自住！因為都想結婚同組織家庭

我之前睇過兩個樓盤「2-3年樓齡既單幢樓房，係深水埗/慈雲山，均是190尺-245尺既納米單位

我睇完老師本書4部曲講到先買細屋再換dream house,就開始迷茫，因為有朋友教路不好買納米樓、無升值潛力，換不到大單位！但舊樓不是一樣沒升值能力嗎？

又要支付大廈維修費，但我目標第一層樓只能付出450萬樓下既樓價同借9成按揭攤分30年供還款，這樣說在市區好難找到、除非樓齡已經超過30年、但又引申出不會批到9成按揭。

老師，請問我應該點做法？買舊樓大單位？買新樓細單位？我想住市區、不想考慮新界區。。因為家人住所同工作地方均是市區。。

不知道去向，感謝你。耐心等待回覆

龔成老師︰

想借買細屋再換dream house，你細屋必需有一定投資價值，至少跟樓市同步，否則就沒有意義。

納米樓尺寸太細，連一個基本家庭生活所需的300尺寸都無，投資價值相對較弱，唔建議你投資。

至於過30年的樓，唔代表一定無投資價值，但就要小心選擇。而且正如你所講，較大問題係銀行未必會批出9成按揭。

所以，其實你此刻問題重點，會係你置業資金不足，令你變相找不到合適選擇。

我建議你先用優質股，去累積更多置業資金，才去考慮物業部份，咁會較理想。

你可以用「平穏增長股」 + 「潛力股」的組合，去進行增值。你每月先用5成儲蓄，其餘先儲起，用一邊月供一邊儲蓄的策略。

現時大市只是合理區，你現有資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨。

------------------------------------------------

Q21746：

你好！我從來沒有接觸過任何股票，沒有任何投資，我只有五萬多元港幣積蓄，長期放在銀行做定期存款，可惜利率很低！我只是想短期（半年）賺一些。

請問，00968「信義光能」好，還是00135「崑崙能源」好呢？

龔成老師︰

首先，你要明白一個正確的財富增值方法。其實係長線去持有一些優質股，等佢地自然增值，以達至財富增長架效果。

半年只係一個好短架時間，唔係咁理想。一隻優質股，最少要持有3-5年，甚至更長，個財富增值效果才會明顯。

信義光能（0968）本質不差，業務保持有一定的增長力，股本回報率處高水平，加上現金流強勁，是有一定質素，可長線投資的股票。

現價合理區頂，如果想入，要慢慢分注，但仍不是大注投資的時候。這股股價上落都大，要注意金額。現價算合理區頂，如果想入，要慢慢分注。

昆侖能源（0135）雖然質素都算有，但不是最高質類別，佢對油價較為敏感。佢的產品自主力較弱。

石油是商品，當中沒有差異性，佢地要將石油賣出，只能跟國際油價，這令佢地處於被動狀態。沒有價格自主的能力，這令佢地的獨特性有限。

這類商品企業，都可投資，但就要明白不是最高質的企業。由於質素中等，唔建議大注投資。

整體質素而言，信義光能（0968）會較高。但波動性風險，同樣都係較高。若你投資取態係較保守，我唔建議你持有太多。

------------------------------------------------

Q21747：

擔心好快出6G。而我對6G的技術上疑問是6G是否在5G的基建基礎？即是6G要發展，在現在的鐵塔上換6G的設備？還是要推返哂所有5G的硬件？

我相信是前者，就像港鐵一樣，港鐵舊列車就是5G比喻，新列車就是6G，其他硬件（車站、電纜、路軌是不變）

另外，鐵塔會否有一帶一路商機，他們大可以去中國以外地方起鐵塔幫其他發展5G?純粹代入管理層去諗，當然，電訊涉及國家安全，又是政治層面，又另一回事。

現代學習提升思考層次，代入如何我是鐵塔高層如何思考經營鐵塔

從你的千萬富翁本書學習到的，請師傅你不要介意，純粹是向師傅你交流來提升自己層次。向師傅你學習

而且單打獨鬥永遠睇唔到自己盲點，有互動交流是最好的

龔成老師︰

未來6G發展，相信訊息傳輸速度和精準度，會比現時5G有倍，甚至更多的增長。

至於將來6G技術，對相關硬件需求，集團要作什麼樣變動，去配合這種新技術學，現時都無一個切實的定案。

但由於3大電訊商為主要客戶，內地需求得到保障。在內地極高市佔率，有壟斷優勢。加上，本身已多行內累積一定技術和經驗。

將來要發展6G業務，相信集團很大機會成為當中重要的一員。所以，集團長線發展係正面。

至於向外發展，一帶一路係一個機遇，但當中都有不少不確定性，故估值上，只宜作一個參考。

你預佢潛力度無以前咁高，算係平穏增長，至潛力股之間的股票。此股有投資價值，但不宜過份大注。

------------------------------------------------

Q21748：

龔成老師你好！自2018年跟隨你的指引月供股票，歷經數年時間，都有穩定的現金流收入，謝謝你！

現有三條問題，希望老師解答一下，謝謝！

1. 早前第一次買科技股，選了阿里巴巴（9988），$246.8入，現在很波動，捱價中，請問公司前景如何？又可在甚麼價位溝貨？

2. 海螺水泥（914），大約$46@水平入了少許，請問公司前景如何？及

3）現有資金300k，如何逐步建立一個攻守兼組合？（已有兩電、置富產業、港鐵）

謝謝
攻守兼備組合

龔成老師︰

1) 阿里（9988）佢出左最新的季度業績，經營虧損76億元，主要由於國家市場監督管理總局就中國反壟斷法處以罰款182億元。

如果扣左這資罰款因素，經營利潤105億元，同比增長48%。經調整EBITDA同比增長18%，去到近300億。

業績略比市場預期差，因此會令股價短期較波動。

現價合理區中間，長遠價值仍在，不過短期會弱。如果你現有持貨，佔組合比重唔多，現價可再加1注。之後，每回10-15%左右，再加注就可以。

但緊記，個別企業唔好佔組合15%以上，以免出現過度集中風險。

2) 安徽海螺（0914）有質素，有增長力。

佢主要從事生產和銷售熟料和水泥製品，業務地區包括中國東部、南部、西部、中部及海外。而安徽海螺是水泥行業中，全球最大的單一品牌供應商。

水泥屬於基礎原材料行業，對建築行業有很高的依賴性，同時亦會與經濟增長速度有較高的相關性，特別與固定資產投資相關。即是說，當中國基建及房產市場不景，水泥行業會比一般行業處較大的不利狀態。

另外，水泥企業在生產過程中，燃料成本佔總生產成本中約佔了超過一半。若能源價格出現較大變動，就會對企業成本造成較大影響。因此，當能源價格出現較大上升時，將引致安徽海螺的成本增加，影響其中毛利。

綜合來講，佢擁有相當規模、生產能力，有一定的質素及賺錢能力，而水泥行業長期將因中國城鎮化以及一帶一路的建設，仍然會增長，但不會像過往般快速，而是進入較平穩的時期，在本質上此企業不差，你現貨可持有。

3) 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你現時35歲，應以增值為主。2電(0002, 2638)、置富(0778)主要係收息，增長力較弱，故不要再加注。至於港鐵(0066)，係可以。

建議你用「平穏增長股」 + 「潛力股」，去創造一個攻守兼備的組合。

若以你年紀計，2種股票比重，可各佔一半。潛力股始終有一定風險，如果你投資知識不高，或者想保守D，可較集中在平穩增長類股。而潛力股，可較小注。

現時大市只係合理水平，現金和股票最好各佔一半。若你持股佔組合不到一半，你可以多用一些資金，以分注模式入市。餘下資金，就等大跌市出現，才加大力度掃貨。

------------------------------------------------

Q21749：

老師中國平安依家值博率高嗎! 最近回到80樓下! 同埋 依家全球通脹升溫, 但係經濟又未 復甦 呢啲係咪叫惡性通脹!

係咪會有一輪大調整! 股票同現金嘅比例應該 佔幾多比較好 謝謝老師!

龔成老師︰

係全球大印銀紙下，而整體經濟未見明顯復甦，的確有機會造成滯脹。

但我地分析一隻股票時，宏觀因素係要考慮，但只係作輔助，主要都係睇翻企業自己本身。

中國平安（2318）有質素的，佢有規模，有品牌，近年的發展都不差，不過，股價有時會有少少波動，這主要受投資市場表現影響。

這股有長線投資價值，是平穩增長型。現價算係合理區中間位置，分注投資就可以。

至於會唔會大調整，我唔知。我地投資唔好去估個走勢，你應用平貴，去為自己制定投資策略。

現時大市只係合理水平，現金可以佔3-5成。

餘下資金，就等大跌市出現，才加大力度掃貨。

------------------------------------------------

Q21750：

你好老師，本人40，已婚，暫時沒有子女，我和老公收入合共大約5萬一個月，有一個已買了不用供的公屋。

現金大約有150 萬，另股票23萬，之前有月供股票，但因為升了就沒有再供款。

尤於唔識投資，想問點可以財富增值，買樓又沒有經驗，買債卷債基會隱陣嗎，謝謝你

龔成老師︰

若你係投資經驗不多，月供股票會係一個唔錯架選擇。因為佢用長線供款，去減少左買貴貨架風險。

所以，你以往月供架做法係正確。月供可以拉平均個買入成本，除非你對定平貴極有信心，否則你應長線一直供，不理平貴。因為咁樣，反而會對你更有利和安全。

以你40歲，可以選擇一些「平穩增值股」+「潛力股」作投資目標。

以現時大市合理區狀況，月供最好用一半每月儲蓄，另一半就先儲起架策略。

由於你投資知識不高，因此可較集中在平穩增長類股，至於潛力股，只宜小小注，最好是你提高投資知識，等你有一定知識，先慢慢增加翻潛力股比例。

現時大市處合理區，150萬資金，可再用多20-40萬，分注咁慢慢盈富及其他平穩增長股。到你有較多經驗，才加大投入金額和增加一些潛力股。

你可以先用股票做增值，到有一定財富，才加入物業類。如果你對買樓無乜概念，你可以睇我本<<5年買樓4步曲>>，都會講述一些買樓相關知識。

而債券，這其實只是「產品」，物業、優質股是「資產」，所以從財富本質上，我地應較集中持有「資產」，才對我地最有利(你可以睇睇《財務自由行》一書，我從財富本質上，講述了當中原理)。同時，現時息口低，但未來有機會重回加息週期，債券未必是最好的投資工具。

至於債券基金，坊間分好多種，你要小心睇，因為有d風險低，無乜問題，有d則有潛在的風險，絕對不是保本的產品，有機會出現了「賺息蝕價」的情況。

第一，有些基券基金，會投資「高收益債券」，即是「垃圾債券」，你一定要睇睇佢所佔的比率。

第二，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。

第三，不少銀行都會提供借貸，以槓杆去放大回報，以平息借貸去賺取息差。低息環境時間題不大，但進入加息週期，不止借貸成本增加，同時債券價格往往在加息期下跌，雙從打擊下，投資價值成疑。當然，若然加息步伐不快，息差利潤就可觀。

我不是說債券基金有問題，只是說明當中的風險，因為市面上的基券基金好多，你要仔細分析。

------------------------------------------------

Q21751：

你好，想問下基金風險較優質股票 及債券高
穩健為主 投資後者為上？

現在 港股，美股及人民幣又如何投資部署？以下3因素？

1）疫情控制
2）股市表現
3）政治穩定性

龔成老師：

基金有好多種的，因此好難話基金的風險較股票/債券高定低，因為有些基金是投資穩陣股票，有些是高風險股票，有些的投資策略較進取，有的則較保守。

你一定要清楚翻該基金的投資策略，投資目標等因素，先得。

至於股票，同樣有好多種，有穩健，有不穩。

債券都是一樣，有些債券好穩健，但有些則可能連本金都會虧損。

建議你增加知識先投資，不要急。

至於你上述提出的3個因素，主要都是一些中短期因素，而我地買股票就是買企業，因此，著眼點應集中在「企業的長遠發展」，佢的業務情況、前景等。

我地最重要是建立一個長期的「財富組合」，要優質，要平衡，要適合你的年齡與風險承受程度，不是著眼於短期市況及因素。同時不是買賣賺差價，而是成為你財富組合一部分。

------------------------------------------------

Q21752：

老師，想問下保險，2013年，我無啦啦在朋友講解下，用仔名義買了一份AIA保險基金，有人寿每月供hk$2000, 要供30年，期間可以提錢走,但要罰錢，或停止供款，直至30年期屆滿才提錢

現從你身上學了一點投資知識，於是計計回報，才發現每年得1%回報，現大約有hk$15萬。

我在宏利的基金回報都不止1%

我諗緊
1.停止供款, 讓它滾存，直到年期屆滿才提錢
2.停止供款，立即提取全部錢
3.停止供款，把每月的hk$2000用來買股票

老師，有何建議?

另外，講返261 。我去銀行放，銀行只幫我排隊放一星期，之後沽唔出，我繼續沽左幾星期都係沽唔出，怎麼辦?

謝謝你

龔成老師︰

我地保險，只要做好防守部份，買足夠保障，咁就可以。用來投資增值，效果未必如優質股理想。

你現時保險基金，按年只有1%回報，係好低。從長線投資角度考慮，你將佢資金提走和停止供款，將資金轉至其他優質資產，相信長線回報會較理想。

但由於當中會有提早贖回收費，你要問清楚你保險代理，這個罸款係如何計算，才決定基金內資金，如何處理，咁會較好。

ＧＢＡ集團（0261）生意持續下跌，年年虧損，投資價值很低。

由於佢股價只有1仙，用一般架方法較難放。你可以直接打電話去銀行，只佢幫你人手掛一個少於1個仙的價位，出到貨的機會，會較大。

------------------------------------------------

Q21753：

老師，我最近計劃買約900萬的樓，但發覺 撇除家人的一百萬外，我倆還需要取大概一百五十萬左右(包括稅, 裝修, 律師費等)，

所以如果要買樓，就要套現持有的大部分股票和銀行大部分存款。並且每個月還給父母錢和供款後，可能就只剩低二萬左右。

#1 在我的角度來看，我覺得呢個情況會變成了一個每個月收入償還貸款的死胡同，資產可能無法再增值，因為可能再無多餘錢投資股票。

但我男朋友認為收入償還房地產的貸款是增值資產的一種，前提是樓價最遠必升。老師，請問這種說法對嗎？

#2 如果三年後才買樓的話，我哋應繼續投資股票嗎？而且現金和股票持有的比例應該是多少？(我個人現時比例是 現金4 : 股票6)

#3 現時樓價暢旺，樓價長遠只升不跌，如果我們真的取得足夠的首期，而銀行又借足8成，但每月可能還款後只剩約兩萬收入的話，你認為我們應該買入嗎？

謝謝老師。

龔成老師︰

1) 正確，因為我地還款當中，係包括利息和本金部份，本金部份等同買入物業資產。

我地長線財富增值，唔係單單利用優質股，我地都要講求成個組合平衡性。所以，長遠我地都要將物業，包含埋係我地組合之內。

當然，大前題係個物業要優質，才算得上係資產。

2) 你都可以維持用股票增值，以大市水平計，你現金和股票比例，係合適。除非出現大跌市，否則你資金唔好動用。

而且，這些股票當中，應以「收息股」+「平穩增長股」為主，唔好持有太多波動性偏高的股票，以減低最終回報的波動性風險。

3) 你可以睇翻你本身置業有無迫切性，如果有，而你又"供得起"，你都可以入市。因為置業後，你每月都尚有一定資金，可投入股市作增值。所以，問題不大。

若你無置業迫切性，你可以睇翻你個物業架質素，和租金回報率，去決定而一刻是否投資。

記住，就算樓價暢旺，長線港樓會升，但都唔代表你值得係而一刻，去"買貴貨"。我地都要從長線投資角度，去考慮而件事。

------------------------------------------------

Q21754：

龔成老師,想請教你，今年我43歲,堅持有十五隻股票,打算將組合改回十隻股票,你會建議我持有哪十隻令到組合會較平衡？

現在股票組合︰

潛力股
美團 300股
阿里巴巴 200股
平安好醫生100股
中國生物製藥2000股
楓葉教育12000股

平穩增長股︰
新鴻基地產 500股
領展500股
中興通訊 1600股
中國鐵塔 20000股
金沙中國800股
中國民航信息2000股
惠理集團 4000股

收息股︰
中移動1000股
中國電信 10000股
深圳高速公路 4000股

我打算賣出惠理,將資金換入金沙.尚餘約$70萬現金等機會.

如果跌10至15個percent加一注,會用第二次嘅買入價計算,還是用平均買入價計算？

Eg:第一注$30、第二注$38，平均:$34

另外想同你分享，20年前,出來創業,跌得好痛.

今年,我再次出來創業，開一個自己運動嘅studio.佢最差嘅情況去做呢件事，我反而係覺得係一個機會。

龔成老師︰

以你43歲計，這個組合比例係合適。

而當中股票，都係有質素，雖然有少少多，但唔需要刻意去沽出持股。你未來資金，較集中翻係當中較有質素的10隻，咁就可以了。

惠理集團（0806）是一家獨立的價值型資產管理集團，業務集中於大中華地區及亞太地區。集團透過惠理品牌管理多隻認可基金。

質素算是不差，但又不能稱為好好。

過往賺錢能力中等，但增長力就不強。你持有係無問題，不過就唔好對股價增長有太大期望。是平穩增長類。

整體質素上，金沙(1928)會較優勝，你可以沽少少，換去金沙，都係可以的。

另外，中興通訊（0763）、美團(3690)、平安好醫生(1833)是潛力股類，而且係不確定性較高的企業。投資係可以，但要控制注碼，不可佔組合太多。

大市現處於合理水平，你可以多用20-30萬，以"分注"形式慢慢入貨。餘下資金就等大跌市機會出現，才大力度掃貨，並長線投資。

至於加注計算方面，每跌10-15%個基數，會係用你對上一注的買入價。

其實做任何事，我地都會經歷失敗，這是在所難免。重點係，你有沒有在這個失敗當中，上了寶貴的一堂課。

創業好少一開始就好成功，成功都係透過無數失敗經驗，去慢慢累積出來。

現時大環境雖然尚是十分不穏定，此刻創業都有一定風險。但同時間，現時很多方面(如租金)，都會比一般情況平，所以都有一定值博率。

最重要係你了解這門生意大方向，明白自己有什麼獨特優勢，將佢盡力發揮出來，咁就可以。

------------------------------------------------

Q21755：

成老師，多謝你一直以來的分享，呢2年鼓勵咗我哋好多好多。因為你分享對樓市的睇法，上年3月我低位買咗元朗溱柏單位自住，今日已經升左50萬，男朋友都升左做老公。

後來我有買你本《五年買樓四步曲》知道元朗南升值潛力有限，不過已經買咗自住，亦都完美解決咗我哋本金小但有自住需要的問題，真係好多謝你！

但前兩日收到個壞消息，政府收咗屋企前面塊地，係2023年起公營房屋，我哋打算努力啲賺錢買第二層，想請教一下老師意見。

目標係升值潛力大嘅天水圍濕地、白石角、馬鞍山等。元朗層樓係我名，買入價410萬，按咗8成7，老公（當時男朋友）做按揭人，當時銀行話我至少月入$30000先甩到老公名走，

我做老師嘅，目前26歲月入$24000，預計4年後先有$30000人工。

老公30歲，多謝你鼓勵年輕時要更上進，佢好努力寫文章分享、上電台直播增加知名度，成功月入4萬變6萬，亦都打算一至兩年短期內開自己店做自己品牌，預計開業成本50萬。

我計過扣除日常開支，月儲4萬唔係問題，呢家有20萬現金同投資咗6萬股票，各三萬

[email protected]
[email protected]

問題一：我唔知應唔應該繼續買股票？

問題二：3067同1798算優質股嗎？可以持有？

問題三：預計4年後買樓要點理財好？買以上三區可以嗎？

麻煩老師指點下我

龔成老師︰

恭喜你，完成左人生中2件大事。

其實，你則買的溱柏係自住樓，升值潛力唔係重點。最重要，係適合你們生活所需，而且做到"供得起"，咁就可以。

而且你物業位置，都算接近港鐵站，質素會睇高少少。

1) 由於你1,2年就要動用這筆資金，去開診所。你動用這些資金增值都可以，但就要相對保守。

目標係一些「平穩增值股」+「收息股」，比例可以50:50。若你相保守些，可以「收息股」佔多D，甚至100%。再保守D，就係加入埋定期儲蓄這個選項。

到你老公要開診所前半年，就開始慢慢沽貨套現，唔好要用先一次過沽，以減低股價波動風險。

2) 安碩恒生科技（3067），有長線投資價值。若你打算將佢套現，去開診所的話。由於佢有一定波動性，暫時唔建議加注，等開完舖先再算。

大唐新能源（1798）主要在中國專注於風電項目的開發、管理及營運。

佢要從事風電等新能源的開發、投資、建設與管理，低碳技術的研發、應用與推廣，新能源相關設備的研製、銷售、檢測與維修等，與新能源業務相關的培訓、諮詢服務，以及房屋出租。

過往的業務發展不差，長遠都有投資價值，不過規模較細，唔建議投資太大注。

3) 到你老公新舖開張，一切穏定，可以再開始每月儲錢時。你就可以月供「平穏增長股」 + 「潛力股」，去做增值，累積置業資金。

你每月先用5成儲蓄月供，其餘先儲起，用一邊月供一邊儲蓄的策略。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨。

3個你所講的置業地點，會以馬鞍山為最好。

白石角，是一個自成一隅的新社區，但這社區的設計，密集程度太高，同時配套不足，物業價值不算高。

天水圍始終同市區有一段距離，投資價值會較弱。

另外，我地做財富增值，除左講增值潛力外，都講組合平穏性。

由於你已經有一間物業，未來再買新物業時，會成個組合偏晒去物業類，會出現過度集中單一資產的風險。

因此，你唔需要急去買第二間屋。再投資第二個物業時，必需確保係買樓同時，都可以保有一定股票係手，作增值之用，才好考慮出手。

------------------------------------------------

Q21756：

你好，請問知唔知道比亞迪在智能汽車例如自動駕駛方面有咩進展？謝謝你

龔成老師︰

比亞迪(1211)係智能車聯網上，一直都在發展，2020年8月，比亞迪DiLink3.0系统上線，進一步為AI、語音識別、車聯網、大數據等技術升級。

2020年，集團同時入股深圳華大北斗科技，相信係為令智能駕駛部份，佈局變得更完善。

以集團規模和經驗，相信長線智能汽車發展，會係正面的。

------------------------------------------------

Q21757：

老師：唔好意思，又打攪你

請問現時持有幾隻科技股最近都跌左好多，我唔知應該跌左咁多再加注，定止蝕轉其他優質股

以下是持股資料：

9988 200股 買入價243.5
9618 100股 買入價329
981 500股 買入價27

謝謝！

龔成老師︰

你唔好將個重點，放錯左係買入價，或者帳面賺蝕上。

我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

你現時持有股票，都係有質素，可照持有。

至於是否加注，就要睇翻你成個組合配置，同股價處於什麼水平。

你上述的都是潛力股，佢地有一定風險。若你係較年青，這類股票佔你組合，可以5成。但若你較年長，或者投資經驗較淺，就要向下調整。

以股價計，現時阿里巴巴(9988)和京東(9618)都合理區中上位置，若你資金足夠，現價可以加1注。

中芯國際（0981）業務有增長力，質素係有，但未到最高質素。

加上之前熱炒過，股價大上大落，投資要注意風險，這股唔建議大注。

------------------------------------------------

Q21758：

依家上緊你既堂，真心覺得你教緊既野同坊間既炒炒賣賣好唔同，我想賺多D錢！麻煩你幫我睇睇有咩可以改善（其實我有個目標...就係好想將來係澳洲買樓！）

我今年29歲，男友33歲，打算2/3年後結婚。

我2018年開始買股票，現有大概10萬月供股票。（其實係咪keep住月供會好d?因為依家係不定期咁買...）

388～34股（＄253.36）
66～310股（＄43.45）
1928～1手（＄34.57）
823～134股（＄66.98）
1177～136股（＄7.33）
2800～724股（＄29.7）
1448～2手（＄7.13）
6823～2手（＄9.96）
2638～2手（＄7.49）

1. 我自覺賺既幅度較細，係咪時候要審視投資上既配置？因為太保守變左增長/潛力唔夠？如果真係潛力唔夠，請問有冇邊D股票係有機會做到3年後有30－40萬？

2. 黎緊就畢業，要還學債。我有諗過襯審視配置既同時，將66賣左還左部分學費先？

3. 我覺得係儲現金方面做得冇咁好，其實咁既年紀，儲現金比例應該大約佔資產幾多成？

4. 如果我想達成係澳洲買樓既目標，應該可以點做？

我會視老師為我理財上既榜樣...希望有一日我地都可以好似你咁做到財務自由。

感謝和辛苦老師你花時間詳細解答我地既問題，祝老師身體健康，大家一齊努力

我仲有1手 8473，＄0.34買入

龔成老師：

1）潛力度的確唔算強，以你地的年齡及投資目標，其實收息股如港燈（2638）、香港電訊（6823）其實未必適合，你可以考慮轉換部分潛力股。

當然，平衡組合都好重要，你太過進取都唔得。

安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、ＧＸ中國電車基金（2845）、中生製藥（1177），其實都可考慮。

但就要明白波動性比上述會高左，同時風險大左，你要自己平衡。部分要等回少少先入。

現時你月供的，都是有質素，但可以轉多少少在潛力股類別。

2）如果利息唔高，其實唔需要太急（當然，我唔清楚你當中的條款），至於港鐵（0066）其實有質素及基本增長力，在配置上，可留，如果真的要賣股票還學費，就賣收息股。

3）我地會考慮你年齡及現時的市況平貴度，你可以留3成現金左右。

4）你現時應該著重「增值」層面，目標是利用儲蓄及股票，去追到的目標樓價的數。如果你打算在1、2年內買樓，就未必適合放太多錢去投資，但如果你3年後先會買樓，就要好好利用這段時間去進行增值。

因此，你的方向應該是投資「平穩增長股」+「潛力股」。

至於彌明生活百貨（8473）業務不過不失，發展能力中等，不是高增長的類別。

以佢現時的經營情況，算是合理價，但這股始終規模不大，加上近年的盈利有下跌情況，存有風險，因此不建議太大注。

另外，政治相關因素，都會令這股波動，要明白股價風險，政治因素是好難預測的。

這股唔建議持有太多。

------------------------------------------------

Q21759：

龔老師：本人手持以下股票，可否繼續持有？還是就算損失也要減持？

我之前買了些股票，買入大跌，但一直不捨得減持，到後來忍痛減持，它又回升，當然仍未回家鄉，但起碼損失少点，所以眼見以下股票近來股價不濟，怕又重蹈覆轍，請老師指点一下！

9988 ：1500手均價$249
388 ：800股均價$441
1288 ： 2000股均價$3.2
1339 ：1000股均價$3.48
1398 ：1000股均價$5.11
003 ：2000股均價$12
3690 ：200股均價$266
6618：200股均價$133
1810：200股均價$31.85
1024 ：200股均價$235

另外，後想問：其实買股票心態應是怎樣？我想買股票心態是：增值財富。假設快手當日我$115有一手，去到$370(或者應说去到自己心中的底線那刻）是否應 take profit 先？

還是放在床底讓它滾下去(假設我不急需那資金)？像這快手，當時我沒有放，之後見回落，我就入多一手，結果現在繼續下滑！請龔老師指導下本人心態！

盼望老師回覆！！謝謝！

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

你持有的股票，並不是無質素的，基本上都可以持有，但有兩點你要注意，第一，你要做好配置，例如你不少是銀行股，就會有行業集中風險，你要持有優質、平衡的組合。

另外，你有不少股，都是近一年熱炒的股，反映你在選股時，只懂跟市場去買，而這動作是危險的，因為當市場熱炒過後，股價一般都會大幅回落。不過，你上述持有基本上都有質素的，只是你日後要注意翻這點。

第二，你要留意平貴度，如果一隻優質股過貴買入，你都有可能出現損失，如果未有企業價值概念，就多用月供或分注投資模式進行。

至於你問快手（1024）的問題，我地會見到，有時股價上到某個價位，賣出等跌再買入，會有較高回報。而有時又會見到，一直持有會有較好回報，例如港交所（0388）、騰訊（0700）都是升值100倍。

而根據統計，後者的方法，能令投資者有較大的總回報。

當然，有時股價真的貴，都可以考慮賣少少，但點都建議有基本的貨在手，因為長線持有的贏面始終較大。

------------------------------------------------

Q21760：

龔sir您好, 上緊您既堂, 有d問題想請教下您:

我今年31，同我先生月入約40k

-有40萬股票(水桶1-3都有)
-有20萬存款同埋
-有兩份重有10年要供既儲蓄保險(每月大約供$3000)。

1.我地本身同緊屋企人住(層樓有我名), 但都想換樓, 而家住個到始終都舊, 您會建議樓換樓還是過多5-10年等有返d錢先再買多層樓再將而家呢到收租? (而家層樓值450萬, 睇過現時租金大約可以放到11k一個月)

2. 未來一兩年想試下開間餐廳(我先生係廚師)，我同我先生想選址係將軍澳, 因為人口密度較高人流較多, 想請教您有咩睇法。十分感謝!

龔成老師：

1）以累積財富的角度，遲少少先換樓會較好。

首先利用這刻的資金投資股票，先將財富增值，到5年後先換樓，這樣可以有更大的總財富。因為現時股票的增長力，好過香港樓，因此先投資股票會較好。

當然，你自己要考慮自住因素，因此可以在兩個方向取平衡。

2）其實都可以的，有人的地方就有這個需要，而將軍澳是住宅區，你地的方向應較為街坊。另外，要記住做生意技巧，食物是其中一環，但生意會更重要，想想麥當勞你就明。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q21341-Q21360）

Q21341：

龔sir 想問下 我投資的士方面 你的意見

我去年11月買入 牌價496萬 牌價+車+息 月供$21,816.16 共300期

其實照乘返，一共要供 $6,544,848

但而家牌價只係維持496萬，其實係呢方面是否已經算負資產？

現在每月租金收入15,000左右，真的有點擔心。
希望得到老師意見！

龔成老師︰

我從概念上解釋翻先。

無論的士牌、買樓、買舖等，大多會用按揭的，即是只用較少的資金，去擁有較大的資產，當然這動作會有支出的，就是「利息成本」。

你上述計算的$654萬，大過$496萬，主要原因是利息的支出，可能你會問，$150萬這麼大的利息支出是否值得？

從金額上很睇很大，但我地在財富世界，並不是單以金額去衡量，而是以「是否為我們創造更多財富」去衡量。

只要最終你的所得大過$150萬的付出，就值得，這就是我經常強調，不要單睇表面的價格，而是要內在價值。

的士牌是資產，只要長遠的升幅及租金回報，能大過這數就得。

用再簡單的計法，就是你借錢的利率，比較一下回報率（租金回報率+長遠牌價升幅），如果後者較大，你問銀行借錢去擁有這個資產，就值得。

但你都要留意，的士牌過往是增值類別，但而家已偏向收息類別(增值都仍有，但不算多)。

本質上，的是牌可以不斷有租金收入，而這個租金都會按貨幣系統的向上，而不斷向上的，但行業近年出現了叫車程式等新的競爭模式，對佢點都有影響。

所以，在長遠計，佢的增長能力只是中等，你可以視佢為收息類的資產，會比較好。

雖然你現時係負現金流，但由於當中部份還款，係還的士牌本金，等同你儲緊資產。所以整體而言，你這個的士牌，都係有持有價值。

但未來新資金，我建議你唔好再入的士牌，畢竟佢增長力唔算好強。以你不足30歲年紀，除非資金非常充裕，否則不宜持有太多。

------------------------------------------------

Q21342：

龔sir, 看了你facebook 一段時間，想問問以下兩隻股票的前景會點同分析一下走勢

2338 濰柴動力 平均買入價 $23.96
8083 中國有贊 平均買入價$3.06

對以上兩隻股票有操作見意嗎？
謝謝你

龔成老師︰

濰柴動力（2338）主要從事生產及銷售柴油機、相關零部件、汽車及其他主要汽車零部件、非主要汽車零部件、進出口和叉車及倉庫技術服務。

其實業務不差，有自己的獨特性，以及過往的增長力不差，生意與盈利都有所增長。

你買入價有少少貴，但又算好多。若你持股佔成個組合只係小部份，長線持有就可以。相反，佔較大比重的話，最好沽少少貨，去降低個風險。

中國有贊（8083）集團主要於中國從事經營電商業務及支付服務業務，業務分類如下：

（１）電子商貿：透過電商品牌「有贊」提供各種有關虛擬批發及零售之線上及線下解決方案及服務，如「有
贊微商城」

以有「有贊零售」等ＳａａＳ軟體產品及人才服務、面向開發者的「有贊雲」ＰａａＳ雲服務、面向品牌商的「有贊推廣」與「有贊分銷」、以及面向消費者的「有贊精選」與「有贊微小店」。

（２）第三方支付服務。

（３）一鳴神州：提供第三方支付系統解決方案及銷售綜合智能銷售點裝置。

（４）一般貿易。

近年業務發展快速，生意增長力，不過，現時估值高，業務變化較大，整體有好大的不確定性。加上佢過往在核數師報告出現過「保留意見」，盤數可能有古怪，雖然已是數年前的事，但都會扣分。

佢不是無潛力，但風險較高。如果你持貨較多，建議沽出部份，去平衡個風險。餘下的持貨，可以守。

------------------------------------------------

Q21343：

有朋友開左間XXX公司，他現在要開門市

如果我投資在這行業，想請教投資在這行業的風險有多大？

他有網店，店名是XXX
看過財務報表，大概毛利是40%。

（老師，請不要公開店名及店鋪類別）

龔成老師：

網店的問題不大，因為成本相對較低，因一去到實體店，就要較小心，因為成本、條款等都多，要有一定的客源，了解市場，先可以行這一步。

這行業我相信都有發展的，你最重睇佢地有無獨特性，如果你作為消費者，有那此因素令你覺得這店比其他是不同，較吸引你？

至於毛利，你最好找翻同行去比較下，先有答案知道，佢地的賺錢能力較高或低。

另外提翻，所有合伙做生意都有風險，好景是問題不大，但總會有不景期，到時總會面對一定的煩事，因此你要有這方面的心理準備。如果佢地是陌生人，你就要更加小心。

------------------------------------------------

Q21344：

hello龔sir
真係好多謝你不停答大家問題
我想問吓有關買樓你有咩意見

我屋企人好似想買自住嘅樓
唔考慮新界

想買700-1500呎
我睇返你答人哋，你好似推薦過西環同啟德，請問我可
以點樣搵到詳細啲嘅方向？
雖然係自住但都想有投資價值。
萬分感激

龔成老師：

西環、啟德、大圍都是不差的地方。

首先你地自住，要方便自己，自己喜歡當區的環境。另外，在投資角度，上述3區都可以的，當你睇樓時，唔建議選太舊，或全新樓（因為一般都較貴）。樓齡適中就可以。

你要具體落區去睇先知。

西環、啟德、大圍，正是香港、九龍、新界，你原本住那一區，就找翻那一區就得。例如你住港島，就找西環，當然可以西環附近的地方。

《5年買樓4部曲》有更具體的買樓分析及策略，可睇睇。

------------------------------------------------

Q21345：

老師，我啱啱睇緊0045 大酒店嘅年報，發現佢嘅資產都好優質，加上起緊三間酒店，同埋財政都好穩健，應該疫後會有得發展。

但而家個價比低位升咗好多，請問現價算唔算太貴，咩價位可以小注入？唔該晒。

龔成老師：

對，大酒店（0045）都有質素的。

佢主要從事酒店相關業務，發展及管理於亞洲、美國和歐洲的酒店、商用及住宅物業，可分為以下業務類別。
　　　　
酒店是業務核心，包括發展、持有及管理世界知名的「半島酒店」，提供出租客房、酒店大樓內商場及辦公室、酒店大樓的餐廳提供餐飲、經營酒店附設的高爾夫球場、酒店物業內零售商店等。

另外亦有商用物業，主要從事出租商用及辦公室物業（非位於酒店物業內者）及非自有酒店內的住宅物業及經營餐廳業務；擁有並管理越南胡志明市的辦公及住宅綜合建築物Ｔｈｅ　Ｌａｎｄｍａｒｋ。

過往都有一定的生意，但盈利就略有波動，不過就好受全球旅遊業的因素影響。

這股增長力不強，雖然有品牌及規模，但不能視為高增長股，可理解為平穩增長股。企業質素都有，但未去到最高級，現價合理的，不過要明白不是高增長類。

你現價分注投資，都得，可長線。

------------------------------------------------

Q21346：

老師你好，我想請問9618，6618兩隻，本身一直持有各一手，這兩隻股有潛力適合再加貨嗎？

合理加貨價大約在多少？另外想問問9633值得入手和現價合理嗎？謝謝

龔成老師：

京東集團（9618）有質素的，如果你現金足，慢慢分注入貨都得，現價合理。

至於京東健康（6618）有質素，風險就會高少少。

佢業務主要提供線上線下的醫藥出售和健康管理服務，業務布局包括醫藥電商、互聯網醫療、智慧醫療解決方案、健康服務等4個大板塊。

京東健康旗下京東大藥房，更是內地線上線下收入規模最大的零售藥房。其互聯網醫院，日接診量超過10萬次。

質素上，京東健康是有的。但由於估值難，不確定性大，暫時合理區頂至略貴，所以如投資，只建議你小注，如果出現回落，而你資金足，都可以慢慢加，但風險度就比京東集團高。

另外，唔建議太過集中在同一集團的股票類別。

農夫山泉（9633）有質素的。

是中國包裝飲用水及飲料的龍頭企業，旗下品牌包括農夫山泉、東方樹葉、尖叫等。佢係中國擁有10個區域取水許可證，並在其周邊建立生產基地。

其產品覆蓋包裝飲用水、茶飲料、功能飲料及果汁飲料等類別。根據弗若斯特沙利文報告，2012年至2019年間，連續八年保持中國包裝飲用水市場佔有率第一的領導地位。

業務上，的確有吸引力的，不過，我一向都新股半新股都無興趣，因為真實面要慢慢先見到。此股可投資，但只建議小注，同時你要明白當中的風險。

由於有一定的品牌價值，因此企業質素與發展正面，財務數據不差，生意與盈利都有理想增長，不過上市不久，股價較波動，同時上市前數據可能執靚過，因此要注意風險度。現價合理區頂至略貴。

現價小注投資好了，這股適合長線的。

------------------------------------------------

Q21347：

你好龔成！我睇你facebook決定中長線投資較適合我。我上年分注買入幾手小米，平均價$24.25，小米曾經升至$35，但我無放，到最近又回至$24左右。

一. 我其實是否應在上年股票市場狂熱時放一兩手？這是否我投資經驗不足所致？

二. 如果我先放部分，同一舊錢便可以再投資，再套用至短炒，我總是用同一筆錢進出買賣，這不會比我長線投資時一大筆錢放置著不能動較好嗎？我唔太明白。

希望你能解答，謝謝

龔成老師：

1）無絕對的答案，在理論上，長線持有優質股，會得到最大的回報，你試想想，如果你多年前買入了騰訊（0700）、港交所（0388），如果你經常捉高位賣出，就會錯過了100倍的回報！

當然，你會見到中短期，例如上述小米（1810）的例子，都有可能回落，有時，的確在貴的時候賣出，可能可以得到回報，但就有一個風險，就是賣出後「買唔翻」，如果用這套方法套用在騰訊、港交所就會錯失大賺機會。

當然，你可以取平衡，例如在狂熱期、貴的時候，賣部分，總之，優質股，點都要有基本的貨在手，長線。

2）原理同上面一樣。

但你以為短炒能賺錢，就錯了！

我20年前，都是短炒者，用左幾年，輸足幾年，之後長線投資，就開始不斷賺錢。

其實我當時，用左幾年時間去學短炒，我當時不斷睇書、上堂學短炒，但最後都是輸，可能是我能力不足吧。

但我之後做銀行同證券行，見大部分輸錢的客，都是偏向短炒的。

當然，你問我有無人贏錢，是有的。但就我觀察，長線投資贏錢的人，比短炒的較多。

另外，如果你分析全球真正賺錢的投資者、經金經理，佢地都無人短炒，都是長線投資的，巴菲特都是反對短炒的。

因此，我相信長線投資，是真正助我地贏錢的方法。

------------------------------------------------

Q21348：

老師我有個心結始終解唔開，因為最近買咗樓，需要將手頭上的股票沽出，本身想長線投資，盈富基金及港鐵，但都要急住放，其他的都有可能要蝕放，覺得很可惜

另外也十分後悔買入屯門碼頭XXX屋苑，雖然本身住屯門，但都覺得比較偏僻，升值能力唔高

龔成老師：

首先，你這動作是「財富配置」，你是將股票這類資產，轉為物業資產，這是一個配置過程，無話可唔可惜的。而你著眼於「蝕放」，同樣是無意義的，這只是一個現金的概念。

至於屯門碼頭XXX屋苑，我睇翻佢的位置，又唔算好差，佢附近有輕鐵站，同時遲D政府話會起屯門南站，預計的落成年份2030年（當然好多變數），對你所選的物業位置，有利的，因此又唔需要太過擔心。

當然，屯門始終與市區有距離，呎價始終不及，但以整體質素來講，我會認為是中等，不是差。加上佢身處邊海邊，環境不差，同時基本配套都足。

------------------------------------------------

Q21349：

老師你好，我最近係到更新緊一d企業既合理價資料，我做到比亞廸既時候遇到啲疑問，我地果時上堂你教攞10年既p/e斬頭斬尾唔要d極端數字，然後攞中間個4個p/e黎計數，但係我斬頭斬尾後

佢既p/e已經係
最低：33.5
最高：140

然後最後計出黎既合理價係$46-$195，我就覺得唔對路，所以想問下係d咁極端既環境下應該點樣篩選p/e黎計數，感謝

2, 而我金界控股就計到$7-$11, 落差會唔會太大

3, 最後有關阿里，或者面對住新企業，係冇太多data既時候，我地應該如何估值?

唔該晒老師

龔成老師：

1）其實估值有好多方法，我在初階班所講的方法，是較為基本的方法，去到進階班，就會再教18種估值方法，而不同的估值方法，如同不同的角度，去衡易一間公司值幾多錢，令企業價值更為立體。而比亞迪（1211）這類潛力股，估值的確會較難。

因此，你上述用的方法，可以作為參考，但不是唯一，同時未必完全適合這股。

當我地為潛力股進行估值，例如同你上述的方法，在計算有代表性的盈利時，就未必用過往的數字，而是較著重將來的盈利情況，以此作為推算。

至於市盈率，你要找一些更能代表到這企業現時經營環境的數據，以及同業的市盈率情況，作為參考，但你都要明白，潛力企業，這種方法都不是絕對準的。

2）金界控股（3918）發展正面，有獨特性，有項目獲當地政府批准發展5幢建築面積共逾580萬平方呎的物業，包括提供共4700個房間的酒店群、娛樂場所及公寓等。我相信長遠對佢仍正面。

這股股價較為波動，不過都有長線投資的價值，分注投資可以。另外由於市場新興，在估值上不能太過進取。

你的估值大致合理，現時可以理解為合理區。

3）其實可以參考美股的，因為佢之前已有在美國上市。

當我地面對一些新上市公司（我假設佢無在其他地區上市），我地在分析時，的確會較難，因為佢招股書的數據一定執靚過。所以我地只能作出參考。

另外，我地可以利用同行的情況，去比較難，但你都要明白，新股的估值，特別是潛力類股，會較難，上市初期，往往由於供求失衡而股價上落好大。

------------------------------------------------

Q21350：

唔好意思龔成sir: 我唔係好明您建議的收息股548吾會和我現持有的659撞嗎？（公路股）仲有778、435吾會同12撞嗎？（地產股）

另外659現在的市盈率為141倍係點解呢？對佢長遠阿sir您點睇？對唔住太多問題了，有勞阿sir

龔成老師：

深圳高速公路股份（0548）業務以公路為主，而新創建集團（0659）則只是部分為公路類別。

新創建係一間綜合企業，可分為7大業務：道路、環境、物流、航空、設施管理、建築及交通、策略性投資。當中可分為兩大類，即是基建及服務。

因此，兩者的重覆性，又未算好高。

新創建集團的市盈率高，是由於佢剛過去年度的盈利好低，這主要受疫情及經濟影響，但由於這只是中短期情況，而我地為企業進行分析時，會著重睇企業正常經營年度，因此，這股長遠仍是有質素的。

至於地產股，置富（0778）、陽光（0435）、都是地產類，而恆基（0012）是綜合企業（但地產業務佔比最多），因此，的確會有行業重覆的情況。你預同一行業，最多去到30%，你可以用這個來作參考。

------------------------------------------------

Q21351：

老師，我之前上年3.25入左一手京信通信2342,諗住長揸所以之前炒5G概念時上過3.7我都冇賣，但而家佢不斷跌到破埋2蚊

我知唔應該受短期價格影響，但睇返公司本身我覺得佢暫事增長力不大，所以考慮到增長力同機會成本，我想換去另一隻股票，唔知老師點睇呢?

我而家應唔應該換馬?

如果換的話3662奧園健康又是否值得投資?

龔成老師：

京信通信（2342）主要從事研究、開發、製造及銷售無線電訊網絡優化系統設備、提供相關工程服務，以及提供電信服務及相關增值服務。

現時5G的發展，都會對佢有利，但這股規模唔算好大，因此又未算最強之列。但由於規模細，當企業發展時，潛力較可較大。

質素都算有的，但就不算好強，整體上都有投資的價值。不過睇翻佢最近的業績，又唔算好勁。

此股唔值得太大比重。

由於這股質素未算最高之列，因此，之前當熱炒相關版塊時，的確將佢股價過度推高，處貴水平，現時先算合理翻d，但又未算平，而要上翻去你買入價，短期未必得。如果你持貨較多，建議賣出部分轉其他。

如果不多，你都可以持有，但你預佢增長力又未必好強，除非市場對相關版塊再有炒作，就有機會有較明顯的上升。否則，如果你想財富組合增長力較高，轉其他不是不可。

至於奧園健康（3662）由中國奧園（3883）分拆上市，主要在中國從事物業管理服務及商業運營服務。

例如提供住宅及非住宅物業管理服務（安保、清潔、園藝、維修與維護服務）等，業務穩定，現金流不差，但上市年期不算耐，以及現價合理區中上部。

這股前景是正面的，但平貴問題則要小心，同時不建議太大注。你小注投資都得。

------------------------------------------------

Q21352：

成哥
想問隻1266

第二個問題：想問你會推介邊一個收息股，3988可以嗎？或者會唔會有其他選擇

龔成老師：

西王特鋼（1266）主要從事製造特鋼，產品包括主要用於建築及基建項目的普通鋼產品，以及特鋼產品，亦從事鐵礦粉、球團礦、鋼坯及焦炭等商品貿易，以及銷售鋼渣、蒸汽及電力等副產品。

業務有點波動，過往盈利的上落較大，有時會出現虧損，反映企業對成本較敏感，未能將成本有效轉嫁比買家。企業質素唔算高。

中行（3988）都是不差的收息股，現價合理，可以投資，但唔建議只集中在一隻收息股，最好建立一個「組合」。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

------------------------------------------------

Q21353：

老師，我在下一年大約靠儲蓄和投資，累積到$90萬左右。

我現在租金只需$2000，不用擔心住的問題。所以，我想買樓作投資，始終買樓收租比較穩陣，以及可分散資產風險，不用只集中在股市。但是，我對於房地產投資沒有什麼概念，所以，有兩個問題想請教老師。

第一，我希望將大部份資金投入樓市作投資，購買約$550-600樓。老師您覺得投資樓市，還是應該繼續持有優質股，待資金再滾大才投資樓市？

第二，放租有什麼需要注意？如何確保「安全」放租？老師有冇推薦坊間課程 / 書 / 其他方法可以了解房地產投資更多？特別是關於放租方面的問題

龔成老師：

1）最重要是「平衡」，這是一個財富配置的動作，你要考慮怎樣建立一個風險不高，長遠又有增長力的財富組合。

如果你買樓後，要用盡所有資金，那就會出現集中風險。

因此，最好就是等你有一定資金，又或調整目標物業樓價，等你買完樓後，都仍然有一定的股票及現金在手，就是最好的策略。

如果這刻不足，可考慮利用股票滾大資金先，之後先投資樓市。

2）你可以睇《5年買樓4部曲》，適合你的。

至於最初放租，你最好找一些大型的地產代理幫手，好過自己經一些較細的平台去放租，因為當你同租客有問題出現時，大型地產代理，可以比到較多支援你。

另外，我的網上課程（關於資產配置），都有部分講物業的，你可睇睇。

http://bit.ly/3pP252j

------------------------------------------------

Q21354：

老師你好，股票勝經書本里面提及的覆利息，我理解係將股票發出的股息，再用作買入該股票，是這個意思嗎？

還有一個問題想請教老師，假如a和b是優質股（a，b不屬於同一類型股票），若果本金只有20萬，應該將20萬重注其中一隻，還是將a，b各10萬分配？

龔成老師：

複息由兩部分祖成，第一是股價長期增值，複息回報，第二是派發股息後，將得到的資金再投資該股票。

如果有一筆資金，而AB都是優質股，應該平衡分配。

------------------------------------------------

Q21355：

你好呀老師

領展823 5000股 72蚊
匯豐5 5000股 46.2蚊
瑞聲2018 2000股 40蚊

移動941 1500股 51蚊
電能6 5000股 45.4蚊
贛鋒1772 800股106蚊

持有應該點操作

龔成老師：

如果你年齡唔大，其實唔需要太多收息股。

你上述的組合，基本上都是有質素的，只是部分買入價較貴，不過，我見到收息股類別較多，例如：匯豐（0005）、中移動（0941）、電能（0006），這些股的增長力不強，但收息就無問題，持有與否，其實好睇你年齡與投資風險及目標。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

因此，如果你年齡唔大，這類股就不用投資太多。

至於領展（0823）、瑞聲（2018），有質素及基本增長力，可持有。

贛鋒鋰業（1772）是潛力股，但估值較難，分析時的確資料較少。由於上市年份少，我地較難有長期數據分析。

佢為鋰化合物、金屬鋰及鋰電池等鋰資源生產商，業務涵蓋上游鋰資源提取、鋰化合物深加工、金屬鋰生產、鋰電池生產及鋰二次利用及回收。集團提供涵蓋五個主要類別逾40種鋰化合物及金屬鋰產品。

其實佢的產品應用都廣泛，包括電池相關產品、化學品、藥品及新材料等，而客戶主要包括電池材料公司、電池製造商、化學品製造商、製藥公司及電子器件製造商。產品主要於中國、韓國、日本及新加坡等十多個國家出售。

我相信佢長遠有潛力，有長線投資價值，問題只是平貴度的問題。現價略貴，小小注好了，之後等佢回落先正或入，始終行業有一定的變化。

其實，你投資的股票，基本上都有質素，但就要在比例上優化，你要考慮你的年齡及風險承受程度、投資目標，去決定長遠的財富組合比例。

------------------------------------------------

Q21356：

老師！想請問一下京東集團9618 及 六福集團 0590，本人9618 100股@385 ，現時賣出京東轉入六福，值搏率是否不高？
感謝您！

龔成老師：

京東（9618）業務有質素，發展仍是正面，不過現價就唔算平。

佢係一間電子商業銷售平台，佢定位為「以供應鏈為基礎的技術與服務企業」，現時是中國第二大電商，有一定的品牌。同時，根據《財富》按收入統計的全球500強排行榜，集團是中國最大的零售集團。

佢目前業務已涉及零售、數位科技、物流、技術服務、健康、保險、物流地產、雲計算、AI和海外等領域，其中核心業務為：零售、數位科技、物流、技術服務四大板塊。

京東已建立自己營運覆蓋全中國的物流基礎設施，以支持電商業務，打造了線上購物體驗，係2017年、2018年、2019年，活躍用戶數達到了2.9億、3.0億、3.6億。可見已建立了一個巨大的網絡。

佢經營線上零售，以及電商平台業務，線上零售業務方面，從供應商購買產品，然後直接銷售給客戶，並從24,000多家供應商採購商品。

佢的物流基礎設施佈局覆蓋了中國幾乎所有的區縣，包括遍佈89個城市、累計總建築面積約1,690萬平方米的700多個倉庫，包括京東物流技術開放平台所管理的倉庫面積。

從質素上，這股不差的，現價算是合理區中上部至頂。

其實這股無問題，就算你持有都得，你只是在之前較貴的價位買入，佢並不是質素轉差，只是股價去翻正常的區域。

除非這股佔你組合比例太多，否則，你可持有。

至於六福（0590）有質素的，不過現價的值博率，其實同京東接近，因此不用特別轉。

------------------------------------------------

Q21357：

龔Sir你好！1186中國鐵建 你點睇？

＄5.07入咗3萬股，想呢幾日想入多3萬股

現持：
270x4000股
288x11500股
371x10000股
3033x3000股
1186x30000股

呢個組合有冇問題？

龔成老師：

中國鐵建（1186）質素算是中等，不算好強，但都不差。

如果有分析佢多年的業績，會見到佢生意其實都幾穩定，但就無增長力，至於股本回報率處合理水平。但這股最大的問題，就是負債太多，雖然佢現金流好穩定，但太多負債始終會扣分。

而這一點，亦令佢企業價值不會太高的原因。而現價處於合理水平，但發展力不算強。

你持有是可以的，買入價合理，可長線，但就未必值得持有太多。同時，當你進行投資策略時，唔應該一次過買入得太急。

至於其他股票，基本上都是有質素的，可以持有，萬洲國際（0288）質素唔算差的，但潛力就不算強，只是平穩增值的類別。

有時你見肉價短期上落，都會對佢股價有短期影響，不過，我地分析時，唔好太著重中短期因素，例如短期的肉價格，以及供應等因素，都會對佢中短期有影響，但我地最緊要是分析企業的長期營運模式，發展，而這股正面的，可長線。

這企業過往的生意保持平穩，業務基本上是平穩的，只是因貿易等問題，令股價較為波動，成為這股的風險。

投資這股，可說是平穩增長，以及收下息咁，不要對股價太有期望。

北控水務集團（0371）不差的。

業務不差，但負債較高，影響了企業價值，整體來說，可長線，但唔建議持有太多。

粵海（0270）無問題。

而南方恒生科技（3033）有質素，是潛力基金，可長線，你可持有，但由於潛力類基金股價上落較大，因此又唔建議持有過多。

------------------------------------------------

Q21358：

你好老師，我今年29歲，正在租樓，已婚，有一囡。

將會買樓自住，考慮到底應該用買樓的錢來買樓?還是股票投資好?

樓價因為識買家的關係，比現時市場平15%左右，打算最少會住5-10年

如買樓，手上和每月就沒有閒錢能夠股票投資。
我應該如何選擇買樓還是股票投資?

帶返頭盔，有記錄每日支出，預計到當供樓後，2人每月閒錢有千幾蚊左右，預留小朋友Playground 用 / 疾病 等等。

現時租樓反而會每月多返3千幾4千蚊 可以做股票投資等等。

龔成老師：

如果正常的情況，做好股樓平衡，財富配置是重要的，即是最好的情況，就是你買入物業後，仍有一定的股票、現金剩，令你的財富處於平衡的狀態。

不過，你如果能以較市場平15%的價去買物業，就算做不到上述所講的情況，都值得做。

當然，你要考慮翻物業的質素，起碼不能太差。同時，平15%的定義，是比較同區同類的單位，以佢地的成交價作比較。

因為15%在物業市場是一個可觀的數，就算這動作令你風險度提高，都值得進行。

因此，你可以買入該物業。

但在之後，就要加強力度去進行儲蓄、投資，令你整個財富組合，盡快平衡翻。

------------------------------------------------

Q21359：

老師
怎樣可以
2萬
20萬
變100萬

龔成老師：

要這樣變$20萬、$100萬，當然是一個極高回報，你背後一定會承受好高風險的，因此不建議。

當然，如果集中投資潛力股，並掌握了買賣時機，要找到10倍股，不是不可能，但就要付出相當大的努力，同時要較長時間，等企業成長，先有機會做到。

因此，這是一個不易的回報，建議你調整投資目標，合理翻。同時，可以努力增加知識，以及花更多時間去尋找潛力股，但都要明白風險與回報的概念。

------------------------------------------------

Q21360：

成哥，之前睇你本書嘅推介買咗中生(1177)及同仁堂科技(1666)，但忍唔住有錢賺所以放咗，不過我會等佢回落會再買返。

最近呢兩個月買咗三隻新股諗住長揸，分別係：
百度(9888)->$219
6993(藍月亮)->$15
賽生藥業(6600)->$18.7

但係表現未如理想係咁跌

請問呢3隻股票是否值得長揸？亦是否值得撈底？請賜教！謝謝

龔成老師：

持有優質股，特別是有增長力的，就盡量長線投資，例如中生（1177）這類。

如果你組合無醫藥類，就宜等機會再買翻。

至於你新買入的3股，第一，新股你要留意翻風險，因為我對新股一向較一般，佢地的財務數據往往因為上市而執靚左，加上新上市供求失衡，股價一定好波動，因此要注意風險。

百度集團（9888）有質素，但股價上落大，唔建議持有太大注，現價合理區頂至略貴，如果你想加注，等跌多少少先。這股可長線。

藍月亮（6993）有質素的。

佢有「中國P&G」之稱，成立於1992年，擁有衣物清潔護理、個人清潔護理和家居清潔護理三大系列共73個品種的產品。

佢係中國洗衣液有龍頭地位，加上毛利率高，賺錢能力強。睇翻佢之前的資料，以零售額計算，藍月亮在洗衣液市場、濃縮洗衣液市場及洗手液市場的市佔率均為第一，分別為24%、28%、17%。

整體有質素與發展力，不過現價唔平，之前貴，現價算是合理區頂，你小注持有都可以。但暫時唔好加注了。

賽生藥業（6600）都有發展力。

佢係一家擁有產品開發和商業化集成平台的生物製藥公司，戰略上專注於包括腫瘤及重症感染治療領域。憑藉集成平台，力圖在治療領域開發優質上市產品，包括自有產品日達仙及在研藥物的組合並對其進行商業化。

佢主要從事銷售自有產品日達仙；銷售授權引入產品；及代表業務合作夥伴在中國銷售推廣產品。

佢亦開始開發多種在研候選藥物。目前在研候選藥物組合包括多個已進入II期臨床試驗或更早階段的早期階段候選藥物。

日達仙已獲列入肝癌、胰腺癌及淋巴瘤治療指南，並已獲得多個司法管轄區的批准，包括中國以 及韓國、泰國、阿根廷、意大利、柬埔寨、新加坡、菲律賓及印尼等其他國家。

整體來說，這股都不差，都有投資價值。但業務始終波動，小注持有好了。同時唔建議太急加注。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

將軍澳|The LOHAS |日出康城|Fresh 新鮮生活|港鐵|MTR | 2萬呎超市買啲乜
#將軍澳 #thelohas #日出康城 #Fresh新鮮生活 #港鐵|MTR #掃貨必去
#特色主題 #香港製造 #Omakase #寵物零食

今日帶大家來到將軍澳地鐵上蓋一個大型商場The Lohas

裏面一個全新概念的大型超市, 佔地2萬呎，

我估計裏面的貨品定會超過二萬款

其中被我遇到三位顧客, 他們好iconic, 好有象徵意義

究竟他們象徵什麼? 片尾我會開估,

裏面設有26個特色主題區域，提供本地及環球新鮮食材

更加支持香港製造創意品牌，引入了接近一千五百種香港製造產品

除了為顧客提供新鮮食材選擇，亦都提供多個嶄新餐飲選擇，

例如即場海鮮加工服務、首創超市版Omakase（廚師發辦）

現場即製香腸午餐肉、小炒菜式、5無健康指示牌 、優質寵物零食區

為顧客即時磨米服務、引用先進的付款方式，以免聚集人群

無須付款排長龍等等, 在場每一個售賣Counter佈局，

都經過精心設計，務求令顧客感受到店員的親和力和專業產品資訊

這個超市很著重店員跟顧客交流, 保留一般超市或百貨公司缺乏的人情味

他們嚴選店內的零食, 參考衛生署的健康指引，

駐場有兩位品酒師，解答專業的酒品資訊，

多款印度食品、香料專區， 在場亦有日式健康美容產品

專為素食者而設多款新穎美食、產品多、服務優質、多選擇，價錢豐儉由人

歡迎各位網友跟阿Tsar遊樂團，

參觀這個嶄新的Fresh新鮮生活大型超市

Are you ready?

首先帶大家來到海鮮城, 見到一個好大的魚缸

擺放了來自不同國家高級海鮮， 長腳蟹、松葉蟹、水晶蟹 ，

超大型龍蝦 、蜆殼類 ，那麼大隻海鮮

你會否怕家中未必有這麼大個的蒸爐去煮呢

來到這裹你絕不需要擔心，因為這裏提供即買即煮服務

煮的方法及加工費用，例如豉汁炒、花雕蒸、

上湯焗等等的方法以及收費, 一一在牆上面寫得清清楚楚

明碼實價，顧客可以即時用電子付款方式收費

之後廚師就會將買來的海鮮進行清理，再拎去煮場館，

進行加工和烹煮，大概你預半個小時，

就可以了，下面亦有每日最抵買，價錢豐儉由人

旁邊亦有游水淡水魚和冰鮮魚售賣，排列得整整齊齊任你揀

另外即時買的魚，廚房設在售賣counter後面

不怕劏魚的時候，血水和魚腥味一點都冇，

保持最衛生、最優質的服務

煮場館除了處理加工烹煮海鮮之外，

他們亦負責這裹的兩餸飯的餸菜小炒，

入面由一個大廚主理烹煮多種餸菜 ，

個菜盆入面設計得好淺 ，因為盡量要保持食物新鮮、 夠鑊氣、夠熱 ，

每一盤只足夠serve六至八個人,就要再refill新的，確保食物新鮮度。

燒鵝王子有三款出名菜式 ，嫲嫲豉油雞 ，王子燒鵝，鎮店叉燒 ，

鎮店叉燒選擇梅頭中間部位 ，不要頭和尾 ，

確保叉燒肥瘦均勻 ，咬口爽脆好味 ，

王子燒鵝 ，用特別穀料飼養，養到每隻鵝大約六斤時才會劏 ，

所以見到每只燒鵝大少都差不多，

即場用風乾機風乾鵝 ，風乾20個小時 ，

確保肉質外脆均勻、隻隻金黃脆口，

嫲嫲豉油雞的來源，好多客人吃了豉油雞時，

覺得好有家的味道，用味蕾去喚醒你對嫲嫲和回憶和思念，

壽司本店, 最特別就是有外帶的Omakase，廚師發板，

有兩種選擇，一種是特選set388hkd，

有12款壽司加上丼飯 ，再加點甜品，

另外一款就是極上set, 588hkd就有16款的選擇 ,

有刺生、卷物、 丼飯 、甜品都有 ，

廚師會因應每日最新鮮嘅食材以做這些拼選給顧客，

下面亦都有一些已經包好的新鮮壽司，

價錢更加大眾化, 但質素是非常優質

你看看壽司的油脂和光澤，以這個價錢

簡直是物超所值，

這裏亦有一個一連三舖的食點，

相當受顧客歡迎， 首先他們每日新鮮製作的香腸和午餐肉 ，

見到師傅即場製作，確保每日新鮮 ，

這裏的午餐肉和香腸經過好多次改良 ，

因為要調出適合香港人口味 ，

健康得來又好味 ，可以選擇減鹽自製香腸、午餐肉

減鈉減了50個percent，其他亦有多款口味，

有蜜糖脆皮、芝士黑松露、沙爹豬肉黑等等 ，

都是賣28hkd一件 ，都不含味精或人造色素

除了買到香腸午餐肉回家之外

旁邊就是一個熱狗店，有多款口味任您選擇，

再過隔離就非常受街坊歡迎，有多款外賣小炒便當之外

脆皮豬手、芝士龍蝦伊麵、炒辣蟹、冰梅骨、

日式吉列炸蝦便當 、炒飯炒麵 ，攞上手熱辣辣㗎

驚你不夠熱, 旁邊擺多兩個微波爐

另外有選擇優質食材的甜品和沙律，

價錢都相當貼地大眾化，

Snack and Treat 零食專區是大人同細路都鍾意 ，

自助式,kid’s faviourite 和kid’s choice

好多精挑細選受小朋友歡迎的零食選擇,

這裏的零食除了安撫你的心靈 ，亦照顧你的健康

因為大部分零食都會參考衛生署指引 ，

會嚴選零食裏面的糖分、鹽份、鈉成份，

例如每100克糖少於五克啦， 每一包總脂肪少於三克 ，

鈉含量少於120毫克 ， 還有多款香港製作的本地品牌零食

除了這裹好像catwalk那麼多零食，這裹一字排開都是零食選擇

能夠在芸芸眾多的產品, 被選中上架的香港製造產品

必屬佳選, 食出香港人的精神， 靈活應變、捨我其誰

超市裏亦有好多其他的香港製造產品

好似有山手作、Nicole’s kitchen，二澳農作社，

大師姐等等的調味醬、糕點或蜂蜜都可以找到

豆本坊, 除了有好多豆製食品，亦提供好多創意素食

今時今日的素食者，已經不單純為宗教或健康原因

亦配合世界潮流，推行環保，所以產品亦推陳出新

配合顧客不同的口味和需要，

好像這個Omnipork新豬肉，香港品牌，北美研發，

100%植物製造。多用途、零毫克膽固醇、高蛋白質，

無抗生素。無激素。熱量低66%。

質感、香氣均與真免治豬肉無異，

提供人體所需的優質氨基酸，健康之選。

港式素食叉燒、 三杯鮮菇純素米漢堡、甘薯葉素牛丸

意式香草意粉、火鍋、鹵水最夾的凍豆腐， 吸汁有彈性，

獨家首選的豆腐皮，即使你不是素食者

如果好似我家中有個氣炸鍋，

你都可用來包燒鵝、蝦卷、雞胸肉一樣回味無窮

臨走前買一些已經處理好的芽菜仔、加兩磚豆腐

煲個魚湯，加少少鹽和蔥，已經是一個好豐富的養顏湯水

日日糧坊: 一個可以磨米的地方，甚至可以糴米，

現今已好少聽到糴米呢！但這裹有這一種糴米服務

幫你溝出最喜歡的幾種米， 當然你要買一整包都可以

他們提供了來自七個國家不同的米，

有日本、泰國、柬埔寨、中國、等等

揀完米之後你可以因應自己喜好，

即時可以叫店員幫你磨製喜歡的度數 ，

它有9個不同的度數 ，視乎你喜歡食糙米 或是白米 ，

可以有sample給你看，磨五分米、七分咪、白米、免洗白米

這裹有一部專程由日本訂過來的磨米機

一般白米用5至6號已可, 穀殼會在右邊袋排出來

客人可以要求拿回家用作施肥種植盆栽，十分環保

香港人日日的主要食糧除了米之外，亦有食麵

這裹提供本港一個老字號的麵食，

除了傳統蝦子麵之外、亦有好健康的菠菜麵、甘筍麵

如果你不肯定自己是否喜歡特別的選擇

可以一個一個麵買回家試下，

除了麵食和米之外，大家都可以來到雜貨區

這裹有個印度專區，有好多印度食品及各地嘅香料

印度香飯 (Biryani)，煮出來的飯特別香 ，

再加各種香料咖哩、辣椒

加些yogurt、堅果， 令到你的餐桌添多點文化色彩

這裹薑黃粉十分便宜，我曾在影片多次介紹過薑黃粉益處

強而有效的抗癌食品，我通常用薑黃粉加蜜糖飲用，

能夠迅速消除疲勞，好多時我睡得好少，都很精神

這個就是秘密所在，雜貨區見到買baking soda

平時超市賣15hkd，藥房12hkd，這裹賣10hkd，

精明的家庭主婦就知baking soda不只愛用來焗蛋糕

是強烈清潔劑， 可以將煲燶了的煲，不費吹灰之力

清潔得好像新買一樣, 有機會我示範給大家看看

藥膳農莊有好多湯包和藥膳 ，

如果你想找安眠茶、或平日手腳冰冷、想去濕

店員都可以為您提供最適合的選擇

對面個雪櫃亦都有好多不同生果、 沙律、藍莓、 士多啤梨 ，

每日揀最新鮮的生果做冷泡果茶 ，

甚至乎你飲完的生果茶可以直接食用裏面的生果

生果旁邊櫃位是鮮果殿, 有多款熱帶地區的時令水果

尤其是中秋節即到, 這裹買生果，亦有多款選擇

很多水果不是外面常見到，好像馬來西亞貓山王榴槤

文旦柚、泰國金柚 、琥珀蜜柚 、中國神石榴 、黃火龍果

送這些生果給人，沒那麼行貨，面子十足

如果你對生活有更高要求，就應該行過對面

Lohas Orchard，有來自世界各地最優質的水果

日本、 韓國、歐美、 土耳其、西班牙、澳紐

北海道紅肉蜜瓜、日本山形西瓜、 金洋瓜、台灣牛奶美濃香瓜

小朋友的嘴仔咁細，就建議買呢一個日本天之驕女蘋果

澳洲珍寶牛油果， 大大兩個58hkd， 我在澳洲超市食過，

價錢跟這一個差不多，好像這個更大

不得不提就是來自自土耳其的無花果，

最優質的無花果出產自土耳其, 而且好少出口

好少生果舖有得賣，好大隻啊，隻隻都好靚

揀無花果，要選擇紫色，有少少綠綠地

買回家可以擺放多一會，如果太綠即未熟

如果已經黑色，即過熟，好容易入面生蟲

買回家只要洗層外皮, 就可以連皮食了

Butcher Craft, 入面有個大廚叫Joey ，

玻璃櫃入面有醃製了的肉類和扒類 ，

可以買返家即煎就可以食得啦

或用氣炸鍋都得 ，亦有斧頭扒 Tomahawk

和dry aged熟成牛肉 ，出面高級西餐廳一定有這兩種食物

尤其熟成牛肉，經過處理的熟成牛肉, 牛味更濃郁 ，

如果不喜歡出面的皮太乾 ，可以叫職員幫你了出面的皮去 ，

即煎就會令到牛味最濃郁最極致 ，

亦有日本佐賀牛 A4黑毛和牛 ，澳洲加拿大牛小扒 ，

澳洲和牛M4 M5級數的肉眼扒，

如果大家不知道一個人或一家人份量都可以問大廚joey，
.......................................................

下次再傾，88! ??

成為会員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

蟬唱不斷，斥訴着深水埗鬧市的翳悶；蟲鳴不止，嗟嘆怎麼仍未爬離車水馬龍的大埔道。
颼颼啾啾，忽而一陣涼意撫慰一身風塵汗雨。冷風源自右邊的小店。然而，小店並非如風般清新，只見門外攤放着鋪了薄薄塵土的杯碟﹑電插座﹑行李箱等各種風馬牛不相干的雜貨。舉目掃視，店內擺設密密麻麻，未來得及看清貨物，雙目就被上方一道赤熱刺中，瞇眼一瞥，原來是暉光灑落在殘紅的招牌上，招致反光，勉強睜開眼睛，「聯盈公司夜冷」數隻燦黃大字映入眼簾。
啊，原來是夜冷店。

往事一如輕煙
涼風又至之時，一名目測年約五十男人亦步至門外，身穿棗紅恤衫的他，與紅招牌相當搭調。只見他叼着一根香煙，點燃起煙草。縷縷輕煙揚起，收起老煙槍的淡然，他漾出一抹頗傻氣的笑容，介紹着自己是店主，人稱小明。呼出一口煙，他口沫滔滔地介紹着這間與他相好四十載的店子。
「夜冷」一詞，其實從葡萄牙文「Leilao」繙譯過來，後來傳到廈門、汕頭有所變異，輾轉傳到廣州，方才開始叫「夜冷」。小明搔了搔頭：「我唔識英文，總之我哋叫拍賣行做『冷行』，拍到嘢就叫『出冷』。」夜冷店嘛，當然是賣舊貨，真正的夜冷貨，正是由拍賣得來，而非私人買賣。每逢有店鋪﹑公司倒閉或住家欠租遭收樓，該址的物品一律由法庭執達吏查封，或者經會計師樓﹑清盤人﹑破產管理處處理。譬如說某月一號封鋪；七號就會通知夜冷老闆前來看貨估價，假貨、破貨一律不打價；八號早上十一時到拍賣行舉手拍賣，價高者得。投得者分配到數天時間到店裏把認為有用的貨物搬走，再安置於夜冷店裏出售。


這是一家老夜冷，由小明父親開辦，莫問年月，只記得小學畢業，十二、三歲就於店裏幫忙，後來爸爸年紀漸老退休，由他正式接手。回想起二十來歲那個年代，沒有一百都有幾十人做夜冷，因為賺錢多，買一百元的貨賺一百元﹑甚至幾百元。例如投得店鋪後，他們會四處貼上大字報，着街坊到現場拍賣。原因是當時執法沒那麼嚴謹，他們就利用法律漏洞，省下高昂的搬運費。只是，時移世易，現時實在的只可搬，不能賣，加上搬運費幾倍增，目前買一百元貨物，只賺到十五元。數數手指，由他父親那年代經營至今的夜冷店，不出兩間。而今天真正的夜冷店，也只餘數間而已。現時有很多大大小小的夜冷店，都只是掛羊頭，賣狗肉，他調侃：「好多自稱夜冷店，但其實喺內地買新貨返嚟賣，同日本城有乜分別？」
不知何時，煙已快燒盡，他吸一口，又言：「呢一行，愈嚟愈式微。」說起往事，他臉上帶點蒼涼。呼出白煙，開始理解他何故抽煙，輕輕的，如舊事。現實，又豈能如煙。


心細一如渺塵
丟掉殘煙，小明率先步進店內。繞視一周，小店呈長方形，前作買賣，後為辦公，確實是老派。貨架上的夜冷貨林林總總，最接近門口的，是衣物胸圍，排放得井然有序；刀叉碗碟﹑罐頭汽水則放在箱子裏分好類。來到中間的貨架，則放滿了花瓶﹑木製家具﹑電器﹑擺設，較昂貴的已用膠紙封好，天花上掛了數台正在轉動的電風扇。店之深處，則於高處擺放着各類名酒﹑海味藥材；金銀珠寶如珠寶店般用玻璃飾櫃放好，附近都有員工看守。這裏啊，似乎說得出的，都能找得到。對小明而言，做夜冷店最考功夫，就是第七日看貨估價的程序：「乜都靠經驗，我十幾歲做起，冇乜瞞得過我雙眼。」何止眼，要耳﹑口﹑鼻多管齊下。

第一，眼見。例如他看雪櫃，雪櫃型號他一看就大概知道價錢，值錢又新淨的才打價；鋼具，要看是不鏽鋼還是不鏽鐵，價錢相差幾倍，對他而言，九成用肉眼可分辨是鋼是鐵。他回想起自己早些年買過一間藥房，竟然把鮑魚放在門口，他冷笑：「直覺話我知，假嘅，鮑魚要放後面玻璃樽嘛，呢啲唔打價！」看習慣了，經驗令他雙目銳利。
第二，鼻嗅。有些木具，他會用嗅覺，如花梨木有花梨木的香味；酸枝又有它的味道，外表再像真也騙不了他。
第三，手觸。可以的話，要用手去摸東西，例如花瓶，並不是看到花瓶底，寫着「乾隆製造」就一定值錢。一摸下去，他就感覺到花紋是畫出來還是印上去：「睇吓花紋係咪粗身，如果滑嘟嘟，多數電腦印。」。
第四，耳聞。如近期聽到哪裏有店鋪倒閉，大多數傳媒都會公佈，所以要常看報紙，如果不聽不聞，哪有競投的機會？
最重要是心澄。倘若心裏不在乎，不用心細想，則甚麼都不成。小明倏地胸膛一挺，坦言自己除了勤力兩字外，再沒有甚麼有膽去認叻，不論大與小的生意，他都一定去看，因為這是他的工作及責任。對於自己的弱點，他亦不畏懼：「而家規定拆一間酒樓都需要牌，我雖然唔識英文，但足足上咗三個月堂，我小學畢業咋，但呢個IVE證書嚟㗎！睇吓自己有冇心做啫。」收起指着證書的指頭之際，他瞄一瞄手錶，將近十時。

苦澀如水滿肚
陣陣的撻車聲震耳欲聾，數名壯丁包括小明把尼龍袋﹑紙箱﹑板車等架生放到車尾箱後，就爬入如火爐般的車廂內開車出發。小明邊扭着軚盤邊道：「我哋而家去一間豪宅，我早兩日投咗返嚟，而家就去執嘢啦。」或許夜冷佬真的一肚苦水，一路上，他連綿地分享逸事。
原來他最怕的事有三，第一是狗。經常到處去，以為香港沒有甚麼地方難得到小明，怎料，原來他還有一個死敵——「丈量約」。新界好些村屋沒有街名門號，只有「丈量約幾段」，這令小明頭痛非常：「對住呢三隻字我真係投降，搵親呢啲村屋，都總有隻狗走出嚟汪汪吠我，我而家真係好驚狗！」第二是蚤，做夜冷一行，經常會遇到一些髒得很的店鋪，尤其食肆。有一次，他要看一家倒閉了約半年的酒樓，剛好廚房爆水管，踏上地毯的一瞬，蚤子就跳到腳上，多到不行，但他仍硬着頭皮工作，直至估價完成。甫離開酒樓，小明就把褲子脫了，他猶有餘悸：「件衫都除埋，剩低條底褲，係咁撥蚤，公園啲阿婆以為我係儍㗎！」
回過神來，原來車子已停泊好，他抹一把汗，整理好衣衫，準備迎接他第三件最怕之事，就是眼前的保安。「做我哋呢一行，經常要求人，你又唔係租客，點解要將就你？」語畢，只見他霎眼間換上一臉燦笑，拿出身份證向保安問好，頻頻點頭。辦妥手續後，他又接着低喃：「嘈多兩嘈，電梯都鎖埋你，搬樓梯啦！所以千祈唔好嘈交，以和為貴。」只是，有時候自己不得罪人家，不見得運輸工人會收斂，當「磨心」的小明，確是有苦自己知。踏進電梯，「嘟嘟」的關門聲為其掩飾了一聲低嘆。

屢勝不如一敗
偌大的豪宅只餘拉膠紙的聲音迴盪着，經歷了約四至五小時的包裹及封箱，屋內只餘下三分一的物品，以及十數箱封妥的大紙皮箱。整件恤衫被汗水沾染着的小明，正在廚房察看雪櫃。看貨時已知雪櫃是高檔貨，但執屋當天還要試試它是否正常運作，畢竟運送一台雪櫃的開支不少。故一到埗要先插電，待收拾所有東西後，它仍然保持製冷，才可搬走。但見他一堂愁眉，就知道事情似乎不順利，他苦笑：「唔凍㗎！佢值成萬幾蚊，咁就冇咗啦。」
意志並沒有消沉太久，畢竟，於他而言只是小事一樁。走出客廳，小明拿起飾櫃裏幾座金牛﹑金豬，笑言這裏只有一座是真金，故根本沒有打價。對金的真偽，他可是特別敏感，因為他以前曾經錯估一座金觀音，虧損了一大筆錢；又曾經花數十萬買了一批黑膠唱片，結果全都不能播放。種種挫折令他沮喪，當時父親﹑兄長並沒有責難，一份內疚感更逼使他成長，造就了今天的一雙金睛火眼。把金器包好，小明示意搬運師傅先把東西搬上車。

拜金不如講心
通常貨物要分兩程車運送到店裏，小明目送第一車的貨物出發後，又乘電梯回到豪宅內。此時細心一看，屋內其實佈滿生活痕迹，一家四口的照片；主人房內，仍放滿了女主人用剩的護膚品；書房裏，盡是男主人的玩具珍藏；小孩房裏，一雙又一雙的小鞋，記錄了孩子的成長。如今，卻蒙上了薄薄的灰塵。有人不喜歡夜冷佬，大概是這緣故，說不上是「發死人財」，但卻踐踏着人家的倒楣。
小明吹吹盒子上的餘灰，一臉心安理得。「我爸爸走嘅時候，一班仔女陪住佢。我呢？活到五十歲，除咗探我爸爸之外，我冇進出過醫院。」他徐徐道出，眸子裏，映照着別人的全家福。舊物扔掉了，不代表對人家的尊重，也不代表能為對方帶來祝福；反倒，把他們於美好時光所擁有的東西保留下來，也算是留下了一點緣分、一絲情意。
小明算是百無禁忌，只有一個原則，就是賺錢沒有必要賺到盡。原來，有些貨品，他會原價出售，甚至店裏會有部分屬於新貨，如小鬧鐘，賣十元一個，還倒貼一顆電池；老花眼鏡亦然：「有啲老伯伯，幾乎每日唔見一副眼鏡，有個伯伯隔日就買一副，畢竟是深水埗舊區，當回贈街坊。」也不是一身銅臭，對他而言，有價值的東西不一定很昂貴，正如他為了喜愛的鑽石牌鐘，可以走三十層樓，逐個單位搜索；又如早年他拿了攪盤電話回店裏，僅售二百元。某東西總有某人喜歡，有歷史的東西，或許來得更有價值。

最後一個紙箱置於貨車廂內。小明抽抽衣襟，試圖撇乾汗珠。緩步踏至車前，一臉倦容的他打開車門，吐出一句：「我做到六十就唔會做，都唔會畀我下一代做。」畢竟，做夜冷這一行，倘若明天沒有店倒閉，也就沒飯開；縱使生意不絕，誰又欲見兒女捱苦？
車子於路上疾駛，赤日早去，夕陽已至。問他日退下來如何度日，他驀然一笑。
哈，還不是想念舊相好？

聯盈公司夜冷
地址：深水埗大埔道244號
電話：2778 6539
營業時間：不定

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)