［Buy now, pay later］BNPL，金融潮語。其實都潮咗大半年，不過香港咁上下啦。鬼媒講咗年幾兩年Content Creator，都未見香港有乜媒體專門整個beat

1. Buy now, pay later，「屌，咪即係花唄」「有幾撚有創意呀？我中華古已有之」「不過馬雲得罪人之嘛」。其實認真的，唔使括號，花唄都興咗N年，鬼佬而家先開心大現BNPL，完全係reinventing the wheel，不過記住講個英文縮寫就有人覺得好巴閉，Bullshit as a service，Baas．（話時話，Kyle Bass收咗皮未？港紙爆煲冇？）

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

2. OK，正經，「咪即係信用卡分期，有幾大發現呀？」。又唔係喎

3. 首先，香港人好撚有錢，同埋好有信用，香港人係好好嘅債仔，你見啲友真係斬人打劫呃同事呃老婆穿公司櫃桶底都會供樓的！

4. 當然，除咗香港人有錢，客觀亦因為香港丁屎咁細，你走得去邊？唔似美國或以前大陸（而家有晒監控另一回事），改個名換個車牌去第個城市又一條好漢。

5. 所以你見香港批信用卡成功率極高，私人貸款極易借，仲要供樓利息低。一個普通打工仔，一百幾十萬信用卡額絶對唔係難事。

6. 我想講嗰時我在英國讀書？出咗信用卡（開名啦，匯豐），500英鎊信用額。「喂你係學生冇收入點同，唔好偷換概念」。但你可以睇下普通一個香港大學生銀行批幾錢信用額畀佢？（＊）

7. 我知全世界都低息，係呀我唔知呀可？港息大約都跟美息，但，你見美國有冇可能一兩厘供樓？你有冇諗過，香港供樓銀行收你咁平息，賺乜？「cross selling」，「美國唔識cross selling呀？」（咁當然，再三留意返，香港人好撚有錢）。

8. 真相係，香港嘅delinquency rate （拋個英文好似專業啲）極低。即使咩亞洲金融風暴或沙士或乜，你睇報紙咩負資產又跳樓，但，個delinquency rate都係極低—come the 忽on，負資產不等於delinquent！死還死七孔流血還七孔流血！甚至跳樓都不等於delinquent！別傻了星矢，你還有老豆還有老婆！

9. 但認真，咁低嘅delinquency rate，銀行咪圍到數，所以點解香港銀行嘅net interest margin咁低都仲有錢賺。剛睇業績，中銀香港淨息差1.10%，你諗下仲要出糧仲要交租仲要預你啲友燒炭，但居然都仲係賺唔少錢，可見delinquency rate幾咁低。美國？你可以睇下2008嗰時，啲次按有幾多delinquent，求撚其掉低鎖匙就兩腳一伸走人foreclosure，而美國啲銀主盤邊有香港咁正，可以賣原價咁滯（大把銀行拍賣銀主盤有賺添）

10. 同樣原則，你可以應用落去信用卡，私人貸款。

11. 當然仲有，再講一次，香港人好撚有錢。我冇統計過有幾多巴仙嘅人有信用卡，你睇卡數目唔準，因為有啲好似我咁嘅仆街一條友十幾張卡（又如何？）。但，目測香港嘅信用卡滲透率極高，「我Patreon啲讀者好似全部有」（＊＊）

12. 講返，冇去過美國（係呀，我使唔使識整光刻機？ASML NVIDIA又新高啦屌你），但BNPL同信用卡，就真係唔係同一回事。可以係complement 亦可以係substitute （＊＊＊）

13. Patreon會寫，有啲人只用信用卡，有啲人只用BNPL，有啲兩樣一齊。但，咩人係傾向用BNPL？你估到了：非白人（Hispanic或黑人），低收入人士，同埋……年青人，

14. 拿，學嘢？呢啲就學嘢啦。

15. 不過，「不如講返冧把」，Affirm就升五成啦，一舊水咁滯。「但2月嗰時140蚊」，而家先返返年頭水平，你買隻垃圾中移動941跑贏佢一截。估值都係好重要的。

16. 最重要係，Amazon雖然同Affirm合作，但冇話exclusive 喎。Amazon嘅作風啦喎，就行內皆知了，你做過佢對家都知。

17. 至於其他Fintech嘢？韓國嘅KaKao Bank，一上市大過晒韓國所有銀行嘅市值添，亦令呀大股東變咗富豪，同啲財閥平起平坐。你諗下，韓國喎，幾不可思議？

18. 香港？有！「咪螞蟻金服」，嗰時上市成功嘅，肯定大過晒所有銀行，分分鐘係全世界最大嘅金融股（而全世界最大嘅銀融股唔係銀行啦下）。

（＊）話時話，我好想知道，到底唔同大學甚至唔同科嘅學生，信用額會唔會唔同？拿，醒你呀，拎去做final year project啦。理論上呢，「好似醫科生應該信用額高啲」「你點折墮點包尾做個醫管局非合約都五六七皮啦」。不過我估實際上銀行don’t care，同埋費事你話歧視。不過，「如果見到係唔同大學唔同信用額仲好玩」「我覺得教大應該高啲」。同埋，如果真係。拿，真係醒你呀，認真少少拎嚟做MSc dissertation都得（MPhil PhD就未咁求其），「至少認真過我嗰份」又，我份dissertation真係相當垃圾，但我都don’t care，因為我換得去倫敦結算所實習嘅機會，雖然真係坐嗰邊只係幾日。

（＊＊）呢度示範咩係survivorship bias．冇信用卡又點訂你Patreon呢大哥。「其實可以用Paypal」「但冇信用卡又點有Paypal呢老細」「其實係得的」

（＊＊＊）有啲人讀經濟就讀死書，以為A同B一係complement 一係substitute，或者兩者之間 0-1。錯，同樣兩樣嘢，唔同情況下，可以係complement亦可以係substitute．例如？你一拖二咪知！「你有本事可以搞到變complement的」「重口味啲嘅，老婆同外婆都得」

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

［香港人好富貴］你香港搵400萬台幣 點會話食300-500台幣「唔心痛」？人地戥你「心痛」添呀，「咁慳做乜」。而唔止係因為台灣啲嘢平啲喎（其實高端消費冇你想像中平咁多），你香港人去到嗰邊搵佢咁嘅人工，一餐3000台幣啦。（好似都未夠你食江振誠）

DCard 原文：https://fbook.cc/3X50

TLDR：錢太多冇人生意義？畀晒我你咪有。再唔係，溝條女。還是不行嘅，溝兩條。仲唔得？啤兩件化骨龍。都真係唔掂？仲有終極武器：溝條港女，包你台仔知道自己有幾窮。阿嬌老公都係因為咁，而家人生好有意義。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

1. 認真講下先，當然兩地人工唔同，冇得比。你睇阿嬌老公拍埋阿嬌度都只係窮撚。樓主真係冇見識過香港女仔，N年前嘅奀星傅穎都話十萬月入先好埋枱啦，計埋通脹而家點都十五甚至廿萬。唔好忘記，係埋枱咋，唔係中標價！你知兩者有幾大分別架可？唔知嘅去公海玩下慈善啤王。

2. 咁而，樓主話400萬台幣人工，百萬港紙，香港都算好高—唔好又嚟「有錢人邊係靠打工」「大劉先係叫有錢」「Jeff Bezos先叫有錢」之類，客觀係百萬港紙己經係5%最高收入打工仔。

3. 咁當然唔係咩花天酒地 吳亦凡啦，你有數得計，本人Patreon收入都過百萬一年，但都係住大西北，食下越南包 食下大快活咋，係一個星期打次方榮記邊爐成千蚊咁咋。係貴，但不過係咁咋，你估可以中東油王咁唱K撒銀紙？

4. 但你諗真啲係好合理，3%，咁咪等於你考試拎個A咁咯。應該拎A仲難啲。喂，咁拎A梗係勁啦，但你話係咪咩 神級學霸又唔係咯，廿個有一個。Match得到的

5. 同樣地，樓主單身就梗係好洗，但例如我朋友嗰啲，養埋老婆仲啤兩件嘅，真係唔係離地，認真講句，抆抆緊架咋。唔會唔夠用，但真係冇乜錢剩，真係去次日本都睇下價錢先。

6. 咁當然，另一極端，我本書都有講，咁你香港一半人 人工係兩皮嘢以下（驚未？），咁嗰啲友都係咁生存啦，食風咩。但當然就應該十分吃力，但唔會係你嗰啲網友啦。

7. 但講返，我個重點想講：台灣人真係本質入面好慳（你亦可以未見過大場面，任你），特別係樓主呢啲話窮等人出身嘅。你睇佢，搵百萬港紙，話食餐晚飯300-500台幣都「唔心痛」—你去溝女真係畀人笑呀，唔好話港女，台妹都笑你。

8. 都唔止係台灣啲嘢平啲（事實）咁簡單，我可以肯定話你知，你香港人在台灣，搵樓主一半人工，都肯定餐餐貴過佢。香港人啲消費水平同食好嘢用正嘢嘅能力，全世界難比。

9. 都話求撚其一件香港小朋友都同你講omakase，普通一條屋村女生日都住科思晨食米芝蓮兩三星，同啲姐妹講是非就五星級酒店high tea（＊）個撚個用埃瘋，普通一個文員仔都用個幾皮嘢嘅袋啦。我就只係去過七八十個國家左右，就見識少，就冇見有第度係咁啦。

10. 即係，出賣囡囡都講句，嗰時埃汾太在台北，樓下間邊爐舖好快就認得佢，仲知佢唔係台灣人（雖然埃汾太國語好好，仲會扮埋台妹講嘢）。點解認得佢？因為，人地一個打邊爐打舊幾兩舊水台幣（＊＊），佢一條友打七舊水。

11. 真係，講到尾，400萬台幣人工就真係好勁，不過，點會冇人生意義？睇樓主講法，單身寡仔。你溝條女幫你洗咁啲，包你有人生意義。一條唔夠嘅，兩條。再唔係啤兩件化骨龍，包你即時好有動力。

12. 再唔係嘅，溝條港女咯

13. 實在慚愧講，有一輪我去日本，成日去四國（都係兩次啫），真係覺得自己好富貴的。去到餐廳唔識睇日文，點最貴嗰個餐啦，冇乜死錯人（＊＊＊）。講咪又四五舊水港紙，「在香港食垃圾咋」。真係的，有一輪覺得日本啲嘢都唔貴（因為香港太貴！）。直到我去銀座（東京，唔係天水圍），就知道啲餐廳貴啦！

14. 同一道理，台仔覺得自己好多錢嘅，去溝條港女，包你知自己窮，然後實好有人生意義，阿嬌前夫咪就係咁。

15. 又諗起之前嗰個真人真事（啲咩在港台灣人群組），有個台仔同個香港女仔一齊，見女朋友成日話自己窮，又住公屋，自覺自己人工都不錯，諗住話叫佢辭職跟佢返台灣養埋佢。點知，靠，條女人工係佢兩倍！梗係啦，條女做護士嘅。你台仔以為人地呻窮住公屋就好窮，呀樓主話先知自己幾咁天真。卒之明白做乜條女成日有錢買名牌換手機。

16. 港樓，港女，港B，都係啲高難度動作。港樓都仲有得轉手，其他兩樣就…….當然你可以期望個港Ｂ養返你嘅，祝君好運。港女啦喎，張愛玲啦。

（＊）雖然絶對食垃圾，我話嘅，我食過，每一間都係好撚難食。係每一間。我已經唔係討論價錢或性價比。你老味我去食大家樂KFC好過。我係講真的。夠人支持我開篇新文講。

（＊＊）台北都仲有一舊水邊爐，但囡囡唔會去到咁平嗰啲。況且，即使台北人都未痴線到咁嘅，天龍國嘛，好歹都升級下，好少真係一舊水咁過份。百五樓上啦。而台北以外，你會搵到一舊水任食邊爐的，窮人恩物，都唔係太過差的。乾淨企理，當然你唔好望有咩手切肥牛黑豚肉，食撚慒你。

（＊＊＊）又，我當年就係咁樣揀咗精算！結果死錯人！

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

［Keep your friends close, and your enemies closer］ 留意時間。台蘋唔出紙版，東方報得仲快過蘋果自己！果然日夜mon 實。你的敵人比你更了解你！

TLDR：媒體撚人包。其實邊有得做？紙媒冇人睇事少，但網媒嘅記者一樣會走佬。Why join the Navy when you can be pirate？

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

1. 又，我在香港每日買三份實體報紙（不包括蘋果，但有網上訂）。在台灣都係同一習慣：分別係 台灣蘋果，聯合報，中國時報（請屌）

2. 台蘋賣到20蚊台幣，台灣人叫晒救命。但你諗下香港報紙賣10蚊，而兩地人工差距往往唔止一個開（雖然有時不能咁計啦，你去台灣「喝茶」唔會香港一半價錢）。況且，台灣報紙少好多嘢睇，香港報紙厚好多。而反正後來蘋果有 凍新聞 有埋啲鹹濕示意圖（圖or 老母嗰啲）， 台灣人都好受落的。

3. 反而你聯合報 中國時報10蚊台幣一份，我就只係見過阿叔會買，同埋我（都係阿叔）

4. 咁反正大家都知，報紙靠賣紙就死得，印一份蝕一份，都係靠廣告。所以又難怪台灣報紙少嘢睇。

5. 咁講完量，我地最好唔好講質添。蘋果aside，台灣報紙啲質素真係得啖笑。直接啲講，啲記者質素真係笑能死人。相比之下香港啲記者真係十分專業。

6. 咁我唔怕開名，我仲做台灣公司時，有一劑我阿頭（台灣佬）彈咗個台灣經濟日報女記者嚟訪問我。咁當然係唔靚嘅阿嬋啦，唔使咁多性幻想。咁但，唏，訪問嘛唔係叫你去夜總會選妃，尊重下人地專業好。 好呀，睇下有幾撚專業？

7. 佢問埋啲嘢低能，算數。夾硬將自己啲話迫落我度要我認同（我諗起《三國無双》嘅林雪：「你同唔同意？」）。好正常。但我最不能忍受嘅係，佢老味佢拎個Excel 叫我幫佢填（即係你報紙會見到，由美術出嗰啲圖，例如咩內銀業績比較，香港樓價每月轉變之類嗰啲）。

8. 我十分婉轉地，轉達個意思畀佢：仆你個街，我出埋你份糧丫不如（雖然我都唔多恨）。

9. 咁呀台嬸都好婉轉咁（唏台灣人嘛，台灣最美的風景便是人）話我知，唏，唔填咪唔填咯，唔使咁惡，香港人真係冇禮貌。

10. 其實由第一分鐘我都唔想理佢，但老細踢落嚟，我又唔知會唔會係老細啲情婦之類。但心諗老細都讀過下書 又四四正正，應該啲品味冇咁差。於是直接同老細講，喂，個阿嬋廢架喎。咁老細都至少表面支持我，仲email串咗個阿嬋幾句。「會唔會返摩鐵跪坡璃我就唔知啦」

11. 事實，以上現象人人皆知，死症，你推我我推你。但總之，讀者唔肯畀錢（似乎讀者又話啲報紙垃圾），報紙根本請唔到啲正常嘅人。請到嘅，當然都係靠廣告商養。咁所以七八成嘅文都係「業配文」。而反正讀者又係照睇。而根本好多記者係自己跑埋業務跑埋廣告嘅，呃埋一大堆化妝品呀 嘢食呀 戲飛呀大有人在。

12. 咁反正讀者又冇乜所謂，新一代一早WFC，老一代都WFC。我都係當睇廣告雜誌，睇下邊度有新餐廳咁。或者同時睇下啲台灣人嘅各式怪論。最Q記得嗰時體育版真係日撚日都係兩版甚至四版林書豪。係每一日，every 北京 single day．就算佢冇波打甚至傷咗，都有其他花邊新聞。由佢老母到佢老校，乜都有得講。

13. Anyway，都係必然之路了。其實蘋果（一仔 in general）已經好勁，好似有百幾兩百萬付費訂戶。想話你知，國際上都冇幾多份報紙有咁數量，Financial Times都得100萬人咋！咩Economist 嗰啲 50萬人左右。New York Times咪有700萬人咯，但人地仲平過蘋果。

14. 全部面對嘅問題，唔止係咩紙媒已死（樓上嘅都全部變晒網上科水訂）。而係，你稍為有啲食力嘅記者，自己楝支旗開檔，自媒體算數啦。真的，一大堆都搞SubStack 搞 Patreon。讀者係睇篇文嘛，唔係睇你New York Times個嘜頭。人人自媒體，碎片化啦，分眾傳媒

15. 我係記者做得好做得幾年有人脈嘅，使乜靠你份糧？自己搞個Newsletter啦．仲要聽你班中文打字都唔識嘅冷氣房老屎忽教我點點點 然後自己出去飯局應酬指點江山？

16. 你以前媒體嘅玩法，綑縛嘛。你問老啲嘅傳媒人都知，專欄副刊，甚至再以前金庸寫武俠小說，可以賣好多紙。問題係，我明明就買明報睇 陶傑 伊沙貝，以前就屈你睇埋林燕妮張小嫻， 而家我直接課金畀陶傑咪得 （當然又會令個社會更加圍爐，但後話）

17. 我個Patreon都類似係Newsletter，基本上人人都知，係想學／抄 Matt Levine嘅，當然我唔係記者。

18. 有機會寫（但N咁多篇文我都冇寫），Substack而家直頭玩到唔止Newsletter，直頭做Sections（https://bityl.co/6q2s）． 即係我成份嘢上又得，你散叫亦得。我搞個小企鵝出版同盟，叫利世民 嚟寫政治經濟，叫高山道 嚟寫體育，叫尹思哲 嚟寫Start Up，然後叫我寫….. 「是但啦」。一樣得。唔使輪流寫喎，又唔係Patreon bundling一齊寫。而係任你全餐或散叫都得。喂，咁即係直頭等於自己搞一份報紙啦喎！ 你諗下以前係幾咁難？而家？真係一晚就搞到。「而呢個正係我一路叫利世民搞嘅嘢」「佢之前都搞過啲類似嘅嘢，行得太早，而家Substack幾個掣搞掂啦」

19. 都係有啲廢，但成日講啲乜tech 物tech，好多行業同十年廿年前仲係差不多。反而媒體先係轉得最勁嘅。

20. 而我話你知，好多人係Substack都未撚聽過。網友至撚醒。

21. 係呀，離晒題呀。但唔係咁嘅題點呃到你入嚟？我出篇文寫「媒體生態分析」你會唔會入嚟睇？點解媒體變標題黨？因為讀者鍾意咯。咁當然我唔係特登嘅，我都唔係咁計算嘅人，但寫下寫下，咪自然去咗第樣嘢。

22. Last but not least，in case 有人問，背景當然係小朋友相。但唔係我嘅小朋友。朋友嘅相啫。而我電話係off notification的，人生美滿之路。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

等到頸都長埋終於都等到 Shimano 支 2017 年新款船竿 Light Game Allegro CI4+ 到貨, 買完之後急不及待出艇試用.

向度同大家簡單介紹下支竿先, 如果有興趣買船竿既師兄師姐可以參考一下 :)

型號︰Light Game Allegro CI4+
官網介紹︰http://fishing.shimano.co.jp/product/rod/4578
長度︰140cm (一支過, 冇得分兩節)
調子︰7:3
鉛錘負重︰20-60號日本鉛 (日本鉛1號大約等於 3.75g)
竿重量︰65g
價錢︰約 $1,8XX 港幣
適合魚種︰向竿面有介紹, 呢支竿係設計用黎釣三種魚︰

1. 墨魚(屎桶)
2. 池仔
3. 左口魚 (定多寶魚, 唔識分)


向買呢支竿之前其實我一直都用緊 Shimano 另一支竿, 向度都簡單介紹下。

型號︰Maruika BB
官網介紹︰http://fishing.shimano.co.jp/product/rod/3540
長度︰145cm (分兩節,每節 70cm 左右)
調子︰7:3
鉛錘負重︰10-80號日本鉛 (日本鉛1號大約等於 3.75g)
竿重量︰74g
價錢︰約 $9XX 港幣
適合魚種︰得一種, 墨魚(屎桶), 係墨魚專用竿。


舊既 Marika BB 我用半年左右, 支竿我用唔記得第4定第5次個陣已經炸左, 炸左之後自已駁返黎用, 用到支 light game 出先換。

由於我係艇釣為主, 艇上面地方有限, 所以揀船竿通常會揀比較短身D, 容易操作, 同埋綁線、換餌、解魚都方便D。而呢兩支竿都係 150cm 以內, 所以我個人用起上黎非常順手。Shimano 出既短身船竿選擇唔多, 之前有一款叫做 Boat Game 既船竿好多師兄都極力推薦, 可惜依家已經停產左, 想買都買唔到。而呢兩支 Maruika BB 同埋 Light Game Allegro 都係依家市面上有得賣, 同埋好容易買得到既新竿黎。


向度簡單介紹下呢兩支竿既優點同缺點先︰

Maruika BB
(優點)
1. 竿頭極度靈敏, 中幾兩0既石狗感覺就好似中幾斤石斑咁, 手掌咁大既石釘都可以扯竿頭扯到掂晒水, 每一下食餌都感應清晰, 釣魚仔都過足

手癮。
2. 短身, 145cm 分兩節, 攜帶方便。
3. 價錢相對較平。

Maruika BB
(缺點)
1. 竿頭太軟, 中斤頭以上既魚個陣感覺唔太夠腰力, 容易比魚扯返入石。


Light Game Allegro
(優點)
1. 竿頭同竿身較硬淨, 但仍然敏感, 抽魚個陣感覺比較實在, 有腰力。
2. 設計同做工都靚, haha

Light Game Allegro
(缺點)
1. 一支過, 冇得分節, 140cm 攜帶冇咁方便。
2. 價錢貴過 Maruika BB 成倍。

總括經驗, 如果新手想出艇玩下，我建議買 Maruika BB, 因為價錢平同埋手感好, 兩節竿又方便拎出街。向香港出港內其實冇乜大魚釣, 用呢支竿玩下魚仔到用熟左有需要先升級買支靚竿都未遲。

當然如果有 budget 想一步到位的話買 Light Game 或者係 Daiwa D 船竿都係一個唔錯既選擇。

以上純粹小小心得分享, 有錯請大家不妨指正一下 :)