年過30，係會諗多左自己既前途問題。 當有陌生人問我，你做盛行阿？ 「我做音樂既… 有個studio係火炭，平日就教下琴、做下歌、搞下Concert... 我亦係做緊年青band隊經理人…」 通常反應有兩種極端： 1. 覺得成件事好浪漫、好熱血，以為件事好chill，可以做自己想做既野，跟住心心眼。😍 2. 覺得我係痴__線、三十幾歲仲不務正業、好天真，跟住反白眼 🙄️ 仲有無數嘅FAQ， 你嘅正職究竟係乜？ 你讀完社工唔做NGO咪好晒？ 你有冇把握事業五年、十年之後發展成點？ 有時自己都會同同輩比較，看見身邊的朋友有穩定工作、事業上軌道，叻啲嘅、條件好啲既供緊樓、甚至揸緊Benz。而我呢？仲喺度追逐緊青澀的理想，諗緊去邊度搵錢拍MV、錄音、買Gear😅 當好多人喺度計劃緊下半身如何穩定，基本上我嘅態度，係同剛剛出嚟做嘢嘅自己冇乜分別（只是世故和務實一點，做事考慮周長一些) 唔係冇羨慕過別人穩定的生活， 唔係完全冇諗過放棄， 但係諗來諗去，我都係會揀返呢條路，直至有一日有不可控制嘅事令我唔可以繼續。 喺香港做呢啲嘢，吃力不討好，付出多、回報少; 要求高、資源少；有時真係幾挫敗，一切係無清晰嘅階梯同指引。 搞咗六年幾，能夠生存到而家，間鋪仲Run緊，搞到大大小小嘅Event，一條友full time來講，已經係超額完成。我時常提醒自己，能夠將熱衷嘅事情變成工作，是一種幸福。雖然要跑租、填數，但係整體來講都係自由自在，無拘無束。 物質既野，真心係身外物。財富夠用，能夠sustainable，過一個decent既生活，已經好好。過簡單的生活、唔需要物質/利益最大化，換來的是自主、尊嚴，有本錢去堅持自己的價值。 努力學習如何寫出更好的歌、管理不同項目的製作、教更好的課、做一個更稱職的店主😩 每天還在接觸緊新嘢，辛苦但係好好玩 （除左音樂，燈光音響時裝影像拍攝設計，琳琅滿目，樣樣都被迫了解吓🤪） 好多人其實唔明白我做緊乜，因為我亦唔係想單純做音樂，好希望透過課堂、製作、不同的演出影響生命，一點一滴推動社會一些改變。 能夠為你喜歡的、相信的事，而執迷、廢枕忘餐、失眠、耿耿於懷，是苦，也是甜。 小小見證，今年的財政壓力特別大，因為出去錄緊音、攞錢拍野，加上呢兩年嘅疫情，特別吃力，當我認真為這事祈禱之際，突然多了很多工作，日日做唔停，多咗好多班教～ （雖然變相又係另一種辛苦😅）在完全冇夾過嘅情況下，巧合地收到一些弟兄姊妹的額外支持，一切及時，感謝神，也多謝一直鼓勵我們的朋友。 未來還有很多野陸續推出， Passion Music希望可以開一啲新嘅project，好多嘢仲煮緊、計劃緊，希望大家多多支持☺️ 除咗財政，如果可以許三個願望 1. 今年未推出嘅重點歌曲可以多啲人聽，做到啲成績 2. 希望他朝有一日有機會有足夠資源請人（如果有個full time 秘書或者助手就好啦😅） 3. 希望可以認識和牧養更多音樂有天賦的年青人 （暫時未夠資源同空間好深入咁做，度緊，再諗諗） 唯願初心永遠不變🙏🏻 唔會變左做一個無奈接受現實既人，繼續倔強、繼續青春。 #eddiesir講經系列 #經理人日常

中年唔等於中產，當你唔上唔落，就會變成乜樓(柒)都買唔撚到嘅冚家剷🤡 5.2萬學乜嘢人爭政府樓？去少次日本，將架BMW、Audi、Benz換返做Toyota、Honda、Nissan(我講緊平實家庭車，唔係Type X、GT-R、Fair lady)，然後死返去私樓市場啦！ . . 「特首林鄭月娥將在下周三的首份施政報告內，公佈「首置上車盤」細節，今日《明報》報道引亦政府消息人士指出，上車盤收入限額將會定為5.2萬至7萬元，根據統計處數據，目前全港約有24.02萬戶收入在上亦範圍內，房委會資助房屋小組主席黃遠輝表示，計算一半人士未置業，即約12萬戶合資格申請。 消息指，計劃不不准許雙非家庭申請，同時設入息下限，免和居屋重疊。定價方面，以市民負擔能力計算定價，不應與市價掛鈎。又設立10年轉售限制，期內原價轉售政府，10年後補地價可在自由市場出售，補價金額以購入時計，而非市價。」 . . 🆓鍾意嘅隨便share，記得喺張相度tag番我啊😉 #希望傳完唔係真 #期待夢想破滅嘅一刻 #政府靠得住豬乸會上樹 #港豬好mean #叛逆中女 #文字 #文創 #手寫 #寫字 #手繪 #畫字 #書法 #軟筆 #繁體字 #晚安詩 #語錄 #calligraphy #moderncalligraphy #Chinesecalligraphy #handwriting #handlettering #brushlettering #brushcalligraphy