【睡前請關機！深夜玩手機8大危害】

一、影響生物鐘
1、在床上使用1個多小時的手機、平板或者其他一些會發出光線的電子產品都會減少人們生成褪黑激素總數大概22%。

2、而一旦人們的褪黑激素受到了這種程度的抑制，那麼人的生理週期也將受到影響，直接影響便是讓人始終處於淺睡眠，甚至大大減少人們的睡眠時間。

3、也就是說，玩了手機1小時後，你或許不得不再玩上3小時，因為你已經睡不著了。

二、慢性疲勞
1、脖子耷拉過度、身子不自然彎曲、頸部越來越前傾。

2、這使得人體頸部胸鎖乳頭肌隨之不斷向前拉伸，長時間過後就會處於慢性充血狀態，久而久之容易壓迫椎動脈而誘發頸椎病，造成慢性勞損。

三、影響視力
1、易造成視力偏差：長期躺在床上玩手機，一個月就會造成左右眼睛視力偏差。
左右橫躺著對左右眼睛的壓迫力最大，如此一個月就會造成左右眼睛視力偏差，枕頭對眼睛的壓迫造成供血不足，時間一長眼睛就會有膨脹感，短時性影像重疊，這個不是滴眼藥水就能好的!有些人配眼鏡左右度數不一樣就因為如此。

2、易造成視力模糊：在漆黑的房間里長時間盯著手機，手機發出的光線會讓眼部肌肉疲勞，影響聚焦能力，導致視力模糊。
最初可能只是暫時的視覺疲勞，但長此以往它會變成永久性的，最終導致近視。甚至有可能導致散光!

3、眼乾症：正常情況下，我們每分鐘眨眼16—20次，而看手機時，每分鐘只眨6—8次。

四、頸椎反弓
1、“頸椎反弓”是構成頸椎病最常見的病理基礎，高枕可使頭部前屈，增大下位頸椎的應力，有加速頸椎退變的可能。

2、而臥高靠背看電視以及長時間上網、躺著玩手機等不良的生活習慣，長時間牽拉著頸椎，也會導致其曲線前凸日漸減少、變直甚至反弓。

五、影響智力
1、手機的輻射是比較大的，有屏幕的輻射和機體信號接收輻射2種。

2、人的體內的血液是需要維持一個正負極電荷的平衡的，屏幕的輻射會對這個平衡有細微的影響，雖然不大，但是依然是有壞處的。

六、損害皮膚
手機對人的輻射，這個其實也不可小覷。人們使用手機時跟面部距離很近，會對皮膚有一定影響，不能確定是否會長斑，但肯定不利於皮膚，容易長痘痘。

七、手指麻木
頻繁按鍵，拇指酸疼。手機使用過量，頻繁發送短信會導致大拇指酸痛、麻木或腫脹等不適症狀。

八、皮膚過敏
手機導致過敏。有些人手機剛用了沒多長時間，就莫名其妙地發生皮膚過敏。查來查去才發現，原來是手機上的鎳等某些金屬惹的禍。

那要怎麼解決問題呢？來來來小樹懶教您！！

如果各位出現以上這樣的症狀，只有一件事情給解決！！！！！！！！！！
『就是把您的手機送給我～我來幫各位承擔』

https://www.instagram.com/p/CAb8bE6pASw/?igshid=4e3mxtbpv5s

#梗圖大全 #漫畫 #手機 #半夜 #睡不著 #娛樂 #深夜 #寂寞 #遊戲 #藍光 #失眠 #搞笑 #可愛い #可愛 #貼圖 #生活とフィルム #生活 #趣味 #趣味探し #有趣 #笑死 #日常 #日常生活

［點解轉咗行］安雅會談（2/?）—好運嘅做校長，咁就一世？

1.OK，夠晒反高潮。諗住年度鉅獻，壓軸送畀大家過聖誕，甚至個預告都好好反應。煲咗冇全年都大半年係呢篇文，十足十星球大戰咁。嘔心瀝血大作，結果呢個《安雅會談》系列第一部，收視係仆直嘅 (http://bit.ly/2MruF8D)。仆到一個我冇得賴嘅地步。賴節日？結果我求撚其平安夜晚寫嘅一篇759阿信屋 (http://bit.ly/2PZ3xQB)，收視都遠好過佢。甚至我求撚其去到新潟打個卡，收視都好過佢。

2.但又可以點？豈能盡如人意？唔通好似《輪流轉》咁腰斬咗佢？何況其實都寫完晒乜滯，爭後期製作。總要嘔埋佢出嚟。正如其實2018年年三十我已經決定辭職離開星矢圍高達。其中一個觸發點，又係好似安雅咁，因為我同咗個女讀者食飯（仲有邊個女讀者我貼過相？），佢都唔知影響力咁大，但佢觸動咗我嘅ego，嗰個「咁你都仲留低你仲係男人嚟嘅？」嘅macho ego．但最後我都玩到八月先辭職，九月先走。原因？因為當時整緊份大報告，當然我可以做到一半唔理，我唔會因為咁覺得欠咗公司或任何人任何嘢。但主要都係對自己交代，同埋，都當然係，方便搵工啦。

3.所以仍是要繼續，好歹寫完佢。唔係話咩「我好撚努力架，你咁都唔欣賞」。寫完，成個系列都仆直嘅，咪以後唔寫。everyone fails at something．好，安雅丫嘛，今個系列出場，著定褲拎定廁紙啦。
________________________________________
4.鍾意嘅睇返上篇文，簡單嚟講，我離開學校村（冇話你知？），老校變態唔係主因，生日做成績表唔係主因，呀教務主任走人又唔係主因。可能搞同事先係主因 — 但頂多解釋到我點解唔教呢間學校，但做乜唔教第間，要40%呸咳去做銀行？仲要去一個完全未知嘅領域。我1997年入港大，2000年畢業，之後去戰域讀孖士打 ，返到嚟做雙失青年，02年教第一間學校，03年去咗學校村 -你可以想像 ，我同個金融世界，係脫節的。應該話，從來都冇接過軌，我又唔係嗰啲會去爭做煙腸嘅人。對於金融世界，我完全係紙上談兵，除咗考咗Level One CFA，同埋在倫敦交易所實習過（實則只係間冷氣房），乜都冇。

5.雖然話當年我裸辭，未搵工，但蕉行標哥已經話請我。但我可以拒絶架嘛。冇人迫你去丕咳的，可以返嚟再搵其他教書工。甚至蕉行請咗我我都可以再搵其他工，簽咗約都可以（你以為唔得？少年你真係見識少，我年代都大把呢啲人，我都試過，唔止一次，而家更加家常便飯。有機會再講）

6.所以，時間，返返去，2003年夏天。沙士。「安雅會談」。我原本唔係好肯定係02，03定04，當年未打卡又冇Facebook。但問過朋友，同埋睇埋其他證供，應該係2003，沙士後。

7.講返，當其時我教緊間高中書院（都話唔係莊啟程）(http://bit.ly/2ZiHhmP) ，沙士，提早停課了。而我實在唔肯定我當時係收到新學校2萬蚊嘅屙化埋，但應該係收咗。換言之，就係好Q得閒。夏天，有架九巴在屯門公路跌咗落去嘅夏天。十分村上春樹，我無撚聊到睇金田一，無撚聊到打返紅白機嘅夏天

8.著名嘅「安雅會談」，發生在度。係，居然咁多年都冇變到，間嘢居然未執，你諗下有幾多舖頭16年未執仲在同一個位？屯門，時代廣場（OK ，屯門係有時代廣場的。仲有黃金海岸添。天水圍有銀座有日比谷有有樂町添），大拇指．咁當然唔係安雅黎左同我消夜啦痴線！安雅黎同我消夜仲大姆指？番屋企玩腳趾啦！

9.呢間嘢，感覺當年都仲係正常嘅，定只係當年我地啲品味差？總之，當年係食得入口，而家就狗也不屌，我真係幾年都冇食過，寧願食大家樂麥當勞。

10.無論如何，「安雅會談」。本人，朋友A ，朋友B。我甚至唔記得朋友B係咪在場。而家仲係相當好嘅朋友，耐唔耐見面，三個人仲有個whatsapp group。結晒婚，佢地兩個有小朋友，我冇。其實我地係中學同學，有個仲係小學同學，屯門仔，牛屎，當年仲係齊齊教緊書（所以要估好易估到係邊個）

11.我不能代表佢地講嘢，但，教書啦。大家都好似唔係原本好想教書，至少我同朋友A我都唔係，但又誤打誤撞，教書。喂，屯門仔嚟講，讀書OK（我就學霸啦，佢兩位都不錯），但性格有啲稜角嘅，個look出嚟唔presentable嘅，又有啲偽知識份子嘅無謂尊嚴，唔會做sales，做藍領又唔夠力嘅，by易黏蚊喱辱，其實教書真係比較可見嘅結局。兩皮嘢喎，2003年嘅兩皮嘢喎，好撚失禮你？我之後就拎萬二蚊人工喎。

12.我不能代表佢地，但大約搵共通點，我地就係咁嘅人。當年講真，一窮二白，但勝在有可塑性，係爛，但未開晒牌。係教咗書，但有冇聽過教書過三年嘅唔會再走？因為人工太高。兩皮去萬二你都仲想像到，到你搵三皮你仲做萬二蚊？

13.而家呢？十五年後，大家副牌可能結果冇想像中咁爛，但牌開得七七八八，要渣四條同花順已冇可能。

14.所以當年，又未飛機到講夢想，但兩個（定三個？不重要）圍埋，都係講下，之後點啦。係咪咁就一世，點算好。點脫貧，點上位，點向上流。記住，中學同學，屯門仔咋。最富貴嘅都不過係住兆康苑，居屋，中產下層。

15.我當年其實應該未點接觸咩投資，更加未開始買股票，又冇月供股票，亦冇咩儲錢退休之類嘅諗法。但真係有性格有作風睇。我相當記得，當年我係講，喂，儲幾年彈藥先再算啦。好可能係因為我將會有一份2萬蚊嘅工，仲會儲到錢，仲係唔會畀人炒，仲係年年加人工。

16.冇的，真係唔好睇到自己咁重要。我夠臭串夠（扮）獨立獨行啦掛。但你睇返，根本係屁股指揮腦袋。你係嗰個位你就講嗰啲嘢諗嗰啲嘢，真係差不多冇一個人例外。我有份咁嘅公務員工（津校教師算係啦），即時就係咁諗嘢 — 又或者因為我咁諗嘢先去教津校？可能係，但唔好忘記之後我教咗一年書就走咗。

17.同學A嘅嘢，一來係佢私隱我唔應該講太多，二來，我都怕我記錯。但主要係講返我嗰部份。佢當然唔BUY我呢啲儲子彈嘅諗法（我記得儲子彈論，多年後我又同佢講多咗一次，甚至兩次，當然啲子彈越儲越大粒）。佢的確細細個已經係冒險者，risk taker，海盜船，go big or go home，my way or highway，hell or high water．

18.雖然我地都係教書，但真係唔同，況且亦唔係教咗好耐（大家都係一兩年？），未定型。又或者根本係個靈魂fit唔到入去。耐唔耐，個心靈矛盾就會嚟。

19.然後唔知講到邊，佢大約問我，到底追求啲乜。我都係好籠統咁答（而家可能都係，但好啲），錢啦，女人啦，幾多？越多越好。幾時？現在就要！

20.但佢話唔得，呢啲冇建設性。朋友固然唔好美色（就我所知），但佢唔係批評我嘅取向，而係，be specific。錢，要幾多？幾時？唔好答越多越好，而家要，呢啲答咗等於冇答，唔會幫到你自己。同樣地，女，要幾多？一晚一件？十件？張伯倫？要咩級數？普通屯門學生妹？定TVB姐仔？

21.佢就係咁迫我埋牆角，亦係佢後來一直嘅作風。所以我對佢既敬且畏，因為佢一開咗頭，就唔係會畀你求其蒙混過關嘅人，係要問到底。

22.多年後我睇書睇文，都係同人講呢啲。係要量化。量化好似好冇意思好難做到，太低又廢太高又捉唔到，但總好過完全冇。你五折收貨，好過你冇量化到。就算唔量化，都具體啲，唔好話要上位，要上流。你想像下十年後，你食緊乜。係大拇指定係個個星期方榮記定係鍾意就坐商務飛去倫敦餵白鴿。你放假係大灣區浸古兜溫泉，定係去新潟住Dormy Inn，定係在北海道有間屋帶條女（or even better，人地條女）去 一泊二日美少女完全予約制(http://bit.ly/2SmZDT3)。

23.於是乎，就在大拇指，我開始認真研究，有關一夜夫妻百二蚊嘅 arithmetic

24.and i was fucking serious。應該讀者都唔記得，我係讀精算的，好簡單，年金咯，annuity due 定係 annuity immediate（你可以理解做，屌咗先畀錢，定畀完錢先屌嘅分別）。

25.就真係的，一夜夫妻百二蚊，你咪計將來咁多年，每晚嘅百二蚊，今日嘅net present value係幾多。就係咁簡單。

26.正如，無盡嘅色慾，甚至無盡嘅瘜肉，都可以咁量化。一件明星，你咪計幾錢一晚，五十萬？一百萬？咁總有個數。你計返每晚換一件，咁你要有幾多錢。要起雙飛嘅X2 （其實可能係2.5甚至3）。計下咁嘅玩法，你可以玩幾多年，亦即係你要用幾多錢。個概念係咁
________________________________________
27.咁樣講固然係物化女性可恥撚，但呢個的確係當年嘅我（我冇話而家唔係），況且當年又未識一年去幾次日本呀，未有食咩米芝蓮三星呀之類。又冇諗買樓（喂，沙士喎，我當年買咗樓而家仲呢度同你講嘢？）。所以你問我，有錢，去做乜？梗係溝女。

28.亦都唔知由幾時開始，十分明顯地我就係一個好色嘅人。我諗好色係一個比較恰當嘅形容詞。負面啲可以話鹹濕，鳩痕，厭女。亦可能同我唔多愉快嘅青春期（主要係溝唔到女啫）有關。正面啲係我有女人緣，或者潘驢鄧小閒我都有兩樣 — 梗係小同閒啦

29.然後，唔知點解，朋友A講起安雅。我啞撚咗。

30.我其實相當詫異，甚至到而家都覺得好surreal，再三查證呢件事係咪真嘅。點解佢會講起，安雅。我甚至一度以為佢講ENYA。因為佢平時同我講音樂多過講女陰。可能因為嗰期係安雅出事（其實安雅出事係2002年 ，所以我仲係有時懷疑件事係2002年）

31.對，我唔會話朋友A係咩聖人，但佢的確不好此道。所以我係幾奇怪。我甚至懷疑當年佢拍過拖未．

32.咁如果你係我咁嘅年紀（太後生唔識），講起安雅（都話唔係愛爾蘭嗰個），你會諗起乜丫？關鍵字丫
蘇永康，FING頭，吸毒，對不？
仲有呢？坦白啲。
我相信有唔少人（其實係我自己），會諗到以下嘅字
辣，淫，狂野，好砌。
特別係「好砌」。

33.女讀者應該一早睇到眼火爆，但都係要講，「好砌」雖然物化女性，但的確係一個好好嘅形容詞。對某啲女，你第一個印象就會覺得係，「好砌」。當然比較文雅或虛偽嘅男仔，或者刊物，會用其他字眼，性感尤物啦，sex appeal啦 — 但，其實大家心中諗嘅，都係，「好砌」

34.正如任港秀（！），正如林雅詩，或者to a certain extent，Jeana 何佩瑜，或者松岡李那，就係，「好砌」

35.順手澄清返一啲襟蚊搣時抗錫唇。首先，「好砌」不等於大波身材好。彭羚都身材好，我屌，佢唱仿彿是初戀時我已經知，但你唔會話彭羚「好砌」（雖然可能係事實）。Janice Man好似都係紙板一塊，但一樣會覺得「好砌」。「好砌」亦唔等於靚，Angelababy都靚（法官大人），但你唔會話佢「好砌」，雖然可能真係好好砌。

36.咁你話，哦，「好砌」即係著得少。可能係，比較近磅，但即係唔好講欣宜咁極端先（拳頭硬未？）。即係有啲女仔，著到好密實，你都一樣覺得「好砌」。呢啲係一種味道，可能係眼神，可能係神態，咩都好。

37.當然講到最後，所有嘅嘢都係「以為」。可能根本松岡李那係死魚一條（I doubt it），可能根本王宛芝先係蕩婦sex machine（just saying），you never know．可能安雅根本係娶妻良母（真的？），而葉子楣可能真係賢良淑德（我信）。呢啲大家嘅想像，同現實可以絶無關係，畢竟大家只係鍵盤戰士啫。呢種只係慾望嘅投射。

38.對，講咗咁多，安雅，其實就係一種慾望嘅投射。

39.你要教書，定係要安雅？you can’t get both．而安雅只係一個圖騰，一個象徵，一個placeholder，dummy variable．你叫佢做顏千汶孫佳君都可以，冇關係，it’s not about 安雅 after all. Come on, it’s not even about sex．

40.對，唔只係性，唔止係女，唔止係Libido 甚至所有嘅lust．就係一切嘅慾望。名利權色，紙醉金迷，醉生夢死。

41.你想下半世做附加數學科科主任，升個SGM，好運嘅升個校長當自己山寨王。十皮個月，然後要偷偷摸摸食煙（我從來唔食煙，即係咁講）飲酒講粗口睇四仔。

42. 你甘心咁樣? 假假地都學霸，讀過下商學院，唔敢話好叻，但一街都廢柴。就咁在慈雲山屈埋下半世？就係在呢四五十人之間玩宮心計？然後年年迎送生涯對學生對家長？假假地讀金融，中環都未返過，咁就一世？

43. 定係我地可以試下其他嘢？唔係而家（2003 )，係幾時？講過啦，教書嘅，教得三年，離職率快速下降。因為你根本走唔到，你太高人工，亦都同出面世界脫節得太緊要。我係搵兩皮嘢，但儲蓄近乎零。冇樓，冇計劃買樓。女？都唔記得有冇，但要有幾時都有，重要係冇一個固定女友，即係冇一個要commit一個月要儲幾多錢幾時要結婚幾時要買樓嘅（結果咁多年我都冇）。而家斬自己係痛，但今日唔斬，你永世都唔會斬，因為只會更痛。我嘅優點係知道自己幾咁軟弱。

44. 未完，待續，希望呢個第二集收視好啲。不過其實就算再差過第一集，都係會埋尾嘅。呢集忽然寫得長咗，因為答應大家一定要畀安雅出場，而我做唔出佢最後一分鐘先出場，好似TVB咁吊你癮。