每次嘈交都要和好（上）
　　
「我哋分手啦！」

我打緊msg畀芸芸，解釋我嘅立場，但佢已經講咗分手，仲迅雷不及掩耳咁block咗我。

我唔傷心，亦唔太擔心，只係有幾分無奈。
　　

因為「分手」呢句話，我已經聽過無數次。

我知道過多幾日，芸芸就會unblock我，我全心全意認低威哄番佢，我哋又會和好。

但和好後，過多一排，芸芸又會因為奇怪嘅理由嬲咗我，我哋再次嘈交，嘈到佢講分手。

「一排」係幾耐呢？或者係幾日、或者係一個月，反正唔會係永遠。
　　

我哋會因為咩事而嘈交？我都話唔埋，可能係我講錯一句說話，可能係佢工作唔順利、行街揀唔到鍾意嘅衫……

總之，天文地理東南西北都可以成為嘈交嘅導火線。

我曾經戰戰兢兢，講每句說話都思前想後，好似一個企圖避開地雷嘅士兵咁。

但我漸漸發現，避係避唔開嘅，交係一定會嘈嘅。
　　

今日我放假，本來約咗芸芸出嚟行街，但佢搭車嗰陣就同我嘈起嚟，仲block埋我，佢今日都唔會出嚟了。

我喺條街度百無聊賴咁行，一路行一路用手機search：「激嬲女友點算好？」

建議分為兩種，一種教點樣哄番女友，例如買鮮花屋前死守直至下雨、買新出嘅iPhone、打千字文……唉，呢啲我都試過晒啦，唔係唔Work，但每次都要做到成隻死狗咁，先哄得番佢。

另一種建議就得兩個字「分手」，感情問題全部都建議分手，唉，我又唔捨得分手。
　　

我行吓行吓，行咗入一間舖頭度。

成間舖頭用銀灰色裝飾，氣氛神秘而詭異，貨架上咩都有，好似雜貨舖咁。

咦，呢條街我行過幾次，之前明明冇呢間舖頭㗎。
　　

「先生，歡迎光臨『煩惱小店』，你係咪有咩煩惱啊？」聲音從背後傳來，我嚇咗一跳。

我回頭一望，一個黑衣女人坐喺櫃台望住我，眼神好似可以洞悉一切咁。

車，扮晒嘢。

我嗤之以鼻：「梗係有煩惱啦，世界上邊個人冇煩惱㗎？」
　　

黑衣女人問：「最困擾你嘅煩惱係咩？可能我有產品幫到你呢。」

「我女朋友成日同我嘈交，嘈完就block我，請問你有咩產品幫到我呢？賣包老鼠藥畀我，毒死佢？」我心情唔好，講嘢嘅態度都唔多好。

估唔到，黑衣女人拎咗一包火柴出嚟：「呢包火柴叫『和好火柴』，每次同女朋友嘈交，你只要點一條火柴，佢就會即刻同你和好。」
　　

我笑咗出聲：「有冇咁神奇啊？賣火柴的小女孩？」

「試吓囉。」黑衣女人遞包火柴畀我，我半信半疑咁點咗一支。

火柴燃盡後，我嘅電話響起，係芸芸打嚟：「BB，我過緊嚟啦，你喺邊？」

「你……你唔係嬲咗我咩？」以前芸芸一發脾氣，至少都要兩日先unblock我。

「啱啱又唔知點解唔嬲啦。」芸芸話鋒一轉：「你喺邊啫？我行到餐廳啦，唔見你嘅？你唔係遲到掛？」
　　

「我點會遲到？我馬上出現，畀一分鐘我！」

為免再次激嬲芸芸，我即刻畀錢買咗嗰盒「和好火柴」，飛也似的衝咗出去。

我好快見到芸芸，展開咗一日嘅愉快約會。
　　

過幾日，芸芸發脾氣，又block咗我。

我毫不猶豫咁點咗一支火柴，芸芸馬上搵番我。

呢一刻，我對我哋嘅愛情充滿信心，有咗呢盒火柴，無論因為咩事嘈交，都可以和好如初。
　　

不經不覺間，盒火柴消耗得好快。

我想買多幾盒，但我去番嗰條街，無論點樣搵、點樣search，都搵唔番嗰間「煩惱小店」。

唉，我好煩惱，呢次我嘅煩惱，係火柴就嚟用晒。

到時，我又要回復以前嘅生活，郁啲就俾芸芸block幾日，要做牛做馬哄番佢……
　　

我決定慳啲火柴。

芸芸再發我脾氣，我審時度勢，覺得佢呢次嬲得唔算嚴重，我就唔用火柴，乖乖等佢嬲完再哄佢。

下集：https://bit.ly/36DX2dM
　　
Patreon訂閱即時睇下集，快人一步：https://www.patreon.com/tomato28
　　
#短故 #短篇 #小說 #陳美濤 #廣東話 #粵語 #tomatochan #每次嘈交都要和好

坐監之後（上）
　　
「我話你知，你都係著我舊鞋咋。總之，菲菲點會真係鍾意你呢個窮鬼，遲早會返嚟我身邊。」

張大少囂張嘅聲音喺我耳邊響起，我嬲到面都紅晒。

佢係菲菲嘅前度男友，雖然有錢，但眼高於頂，好難相處，
菲菲就同佢分咗手，無幾耐就同咗我一齊。
　　

點知，我打工嘅公司，咁啱喺張大少間公司附近，有時返工放工撞到佢，佢都會冷嘲熱諷。

我扭過頭，唔想理佢。

張大少貼埋我耳邊講：「如果菲菲真係鍾意你，都唔緊要。我偷拍咗菲菲好多......嗰啲相，到你哋結婚，我咪印晒出嚟做賀禮囉。」

「你敢？」我嬲到青筋都出埋。
　　

「我話畀你聽啲相係點......」張大少仲想講落去，我按捺唔住自己嘅怒氣，兜頭打咗佢一拳。

我諗起菲菲哭訴俾佢騷擾，但又無可奈何個樣；我諗起張大少嘅囂張；
我仲諗起，今日經理問我係咪得罪咗咩人，話上頭叫佢炒我......

我手上嘅動作停唔到落嚟，點解世上會有咁無恥嘅人？

我一直打一直打，唔知打咗幾耐，我被制伏，冰冷嘅手銬扣住我隻手。
　　

呢個時候，我先意識到自己做咗啲咩，會面對乜嘢後果。

「傷人」呢條罪板上釘釘，我只可以解釋，係張大少同我講埋啲咁嘅嘢，我一時衝動先打佢。

但係，張大少死都唔承認自己講過，又無其他人聽到，法庭根本唔信我。

結果，我被判監四年。
　　

「我信你啊。」
菲菲淚眼婆娑咁同我講：「我知道佢有幾乞人憎，我知道你都係為咗我......」

隔住玻璃窗，菲菲向我許下承諾：「我一定會等你，你出到嚟，我哋就結婚。」

我個心好酸，好後悔自己一時衝動，闖出大禍。

我都應承菲菲，我一定會好好表現，爭取減刑，儘快出嚟娶佢。
　　

監倉嘅生活好平靜，並唔係好似睇戲咁，成日有毆鬥。

至於階級觀念，當然有啦，我哋監房最高級嘅係龍哥，
佢係我哋監倉嘅阿頭，但唔係好強壯嗰種黑社會大佬型。

我喺監倉識咗個好朋友叫小強，我偷偷問過小強：「龍哥又唔大隻，睇落都唔好打，點解做到阿頭嘅？」

「依加廿一世紀，講求文明進步，下下仲講好打咩？」
小強答：「阿頭係獄警揀出嚟，每個監倉都有，用嚟管理其他犯人。」

我都係唔明：「我見有啲犯人睇落窮凶極惡，龍哥又唔打得，佢哋點會聽龍哥話？」
　　

「傻啦，龍哥手上有監獄最強嘅武器：回家！」

小強解釋，犯人定時定候可以申請減刑，但有無得減刑、可以減幾耐，就睇你係咪行為良好，有心改過。

咁邊個決定你係咪「行為良好」呢？當然係獄警。

但獄警會收工，亦無咁得閒逐個犯人去研究，所以評分嗰陣，好多時都會聽阿頭嘅意見。
　　

小強總結：「個個都想早啲返屋企，咪要巴結阿頭囉。」

我問：「我以前上網睇過，話有啲人無家可歸，故意坐監呃飯食。嗰啲人就唔想減刑，咪唔駛理阿頭？」

「社會進步咗，至少我哋個倉無呢種人。」
小強話鋒一轉：「不過就算唔想減刑，都想生活得舒服啲㗎。邊個瞓廁所位、粗重嘢邊個做、邊個裝飯先......都係阿頭話事。」
　　

我恍然大悟，睇嚟我要早啲放監，都要巴結好龍哥。

但點樣巴結佢呢？呢方面我不嬲唔擅長，而且龍哥身邊永遠都擠滿咗犯人，噓寒問暖。

我決定：老實講。

我好忐忑咁行去龍哥面前，將我同菲菲嘅故事講一次，懇求龍哥：「我希望可以儘快減刑，出去娶菲菲，佢一個人......我唔放心。」
　　

為咗證明我講嘅嘢係真，我將一張合照遞畀龍哥，係菲菲寄畀我嘅。

龍哥拎住張相：「幾靚女喎。人哋點會等你放監，好快就搵新男人啦。」

我好堅定咁答：「唔會，菲菲一定會等我。」

龍哥嗤笑一聲，隔離嘅犯人就講：「我同女朋友拍拖五年啦，佢都話會等我，結果呢？過一排就無嚟探我啦。」

另一個犯人搭嘴：「結婚十年，初時佢個個禮拜寫信畀我，後來一個月一封、三個月一封......最後係佢起訴離婚嘅律師信。」
　　

「為免你之後傷心，長痛不如短痛啦。」龍哥冷笑住撕攔咗我張相。

「喂！」我撕心裂肺咁大叫。

其他犯人好警惕咁圍埋嚟：「做咩啊？」
「想打架啊？」

「唔係唔係。」我垂低頭，緊握拳頭，我要忍！
唔可以畀「張大少事件」再發生喺我身上。
　　

自從呢次之後，我好似得罪咗龍哥。

成個監倉嘅人夾份蝦我，我要瞓最近廁所嘅位，有咩粗重嘢、污糟嘢永遠都係我做，瞓到半夜都會俾人推醒......

以前，我以為只有做錯事，先會招致人哋嘅惡意。

依加我先知，生活中充斥住惡意，欺凌唔需要理由，
或者大家只係想要一個欺凌嘅對象，咁啱係我。
　　
下集：http://bit.do/e8MAX
　
將專頁設定為「搶先看」/ "See first"，最新故仔馬上睇！
　　
我嘅職業係：賣夢人：https://goo.gl/kKQRHH
相隔千年的愛：http://bit.do/eTnnX
　　
#短故 #短篇 #小說 #陳美濤 #廣東話 #粵語 #tomatochan #坐監之後

坐監之後（上）
　　
「我話你知，你都係著我舊鞋咋。總之，菲菲點會真係鍾意你呢個窮鬼，遲早會返嚟我身邊。」

張大少囂張嘅聲音喺我耳邊響起，我嬲到面都紅晒。

佢係菲菲嘅前度男友，雖然有錢，但眼高於頂，好難相處，
菲菲就同佢分咗手，無幾耐就同咗我一齊。
　　

點知，我打工嘅公司，咁啱喺張大少間公司附近，有時返工放工撞到佢，佢都會冷嘲熱諷。

我扭過頭，唔想理佢。

張大少貼埋我耳邊講：「如果菲菲真係鍾意你，都唔緊要。我偷拍咗菲菲好多......嗰啲相，到你哋結婚，我咪印晒出嚟做賀禮囉。」

「你敢？」我嬲到青筋都出埋。
　　

「我話畀你聽啲相係點......」張大少仲想講落去，我按捺唔住自己嘅怒氣，兜頭打咗佢一拳。

我諗起菲菲哭訴俾佢騷擾，但又無可奈何個樣；我諗起張大少嘅囂張；
我仲諗起，今日經理問我係咪得罪咗咩人，話上頭叫佢炒我......

我手上嘅動作停唔到落嚟，點解世上會有咁無恥嘅人？

我一直打一直打，唔知打咗幾耐，我被制伏，冰冷嘅手銬扣住我隻手。
　　

呢個時候，我先意識到自己做咗啲咩，會面對乜嘢後果。

「傷人」呢條罪板上釘釘，我只可以解釋，係張大少同我講埋啲咁嘅嘢，我一時衝動先打佢。

但係，張大少死都唔承認自己講過，又無其他人聽到，法庭根本唔信我。

結果，我被判監四年。
　　

「我信你啊。」
菲菲淚眼婆娑咁同我講：「我知道佢有幾乞人憎，我知道你都係為咗我......」

隔住玻璃窗，菲菲向我許下承諾：「我一定會等你，你出到嚟，我哋就結婚。」

我個心好酸，好後悔自己一時衝動，闖出大禍。

我都應承菲菲，我一定會好好表現，爭取減刑，儘快出嚟娶佢。
　　

監倉嘅生活好平靜，並唔係好似睇戲咁，成日有毆鬥。

至於階級觀念，當然有啦，我哋監房最高級嘅係龍哥，
佢係我哋監倉嘅阿頭，但唔係好強壯嗰種黑社會大佬型。

我喺監倉識咗個好朋友叫小強，我偷偷問過小強：「龍哥又唔大隻，睇落都唔好打，點解做到阿頭嘅？」

「依加廿一世紀，講求文明進步，下下仲講好打咩？」
小強答：「阿頭係獄警揀出嚟，每個監倉都有，用嚟管理其他犯人。」

我都係唔明：「我見有啲犯人睇落窮凶極惡，龍哥又唔打得，佢哋點會聽龍哥話？」
　　

「傻啦，龍哥手上有監獄最強嘅武器：回家！」

小強解釋，犯人定時定候可以申請減刑，但有無得減刑、可以減幾耐，就睇你係咪行為良好，有心改過。

咁邊個決定你係咪「行為良好」呢？當然係獄警。

但獄警會收工，亦無咁得閒逐個犯人去研究，所以評分嗰陣，好多時都會聽阿頭嘅意見。
　　

小強總結：「個個都想早啲返屋企，咪要巴結阿頭囉。」

我問：「我以前上網睇過，話有啲人無家可歸，故意坐監呃飯食。嗰啲人就唔想減刑，咪唔駛理阿頭？」

「社會進步咗，至少我哋個倉無呢種人。」
小強話鋒一轉：「不過就算唔想減刑，都想生活得舒服啲㗎。邊個瞓廁所位、粗重嘢邊個做、邊個裝飯先......都係阿頭話事。」
　　

我恍然大悟，睇嚟我要早啲放監，都要巴結好龍哥。

但點樣巴結佢呢？呢方面我不嬲唔擅長，而且龍哥身邊永遠都擠滿咗犯人，噓寒問暖。

我決定：老實講。

我好忐忑咁行去龍哥面前，將我同菲菲嘅故事講一次，懇求龍哥：「我希望可以儘快減刑，出去娶菲菲，佢一個人......我唔放心。」
　　

為咗證明我講嘅嘢係真，我將一張合照遞畀龍哥，係菲菲寄畀我嘅。

龍哥拎住張相：「幾靚女喎。人哋點會等你放監，好快就搵新男人啦。」

我好堅定咁答：「唔會，菲菲一定會等我。」

龍哥嗤笑一聲，隔離嘅犯人就講：「我同女朋友拍拖五年啦，佢都話會等我，結果呢？過一排就無嚟探我啦。」

另一個犯人搭嘴：「結婚十年，初時佢個個禮拜寫信畀我，後來一個月一封、三個月一封......最後係佢起訴離婚嘅律師信。」
　　

「為免你之後傷心，長痛不如短痛啦。」龍哥冷笑住撕攔咗我張相。

「喂！」我撕心裂肺咁大叫。

其他犯人好警惕咁圍埋嚟：「做咩啊？」
「想打架啊？」

「唔係唔係。」我垂低頭，緊握拳頭，我要忍！
唔可以畀「張大少事件」再發生喺我身上。
　　

自從呢次之後，我好似得罪咗龍哥。

成個監倉嘅人夾份蝦我，我要瞓最近廁所嘅位，有咩粗重嘢、污糟嘢永遠都係我做，瞓到半夜都會俾人推醒......

以前，我以為只有做錯事，先會招致人哋嘅惡意。

依加我先知，生活中充斥住惡意，欺凌唔需要理由，
或者大家只係想要一個欺凌嘅對象，咁啱係我。
　　
下集：http://bit.do/e8MAX
　
將專頁設定為「搶先看」/ "See first"，最新故仔馬上睇！
　　
我嘅職業係：賣夢人：https://goo.gl/kKQRHH
相隔千年的愛：http://bit.do/eTnnX
　　
#短故 #短篇 #小說 #陳美濤 #廣東話 #粵語 #tomatochan #坐監之後