《近況：上》 可能因為潛意識上我尚未擺脫學生這身份，所以每年九月總有種「新學年」新開始的感覺。因此想特此記錄一下近況；在「開學」前整理這個「暑假」的人和事、情緒和心境。 圖2 — 七月三：綠蛋島 與中同扒獨木舟到綠蛋島。最近在IG上看到越來越多人遊山玩水，自己也想樂在其中。幸得朋友幫忙預約獨木舟，有幸來到這個綠洲，水十分清澈，島上景色壯麗。回家後方發現下半身因為沒有穿防曬衣物而被曬傷了。 圖3 — 七月五：有朋自遠方來 某日碰上中同，方知道原來長居巴黎的彭某竟然回港而未有通報，當然要約出來問個到底。未算擇日不如撞日，但隔日就相見，分享近況。大家講起就一匹布咁長，結果講咗成晚，佢仲嚟咗我屋企瞓。好耐無試過同女仔玩 sleepover，不過我瞓唔着，意外地通咗個頂。 圖4 — 七月十：霓虹光管工作坊 早前在IG上看到一個霓虹光管工作坊廣告，便立即與友人報名上堂。一天的工作坊，上午學習基本技巧，下午繪畫圖案並製作玻璃光管。就這樣，我的霓虹獅子山誕生了。老土，但我鍾意。 圖5 — 七月十一：訊號山上對話 在尖沙咀吃完晚飯後，朋友們不想飲酒或吃糖水，只想談天說地，結果誤打誤撞發掘了訊號山花園，景觀一流，可望北角、炮台山一帶維港景色。望住對面海，說着說着，發現原來大家都想移居海外。 圖6 — 七月十三：好久沒見 朋友原定在港數星期的旅程，頓然變成留港工作兩年的合同。這麼大的轉變，當然是要好好聚一聚。 圖7 — 七月十七：送別派對 又有朋友要離開香港。臨別派對中有朋友帶來假髮增添氣氛，令大家過了瘋癲的一晚。我貪玩，也戴上假髮自拍一下。放心，大家當晚嘅黑材料我唔會流出去，除非你哋發咗達。我淨係放自己嗰張好了。 圖8 — 七月廿三：見前輩 每次與前輩們聊天，聽取職場建議，皆獲益良多。兩杯紅酒還要是歡樂時光價，換來情報、對格局的新視角，抵。然後繼續確認一個結論：要學做好產品設計，首先要學識點做人。 圖9 — 七月三十一：Clubhouse 與鄰校之友 年頭在風靡一時的Clubhouse上偶遇中學時相識的鄰校朋友，半年後約了出來見面，談談大家自從當時相識之後的生活，及近年近況。就這樣消磨了一整個下午。 圖10 — 七月三十：不醉無歸 與朋友在「時間吧」中飲到唔知時間。是可遇不可求的一晚。學當晚某人話齋：「時間好似過咗好多年，但一切都冇變過。通常只有家人或愛人先可以見證自己嘅變化，所以可以見證大家成長，係一種幸福。即使大家長大後會講結婚買樓生仔，但嗰份友情和質感都冇變。人大了，覺得有愛就要表達。」 朋友說得對：有愛想表達就表達。 世界很簡單，有人想見就見，有事想做就做，沒有什麼不可以，只是人類很複雜。 「想做就做，想見就見，想愛就愛。」這是七月的暑期課。

進步係因為 #習慣 而開始🤓⁣ ⁣ 試想像一下，若然你每日碌手機嘅習慣，唔係碌手機，而係 #溫書 ，你想唔係 #學霸 都好難😹。所以，首先我好欣賞呢位同學，因為佢起碼問啱咗問題——進步從來都係靠 #建立習慣 。⁣ ⁣ ------------⁣ 咁點樣建立習慣🤨⁣ ⁣ 建立習慣有咩方法呢？理論多多，一匹布咁長，但簡單咁講：不如你觀察吓自己本身已經有嘅習慣，究竟有咩特別？⁣ ⁣ 例如 #刷牙 ，話說 #牙膏 最初發明嘅時候，係無味又無泡嘅🤢，結果銷量麻麻。⁣ 後來，牙膏公司加入薄荷味 ，同埋令到你刷嗰陣會起泡，結果銷量大增，點解？🤔⁣ ⁣ 因為你睇得到自己刷咗牙🪥——嘩！刷到起曬泡，一定好衞生啦！😍⁣ 甚至連人哋都知你刷咗牙🦷——嘩！陣薄荷味仲要咁香，聞到無口臭都知好衞生添呀！🤪⁣ ⁣ 衞生，係「抽象」嘅；起泡，係「具體」嘅。⁣ 溫書都係一樣：大腦多咗知識，係抽象嘅🧠，所以你要搵具體嘅證據，證明畀自己睇，自己溫咗書📚。⁣ ⁣ ------------⁣ 話說賭 Sir 我係一隻無雀嘅腳仔🐦，基本上係無王管嘅😛，所以我要自己管自己，包括自己幫自己建立習慣去做事。⁣ ⁣ 上面張相係我枱面嘅一個建立習慣神器——每當我完成我要建立嘅習慣一次，就從右邊個杯裏面，拎一骰仔出嚟🎲，放喺左邊個杯。每次骰仔撞落杯底，都會有聲，好似打機升 Lv. 嘅音效咁👾，同時呢個杯嘅骰仔數量，就代表住我嘅進展，可視覺化，睇得見進步，歡迎大家參考💁🏻‍♂️⁣ ⁣ ----------⁣ #DSE備試王 會教你實用嘅溫習方法、糾正你學習迷思；保證講嘅 Skillset #即學即用🔥⁣ ------------⁣ 🎲賭Sir｜高階數學考試專家⁣ ⁣ 🎓21 項數學公開試．以一 Take 過考取完美戰績⁣ ⁣ DSE：Math+M1+M2【5**】⁣ CE & AL：Math+A.Math+Pure+Applied【A】⁣ IAL：C12+C34+F1+F2+F3+M1+M2+M3+S1+S2+S3+D1【A】⁣ IGCSE：Mathematics+Further Pure Mathematics 【9】⁣ ⁣ 🖥最高人氣補習網紅‧貼地教數別樹一格⁣ ⁣ 頻道 #杜氏數學 2016年創辦，訂閱65,000+，多條教學影片點擊100,000+；2018年獲出版社邀請，撰寫暢銷書《5**數學男人嫁得過》推廣「聰明應試」理念，並鼓勵年青人堅守自信。⁣ ⁣ 🧠以心理學、高效學習融入補習教育當中⁣ ⁣ 從中文大學風險管理學士畢業之後，鑽研超速學習法（Ultralearning）及教育心理學，將高效學方法先行用於自己身上，無間斷學習新知識；四年後重返校園，完成中文大學數學碩士（大數據分析）課程，期間考入門薩學會（Mensa），實證超速學習法。⁣ ⁣ 🏆座右銘⁣ ⁣ 好多人以為自己因為對數學無興趣，所以數學低分；事實剛好相反：因為自己數學低分，所以對數學無興趣。試諗下，若然你有歌神嘅聲線，你仲會對唱歌無興趣嗎？⁣ ⁣ ------------⁣ #健身 #健心 #健生 #健腦 #數學 #DSE #dser #math #maths #afterschool #dsemath #examskills #mathtutor #followme #2021DSE #2022DSE #2023DSE #tutor #mathtutor #DSEfighter #tutotial ⁣

. 我喜歡人多口雜，喜歡人人都可以說自己喜歡的事情。 我喜歡漢字，就說「雜」的漢字吧。 「雜」的故事要由三隻雀仔開始說起。 從前，有三隻叫做「隹」的雀仔飛到了一棵樹上，便成了金文的「雧」字。 . 「雧」字是什麼意思？其實你懂的，它就是後來被簡化了的「集」，用雀仔群立樹上來表達「聚集」的意思。 其實不只限於雀仔，任何事物聚在一起，人們都稱之為「集」。 其中一種「集」，是縫製過程中的其中一個步驟，就是把不同顏色的布料聚集一起，縫製成衣服。 為了專門表示這個程序，人們為「集」字加上衣旁，成為了「襍」。 . 大概這幾塊布縫得不太好吧，「襍」字的幾個部件開始慢慢移位，「集」分離成為「隹」和「木」，而那個「木」繼而向左邊漂移，去到了「衣」字下面。 你現在可以嘗試寫寫，左上角一個「衣」，緊接下邊一個「木」，然後右邊一個「隹」，會是什麼字？ 對，就是「雜」。 . 「雜」的本義就是把布料重疊縫紉在一起，後來衍生出「複雜」的意思。 所以，粵語「雜」和「集」同音並不是偶然。「集」本來就是「雜」的本字。 很複雜吧？ 沒法子，漢字的故事不是幾塊布而已，而是一匹布咁長呀。