[小編的話]
今晚Edmond Poon YouTube同bigbigair facebook
會直播抽攤位同簡單介紹每個攤位嘅產品
仲會同大家講吓我哋個攤位兩日唔同時間到底有咩活動進行
今晚九點見！

----------------------------------------------------------

尋日Edmond都賣咗個關子
我哋會特別準備市集先賣嘅紀念福袋
特別發售四葉水系列，包括原味、聖木同白鼠尾草
特價發售$520 （因為我哋愛你）
再送埋七色花香薰浴鹽試用裝
仲送埋新產品聖木味潤唇膏（都係未有得賣）
一個價錢五種享受滋潤埋你個嘴仔
限量發售，售完即止

Bigbigair 攤位同場特別預購
恐怖在線13吉祥麻雀 （200副）
一樣都係賣完即止

【英國的另類日常】

太開心了!
沒想到來左英國咁耐都沒有機會做的事，
終於做到了!

各大中超/Amazon一般都能買到麻雀枱，
但麻雀+枱的價錢合計通常都過百鎊。
而且還要夠人才能打，
所以一直都沒成事。

想不到最近新認識的朋友仔，
家中就有一副。
昨天突然問起我和Y先生會不會打麻雀/打啤牌呢?
2+2 剛好夠腳，隨時開枱 😆
而且我們住得極近，
才不到10分鐘的車程!

擇日不如撞日，
Y先生下班後回家吃了點東西就過去了。

Y先生雖然熱愛打機，
但向來抗拒/不支持一切有賭博成分的玩意。
就算連六合彩佢都反對我買。

Anyway, 最後我們打了4圈才結束。
由9點幾打到1點半才完😅
因為Y先生完全不會打，
加上下班後已經很累了，
個腦運作遲緩。
到後來開始熟習了速度已經快很多，
也出現了不少刺激的場面。

我們只打籌碼不計錢，
埋數後是Y先生輸得最多😅
不過也是1/3 左右。
我也輸了一點點。

回家後他說這個遊戲不好玩，
很用腦又眼花。
是個痛苦的遊戲。

原來他完全唔認得d牌，
回家後跟我說他要逐粒/逐條數才能確認是幾多筒&幾多索。
WHAT?!

如此新穎的做法我真的是聞所未聞。

小時候放暑假婆婆會開麻雀給我們玩「崩牙仔」這個遊戲。
任務是每人選一種花式，(我最愛索子)
鬥快儲齊一套9款每款4隻。
洗好牌後全部向下，
排4行9隻，
由「崩牙仔」先在右上角開出一隻。
拿到不是自己花式的就交給對方。
很快就認清了所有圖案。

另外圖文不符的要講下Tux(Kiki) 。
(圖中是Hanzo, 他太愛爬窗了，但仍不敢跳出去，但就提醒了我要抹窗-.-試過其中一隻窗框原來積了黑塵，他踩完後弄得四處都是黑腳印)

前陣子護士的男友生日在家中開Party,
2am幾發現Tux唔見左，
嚇得他們馬上出去搵。
他們住的地方很郊外，
附近有很多Fields,
搵到天光6am幾都搵唔到。
但就有見到Shadow和其他貓和動物。

正當他們很擔心要怎樣跟我們交代時，
Tux從一隻蠻高的窗跳回了家-.-
牠的左腳已完全的康復了。
現在他們不敢再開窗。

Tux 的右腳應該要8月才有期進行手術。
加上最近Y先生的老闆其中一隻手被客人的狗咬傷了，整隻指甲飛脱 (⊙＿⊙)
要等他回復狀態才可以協助手術。

【我屋企樓上成日半夜傳出拉枱拉櫈嘅聲】２

「看更呀唔該…麻煩你可唔可以幫我留意吓…我樓上每晚凌晨都好似有人搬傢私咁，好嘈好滋擾，可唔可以幫我同樓上講返聲？」

坐在更亭內嘅看更抬頭望一望呀東，猶豫咗一陣，想了想：「呃，唔好意思郭生，你係20…？」

「20C 。」

「吖係，好，好，我幫你了解下。」

「唔該。」

x　x　x　x

「嘩你個樣好謝喎。」

東：「係…呢排訓得唔係咁好…」

「係咪個枕頭高度唔岩呀？我早排買咗個記憶壓力枕，訓落幾好，一撻上去，半秒即訓，你洗唔洗買返個？定還是你張床褥訓咗太耐？唔係喎，你好似新搬架喎。」

佢姓專，叫家輝。唔知係咪由細畀人嗌「專家輝」「專家輝」嗌得多，佢晌每個范疇都能夠即時拋出一大堆理論及見解，狀甚專門。但信唔信呢則悉隨專便，無話好唔好。

呀東無講，我每晚都比樓上嘅搬枱搬櫈怪聲嘈醒，無覺好訓。

嚇親人之餘，人地仲會以為你short short地，講黎無謂。

作為一個地產代理，時刻都要畀人一種專業，撈得掂嘅感覺，人地先至會信你，你同人講自己住嗰到有d怪事，叫人點幫襯你？專家輝晌呢行撈得風山水起，都唔係不無道理，起碼佢d書包拋出黎，總係似模似樣。

做AA有時真係慘過做狗，朝１０晚１０，公眾假期唔關你事，日曬雨淋，著套老西周街走，晌公司畀大佬插，晌街畀d業主呼呼喝喝，一個唔覺意無單返，就隨時食白果，惡性循環咁再周圍coldcall 有無客想賣樓想睇樓，然後畀人再度噴到一面屁，日日總係帶埋阿媽返工，名副其實嘅 Absolutely Asshole。

差唔多黃昏六點，有兩公婆帶埋個細佬仔walkin話想睇樓，根據兩人意向及budget，呀東就帶住佢地一家上咗去太子道一幢都差唔多四十年樓齡嘅大廈到睇樓。

搭lift期間，呀東落足嘴頭，努力打開話匣子。

呀東：「幢大廈岩岩翻新過，幾好架。」

兩公婆：「嗯…」

呀東：「市區樓，呢個價錢真係最後呢間喇。」

兩公婆：「嗯…」

呀東：「正所謂早買早享受，而家真係做遲一個禮拜決定都影響一生哈哈哈。」

兩公婆：「嗯…」

然而，兩公婆一路上都無乜交談，心事重重咁樣。

呀東心諗：「屌你咩，係咪有心睇樓架？愁眉苦臉咁，叫你賣咗個仔畀我咩！之不過，你肯賣，我都咪搞啦，瘦猛猛好似無啖好食咁！」

當然呀東無咁講出後，仍然綻放出既專業又友善嘅微笑黎到單位門前。

「嗱，業主呢就想做其他投資所以想賣呢度，個盤放咗都唔夠一個禮拜咋…」呀東一如既住咁先敲敲門，然後拎出鎖匙插入鎖匙孔，正想扭開門之際，突然：

「咪住！入邊有人？」

男客人一聲嗌咗出黎，呀東都當堂lag咗機，然後吞吞口水：「呃…無架…業主唔晌單位裡面…吉屋黎嘅…」

「你等等。」男客人示意呀東先唔好打開大門，然後自己將耳仔靠近，慢慢咁貼落大門。

氣氛一時變得緊張，女客人手掩著小孩的頭，呀東站在一旁，靜候其變。

「有人晌入面打緊麻雀喎。」男客人媛媛的道。

雖然男客人說來輕鬆，但說話的內容卻詭異之極，形成了強烈的對比，呀東結結巴巴的說：「呃…唔會卦，應該係聽錯啫，或者隔離屋啊…」

呀東強裝鎮定，敲敲大門：「打搞晒，黎睇樓架。」

一邊又對後面一家人說：「哈哈，應該就唔會有人嘅，不過可能有時咁岩有第個agent都上咗黎睇樓，所以有聲卦哈哈…」

一邊低頭繼續扭開匙孔，心中默念：「有怪莫怪有怪莫怪細佬搵食啫…」然後「卡」一聲推開大門。

大門推開的那一瞬間，呀東其實係萬分咁淆嘅，他想像到，如果真係如後面呢位阿生咁講，一開門，有一枱麻雀晌空空如也嘅單位內打緊，喂…都唔知點算好？打搞晒？阻住大家叫糊真係唔好意思？

好彩。

一開門，乜事都無，正正常常吉屋一間。

「哈哈哈，幾位請…哈哈哈，係隔離應聲啫…」

呀東鬆一口氣，這家人亦戰戰競競入屋，呀東則帶領佢地四圍瀏覽。大廳、睡房、廁所逐個位介紹。期間，兩公婆不時問埋d令人莫不著頭腦嘅問題，例如：

「點解呢度有灘水漬？」

「老公我覺得一行入個睡房就好頭暈。」

「對面層樓做乜掛咁大個八卦射住呢邊？」

「你老實同我講個業主因乜要賣樓？」

做咗呢行都四、五年嘅呀東，其實都心裡有數。佢相信，呢家人，特登講埋d古靈精怪嘅嘢，務求營造到呢個單位好恐怖，一文不值。

睇完，落到電梯大堂，呀東循例問句：

「仲有幾個盤晌附近，有無興趣睇埋？」

「唔駛喇，謝謝。」

然後，眾人道別。

呀東：「有咩嘢，記得call我，再見。」

兩公婆：「好，知道，拜拜。」

細路仔：「拜拜哥哥…拜拜...婆婆…」

呀東：「呃…」

呀東望一望細佬講拜拜嘅方向。

女客人：「呃，榮仔唔好亂講嘢，殊。」

呀東仍然勁nice微笑：「嗯，拜拜。」

當然，呀東心諗：「仲黎？屌你家人，成班晌到整式整水，d戲又屎，抵你地一世買唔起樓，幫人交租啦！仲要搵埋個仔黎交戲，而家d上一代真係唔長進！」

收工，今天又是白果day。回到自己的公寓，夜班看更早已就寢，呀東希望早更位看更有替自己跟進樓上嘅嘈音問題，他真的需要訓一覺好的。

可是，期望終歸期望。

凌晨三點，呀東再度被樓上來的怪聲而驚醒，好響好響，正當佢想拎起枕頭遮蓋在耳上嘅時候，佢發現...

（待續）

佢發現佢發現佢發現佢發現佢發現佢發現咩呢？？

大家久等，今次出返長d。叫定frd子入黎睇下呀東點算，同時如果你都有朋友三更半夜會聽到樓上推傢私聲嘅，tag定佢入黎…話佢知無事嘅…

夠８８個分享繼續。
多個１００分享會加速。

#深宵福利 #離奇 #鬼故 #鬼 #靈異 #不可思議 #離奇家遮 #恐怖 #香港 #文字 #怪聲 #拉枱拉櫈

IG : donotsayhello

【失傳行業】兒時窮人恩物豬油渣麵　堅持自己炸仲有呢間
https://bit.ly/2HjeZVr

豬油渣麵本是上世紀六、七十年代街頭的流行小食，因價錢平民又飽腹，很受貧苦大眾歡迎。但隨着香港經濟起飛，香港成為美食天堂，選擇多樣化，各國美食都有，加上現代人注重健康，覺得豬油渣不健康，這等不起眼的小吃幾近淘汰。

老三油渣麵王
地址：土瓜灣新山道4號長城大廈地下1A鋪
電話：6736 2623
營業時間：12nn-11pm

末代蛇王靠蛇羹吊命 行家被毒蛇咬救唔返：做地盤都無咁危險 (05:06)
https://bit.ly/3l8URmL

成叔十三歲就跟着當蛇王的父親工作，自小就不怕蛇，邊撕着蛇皮，他邊緬懷過去劏蛇的盛況。在九十年代以前，每間蛇店都擺着一個放滿蛇的蛇箱，客人會來店前買走一副副劏好的新鮮蛇肉：「嗰陣時煲個蛇湯係一日人工，啲人都叫負擔得起，而家？五、六百蚊買蛇肉，加埋啲材料，成千蚊一煲湯，唔係個個食得起。」如今，蛇店購入活蛇數量大減，從東南亞購入的蛇肉，都已經是半製成品，用作煮蛇羹。幸而，蛇羹依然有大量的捧場客，成叔估計，冬季時分一天賣上過千碗，勉強補貼了夏天的虧損，「蛇王呢一行根本就應該列做高技術人士，不過而家落後啦，冇人欣賞。」

蛇王業
地址：深水埗南昌街139號地下
電話：2728 8675
營業時間：11:00AM - 10:00PM

地址：旺角廣東道1076號地下
電話：2771 4898 / 2771 4998
營業時間：11am-8pm

是菜是茶？小店賣汕尾家鄉菜茶 老闆：好嘢唔想佢失傳
https://bit.ly/2Tr4VQ7

就如汕尾海陸豐人的菜茶，就列入了香港非物質文化遺產之一。對汕尾人棉姐而言，菜茶就如太陽般，自小就曉得它的存在。她興高采烈地表示，菜茶其實還有別名，就是「開丁茶」，取其好意頭。每逢過年、有客人到訪或是添丁之喜，都會製作菜茶慶祝。所謂菜茶，就是把多種蔬菜切條，正切着椰菜的棉姐開口道：「咩菜就要睇時令，菜要逐樣炒好再撈埋粉絲同大地魚粉一齊。」

粿然好味
地址：太子界限街41C號鋪
電話：2295 0959
營業時間：10:30am-11pm

獨門柴火燒肉皮脆肉香 香港最後一家地爐燒豬 師傅每朝四點半開工：退休的話就成歷史
https://bit.ly/3fBtUH8

榮興儀記的地爐，屹立至今已逾六十年。踏進工場，內頭共有三個爐，每個直徑五呎，深八呎，由磚和瓦片砌成。火爐看似尋常，但其實是座歷史遺跡——鑑於環保條例，政府於1986年已停止發牌，地爐因而漸漸絕迹。加上太空爐盛行，沒有人願意花時間燒柴做豬，店家全都轉行。沒老字號堅持，沒後來者接力，最後只剩一家，全港僅存。今年53歲的李權新，是字號第二代傳人，於火爐前工作了28年。他亦笑言：「行內我應該最後生了。」乾笑聲中，聽出行業如何青黃不接。


榮興儀記
地址：屯門藍地桃源圍1號

季季紅風味酒家
地址：屯門藍地大街1號
電話：2462 7018
網址： http://www.redseasons.com.hk
註：地爐工場已易手至季季紅風味酒家。如欲享用地爐燒豬，可到訪他們旗下酒家。

【失傳行業】香港仔35年魚湯艇仔粉 64歲檔主一腳踢燙傷也堅持：全港所剩無幾 (4:35)
https://bit.ly/3fi7cnm

流叔1980年代初開始做艇仔粉，他不是水上人，但見親戚做得有聲有色，遂頂手一隻艇試試，就這樣，靠一門小生意，養活了一頭家。一艘艇，麻雀雖小，但五臟俱全，他在此煲湯、淥粉、斬燒味，由早上六時開始準備，忙至傍晚五時做完清潔才回家。只他一人，凡事一腳踢，對六旬老人來說，也算辛勞。

流記 香港仔艇仔粉
營業時間：10am-4pm
電話：9140 2628
Facebook：流記 香港仔艇仔粉
註：平日可致電給流叔，約實位置吃艇仔粉






===================================

? 8折全年睇《蘋果》即慳$121！
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube： http://bit.ly/2Md5V2k
Facebook： http://bit.ly/2MJejcp
Instagram： http://bit.ly/2EA3qpR

推薦影片:
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) (https://youtu.be/7CUTg7LXQ4M)
【街市尋寶】慈雲山街市 二百幾萬機器鮮製$24午餐肉 肉彈味濃無添加日賣500份 (飲食男女 Apple Daily) (https://youtu.be/rTrYPzECHI0)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女 Apple Daily) (https://youtu.be/svAF8pKszw0)
【假如沒有天價租】「福食」三老　唔靠綜援靠自己 (果籽 Apple Daily) (https://youtu.be/aUE2oQIDoV0)
【籽想旅行】直擊東南亞首個人妖騷後台　變性舞台一姐的日與夜 (果籽 Apple Daily) (https://youtu.be/CBBq_D0-Lsg)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 AppleDaily) (https://youtu.be/e3agbTOdfoY)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)

#豬油渣麵 #蛇王業 #菜茶 #粿然好味 #榮興儀記 #艇仔粉
#飲食男女 #StayHome #WithMe #跟我一樣 #宅在家

飲食男女 打卡大街小巷搵食地圖
https://hk.adai.ly/e/gPF0DIjsB9

《蘋果》每日為你增值 立即訂閱
https://hk.adai.ly/e/kbo0wDsxB9

梁師傅的店在熙來攘往的觀塘中可謂毫不起眼，小小的店面給人的第一印象大概是：雜。店內琳瑯滿目的商品有麻雀、排九和時鐘，再走進一點又會看到玻璃櫃內一排排手錶、金筆、火機、鎖具、煙絲、再加多一部鎖匙切割機…。看似雜亂無章又好像亂中有序。抬頭一看招牌：「觀塘鐘錶平價商場」。也許你會暗忖，小小地鋪這麼大口氣叫自己做商場？可是仔細看看的確是麻雀雖小，五臟俱全。

坐在店內櫃枱後面的梁師傅正在專注地修理鐘錶。右眼戴着黑色放大鏡，低着頭的他只見滿頭白髮，手勢利索在替比五毫子還細一圈的錶面更換零件。在他跟前是各式各樣的工具，有夾子有牙籤有氣泵和各式零件，還有各種叫不出名字的器具。看他在不同工具中切換自如，不時又把手錶翻來覆去仔細推敲，見他將像睫毛一樣幼細的一根秒針兩下子就安裝好了，穩陣又精準。像他所說修錶像治病，也講求望聞問切，對症下「藥」方能令它起死回生。


手機普及，消費主義盛行，現在會來修錶的人和從前相比不可同日而語。可一個下午前來修錶的客人有老有少，雖說不上絡繹不斷，但也算是做不停手。一時這個說要換電，一時又有人要換錶帶，都是幾十元的生意。難怪梁師傅說修錶「搵唔到食，最主要都係做買賣。」就算是幾十萬的名貴手錶，再多奇難雜症，在外面的大修錶行可能要收幾千元，在這裏幾百元就有交易，他說「有得整咪整囉，丟掉了可惜嘛。」

除了修錶，幾十年來梁生做過的生意也是百花齊放，一開始靠買賣二手名錶起家，亦做過裝修，水電。人到中年，一次賭馬買中大冷門，中了百幾萬，那時候的百幾萬可以買幾層樓，放到現在跟中了幾千萬差不多了。中了馬之後意氣風發，很快又把錢輸光，差點連鋪位都要賣掉，慢慢又贏回本，起起落落幾十年，現在千帆過盡，說起以前的日子梁師傅一副津津有味的樣子。


要是修錶不賺錢，那為何到八十多歲還在堅持？梁師傅說得雲輕淡薄，他說現在人老了沒有年輕時拼搏，現在有自己的店，妻女也不時過來幫忙，過過安穩的日子也不錯。他又說，手錶不是甚麼重要的寶物，像配鎖匙，修錶這些技藝，再精通，客人可能轉過頭就忘記了。可是再微不足道，看到梁師傅如數家珍地介紹不同客人帶來的手錶，和種種回頭客的故事，證明凡事只要做得夠精夠好，還是會有回響。

觀塘面臨重建，附近不少鋪位已人去樓空。梁師傅跟政府為收購的價錢不合而爭持不下，但倒也沒有甚麼放不下，「我八十幾歲啦，大不了退休！別人八十多歲都要拿拐杖啦，難得我還有氣有力。」說罷又拿起一邊吃着的杯裝雪糕慢悠悠又吃了一口。

採訪：周莉齡 鍾楚琪
攝影：周莉齡 鍾楚琪
剪接：鍾楚琪

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)