李香琴廣告你唔講

琴姐離世，這些曾經花了大半生在演藝工業的元祖級前輩，似乎愈長壽、逝世時愈少人記得。淡出、息影、老去，最後是淡忘。

天道，四季，事業、人生，都有春秋夏冬，合乎自然，其實很正常，不必太惋惜。退了、自然不可能長春長青，最理想當然是在世時得到合乎比例的肯定，離世時得享夠尊重和充實的回顧，淡而未忘。

李香琴的代表作，多在粵語片、電影、電視劇，廣告參與也有，好像談不上深入民心。主流媒體都沒怎提到。

但我頗記得8年的Snickers朱古力廣告，琴姐演未食Snickers版肚餓仔，踢波冇氣冇力似足阿婆，一食咗，就由琴姐變返大好青年，仲好好腳法㖭。

點解回顧琴姐的一生，一個相對近代的廣告唔講？未夠經典？這個Snickers都應該講吓吖，冇人講，咪我講囉。

談廣告、或者一個人的作品，重其代表性，也計當時的流行程度，被記起和未有提之間，可能是“one of”與“The”之別。

(有concept架呢個，個celeb唔係concept ok！)

#琴姐 #李香琴 #Snickers
#幾年出位之作 #廣告作品冇人講
#冇人講咪我講囉
#畢明又講吓廣告
#有concept架呢個 #個celeb唔係concept呀ok
#跟regionalconcept嘅
#oneof與The之別

《關於粵語的謠言下篇》陳心遙
《信報》2018年5月16日《視線所及》專欄

同人解釋粵語點解要保留落嚟，唔一定要喺歷史度搵答案，更加唔好搵錯嘅答案。例如話唐詩宋詞係用粵語寫出嚟，呢個絕對係謬誤嚟，以前冇電子媒介、冇錄音機、中文又唔係拼音文字，發音已歷千變萬化，而且各地不一；好似《尋秦記》咁現代人穿越返去秦漢唐宋都唔可能溝通到㗎。粵語同埋好多南方嘅方言，其實係保留咗中古語音嘅特徵，例如入聲，加上字滙相通，只可以話用粵語誦讀一定比普通話有韻味，也合平仄格律。
另一個傳遍天下嘅謬誤係話：當年粵語係喺全國決定共同語嘅投票入面，以一票之差輸咗畀普通話，仲話呢票係廣東人孫中山投嘅㖭。事實係喺清末到民國初年，無論政府定知識分子，都覺到要成為現代世界嘅民族國家，一定要改革語言，其中一項就係統一全國發音。
其實清末已經制定法案以北京話做國語，到民國初年，教育總長蔡元培邀請曾留學歐洲嘅吳敬恆，召開「讀音統一會」，徵集咗全國各省熟悉字音嘅專家，一人一票，逐粒字投票，會議中有好多爭拗，最後一個月通過六千五百幾個字嘅標準音，史稱為「老國音」。個會入面廣東代表係少數，唔可能以粵語凌駕其他方言。
當時各方已有共識「以北京音為主，兼顧南北」。嗰陣仲保留住入聲。之後又有北京音同國音嘅爭議、同埋以「國音京調」為圭臬作改革，到咗二十年代正式宣布以北京讀音做全國標準發音，是為「新國音」；大抵同今日嘅普通話相同。由此可見，所謂廣東話差啲成為國語之說，純屬子虛烏有。網上仲有流傳中國其他方言差啲成為國語嘅版本，全部都係謠言；背後，可能代表有人喺普通話強勢嘅情況下，保留母語同埋自己文化嘅心情。
統一語音嘅運動，有中國嗰陣嘅現實需要，例如列強環伺，要盡快確立民族意志；人多地大、語音紛亂，亦有礙提升教育水平同科學進步等等，簡化字嘅改革亦係有同樣背景。當時大概冇人估到而家有咁多渠道可以瞬間將概念同思想傳遍千里，好多人都唔需要執筆寫字，教育水平提高，每個人都可以好好咁學習同運用兩種甚至更多嘅語言。
即使喺同一個國家，都可以容納唔同文化百花齊放；更何況語言嘅活力，本來就係植根於人嘅日常生活，而各地所謂「方言」，正係保存所有文化細節嘅載體嚟。愛我中華文明嘅朋友會知道：一棵只有主幹冇開枝散葉嘅大樹，難成巨蔭。

#關於粵語嘅謠言下篇 #關於粵語嘅謠言 #粵語 #廣東話 #母語 #我母語係廣東話 #信報 #陳心遙

《第37屆金像獎後感》陳心遙
《信報》2018年4月18日《視線所及》專欄

好多嘢可以講，冇乜組織，唔好見怪。
一、大家覺得最動人嘅都係「終身成就獎」楚原先生嘅感言。抑揚頓挫嘅節奏、又自信又謙卑嘅態度、歲月醞釀而成嘅智慧，無論你係唔係電影工作者都會動容，都有啟發。回顧佢電影工作嘅經歷，就好似回溯香港電影嘅前世咁樣；等好多年輕嘅觀眾甚至電影人可以思考下港片嘅處境。譬如大家都話開戲好艱難，又畀所謂「商業」牽住鼻子走，但試問又幾時唔係過呢？至少近年我未聽過有老闆會喺開鏡前一日撕爛通告囉。至於粵語電影，睇番歷史，曾經有幾年係極少甚至完全冇新作品面世。對比現在，就算商業片衰落，章國明導演話齋，揸住一部相機，一張記憶卡，一部電腦，一樣都講到故事拍到電影。如果，我話如果，作為一個產業，港產片式微，養唔起咁多家庭，或者香港嘅粵語人口減少，大部分人都要北上先有資金拍商業電影，咁係咪代表香港電影畫上句號？定係香港電影可以頑強地以另一形式存活，等待另一個「東圈」呢？
話時話，大家分享楚原嘅感言，不如集氣呼籲叫電視台重播楚原嘅經典作品。唔知每年金像獎會唔會同電影資料館或藝術中心合作，喺金像獎之後舉辦「終身成就獎得主嘅作品展」呢？如果冇出年可以考慮下。
二、大家冇乜談論今年金像獎多咗一個叫「金像同行」嘅環節。大會藉呢個萬人關注嘅平台，為一個未必咁多人留心嘅弱勢群體發聲。今年合作嘅係「香港罕見疾病聯盟」。聽講頒獎禮之後會有其他相關宣傳活動㖭，呢個值得大家留意㗎。
三、大家睇電視未必知，全晚金像獎都有「英語」同「手語」即時傳譯。每年嘅香港電影金像獎其實唔單止係香港電影，仲係香港文化嘅櫥窗嚟。你可能話你唔睇都唔知香港原來舊年拍咗咁多部「香港電影」，我諗呢個正正就係金像獎嘅功能，唔單止你，內地、台灣、東南亞，以至全世界都可能因為金像獎對香港電影多番啲認識同興趣。
四、出爐影帝古天樂言簡意賅，就係「我哋香港人努力做番好香港電影」。香港電影最後係屬於香港人嘅。冇錯，佢係老闆嘅投資，佢係明星演員嘅光環，佢係導演編劇嘅創作，佢係幕後從業員嘅飯碗；但佢同時又係娛樂、商品、藝術品，但最後佢係香港歷史嘅見證，香港生活嘅寫照，香港文化嘅遺產。香港電影，命運從來只在香港人手上。請繼續支持香港電影。

#第37屆金像獎後感 #香港電影 #信報 #陳心遙

一畢業，大部分人都會經歷過「面試」嘅階段
不過就算你做咗幾充足嘅準備都好
你都系永遠估唔到
面試官會拋d乜嘢問題畀你
面試嘅過程就好似一個攻防戰咁
一問一答 一攻一守
有時似鬥智鬥勇多過瞭解彼此㖭
究竟系面試官太天真
定系面試者太蠱惑
今期撻爺帶大家睇下
究竟大家面試都遇到過d乜嘢奇葩問題？
你又會點樣見招拆招？
去片啦！
————————————————————
知嘅就知你去見工
唔知嘅仲以為你去相睇吖！
你哋又有冇乜嘢難忘嘅求職經歷
快d轉發同留言！等大家同我哋分享下啦！

#你好嘢 #愛粵語 #IloveCantonese

關注我哋?：https://bit.ly/34bU786
廣州咁好玩?：https://bit.ly/2RFChaN
更多街訪?：https://bit.ly/2E5JclF



你識唔識
梓軒？嘉欣？
身邊有冇朋友被人叫做
大頭？短人？
細個嘅時候好朋友都中意互改花名
親暱嘅、邪惡嘅
通過比喻、誇張、諧音
身體部位、特徵改嘅乜嘢都有
包羅萬象
只要互相唔介意
仲可以提升感情㖭
（溫馨提示：介意就唔好啦分分鐘絕交啊！）
撻爺今次決定問下班街訪！
睇下邊個名最常見！
乜嘢花名最盞鬼！
——————————————————
姓名受之父母
花名就受之你d老死
都系包含住愛同意義㗎（誤）
如果你身邊有d老是常出現嘅名～
或者有d超盞鬼嘅花名～
記得留言同我哋分享啵！

#你好嘢 #愛粵語 #IloveCantonese